ᔪᐊᓇᓯᐅᑉ ᐊᒡᓚᖏᑦ 11:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᒫᒃ ᐅᖃᕇᕋᒥ, ᐅᖃᐅᑎᒃᑲᓐᓂᕐᐰᑦ, “ᐃᓚᓐᓇᕆᔭᕗᑦ ᓛᓴᕉᓯ ᓯᓂᓕᕐᐳᖅ, ᐅᐸᖕᓂᐊᕐᐸᕋᓕ ᑐᐹᕆᐊᕐᑐᕐᓗᒍ.”

Aglait Ijjurnaittut

¹¹ Taimaak uqariirami, uqautikkanniqpait, “Ilannarijavut Laasaruusi siniliqpuq, upangniaqparali tupaariaqturlugu.”

ᔪᐊᓇᓯᐅᑉ ᐊᒡᓚᖏᑦ 11:11 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 4:31

ᒋᕼᐋᓯ ᓯᕗᓂᖓᓐᓂ ᑐᐊᕕᕐᓗᓂ, ᓄᑲᑉᐱᐊᑉ ᑮᓇᖓᓄᑦ ᐊᔭᐅᑉᐱᐊᖅ ᐃᓕᔭᕐᑐᕐᐹ ᐃᓕᒐᓗᐊᕐᒪᒍ ᓂᓪᓕᓐᖏᓚᖅ ᐊᐅᓚᑦᔭᒐᓂᓗ. ᒋᕼᐋᓯ ᐊᒻᒪ ᐃᓔᓴ ᐅᑎᕐᕕᒋᓪᓗᒍ ᐅᖃᐅᑎᕚ, “ᓄᑲᑉᐱᐊᖅ ᐃᖁᒻᒪᖏᒻᒪᑦ.”

ᑯᕉᓂᑲ ᐂᑉᐸᖏᑦ 20:7

ᒎᑎᒋᓐᖏᓚᑦᑎᒌᑦ, ᐃᓅᖃᑎᒌᒡᔪᐊᓂᒃ ᑕᒫᓂ ᓄᓇᖃᕐᑐᓂᒃ ᓯᖏᑦᓯᓚᐅᕐᑐᑎᑦ ᐃᓄᖁᑎᕕᑦ ᐃᓴᕆᐊᓕᒥᐅᑦ ᓵᖓᓂ, ᑐᓂᓪᓗᒍᓗ ᐂᑉᕋᕼᐋᒻ ᐱᖃᓐᓇᕆᔭᕕᑦ ᑭᖑᕚᖏᓐᓄᑦ ᐃᓱᖃᖏᑦᑐᒧᑦ?

ᒨᓯᓯ ᐂᑉᐸᖏᑦ 33:11

ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 27:52

ᐃᓗᕖᑦ ᒪᑐᐃᕐᐳᑦ, ᐅᓄᕐᑐᓪᓗ ᒎᑎᐅᑉ ᐃᓄᖁᑎᖏᑦ ᑐᖁᖓᔪᑦ ᒪᑭᑉᐳᑦ ᐃᓅᓕᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 9:24

ᐅᖃᕐᐳᖅ, “ᐊᓂᓚᐅᕆᑦᓯ! ᐅᓇ ᓂᕕᐊᕐᓵᖅ ᑐᖁᖏᒻᒪᑦ ᓯᓂᑐᐃᓐᓇᕐᐳᕐᓕ!” ᑖᒃᑯᐊᓗ ᒥᑕᐅᑎᒋᓕᕐᐹᑦ.

ᒫᑯᓯᐅᑉ ᐊᒡᓚᖏᑦ 5:39

ᔩᓱᓯ ᑕᕝᕗᖓ ᐃᑎᕋᒥ, ᐅᖃᐅᑎᕔᑦ, “ᓱᖕᒫᑦ ᐅᐃᒪᔮᕐᐱᓯ ᕿᐊᓪᓗᓯᓗ? ᐅᓇ ᓂᕕᐊᕐᓯᐊᖅ ᑐᖁᖓᓐᖏᓚᖅ ᓯᓂᑐᐃᓐᓇᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 11:10

ᐅᓐᓄᐊᖑᑎᓪᓗᒍᓕ ᐱᓱᒃᑐᖅ ᐹᓪᓚᖕᓂᐊᕐᐳᖅ, ᖃᐅᒪᓯᐅᖏᓐᓇᒥ.”

ᔪᐊᓇᓯᐅᑉ ᐊᒡᓚᖏᑦ 11:12

ᑕᕝᕙ ᐃᓕᓐᓂᐊᕐᑎᖏᑕ ᐅᖃᐅᑎᕚᑦ, “ᐊᑕᓃᖅ, ᓯᓂᒃᑯᓂ ᐱᐅᓯᕙᓕᐊᓂᐊᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 11:13

ᔩᓱᓯᓕ ᐅᖃᐅᓯᖃᕐᐳᖅ ᓛᓴᕉᓯᐅᑉ ᑐᖁᓂᖓᓂᒃ, ᑖᒃᑯᐊᓕ ᐃᓱᒪᖃᕐᐳᑦ ᓯᓂᑐᐃᓐᓇᕐᑐᕆᒃᓯᓪᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 11:3

ᑕᕝᕙ ᓇᔭᖏᒃ ᑎᓕᓯᕘᒃ ᔩᓱᓯᒧᑦ, ᐅᖃᐅᑦᔭᐅᖁᓪᓗᒍ, “ᐊᑕᓃᖅ, ᓇᒡᓕᒋᔧᑦ ᖃᓂᒻᒪᒃᐳᖅ.”

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 7:60

ᓰᖅᑯᕐᓗᓂ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐊᑕᓃᖅ ᐊᔪᕐᑐᓕᓂᕐᒧᑦ ᑕᒪᑐᒧᖓ ᐸᓯᑦᑍᓕᒃᑭᑦ.” ᑍᒫᒃ ᐅᖃᕇᕋᒥ ᑐᖁᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:18

᙭ᔅᑑᓯᒧᓪᓗ ᐅᒃᐱᕐᓗᑎᒃ ᑐᖁᓯᒪᔪᑦ ᐊᓯᐅᓯᒪᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:51

ᑕᑯᒋᑦ ᓇᓗᓇᕐᑐᒥᒃ ᐅᖃᐅᑎᕙᑦᓯ; ᑕᒪᑦᑕ ᑐᖁᓂᐊᓐᖏᓚᒍᑦ, ᑕᒪᑦᑕᓕ ᐊᓯᑦᔨᕐᑕᐅᔪᒪᕐᐳᒍᑦ,

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:10

ᑖᓐᓇ ᑐᖁᓚᐅᕐᐳᖅ ᐱᑦᔪᑎᒋᓪᓗᑕ ᐃᓅᑎᓪᓗᑕ ᑐᖁᖓᓕᕐᑎᓪᓗᑕᓘᓐᓃᑦ ᐃᓅᖃᑎᖃᕈᓐᓇᕐᓯᔪᒫᖁᓪᓗᑕ ᑖᑦᓱᒥᖓ.

ᔧᒥᓯᐅᑉ ᐊᒡᓚᖏᑦ 2:23

ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᕗᑦ ᐃᒤᓕᔪᑦ, “ᐂᑉᕋᕼᐋᒻ ᒎᑎ ᐅᒃᐱᕆᕚ, ᑕᒪᑐᒧᖓ ᐃᓗᐊᕐᓯᑎᑕᐅᓂᕋᕐᑕᐅᕗᖅ”; ᑍᔭᐅᓕᕐᓗᓂᓗ ᒎᑎᐅᑉ ᐃᓚᓐᓈᖓᓂᒃ.