ᔪᐊᓇᓯᐅᑉ ᐊᒡᓚᖏᑦ 12:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᖏᑦ ᓇᓚᐅᑦᓯᖁᓪᓗᒋᑦ ᐅᖃᕐᓯᒪᔪᑦ: “ᐊᑕᓃᖅ, ᑭᐊ ᐅᖅᑳᐅᓯᕆᔭᕗᑦ ᐅᒃᐱᕆᕔᑦ? ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᓂᓂ ᓴᖅᑭᑎᑉᐸᐅᒃ?”

Aglait Ijjurnaittut

³⁸ nalauttaijuup Aisaiasiup uqausingit nalautsiqullugit uqaqsimajut: “Ataniq, kia uqausirijavut ukpirivait? Kikkunnullu Ataniup pijunnarnini saqqitippauk?”

ᔪᐊᓇᓯᐅᑉ ᐊᒡᓚᖏᑦ 12:38 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 51:5

ᓇᓛᒎᕐᓂᕋ ᖃᓂᑉᐳᖅ, ᐱᐅᓕᒃᓯᓂᕋᓗ ᑎᑭᓕᕐᐳᖅ, ᐱᔪᓐᓇᕐᓂᓐᓄᑦ ᐃᓄᐃᑦ ᐊᐅᓚᑦᓱᒫᕐᐸᒃᑲ; ᐃᒪᐅᑉ ᑭᒡᓕᖓᓃᑦᑐᑦ ᐅᕙᓐᓂᒃ ᐅᑕᖅᑭᔪᒫᕐᐳᑦ, ᐊᖓᔪᖅᑲᐅᓂᓐᓂᒃ ᑕᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᐂᓮᐊᓯᐅᑉ ᐊᒡᓚᖏᑦ 53:1

ᑭᒃᑯᑦ ᐅᓂᒃᑲᐅᑎᒋᔭᑦᑎᓐᓂᒃ ᐅᒃᐱᕈᓱᓚᐅᕐᐸᑦ? ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᓂᖓ ᓴᖅᑭᓯᒪᕚ?

ᒫᑎᐅᓯᐅᑉ ᐊᒡᓚᖏᑦ 15:7

ᑕᑯᕐᒨᕐᑐᓯ! ᐂᓮᐊᓯ ᓱᓕᑦᓯᐊᕐᓗᓂ ᐅᖃᓚᐅᕐᐳᖅ ᐃᓕᑦᓯ ᐱᑦᔪᑎᒋᓪᓗᓯ! ᐅᖃᕐᓗᓂ:

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑎᐅᓯᐅᑉ ᐊᒡᓚᖏᑦ 27:35

ᑕᕝᕙᓂ ᑭᑭᐊᒃᑐᕇᕋᒥᑦᔪᒃ; ᐊᓐᓄᕌᖏᑦ ᐱᑖᕆᓇᓱᐊᕐᐰᑦ ᓇᓚᐅᑦᑖᕈᑎᓂᒃ ᐊᑐᕐᖢᑎᒃ.

ᔪᐊᓇᓯᐅᑉ ᐊᒡᓚᖏᑦ 12:37

ᔩᓱᓯᓕ ᓇᓗᓁᒃᑯᑕᕐᓂᒃ ᐊᒥᓱᓂᒃ ᐱᓇᓱᐊᖃᑦᑕᕋᓗᐊᕐᒪᑦ ᑖᒃᑯᓇᓂ, ᔩᓱᓯᒧᑦ ᐅᒃᐱᓕᓚᐅᓐᖏᓚᑦ;

ᔪᐊᓇᓯᐅᑉ ᐊᒡᓚᖏᑦ 12:39

ᑍᒤᒻᒪᑦ ᐅᒃᐱᓕᕈᓐᓇᓐᖏᓚᑦ. ᐊᒻᒪ ᐂᓮᐊᓯ ᐅᖃᕐᓯᒪᖕᒥᖕᒪᑦ,

ᔪᐊᓇᓯᐅᑉ ᐊᒡᓚᖏᑦ 15:25

ᑕᒪᓐᓇᓕ ᑍᒤᑉᐳᖅ ᐱᖁᔭᖏᓐᓂ ᐅᖃᕐᓯᒪᔪᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ: ‘ᐱᑦᔪᑎᒃᓴᖃᕋᑎᒃ ᐆᒥᒋᕚᖓ.’

ᔪᐊᓇᓯᐅᑉ ᐊᒡᓚᖏᑦ 17:12

ᑖᒃᑯᓇᓂ ᓇᔫᑎᓂᓐᓂ, ᓴᐳᑎᓯᒪᓚᐅᕐᐸᒃᑲ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ; ᓴᐳᑎᓯᒪᓚᐅᕐᐸᒃᑲ, ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ ᑖᓐᓇ ᑭᓯᒥ ᐊᓯᐅᔪᒃᓴᐅᓯᒪᔪᖅ ᐊᓯᐅᔪᑑᕗᖅ, ᐊᒡᓔᑦ ᓇᓚᐅᑦᓯᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 19:24

ᑕᕝᕙ ᐅᓇᑕᕐᑐᒃᓮᑦ ᐃᒻᒥᖕᓄᑦ ᐅᖃᖃᑦᑕᐅᑎᕗᑦ, “ᑖᓐᓇ ᐊᕕᒍᓐᓁᕐᓚᕗᑦ; ᓇᓚᐅᑦᓵᕐᓗᑕᓕ ᒪᑭᑦᓯᒋᐊᖃᑦᑕᓕᕐᑕ ᓇᓪᓕᐊᑦᑕ ᐱᓂᐊᕐᒪᖔᒍ.” ᑕᒪᓐᓇ ᐊᑐᕐᑕᐅᓚᐅᕐᐳᖅ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐊᓐᓄᕌᒃᑲ ᐃᒻᒥᖕᓄᑦ ᐊᑐᓂᑦ ᐊᒡᒍᓚᐅᕐᐰᑦ, ᐅᓕᒡᔪᐊᕋᓗ ᓇᓚᐅᑦᓵᕈᑎᒋᓚᐅᕐᐹᑦ.” ᑕᕝᕙ ᐅᓇᑕᕐᑐᒃᓮᑦ ᑍᒤᓕᐅᓚᐅᕐᐳᑦ.

ᕉᒪᒥᐅᓄᑦ 10:16

ᑕᒪᕐᒥᒡᓕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓈᓚᒃᑐᐃᓐᓇᐅᓐᖏᓚᑦ; ᐂᓮᐊᓯ ᐅᖃᕐᒪᑦ, “ᐊᑕᓃᖅ, ᑭᐊ ᐅᖅᑳᐅᓯᕆᔭᕗᑦ ᐅᒃᐱᕆᕔᑦ?”

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:24

ᒎᑎᐅᓪᓕ ᕾᖁᓯᒪᔭᖏᓐᓄᑦ, ᑕᒤᓐᓄᑦ ᔫᑎᓄᑦ ᒍᕇᑭᓄᓪᓗ, ᙭ᔅᑑᓯ ᒎᑎᒧᑦ ᐱᔪᓐᓇᕐᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒧᑦ.

ᒐᓔᑎᐊᒥᐅᓄᑦ 1:16

ᐃᕐᓂᕐᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᕐᐹᖓ, ᐊᔪᕆᕐᑐᐃᔪᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ.