ᔪᐊᓇᓯᐅᑉ ᐊᒡᓚᖏᑦ 15:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᓇ ᑕᕝᕙ ᐱᖁᔭᕋ, ᓇᒡᓕᒋᖃᑦᑕᐅᑎᖁᓪᓗᓯ ᓲᕐᓗ ᓇᒡᓕᒋᒐᑦᓯ.

Aglait Ijjurnaittut

¹² Una tavva piqujara, nagligiqattautiqullusi suurlu nagligigassi.

ᔪᐊᓇᓯᐅᑉ ᐊᒡᓚᖏᑦ 15:12 ပူးပေါင်းရင်းမြစ်များ

ᒪᓚᑬᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᓇᒡᓕᒋᓚᐅᕐᐸᑦᓯ.” ᐅᖃᕐᐳᓯᓕ, “ᖃᓄᐃᓕᐅᕐᓗᑎᑦ ᓇᒡᓕᒋᕕᒋᑎᒍᑦ?” ᐊᑕᓂᖅ ᐅᖃᕐᐳᖅ, “ᐄᓴ ᔧᑰᑉ ᖃᑕᓐᖑᑎᒋᓚᐅᓐᖏᓛ? ᔧᑯᓕ ᓇᒡᓕᒋᓚᐅᕐᐸᕋ.

ᔪᐊᓇᓯᐅᑉ ᐊᒡᓚᖏᑦ 13:34

ᐱᖁᔭᒥᒃ ᓄᑖᒥᒃ ᑐᓂᓯᕕᒋᕙᑦᓯ, ᓇᒡᓕᒃᑎᒌᖁᓪᓗᓯ; ᓲᕐᓗ ᓇᒡᓕᒋᓚᐅᕋᑦᓯ, ᑍᒫᒃᑕᐅᖅ ᐃᓕᑦᓯᓐᓄᑦ ᓇᒡᓕᒃᑎᒌᒃᑐᒃᓴᐅᒋᕗᓯ.

ᔪᐊᓇᓯᐅᑉ ᐊᒡᓚᖏᑦ 15:17

ᒪᑐᒥᖓ ᐱᖁᕙᑦᓯ, ᓇᒡᓕᒋᖃᑦᑕᐅᑎᖁᓪᓗᓯ.”

ᕉᒪᒥᐅᓄᑦ 12:10

ᓇᒡᓕᒃᑎᒌᒋᑦᓯ ᐅᒃᐱᖃᑎᒌᑦ ᓇᒡᓕᖕᓂᖓᑐᑦ; ᐊᓯᑦᓯᓂᒃ ᐅᐱᒋᔭᖃᕐᓂᖅ ᐊᒃᓱᕉᑎᒋᓯᐅᒃ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:12

ᐊᑕᓂᐅᓪᓗ ᐱᕈᕐᐸᓪᓕᐊᑎᓪᓕᓯ ᓇᒡᓕᒃᑎᒌᖕᓂᕐᒥ ᐃᓕᑦᓯᓐᓄᑦ ᐃᓄᓕᒫᓄᓪᓗ, ᐃᓕᑦᓯᓐᓄᑦ ᓇᒡᓕᖕᓂᑦᑎᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:9

ᐅᒃᐱᕐᑑᖃᑎᒌᓄᓪᓕ ᓇᒡᓕᒃᑎᒌᖕᓂᕐᒥᒃ ᑎᑎᕋᕐᕕᒋᔭᕆᐊᖃᓐᖏᓚᑦᓯ, ᓇᖕᒥᓂᖅ ᒎᑎᒧᑦ ᐊᔪᕆᕐᑐᕐᑕᐅᓯᒪᒐᑦᓯ ᖃᓄᖅ ᓇᒡᓕᒃᑎᒌᒃᑐᒃᓴᐅᖕᒪᖔᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:3

ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 3:8

ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.

ᐲᑦᑐᕉᓯ ᓯᕗᓪᓖᑦ 4:8

ᐊᖏᓂᕐᐹᒥᒡᓕ ᓱᓕᓪᓚᕆᒃᑐᒥᒃ ᓇᒡᓕᒃᑎᒌᒃᑐᒃᓴᐅᕗᓯ ᐃᓕᑦᓯᓐᓄᑦ, ᓇᒡᓕᖕᓂᐅᑉ ᑲᒪᒋᔪᓐᓇᕐᒪᒋᑦ ᐊᔪᕐᑐᓕᓃᑦ ᐊᒥᓱᑦ.

ᔪᐊᓇᓯ ᓯᕗᓪᓖᑦ 3:23

ᑖᑦᓱᒪᓗ ᐱᖁᔭᖓ ᐃᒤᑦᑑᕗᖅ: ᐃᕐᓂᖓᑕ ᐊᑎᖓᓄᑦ ᔩᓱᓯ ᙭ᔅᑑᓯᒧᑦ ᐅᒃᐱᖁᓪᓗᑕ, ᐅᕙᑦᑎᓐᓄᓪᓗ ᓇᒡᓕᒋᖃᑦᑕᐅᑎᓪᓗᑕ ᑖᑦᓱᒪ ᑍᒫᒃ ᐱᖁᓚᐅᕐᒪᑎᒍᑦ.

ᔪᐊᓇᓯ ᓯᕗᓪᓖᑦ 4:21

ᑖᑦᓱᒪ ᑐᓂᓯᕕᒋᕚᑎᒍᑦ ᐱᖁᔭᒥᒃ, ᐃᒫᒃ ᓇᓪᓕᐊᑦ ᒎᑎᒥᒃ ᓇᒡᓕᒍᓱᒃᑯᓂ ᐃᓅᖃᑎᒥᓂᒃᑕᐅᖅ ᓇᒡᓕᒍᓱᒃᑐᒃᓴᐅᕗᖅ.

ᔪᐊᓇᓯᐅᑉ ᐂᑉᐸᖏᑦ 1:5

ᒫᓐᓇᓗ ᕿᓄᕕᒋᕙᒋᑦ, ᓇᒡᓕᖕᓇᕐᑐᑎᑦ ᐊᕐᓈᖅ: ᑕᒪᓐᓇ ᐱᖁᔭᖅ ᓄᑖᖑᓐᖏᓚᖅ ᑎᑎᕋᐅᓯᕆᔭᕋ ᐃᓕᖕᓄᑦ, ᐱᒋᐊᕐᓂᖓᓂᑦ ᐱᓯᒪᔭᕗᑦ, ᑍᒫᒃ ᓇᒡᓕᒃᑎᒌᒃᑐᒃᓴᐅᒐᑦᑕ.