ᔪᐊᓇᓯᐅᑉ ᐊᒡᓚᖏᑦ 12:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓇᓪᓕᐊᑦ ᐅᕙᓐᓂᒃ ᐱᔨᑦᓯᕐᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᓂᐊᕐᑐᖅ, ᐊᑖᑕᒪ ᓂᕐᑐᕐᓇᕐᑎᑦᓱᒫᕐᐹ.”

Aglait Ijjurnaittut

²⁶ Nalliat uvannik pijitsiqtuq, uvannik maliktuksauvuq; najugannilu, najuutijuksauvuq; uvannik pijitsirniaqtuq, Ataatama niqturnaqtittumaaqpaa.”

ᔪᐊᓇᓯᐅᑉ ᐊᒡᓚᖏᑦ 12:26 ပူးပေါင်းရင်းမြစ်များ

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:18

ᓇᓪᓕᐊᑦ ᓇᐹᕐᑐᒥᒃ ᐸᐅᕐᖓᓕᖕᒥᒃ ᑲᒪᑦᓯᐊᕐᑐᖅ ᓂᕆᕕᒋᔪᒫᕐᐹ ᐸᐅᕐᖓᖏᓐᓂᒃ; ᑍᒫᒃᑕᐅᖅ ᐊᖓᔪᖅᑳᒥᓂᒃ ᑲᒪᑦᓯᐊᕐᑐᖅ ᐅᐱᒋᔭᐅᔪᒫᕐᐳᖅ.

ᒨᓯᓯ ᓯᑕᒪᖏᑦ 14:24

ᐱᔨᒐᓕ ᑬᓚᐱ ᐊᑦᔨᒋᓐᖏᑕᖓᓐᓂᒃ ᐊᓂᕐᓂᕐᒥᒃ ᐱᓯᒪᖕᒪᑦ ᐅᕙᓐᓂᒡᓗ ᓈᓚᑦᓯᐊᕐᓗᓂ, ᓄᓇᒧᑦ ᐅᐸᓚᐅᕐᑕᖓᓄᑦ ᑎᑭᓐᓂᐊᕐᐳᖅ, ᑭᖑᕚᖏᑕᓗ ᓄᓇᒋᔪᒫᕐᐹᑦ.

ᒨᓯᓯ ᓯᑕᒪᖏᑦ 32:11

‘ᓱᓕᓪᓗᖓ, ᐄᑦᔨᑉᑎᒥᑦ ᐊᐅᓪᓚᓚᐅᕐᑐᓕᒫᑦ, ᐊᕐᕌᒍᖃᕐᑐᑦ 20ᓂᒃ ᐅᖓᑖᓄᑦ ᑎᑭᓪᓗᒍ, ᑕᑯᓂᐊᓐᖏᓚᑦ ᓄᓇᒥᒃ ᐊᖏᕈᑎᒋᓚᐅᕐᑕᓐᓂᒃ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᑕᖏᕐᑐᒥᒃ ᐅᕙᓐᓂᒃ ᒪᓕᓚᐅᖏᒻᒪᑕ,

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 25:21

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ; ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᒫᑯᓯᐅᑉ ᐊᒡᓚᖏᑦ 8:34

ᔩᓱᓯ ᐃᓄᖕᓂᒃ ᐃᓕᓐᓂᐊᕐᑎᒥᓂᒡᓗ ᕾᖁᔨᕗᖅ ᐅᖃᐅᑎᓪᓗᒋᑦ, “ᐅᕙᓐᓂᒃ ᒪᓕᒍᒪᔪᖅ, ᐃᒻᒥᓂᒃ ᐃᓱᒪᒋᔪᒃᓴᐅᓐᖏᓚᖅ ᓴᓐᓂᖓᔪᓕᖕᒥᓂᒡᓕ ᐃᕐᓱᒡᓗᓂ ᐅᕙᓐᓂᒃ ᒪᓕᒃᑐᒃᓴᐅᕗᖅ.

ᓘᑲᓯᐅᑉ ᐊᒡᓚᖏᑦ 12:37

ᓮᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᖅ ᐱᔩᑦ ᐊᖓᔪᖅᑳᒥᖕᓄᑦ ᑎᑭᑕᐅᔪᑦ ᐃᖅᑯᒪᑦᓯᐊᕐᑎᓪᓗᒋᑦ ᐅᐸᓗᖕᒊᕐᓯᒪᓗᑎᒡᓗ; ᓱᓕᔪᒥᒃ ᐅᖃᐅᑎᕙᑦᓯ, ᐊᖓᔪᖅᑳᖓ ᓵᓕᓴᕐᒥᒃ ᐊᑎᓯᓂᐊᕐᐳᖅ, ᑖᒃᑯᐊ ᐃᖏᖁᓗᒋᑦ ᓂᕆᕕᖕᒥ, ᓂᕆᓂᐊᕐᑕᖏᓐᓂᒃ ᐱᔨᑦᓯᕋᕐᓂᐊᕐᐰᑦ.

ᓘᑲᓯᐅᑉ ᐊᒡᓚᖏᑦ 6:46

“ᖃᓄᐃᒻᒪᑦ ᐊᑕᓃᕆᓂᕋᖃᑕᕐᐱᓯᓐᖓ ᐅᖃᓪᓗᓯ, ‘ᐊᑕᓃᖅ, ᐊᑕᓃᖅ,’ ᐊᑐᖁᔭᓐᓂᒡᓗ ᒪᓕᒐᓯ?

ᓘᑲᓯᐅᑉ ᐊᒡᓚᖏᑦ 9:23

ᔩᓱᓯᐅᑉ ᑕᕝᕙᓃᑦᑐᓕᒫᑦ ᐅᖃᐅᑎᕔᑦ, “ᐅᕙᓐᓂᒃ ᒪᓕᒍᒪᔪᖃᕐᐸᑦ, ᐃᓱᒪᒥᓂᒃ ᐃᓅᔪᒪᔪᒃᓴᐅᓐᖏᓚᖅ, ᓴᓐᓂᖓᔪᓕᒃᓴᒥᓂᒃ ᖃᐅᑕᒫᑦ ᐊᒡᔭᕐᓯᔪᒃᓴᐅᕗᖅ ᒪᓕᒡᓗᖓᓗ.

ᔪᐊᓇᓯᐅᑉ ᐊᒡᓚᖏᑦ 10:27

ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.

ᔪᐊᓇᓯᐅᑉ ᐊᒡᓚᖏᑦ 13:16

ᓱᓕᔪᒥᒃ ᐅᖃᐅᑎᕙᑦᓯ, ᐱᔨ ᐊᖏᓂᕐᓴᐅᓐᖏᓚᖅ ᐊᖓᔪᖅᑳᒥᓂᑦ; ᑎᓕᔭᐅᓯᒪᔪᕐᓗ ᐊᖏᓂᕐᓴᐅᖏᓐᓂᕗᖅ ᑎᓕᔨᒥᓂᑦ.

ᔪᐊᓇᓯᐅᑉ ᐊᒡᓚᖏᑦ 14:15

“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 14:3

ᐂᓂᐊᕈᒪᓕ ᐃᓂᒃᓴᓕᐅᕆᐊᕐᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ.

ᔪᐊᓇᓯᐅᑉ ᐊᒡᓚᖏᑦ 15:20

ᐃᓕᑦᓯᓐᓄᑦ ᐅᖃᐅᓯᕆᓚᐅᕐᑕᒃᑲ ᐃᖅᑲᐅᒪᓯᒋᒃ, ‘ᐱᔨ ᐊᖏᓂᕐᓴᐅᓐᖏᓚᖅ ᐊᖓᔪᖅᑳᒥᓂᑦ.’ ᐊᑭᕋᕐᑐᕈᓂᖓ, ᑕᕝᕙ ᐊᑭᕋᕐᑐᕐᓂᐊᕆᕚᓯ; ᐅᖃᐅᓯᒃᑲ ᒪᓕᒃᑯᓂᒋᑦ ᐅᖃᐅᓯᓯᑦᑕᐅᖅ ᒪᓕᖕᓂᐊᕆᕔᑦ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 21:22

ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᕉᒪᒥᐅᓄᑦ 14:18

ᑍᒫᒃ ᙭ᔅᑑᓯᒥᒃ ᐱᔨᑦᓯᕐᑐᖃᕐᐸᑦ, ᑖᓐᓇ ᒎᑎᒧᑦ ᖁᕕᐊᒋᔭᐅᕗᖅ ᐃᓄᖕᓂᓪᓗ ᓈᒻᒪᒋᔭᐅᓪᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:5

ᓇᖕᒥᓂᖅ ᐅᕙᑦᑎᓐᓂᒃ ᐊᔪᕆᕐᑐᐃᑦᔪᑎᒋᖏᓐᓇᑦᑕ, ᔩᓱᓯᐅᓪᓕ ᙭ᔅᑑᓯᐅᑉ ᐊᑕᓂᐅᓂᖓ ᐊᔪᕆᕐᑐᐃᑦᔪᑎᒋᕙᕗᑦ, ᐅᕙᑦᑎᓐᓂᒡᓗ ᐱᔨᐅᑎᓪᓗᑕ ᐃᓕᑦᓯᓐᓄᑦ ᔩᓱᓯ ᐱᑦᔪᑎᒋᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:8

ᓴᐱᓐᖏᓚᒍᑦ, ᑎᒥᕗᑦ ᕿᒪᖔᕐᓗᒍ ᐊᖏᕐᕋᕈᒪᓪᓗᑕ ᐊᑕᓂᕐᒧᑦ.

ᒐᓔᑎᐊᒥᐅᓄᑦ 1:10

ᑍᒤᓕᐅᕐᐳᖔ ᐃᓄᖕᓄᑦ ᓈᒻᒪᒋᔭᐅᓇᓱᐊᕐᑐᑎᑐᑦ ᒎᑎᒧᓪᓘᓐᓃᑦ ᓈᒻᒪᒋᔭᐅᓇᓱᐊᕐᑐᑎᑐᑦ? ᐃᓄᖕᓂᒡᓘᓐᓃᑦ ᖁᕕᐊᓱᒃᑎᑦᓯᓇᓱᐊᕐᐳᖔ? ᓱᓕ ᐃᓄᖕᓂᒃ ᖁᕕᐊᓱᒃᑎᑦᓯᓇᓱᐊᕋᔭᕈᒪ, ᙭ᔅᑑᓯᒧᑦ ᐱᔨᒋᔭᐅᒐᔭᓐᖏᓚᖓ.

ᐱᓕᐱᒥᐅᓄᑦ 1:23

ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;

ᑯᓘᓯᐊᒥᐅᓄᑦ 3:24

ᖃᐅᔨᒪᒐᑦᓯ ᐊᑕᓂᕐᒥᑦ ᐊᑭᓕᕐᑕᐅᔪᒫᕋᑦᓯ ᑭᖑᕐᖑᑎᔭᒃᓴᐅᑎᑕᖓᓂᒃ ᐊᑭᓕᕐᑕᐅᓗᓯ; ᐊᑕᓂᖅ ᙭ᔅᑑᓯ ᐱᔨᑦᓯᕋᑦᓯᐅᒃ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᔪᐊᓇᓯ ᓯᕗᓪᓖᑦ 5:3

ᒎᑎᒥᒃ ᓇᒡᓕᖕᓂᖅ ᐃᒤᑦᑑᕗᖅ, ᐱᖁᔭᖏᑦ ᒪᓕᒃᑲᑦᑎᒋᑦ. ᐱᖁᔭᖏᓪᓗ ᐅᖁᒤᓗᐊᓐᖏᓚᑦ.

ᔫᑎᐅᑉ ᐊᒡᓚᖏᑦ 1:1

ᔫᑎᒥᑦ, ᔩᓱᓯ ᙭ᔅᑑᓯᐅᑉ ᐱᔨᖓᓂᑦ ᔧᒥᓯᐅᑉ ᓄᑲᖓᓂᑦ, ᑎᑎᕋᕐᐳᖓ ᕾᖁᔭᐅᓯᒪᔪᓄᑦ, ᒎᑎᒥ ᐊᑖᑕᒥ ᓇᒡᓕᖕᓇᕐᑐᓄᑦ ᓴᐳᑎᔭᐅᓯᒪᔪᓄᓪᓗ ᔩᓱᓯ ᙭ᔅᑑᓯᒧᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.