ᔪᐊᓇᓯᐅᑉ ᐊᒡᓚᖏᑦ 11:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᔫᑎᓪᓗ ᐊᒥᓱᑦ ᐅᐸᒍᑎᓯᒪᓚᐅᕐᐳᑦ ᒫᑕᒥᒃ ᒥᐊᕆᒥᒡᓗ ᐃᑲᔪᕐᓯᕆᐊᕐᑐᕈᒪᓪᓗᑎᒃ ᐊᓂᖓᑦᑕ ᐃᓅᔪᓐᓃᕐᓂᖓ ᐱᑦᔪᑎᒋᓪᓗᒍ.

Aglait Ijjurnaittut

¹⁹ Juutillu amisut upagutisimalauqput Maatamik Miarimiglu ikajuqsiriaqturumallutik aningatta inuujunniirninga pijjutigillugu.

ᔪᐊᓇᓯᐅᑉ ᐊᒡᓚᖏᑦ 11:19 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:35

ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᓴᒧᐃᓕ ᐂᑉᐸᖏᑦ 10:2

ᐊᖓᔪᖅᑳᕐᔪᐊᕐᓗ ᑍᕕᑎ ᐅᖃᕐᐳᖅ, “ᐅᐱᒍᓱᖕᓂᕋ ᓇᓗᓁᕋᒃᓴᕆᕙᕋ ᕼᐊᓄᓂᒧᑦ ᓇᕼᐊᓯᐅᑉ ᐃᕐᓂᖓᓄᑦ, ᐊᑖᑕᖓ ᑍᒤᓚᐅᕐᒪᑦ ᐅᕙᓐᓄᑦ.” ᑕᕝᕙ ᑍᕕᑎ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᐃᓚᑦᓱᒍᓱᖕᓂᓂ ᓇᓗᓁᕈᒪᓪᓗᒍ ᐊᑖᑕᖓᓄᑦ. ᑎᑭᒻᒪᑕᓕ ᐊᒧᓁᑎᒧᑦ,

ᑯᕉᓂᑲ ᓯᕗᓪᓖᑦ 10:12

ᓯᕘᕋᔪᓐᓇᖏᓐᓂᕐᐹᑦ ᐊᖑᑏᑦ ᒪᑭᑉᐳᑦ, ᓴᐅᓕᐅᓪᓗ ᑎᒥᖓ ᐃᕐᓂᖏᑕᓗ ᑎᒥᖏᑦ ᑎᒍᕔᑦ, ᔭᐲᓯᒧᐊᕈᑎᓪᓗᒋᓪᓗ. ᓴᐅᓂᖏᓪᓗ ᐃᓗᕕᕐᐰᑦ ᓇᐹᕐᑑᑉ ᐆᒃ ᐊᑖᓄᑦ ᔭᐲᓯᒦᑦᑐᒧᑦ, ᓂᕆᑦᑍᓕᕗᓪᓗ ᐅᓪᓗᓂᒃ 7ᓂᒃ.

ᔫᐱᐅᑉ ᐊᒡᓚᖏᑦ 2:11

ᔫᐱᐅᑉ ᐱᖃᓐᓇᕆᔭᖏᑦ ᐱᖓᓱᑦ ᐃᓕᐹᓯ ᑎᒪᓁᑎᒥᐅᑕᖅ, ᐱᐅᓪᑖᓗ ᓲᕼᐂᑎᒥᐅᑕᖅ, ᔪᐸᕆᓗ ᓁᒪᑍᑎᒥᐅᑕᖅ. ᑐᓴᕋᒥᒃ ᔫᐱᐅᑉ ᐊᖏᔪᒥᒃ ᐋᓐᓂᐊᓂᖓᓂᒃ ᑕᑯᔭᕐᑐᕐᐳᑦ ᓮᒻᒪᕐᓮᔪᒪᓪᓗᑎᒃ ᑖᑦᓱᒥᖓ.

ᔫᐱᐅᑉ ᐊᒡᓚᖏᑦ 42:11

ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:2

ᐃᓔᕐᓂᕐᒧᑦ ᕿᒃᓵᒃᑐᑦ ᐃᒡᓗᖓᓄᑦ ᐃᑎᕆᐊᒥᒃ ᐱᐅᓂᕐᓴᐅᕗᖅ ᓂᕆᕕᒡᔪᐊᕐᑐᑦ ᐃᒡᓗᖓᓄᑦ ᐃᑎᕐᓂᕐᒥᑦ, ᐃᓄᓕᒫᑦ ᑕᒪᑐᒥᖓ ᑐᕌᒐᖃᕐᒪᑕ, ᐃᓄᐃᓪᓗ ᐃᓅᔪᓕᒫᑦ ᐆᒻᒪᒻᒥᐅᑕᕆᕚᑦ.

ᐂᓮᐊᓯᐅᑉ ᐊᒡᓚᖏᑦ 51:19

ᑖᒃᑯᐊ ᒪᕐᕈᐃᑦ ᐃᓕᖕᓄᑦ ᑎᑭᐅᑎᓯᒪᕘᒃ; ᑭᐊᓕ ᕿᒃᓵᖃᑎᒋᓂᐊᕐᐹᑎᑦ? ᓄᖑᕈᑦᔭᐅᓯᒪᒐᕕᑦ ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᓪᓗᑎᒃ, ᑳᖕᓇᕐᑐᕐᔪᐊᖃᓕᕐᐳᑦ, ᐅᓇᑕᕐᓃᓪᓗ; ᑭᓇᒧᓕ ᓮᒻᒪᕐᓴᕐᑕᐅᓂᐊᓕᕐᐲ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:16

ᑕᒪᓐᓇᓗ ᐱᓪᓗᒍ ᕿᐊᒧᑦ ᐃᔩᒃᑲ ᓴᓗᐊᔪᐃᑦᑑᓕᕐᐴᒃ ᖁᕝᕕᓐᓄᑦ, ᓮᒻᒪᕐᑎᑦᓯᔪᒃᓴᖅ ᒪᑭᑎᑦᓯᔪᒃᓴᕐᓗ ᐅᕙᓐᓂᑦ ᐅᖓᓯᖕᒪᑦ ᕿᑐᕐᖓᒃᑲᓗ ᐆᒪᑦᔪᑎᒃᓴᖃᕈᓐᓁᕐᐳᑦ, ᐊᑭᕋᕗᑦ ᓵᓚᖃᕐᒪᑕ ᐅᕙᑦᑎᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21

ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9

ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:13

ᔨᕉᓴᓕᒥᐅᑦ ᖃᓄᖅ ᐅᖃᐅᓯᕆᔪᓐᓇᕐᐸᒃᑳ, ᓱᓇᒥᒡᓗ ᑐᑭᓕᐅᑦᔨᓗᖓ ᐊᑦᔨᐅᑎᑦᓯᔪᓐᓇᕐᐳᖔ? ᓮᒻᒪᕐᓴᕐᑕᐅᖁᓪᓗᓯ ᓮᐅᓂᒥᐅᑕᐅᔪᓯ? ᐋᓐᓂᕐᓯᒪᓂᓯ ᑕᕆᐅᕐᔪᐊᑎᑐᑦ ᐃᑎᑎᒋᖕᒪᑦ, ᑭᓇᒧᑦ ᐋᖅᑭᒃᑕᐅᔪᓐᓇᕋᔭᕐᐱᓰ?

ᓘᑲᓯᐅᑉ ᐊᒡᓚᖏᑦ 10:39

ᒫᑕ ᖃᑕᓐᖑᑎᖃᕐᐳᖅ ᒥᐊᕆᒥᒃ ᐊᑎᓕᖕᒥᒃ, ᒥᐊᕆ ᐃᒃᓯᕚᓚᐅᕐᐳᖅ ᐊᑕᓂᐅᑉ ᓵᑦᑎᐊᖓᓂ ᐊᔪᕆᕐᑑᓯᖏᓐᓂᒃ ᓈᓚᒡᓗᓂ.

ᓘᑲᓯᐅᑉ ᐊᒡᓚᖏᑦ 10:42

ᐊᑕᐅᓯᕐᓕ ᐱᔭᕆᐊᖃᓗᐊᕐᑐᑑᕗᖅ. ᒥᐊᕆ ᐱᐅᓂᕐᓴᒥᒃ ᐱᔪᒪᖕᒪᑦ, ᑖᓐᓇ ᐊᕐᓵᕐᑕᐅᓂᐊᓐᖏᓚᖅ ᑕᒪᑐᒥᖓ.”

ᔪᐊᓇᓯᐅᑉ ᐊᒡᓚᖏᑦ 1:19

ᔫᑎᑦ ᐊᖓᔪᖅᑳᖏᑦ ᔨᕉᓴᓕᒻᒦᑦᑐᑦ ᑐᓂᕐᕈᓯᕐᑎᑦᓯᔨᓂᒃ ᓕᕔᑎᓂᒡᓗ ᔪᐊᓇᓯᒥᒃ ᐊᐱᕆᔭᕐᑐᖁᔨᕗᑦ, ᐃᒫᒃ “ᑭᓇᐅᕖᑦ?”

ᔪᐊᓇᓯᐅᑉ ᐊᒡᓚᖏᑦ 11:1

ᐊᖑᒻᒥᒃ ᖃᓂᒪᔪᖃᕐᐳᖅ, ᓛᓴᕉᓯᒥᒃ ᐱᑕᓂᒥ ᓄᓇᓕᖕᒥᒃ, ᒥᐊᕆᐅᑉ ᒫᑕᐅᓪᓗ ᓄᑲᕇᒃ ᓄᓇᖓᓂ.

ᔪᐊᓇᓯᐅᑉ ᐊᒡᓚᖏᑦ 11:31

ᔫᑎᓪᓕ ᐃᒡᓗᒦᑦᑐᑦ, ᐃᑲᔪᕆᐊᕐᓯᒪᔪᑦ ᑖᑦᓱᒥᖓ, ᒥᐊᕆ ᑕᑯᒐᒥᑦᔪᒃ ᑐᐊᕕᕐᓗᓂ ᐊᓂᖕᒪᑦ, ᒪᓕᒃᓴᕐᐹᑦ, ᕿᐊᔭᕐᑐᕋᓱᒋᓪᓗᒍ ᐃᓗᕕᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 11:33

ᔩᓱᓯᐅᓪᓗ ᕿᐊᔪᖅ ᑕᑯᒐᒥᐅᒃ, ᔫᑎᓪᓗ ᕾᖃᑎᒋᔭᖏᑦ ᕿᐊᖕᒥᖕᒪᑕ, ᐊᒃᑐᕐᑕᐅᒻᒪᕆᒃᐳᖅ ᐊᓂᕐᓂᕐᒥᒍᑦ ᓮᒪᔪᓐᓃᕐᓗᓂ;

ᔪᐊᓇᓯᐅᑉ ᐊᒡᓚᖏᑦ 11:36

ᑕᕝᕙ ᔫᑎᑦ ᐅᖃᕐᐳᑦ, “ᑕᑯᒋᑦ ᐊᖏᔪᒥᒃ ᓇᒡᓕᒋᓐᓂᕐᐹ!”

ᔪᐊᓇᓯᐅᑉ ᐊᒡᓚᖏᑦ 11:45

ᔫᑎᑦ ᐊᒥᓱᑦ ᒥᐊᕆᒧᑦ ᐳᓛᕆᐊᕐᓯᒪᔪᑦ ᔩᓱᓯᐅᑉ ᐱᓂᐊᕐᓂᕆᔭᖓᓂᒃ ᑕᑯᔪᑦ, ᔩᓱᓯ ᐅᒃᐱᕆᓕᕐᐹᑦ.

ᔪᐊᓇᓯᐅᑉ ᐊᒡᓚᖏᑦ 11:8

ᐃᓕᓐᓂᐊᕐᑎᖏᑕ ᑭᐅᕚᑦ, “ᕌᑉᐰ, ᔫᑎᑦ ᐅᔭᖅᑲᓄᑦ ᑍᑲᓂ ᒥᓪᓗᕈᒪᓚᐅᕐᐹᑎᑦ; ᑍᑯᖓ ᐅᑎᕈᒪᓕᕆᕖᑦ?”

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:4

ᑖᑦᓱᒪ ᐃᑲᔪᕐᒪᑎᒍᑦ ᐅᖁᒤᒃᓴᕈᑎᒋᔭᑦᑎᓐᓂᑦ, ᐅᕙᒍᑦᑕᐅᖅ ᐃᑲᔪᕈᓐᓇᖁᓪᓗᑕ ᐊᓯᑦᑎᓐᓂᒃ ᖃᓄᐃᑦᑐᑐᐃᓐᓇᕐᓄᑦ ᐅᖁᒤᒃᓴᕈᑎᖃᕐᑐᓄᑦ, ᓇᖕᒥᓂᖅ ᐃᑲᔪᕐᑕᐅᑦᔪᑎᒋᓯᒪᔭᑦᑎᓐᓄᑦ ᒎᑎᒥᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:18

ᑍᒤᒻᒪᑦ ᑕᒪᒃᑯᓄᖓ ᐅᖃᐅᓯᕐᓄᑦ ᒪᓂᒍᕐᑎᒌᒋᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:11

ᑍᒤᒻᒪᑦ ᒪᓂᒍᕐᑎᒌᒋᑦᓯ ᐃᓕᑦᓯᓐᓄᑦ ᐊᑐᓂᑦ ᐃᑲᔪᕐᑎᒌᒡᓗᓯᓗ ᐊᑐᓂᑦ ᐃᓕᑦᓯᓐᓄᑦ, ᓲᕐᓗ ᑍᒫᒃ ᐱᓇᓱᐊᕋᑦᓯ.

ᓴᒧᐃᓕ ᓯᕗᓪᓖᑦ 31:13

ᓴᐅᓂᖏᓪᓗ ᐃᓗᕕᓚᐅᕐᐰᑦ ᑕᒪᕆᔅᑭ ᓇᐹᕐᑑᑉ ᐊᑖᓄᑦ ᓄᓇᓕᖕᓂ ᔭᐲᓯᒥ, ᓂᕆᑦᑍᓕᓕᓚᐅᕐᐳᓪᓗ ᐅᓪᓗᓂᒃ 7ᓂᒃ.