ᔪᐊᓇᓯᐅᑉ ᐊᒡᓚᖏᑦ 14:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᑲᔪᕐᑎᒃᓴᕐᓕ, ᐊᓂᕐᓂᖅ ᐃᑦᔪᕐᓁᑦᑐᖅ, ᐊᑖᑕᐅᑉ ᑎᓕᓛᕐᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᕐᑐᕈᒫᕐᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᕐᑕᓕᒫᓐᓂᒃ ᐃᓕᑦᓯᓐᓄᑦ.

Aglait Ijjurnaittut

²⁶ Ikajuqtiksarli, Anirniq Ijjurnaittuq, Ataataup tililaaqtangata atinni, taassuma ajuriqturumaaqpaasi sunalimaanik, iqqaitillusilu uqausirilauqtalimaannik ilissinnut.

ᔪᐊᓇᓯᐅᑉ ᐊᒡᓚᖏᑦ 14:26 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 15:26

“ᐃᑲᔪᕐᑎᒃᓴᕐᓕ ᑎᑭᒍᓂ, ᐊᑖᑕᓐᓂᑦ ᑎᓕᔪᒫᕐᑕᕋ ᐃᓕᑦᓯᓐᓄᑦ, ᓱᓕᔫᑉ ᐊᓂᕐᓂᖓ ᐊᑖᑕᒥᓐᖔᕐᑐᖅ, ᑖᓐᓇ ᐅᕙᓐᓂᒃ ᓇᓗᓁᕐᓯᔪᒫᕐᐳᖅ;

ᔪᐊᓇᓯᐅᑉ ᐊᒡᓚᖏᑦ 14:16

ᐊᑖᑕᓗ ᑐᒃᓯᐊᕐᕕᒋᓂᐊᕐᐸᕋ, ᐃᑲᔪᕐᑎᒋᑲᓐᓂᕐᓂᐊᕐᑕᑦᓯᓐᓂᒃ ᑐᓂᓯᖁᓪᓗᒍ ᐃᓕᑦᓯᓐᓄᑦ, ᐃᓕᑦᓯᓐᓃᑦᓮᓐᓇᕐᓂᐊᕐᑐᒥᒃ ᐃᓱᖃᖏᑦᑐᒧᑦ,

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᔪᐊᓇᓯᐅᑉ ᐊᒡᓚᖏᑦ 16:7

ᓱᓕᔪᒥᒃ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᓇᕐᓂᕐᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᕐᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓛᕐᐸᕋ.

ᔪᐊᓇᓯ ᓯᕗᓪᓖᑦ 2:20

ᐃᓕᑦᓯᓕ ᐃᓗᒻᒥᕐᑕᐅᓯᒪᕗᓯ ᐃᑦᔪᕐᓁᑦᑐᒧᑦ, ᑕᒪᑦᓯᓗ ᖃᐅᔨᓯᒪᓕᕐᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:19

ᖃᐅᔨᒪᓐᖏᓚᓰ? ᑎᒥᓯ ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᒃᓯᐊᕐᕕᒡᔪᐊᖁᑎᒋᖕᒪᒋᑦ, ᑖᓐᓇ ᐃᓗᑦᓯᓐᓃᑉᐳᖅ ᒎᑎᒥᑦ ᑐᓂᕐᕈᓯᐊᕆᔭᓯ, ᐃᓕᑦᓯᓐᓂᒡᓗ ᓇᖕᒥᓂᕆᓐᖏᓚᓯ;

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:4

ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ.

ᔪᐊᓇᓯᐅᑉ ᐊᒡᓚᖏᑦ 2:22

ᑍᒤᒻᒪᑦ ᑐᖁᖓᔪᓂᑦ ᒪᑭᓯᒪᓕᕐᒪᑦ, ᐃᓕᓐᓂᐊᕐᑎᖏᑕ ᔩᓱᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᖅᑲᓚᐅᕐᐰᑦ; ᐊᒡᓔᑦ ᐅᒃᐱᕆᕔᑦ ᔩᓱᓯᐅᓪᓗ ᐅᖃᐅᓯᕆᓚᐅᕐᑕᖏᑦ.

ᐂᓮᐊᓯᐅᑉ ᐊᒡᓚᖏᑦ 54:13

ᐃᕐᓂᓕᒫᓯᓗ ᐊᔪᕆᕐᑐᐊᖑᔪᒫᕐᐳᑦ ᐊᑕᓂᕐᒧᑦ, ᐊᔪᕐᓴᖏᑦᑐᕐᔪᐊᖑᔪᒫᕐᓗᑎᒡᓗ ᕿᑐᕐᖓᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 13:2

ᐊᑕᓂᕐᒧᑦ ᑐᒃᓯᐊᕐᑎᓪᓗᒋᑦ ᓂᕆᑦᑍᓕᓪᓗᑎᒡᓗ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᑎᕔᑦ, “ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᑎᓕᓚᐅᕐᓯᒋᒃ ᐱᓇᓱᐊᖁᓪᓗᒋᒃ; ᑕᒪᑐᒧᖓ ᕾᖁᓯᒪᒐᒃᑭᒃ.”

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᔪᐊᓇᓯ ᓯᕗᓪᓖᑦ 5:7

ᐱᖓᓲᕗᑦ ᓇᓗᓁᕐᓯᔪᑦ,

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᓘᑲᓯᐅᑉ ᐊᒡᓚᖏᑦ 24:49

ᑕᑯᒋᑦ, ᓇᖕᒥᓂᖅ ᑎᓕᓯᕕᒋᓂᐊᕐᐸᑦᓯ ᐊᑖᑕᒪ ᐊᖏᕈᑎᒋᓯᒪᔭᖓᓂᒃ; ᐃᓕᑦᓯᓕ ᔨᕉᓴᓕᒻᒥ ᐅᑕᖅᑭᔭᕆᐊᖃᕐᐳᓯ, ᐱᔪᓐᓇᕐᓂᕐᒥᒃ ᕿᓚᖕᒥᑦ ᑐᓂᓯᕕᐅᖏᓐᓂᑦᓯᓐᓂ.”

ᔫᑎᐅᑉ ᐊᒡᓚᖏᑦ 1:20

ᐃᓕᑦᓯᓕ ᓇᒡᓕᒋᔭᒃᑲ, ᐃᓕᑦᓯᓐᓂᒃ ᐱᕙᓪᓕᐊᑎᓕᕆᑦᓯ ᐅᒃᐱᕐᓂᑯᑦ ᐃᑦᔪᕐᓁᑦᑐᒃᑯᑦ; ᑐᒃᓯᐊᕐᓗᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ;

ᐄᑉᕈᐃᓄᑦ 9:8

ᐊᓂᕐᓂᖅ ᐃᑦᔪᕐᓁᑦᑐᖅ ᑐᑭᓯᓇᑦᓯᐊᕐᑐᒥᒃ ᓇᓗᓁᕐᓯᕗᖅ ᐃᑦᔪᕐᓁᓐᓂᕐᐹᒧᑦ ᓱᓕ ᐊᖅᑯᑎᒃᓴᖅ ᐊᖕᒪᕐᑕᐅᓯᒪᓚᐅᖏᒻᒪᑦ, ᑐᐱᐅᑉ ᓯᓚᑖᓂ ᐊᕙᓗᓕᐅᕐᓯᒪᔪᖅ ᓱᓕ ᐊᑐᕐᑕᐅᑎᓪᓗᒍ.

ᐄᑉᕈᐃᓄᑦ 3:7

ᑍᒤᒻᒪᑦ, ᐊᓂᕐᓂᖅ ᐃᑦᔪᕐᓁᑦᑐᖅ ᐅᖃᕐᓯᒪᕗᖅ, “ᐅᓪᓗᒥ ᓂᐱᖓ ᑐᓴᕈᑦᓯᐅᒃ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:14

ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᒎᑎᐅᓪᓗ ᓇᒡᓕᖕᓂᖓᑕ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐃᓚᖃᕐᓂᖓᑕ ᐃᓚᒋᓕᓯ ᑕᒪᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:3

ᑍᒤᒻᒪᑦ ᑐᑭᓯᓯᒪᑦᓯᐊᖁᕙᑦᓯ, ᒎᑎᐅᑉ ᐊᓂᕐᓂᖓᓄᑦ ᐅᖃᓪᓚᒃᑎᑕᐅᔪᒥᒃ, ᐃᒤᓕᔪᖃᓚᐅᕐᓯᒪᓐᖏᓚᖅ “ᔩᓱᓯ ᓇᕐᕈᓇᕐᓯᓕ!” ᐃᒫᒡᓗ ᐅᖃᕐᑐᖃᕈᓐᓇᓐᖏᓚᖅ “ᔩᓱᓯ ᐊᑕᓂᐅᕗᖅ” ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᖃᕐᑎᑕᐅᖏᒃᑯᓂ.

ᐲᑦᑐᕉᓯ ᐂᑉᐸᖏᑦ 1:21

ᓇᓚᐅᑦᑍᑦᔪᑕᐅᓯᒪᔪᑦ ᐃᓅᑉ ᐃᓱᒪᖓᓂᑦ ᐱᔪᖃᓚᐅᕐᓯᒪᖏᒻᒪᑕ, ᐃᓄᐃᓪᓕ ᐅᖃᕈᓐᓇᕐᑎᑕᐅᓯᒪᕗᑦ ᒎᑎᒥᑦ ᐱᔪᓂᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑕᓯᐅᕐᑕᐅᓪᓗᑎᒃ ᑭᓯᐊᓂ.

ᓘᑲᓯᐅᑉ ᐊᒡᓚᖏᑦ 11:13

ᐃᓕᑦᓯ ᐱᐅᖏᑦᑑᒐᓗᐊᕐᑐᓯ, ᐱᐅᔪᒥᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ, ᐊᖏᓂᕐᓴᒥᒡᓕ ᐊᑖᑕᓯ ᕿᓚᖕᒦᑦᑐᖅ ᑐᓂᓯᔪᓐᓇᕐᓂᕐᓴᐅᕗᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᒪᕕᒋᔨᒥᓄᑦ!”

ᐃᓐᖏᕈᑎᑦ 51:11

ᐊᓂᑎᓐᓂᐊᕐᓇᖓ ᓇᔪᒐᕐᓂᑦ, ᐊᕐᓵᕐᑍᓕᓐᖓᓗ ᐊᓂᕐᓂᕐᓂᒃ ᐃᑦᔪᕐᓁᑦᑐᒥᒃ.

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 1:41

ᐃᓕᓴᐱᐅᑉ ᒥᐊᕆᐅᑉ ᓂᐱᖓ ᑐᓴᕋᒥᐅᒃ, ᓄᑕᕋᒃᓴᖓ ᓈᖓᓂ ᐊᐅᓚᑦᔭᒃᐳᖅ; ᐃᓕᓴᐱᓗ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᑎᒧᑎᒧᑦ ᐂᑉᐸᖏᑦ 1:14

ᓴᐳᑎᓯᒪᑦᓯᐊᕈᒃ ᓱᓕᔪᖅ ᐃᓕᖕᓄᑦ ᑐᓂᔭᐅᓯᒪᔪᖅ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᐃᓗᑦᑎᓐᓃᑦᑐᒃᑯᑦ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᕉᒪᒥᐅᓄᑦ 14:17

ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ,

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:16

ᐃᖅᑬᓕᕐᓗᖓᓗ ᐊᑕᓂᐅᑉ ᐅᖃᐅᓯᖏᓐᓂᒃ ᐅᖃᓚᐅᕐᒪᑦ, ‘ᔪᐊᓇᓯ ᐹᑉᑎᑦᓯᓚᐅᕐᐳᖅ ᐃᒥᕐᒧᑦ, ᐃᓕᑦᓯᓕ ᐹᑉᑎᑕᐅᔪᒫᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᔪᐊᓇᓯᐅᑉ ᐊᒡᓚᖏᑦ 20:22

ᑍᒫᒡᓗ ᐅᖃᕇᕋᒥ, ᓱᐴᕐᕕᒋᕔᑦ, ᐅᖃᐅᑎᓪᓗᒋᓪᓗ, “ᐊᓂᕐᓂᖅ ᐃᑦᔪᕐᓁᑦᑐᖅ ᐱᒋᓕᕐᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 6:45

ᓇᓚᐅᑦᑍᔪᑎᒍᑦ ᑎᑎᕋᕐᓯᒪᕗᑦ, ‘ᑕᒪᕐᒥᒃ ᐊᔪᕆᕐᑐᕐᑕᐅᔪᒫᕐᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᕐᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᕐᓗᓂ ᑖᓐᓇ ᐅᕙᓐᓄᑦ ᕾᕗᖅ.

ᒫᑯᓯᐅᑉ ᐊᒡᓚᖏᑦ 13:11

ᑎᒍᔭᐅᒍᑦᓯ ᐃᖅᑲᕐᑐᐃᕕᖕᒧᓪᓗ ᐋᑕᐅᒍᑦᓯ, ᐃᓱᒪᔮᕐᓂᐊᕋᓯ ᓯᕗᓂᖓᓂ ᖃᓄᖅ ᐅᖃᕆᐊᖃᕐᓂᐊᕐᒪᖔᑦᓯ; ᐅᖃᐅᓯᖃᕆᑦᓯᓕ ᑕᕝᕙᓂ ᓇᓪᓕᐅᑦᑐᒥ ᐅᖃᐅᓯᒃᓴᕐᑖᕐᑎᑕᐅᓂᕆᔭᑦᓯᓐᓂᒃ, ᓇᖕᒥᓂᖅ ᐅᖃᓪᓚᖏᓐᓇᑦᓯ, ᐊᓂᕐᓂᕐᓕ ᐃᑦᔪᕐᓁᑦᑐᖅ ᐅᖃᓪᓚᒃᐳᖅ.

ᒫᑎᐅᓯᐅᑉ ᐊᒡᓚᖏᑦ 1:20

ᑕᒪᑐᒥᖓ ᐃᓱᒪᖃᓕᕐᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᓂᖓ, ᓯᕘᕋᓂᐊᕐᓇᒃ ᒥᐊᕆᒥᒃ ᓄᓕᐊᕐᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᖕᒪᑦ.

ᐄᑉᕈᐃᓄᑦ 10:15

ᑕᒪᑐᒥᖓᑦᑕᐅᖅ ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᓗᓁᕐᓯᕕᒋᕚᑎᒍᑦ; ᓯᕗᓪᓕᕐᒥᒃ ᐅᖃᕋᒥ,

ᔪᐊᓇᓯᐅᑉ ᐊᒡᓚᖏᑦ 12:16

ᐃᓕᓐᓂᐊᕐᑎᖏᑕᓕ ᑕᒪᓐᓇ ᑐᑭᓯᓚᐅᓐᖏᓛᑦ ᐊᑐᕐᑎᓪᓗᒍ; ᔩᓱᓯ ᓂᕐᑐᕐᓇᕐᓂᕐᔪᐊᕐᒧᑦ ᒪᑭᓯᒪᓕᕐᒪᑦ, ᐃᖅᑬᓚᐅᕐᐳᑦ ᐊᒡᓚᖕᓂ ᑎᑎᕋᕐᓯᒪᔪᖃᕐᓂᖓᓂᒃ ᑖᑦᓱᒥᖓ ᖃᓄᖅ ᐱᓂᐊᕐᕕᐅᔪᒫᕐᓂᖓᓂᒃ.

ᒫᑯᓯᐅᑉ ᐊᒡᓚᖏᑦ 12:36

ᑍᕕᑎ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᓱᒪᑖᕐᑎᑕᐅᓪᓗᓂ ᐅᖃᓚᐅᕐᐳᖅ: ‘ᐊᑕᓂᖅ ᐊᑕᓂᓐᓄᑦ ᐅᖃᕐᐳᖅ, “ᐅᕙᓂ ᑕᓕᕐᐱᓐᓂ ᐃᒃᓯᕙᒋᑦ, ᐊᑭᕋᕐᑐᕐᑎᖕᓂᒃ ᐃᓕᓯᖅᑳᕐᑎᓐᓇᖓ ᐃᑎᒐᕕᑦ ᐊᑖᓄᑦ.”’

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:11

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ, ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᐋᓐᓂᕐᑕᐅᓂᐊᓐᖏᓚᑦ ᑐᖂᑉ ᐂᑉᐸᖓᓄᑦ.’”

ᐃᐱᓯᒥᐅᓄᑦ 1:13

ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:6

ᐃᒃᖠᒎᕐᓂᕐᒧᑦ ᓵᓚᐅᑦᑍᓕᓪᓗᑕ, ᖃᐅᔨᒪᑦᓯᐊᕐᓗᑕ, ᕿᓄᐃᓵᕐᓗᑕ, ᐱᑦᓯᐊᕐᓗᑕ, ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ, ᓱᓕᔪᒥᒃ ᓇᒡᓕᖕᓂᖃᕐᓗᑕ,

ᐋᐴᓯᑕᓖᑦ ᐱᓂᐊᕐᓂᖏᑦ 20:35

ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 15:8

ᒎᑎ ᐃᓱᒪᓕᒫᓂᒃ ᖃᐅᔨᒪᔪᖅ, ᓈᒻᒪᒃᓴᕐᓂᕐᒥᓂᒃ ᔫᑎᐅᖏᑦᑐᓂᒃ ᓇᓗᓁᕐᓯᓚᐅᕐᐳᖅ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᑐᓂᓯᕕᒋᒐᒥᒋᑦ ᐅᕙᑦᑎᓐᓄᑦ ᑐᓂᓯᓚᐅᕐᓂᕐᒥᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:4

ᑲᑎᒪᖃᑎᒋᒐᒥᒋᑦ ᐅᖃᐅᑎᓪᓚᕆᒃᐰᑦ ᐊᐅᓪᓚᖁᓇᒋᑦ ᔨᕉᓴᓕᒻᒥᑦ, “ᐅᑕᖅᑭᒋᑦᓯ ᐊᑖᑕᒪ ᑐᓂᓂᐊᕐᓂᕋᕐᓯᒪᔭᖓᓂᒃ ᐅᖃᐅᑎᒋᓚᐅᕐᑕᓐᓂᒃ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:2

ᐅᓪᓗᖅ ᑍᓐᓇ ᕿᓚᓕᐊᕐᓂᖓ ᑎᑭᓪᓗᒍ, ᕿᓚᓕᐊᓚᐅᖏᓐᓂᕐᒥᓂ, ᐊᑐᕐᑕᐅᖁᔭᒥᓂᒃ ᐅᖃᓚᐅᕐᒪᑦ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᐋᐴᓯᑕᓕᖕᓄᑦ ᓂᕈᐊᕐᓯᒪᔭᒥᓄᑦ.

ᔪᐊᓇᓯᐅᑉ ᐊᒡᓚᖏᑦ 7:39

ᔩᓱᓯᓕ ᑕᒪᑐᒥᖓ ᐅᖃᕐᐳᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐅᖃᐅᓯᖃᕐᓗᓂ, ᑖᑦᓱᒧᖓ ᐅᒃᐱᕐᑐᓄᑦ ᑐᓂᔭᐅᔪᒫᕐᑐᒥᒃ; ᑍᑦᓱᒪᓂ ᓱᓕ ᒎᑎᐅᑉ ᐊᓂᕐᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᕐᑐᕐᓇᕐᓯᑎᑕᐅᕕᒃᓴᒥᓄᑦ ᑎᑭᐅᑎᓯᒪᓚᐅᖏᒻᒪᑦ.

ᓘᑲᓯᐅᑉ ᐊᒡᓚᖏᑦ 3:22

ᐊᓂᕐᓂᐅᑉ ᐃᑦᔪᕐᓁᑦᑑᑉ ᐊᖅᑲᕐᕕᒋᕚ ᑕᑯᒃᓴᐅᓪᓗᓂ ᑎᖕᒥᐊᑎᑐᑦ ᑑᕕᑎᑐᑦ, ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ, “ᐃᕐᓂᕆᕙᒋᑦ ᓇᒡᓕᒋᔭᕋ; ᖁᕕᐊᒋᑦᓯᐊᕐᑕᕋ.”

ᓘᑲᓯᐅᑉ ᐊᒡᓚᖏᑦ 1:67

ᔪᐊᓇᓯᐅᑉ ᐊᑖᑕᖓ ᓴᑲᕅᐊ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᒐᒥ, ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓕᕐᐳᖅ:

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 1:15

ᐊᔪᖏᑦᑐᕐᔪᐊᖑᔪᒫᕐᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:25

ᑖᒃᑯᐊᓗ ᐃᒻᒥᖕᓄᑦ ᐊᖏᖃᑎᒌᒍᓐᓃᕋᒥᒃ, ᐊᓂᕗᑦ, ᐸᐅᓗᓯ ᐃᒫᒃ ᐅᖃᕐᒪᑦ: “ᐊᓂᕐᓂᖅ ᐃᑦᔪᕐᓁᑦᑐᖅ ᓈᒻᒪᓈᑦᓯᐊᕐᓗᓂ ᐅᖃᕐᓯᒪᕗᖅ ᑐᑭᓯᓇᕐᑐᒥᒃ ᓯᕗᓕᕕᓂᑦᓯᓐᓄᑦ ᐂᓮᐊᓯᒃᑯᑦ ᐅᖃᕋᒥ:

ᐋᐴᓯᑕᓖᑦ ᐱᓂᐊᕐᓂᖏᑦ 16:6

ᐃᖏᕐᕋᕗᓪᓗ ᐴᕐᒋᐊᒃᑯᑦ ᒐᓔᑎᐊᒃᑯᓪᓗ, ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᓂᕐᑎᕐᑕᐅᓚᐅᕋᒥᒃ ᐂᓯᐊᒥ ᐊᔪᕆᕐᑐᐃᖁᔭᐅᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:28

ᐊᑲᐅᒋᔭᐅᔫᔮᕐᒪᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᕙᑦᑎᓐᓄᓪᓗ ᐅᖁᒤᒃᓴᒃᑲᓐᓂᕐᑎᑕᐅᖁᓇᓯ ᒪᑯᓇᓐᖓᑦ ᐊᑐᕆᐊᖃᕐᑕᑦᓯᓐᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 13:4

ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᓕᔭᐅᒐᒥᒃ, ᓯᓘᓯᐊᒧᐊᕐᐴᒃ; ᑕᕝᕙᓐᖓᑦ ᐅᒥᐊᒃᑯᑦ ᕿᑭᕐᑕᒧᐊᕐᐴᒃ ᓮᐳᕋᓯᒥᒃ ᐊᑎᓕᖕᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:55

ᓯᑎᐹᓇᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓪᓗᓂ, ᕿᓚᖕᒧᑦ ᐋᕐᓗᕐᐳᖅ ᒎᑎᐅᑉ ᐱᓐᓇᕐᓇᕐᓂᕐᔪᐊᖓ ᑕᑯᕚ, ᔩᓱᓯᓗ ᓇᖏᕐᑐᖅ ᒎᑎᐅᑉ ᑕᓕᕐᐱᐊᓂ;

ᐋᐴᓯᑕᓖᑦ ᐱᓂᐊᕐᓂᖏᑦ 5:3

ᐲᑦᑐᕉᓯᐅᑉ ᐅᖃᐅᑎᕚ, “ᐊᓇᓁᐊᓰ, ᓲᖅ ᓵᑖᓇᓯ ᐆᒻᒪᑎᖕᓂ ᐱᕕᒃᓴᕐᑖᕐᑎᑉᐱᐅᒃ? ᓴᒡᓗᑎᒻᒪᑎᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑮᓇᐅᔧᑦ ᓂᐅᕐᕈᑎᒋᔭᕕᑦ ᐃᓚᖏᑦ ᐱᓯᒪᔪᒪᓪᓗᒌᑦ?

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᒫᑎᐅᓯᐅᑉ ᐊᒡᓚᖏᑦ 1:18

ᔩᓱᓯ ᙭ᔅᑑᓯᐅᑉ ᐃᕐᓂᐊᖑᓂᖓ ᐃᒫᒃ ᐱᓚᐅᕐᐳᖅ. ᐊᓈᓇᖓ ᒥᐊᕆ ᐅᐃᒃᓴᖃᓚᐅᕐᒪᑦ ᔫᓯᐱᒥᒃ, ᑲᑎᓚᐅᕋᑎᒡᓕ ᒥᐊᕆ ᖃᐅᔨᔭᐅᕗᖅ ᓄᑕᕋᒃᓴᖃᓕᕐᑐᖅ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᔪᒥᒃ;

ᔪᐊᓇᓯᐅᑉ ᐊᒡᓚᖏᑦ 1:33

ᐅᕙᖓᓕ ᓇᖕᒥᓂᖅ ᖃᐅᔨᒪᓚᐅᓐᖏᓚᕋ; ᑎᓕᔨᒪᓕ ᐃᒪᕐᒧᑦ ᐹᑉᑎᑎᕆᔭᕐᑐᖁᓪᓗᖓ ᐅᖃᐅᑎᓚᐅᕐᐹᖓ, ‘ᐊᖑᒻᒧᑦ ᐊᓂᕐᓂᕐᒥᒃ ᐊᖅᑲᕐᑐᒥᒃ ᑕᑯᒍᕕᑦ ᑕᕝᕙᓃᓕᕐᑐᒥᒃ, ᑖᓐᓇᐅᕗᖅ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐹᑉᑎᑎᕆᔨ.’

ᔪᐊᓇᓯᐅᑉ ᐊᒡᓚᖏᑦ 14:25

“ᑕᒪᒃᑯᓂᖓ ᐅᖃᓪᓚᒡᕕᒋᕙᑦᓯ ᓱᓕ ᐃᓕᑦᓯᓐᓂ ᓇᔫᑎᓂᓐᓂ.