ᔪᐊᓇᓯᐅᑉ ᐊᒡᓚᖏᑦ 14:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑐᓴᕐᐳᓯ ᐅᖃᐅᑎᒐᑦᓯ, ‘ᐊᐅᓪᓚᕐᓂᐊᕋᒪ, ᐅᑎᕈᒫᕆᕗᖓᓕ ᐃᓕᑦᓯᓐᓄᑦ.’ ᓇᒡᓕᒋᒍᑦᓯᓐᖓ, ᑕᕝᕙ ᖁᕕᐊᓱᒃᑲᔭᕐᐳᓯ, ᐊᑖᑕᒧᑦ ᐂᓂᐊᕐᓂᕋ ᐱᓪᓗᒍ; ᐊᑖᑕ ᐊᖏᓂᕐᓴᐅᖕᒪᑦ ᐅᕙᓐᓂᑦ.

Aglait Ijjurnaittut

²⁸ Tusaqpusi uqautigassi, ‘Aullarniarama, utirumaarivungali ilissinnut.’ Nagligigussinnga, tavva quviasukkajaqpusi, Ataatamut ainiarnira pillugu; Ataata anginiqsaungmat uvannit.

ᔪᐊᓇᓯᐅᑉ ᐊᒡᓚᖏᑦ 14:28 ပူးပေါင်းရင်းမြစ်များ

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᐃᓐᖏᕈᑎᑦ 68:9

ᐃᕝᕕᑦ ᒎᑏ, ᓯᓚᓗᒃᑎᑦᓯᓚᐅᕐᐳᑎᑦ ᐊᒥᒐᖏᑦᑐᒥᒃ, ᑍᒫᒃ ᐱᒃᓴᕆᔭᑎᑦ ᓇᓗᓁᓚᐅᕐᐸᑎᑦ, ᑕᖃᓯᒪᔪᓐᓃᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᒫᑎᐅᓯᐅᑉ ᐊᒡᓚᖏᑦ 12:18

“ᑕᑯᒋᑦ, ᑕᕝᕙ ᐱᔨᒐ, ᓂᕈᐊᕐᓯᒪᔭᕋ, ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋᓗ. ᐊᓂᕐᓂᕋ ᑐᓂᓛᕐᐸᕋ ᑖᑦᓱᒧᖓ, ᐅᖃᐅᓯᖃᕈᒫᕐᐳᖅ ᐊᑦᔨᒌᒃᑎᑦᓯᓗᓂ ᔫᑎᐅᖏᑦᑐᓄᑦ.

ᔪᐊᓇᓯᐅᑉ ᐊᒡᓚᖏᑦ 10:38

ᐱᓇᓱᐊᕈᒃᑭᓪᓕ, ᐅᒃᐱᕆᖏᒃᑲᓗᐊᕈᑦᓯᓐᖓ, ᐱᓂᐊᕐᓃᑦ ᐅᒃᐱᕆᓯᒋᒃ, ᐃᓕᑕᕐᓯᓕᖁᓪᓗᓯ ᖃᐅᔨᓕᕐᓗᓯᓗ ᐊᑖᑕ ᐅᕙᓐᓃᒻᒪᑦ ᐅᕙᖓᓗ ᐊᑖᑕᓐᓃᓐᓇᒪ.”

ᔪᐊᓇᓯᐅᑉ ᐊᒡᓚᖏᑦ 13:16

ᓱᓕᔪᒥᒃ ᐅᖃᐅᑎᕙᑦᓯ, ᐱᔨ ᐊᖏᓂᕐᓴᐅᓐᖏᓚᖅ ᐊᖓᔪᖅᑳᒥᓂᑦ; ᑎᓕᔭᐅᓯᒪᔪᕐᓗ ᐊᖏᓂᕐᓴᐅᖏᓐᓂᕗᖅ ᑎᓕᔨᒥᓂᑦ.

ᔪᐊᓇᓯᐅᑉ ᐊᒡᓚᖏᑦ 14:12

ᓱᓕᔪᒥᒃ ᐅᖃᐅᑎᕙᑦᓯ, ᐅᕙᓐᓄᑦ ᐅᒃᐱᕐᑑᑉ ᐱᓂᐊᕐᓃᑦ ᐱᓂᐊᕐᓂᕆᔭᒃᑲ ᐱᓂᐊᕈᑎᒋᓂᐊᕆᕔᑦ; ᐊᖏᓂᕐᓴᓂᒡᓗ ᑖᒃᑯᓇᖓᑦ ᐱᓇᓱᐊᕈᒫᕐᐳᖅ, ᐊᑖᑕᒧᑦ ᐂᓂᐊᕋᒪ.

ᔪᐊᓇᓯᐅᑉ ᐊᒡᓚᖏᑦ 14:18

“ᐃᓕᐊᕐᔪᒃᑎᑐᑦ ᕿᒪᖕᓂᐊᓐᖏᓚᑦᓯ; ᐅᑎᓛᕆᕗᖓᓕ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 16:7

ᓱᓕᔪᒥᒃ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᓇᕐᓂᕐᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᕐᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓛᕐᐸᕋ.

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᔪᐊᓇᓯᐅᑉ ᐊᒡᓚᖏᑦ 20:21

ᔩᓱᓯᐅᑉ ᐅᖃᐅᑎᒃᑲᓐᓂᕐᐰᑦ, “ᓮᒪᓂᐅᑉ ᐃᓚᒋᓕᓯ. ᓲᕐᓗ ᐊᑖᑕᐅᑉ ᑎᓕᓚᐅᕐᒪᖓ, ᑍᒫᒃᑕᐅᖅ ᑎᓕᒋᕙᑦᓯ.”

ᔪᐊᓇᓯᐅᑉ ᐊᒡᓚᖏᑦ 5:18

ᑍᒤᒻᒪᑦ ᔫᑎᑦ ᐊᖓᔪᖅᑳᖏᑕ ᔩᓱᓯ ᑐᖁᑕᐅᕕᒃᓴᕐᓯᐅᒃᑲᓐᓂᓕᕐᐹᑦ, ᓴᐸᑎᒥ ᐱᖁᔭᒥᒃ ᓈᓚᓚᐅᖏᓐᓂᖓ ᐱᑦᔪᑎᒋᑐᐃᓐᓇᕐᓇᒍ, ᐅᖃᕐᓯᒪᓂᖓᓄᓪᓕ ᒎᑎᒥᒃ ᓇᖕᒥᓂᕆᓪᓗᒍ ᐊᑖᑕᖃᕐᓂᕋᕐᒪᑦ, ᒎᑎᒥᒃ ᐃᒻᒥᓂᒃ ᑍᒤᓪᓗᐊᖃᕐᑎᖃᕋᓱᖕᓂᕋᕐᖢᓂᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 7:33

ᔩᓱᓯᓕ ᐅᖃᕐᐳᖅ, “ᒫᓐᓇ ᓱᓕ ᐊᑯᓂᐅᖏᑦᑐᖅ ᓇᔪᕐᓂᐊᕐᐸᑦᓯ, ᑭᖑᓂᖓᒍᓪᓗ ᑎᓕᔨᓐᓄᑦ ᐂᓂᐊᕐᐳᖓ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:3

ᖃᐅᔨᒪᖁᕙᑦᓯᓕ ᙭ᔅᑑᓯ ᐊᖑᑎᓕᒫᓄᑦ ᓂᐊᖁᕆᔭᐅᖕᒪᑦ, ᐊᖑᓪᓗ ᐊᕐᓇᒧᑦ ᓂᐊᖁᕆᔭᐅᓪᓗᓂ, ᙭ᔅᑑᓯᐅᓪᓗ ᒎᑎ ᓂᐊᖁᕆᕚ.

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:11

ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.”