ᔪᐊᓇᓯᐅᑉ ᐊᒡᓚᖏᑦ 1:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᐅᕙᖓᓗ ᓇᖕᒥᓂᖅ ᑕᑯᓚᐅᕐᐸᕋ, ᐅᖃᐅᑎᕙᑦᓯ ᑖᓐᓇᐅᕗᖅ ᑕᕝᕙ ᒎᑎᐅᑉ ᐃᕐᓂᖓ.”

Aglait Ijjurnaittut

³⁴ Uvangalu nangminiq takulauqpara, uqautivassi taannauvuq tavva Guutiup Irninga.”

ᔪᐊᓇᓯᐅᑉ ᐊᒡᓚᖏᑦ 1:34 ပူးပေါင်းရင်းမြစ်များ

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᒫᑎᐅᓯᐅᑉ ᐊᒡᓚᖏᑦ 16:16

ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ, ᒎᑎᐅᑉ ᐆᒪᔫᑉ ᐃᕐᓂᖓ.”

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᒫᑎᐅᓯᐅᑉ ᐊᒡᓚᖏᑦ 26:63

ᔩᓱᓯᓕ ᓂᓪᓕᓐᖏᓚᖅ. ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓᑦᑕ ᐅᖃᕐᕕᒋᒃᑲᓐᓂᕐᐹ, “ᒎᑎᐅᑉ ᑐᖁᓱᐃᑦᑑᑉ ᐊᑎᖓᓂ ᐅᖃᖁᓪᓚᕆᓕᕐᐸᒋᑦ, ᐅᖃᐅᑎᓚᐅᕐᑎᒍᑦ ᙭ᔅᑑᓯᐅᖕᒪᖔᕐᐱᑦ, ᒎᑎᐅᑉ ᐃᕐᓂᖓ.”

ᒫᑎᐅᓯᐅᑉ ᐊᒡᓚᖏᑦ 27:40

“ᑐᒃᓯᐊᕐᕕᒡᔪᐊᕐᒥᒃ ᓱᕋᒃᑎᕆᓂᐊᓚᐅᕐᑐᑎᑦ ᐅᓪᓗᓪᓗ ᐱᖓᔪᐊᓐᓂ ᒪᑭᑎᒃᑲᓐᓂᕐᒥᓗᒍ, ᐃᓕᖕᓂᒃ ᐱᐅᓕᓕᕆᑦ! ᒎᑎᐅᑉ ᐃᕐᓂᕆᒃᐸᑎᑦ, ᓴᓐᓂᖓᔪᓕᖕᒥᑦ ᐊᖅᑲᓕᕆᑦ!”

ᒫᑎᐅᓯᐅᑉ ᐊᒡᓚᖏᑦ 27:43

ᒎᑎᒥᒃ ᑕᑎᖃᕐᒪᑦ; ᒫᓐᓇ, ᑕᑯᓐᓇᓕᕐᑕ ᒎᑎᒧᑦ ᐱᐅᓕᔭᐅᑎᓪᓗᒍ, ᓴᐳᑎᔪᒪᒍᓂᐅᒃ; ᐅᖃᓚᐅᕐᒪᑦ, ‘ᒎᑎᒧᑦ ᐃᕐᓂᐅᕗᖓ.’”

ᒫᑎᐅᓯᐅᑉ ᐊᒡᓚᖏᑦ 27:54

ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᓇᑕᕐᑐᒃᓮᓪᓗ ᑕᕝᕙᓃᖃᑦᑎᒋᔭᖏᑕ ᔩᓱᓯᒥᒃ ᖃᐅᔨᓴᕐᑐᑦ, ᓄᓇᐅᑉ ᓴᔪᒃᐱᓪᓚᖕᓂᖓ ᐊᓯᖏᓪᓗ ᑕᒪᒃᑯᐊ ᐱᓂᐊᕐᓂᕆᔭᐅᔪᑦ ᑕᑯᒐᒥᒋᑦ, ᐊᖏᔪᒥᒃ ᑲᒪᓕᕐᓗᑎᒃ ᐅᖃᕐᐳᑦ, “ᐅᓇ ᐃᓛᒃ ᒎᑎᐅᑉ ᓱᓕᔪᒥᒃ ᐃᕐᓂᕆᕚ!”

ᒫᑎᐅᓯᐅᑉ ᐊᒡᓚᖏᑦ 3:17

ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”

ᒫᑎᐅᓯᐅᑉ ᐊᒡᓚᖏᑦ 4:3

ᐱᔪᒥᓵᕆᔨᐅᑉ ᑎᑭᑉᐹ ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᐅᑯᐊ ᐅᔭᕅᑦ ᓂᐊᖂᔭᓐᖑᕐᑎᓚᐅᒃᑭᑦ.”

ᒫᑎᐅᓯᐅᑉ ᐊᒡᓚᖏᑦ 4:6

ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᑕᐅᓄᖓ ᐃᓕᖕᓂᒃ ᑲᑕᒃᑎᓚᐅᕆᑦ, ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐂᖏᓖᖁᑎᓂ ᑎᓕᓂᐊᕐᐰᑦ ᐱᓪᓗᑎᑦ; ᐊᒡᒐᖕᒥᖕᓄᑦ ᑎᒍᒥᐊᕐᓂᐊᕐᐹᑎᑦ, ᐃᑎᒐᑎᑦ ᐋᓐᓂᖁᓇᒋᑦ ᐅᔭᖅᑲᓄᑦ.’”

ᒫᑎᐅᓯᐅᑉ ᐊᒡᓚᖏᑦ 8:29

ᑖᒃᑯᐊᒃ ᓂᓪᓕᐊᓕᕐᐴᒃ ᕾᒐᓛᕐᓗᑎᒃ, “ᐅᕙᑦᑎᖕᓄᑦ ᖃᓄᐃᓕᐅᕆᐊᕐᑐᕐᐲᑦ ᒎᑎᐅᑉ ᐃᕐᓂᖓ? ᐋᓐᓂᐊᑎᑦᓯᔭᕐᑐᕐᐲᑦ ᓱᓕ ᐱᕕᒃᓴᖅ ᓇᓪᓕᐅᑎᓚᐅᕐᑎᓐᓇᒍ?”

ᒫᑯᓯᐅᑉ ᐊᒡᓚᖏᑦ 1:1

ᐅᖃᐅᓰᑦ ᑐᓴᕈᒥᓇᕐᑐᑦ ᐱᒋᐊᕐᓂᖃᕐᐳᑦ ᔩᓱᓯ ᙭ᔅᑑᓯᒥᒃ, ᒎᑎᐅᑉ ᐃᕐᓂᖓᓂᒃ.

ᒫᑯᓯᐅᑉ ᐊᒡᓚᖏᑦ 1:11

ᓂᐱᒥᒃ ᕿᓚᖕᒥᑦ ᑐᓴᕐᓴᐅᔪᖃᕐᐳᖅ, “ᐃᕐᓂᕆᕙᒋᑦ ᓇᒡᓕᒋᔭᕋ; ᖁᕕᐊᓲᑎᒋᑦᓯᐊᕐᐸᒋᑦ.”

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 3:22

ᐊᓂᕐᓂᐅᑉ ᐃᑦᔪᕐᓁᑦᑑᑉ ᐊᖅᑲᕐᕕᒋᕚ ᑕᑯᒃᓴᐅᓪᓗᓂ ᑎᖕᒥᐊᑎᑐᑦ ᑑᕕᑎᑐᑦ, ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ, “ᐃᕐᓂᕆᕙᒋᑦ ᓇᒡᓕᒋᔭᕋ; ᖁᕕᐊᒋᑦᓯᐊᕐᑕᕋ.”

ᔪᐊᓇᓯᐅᑉ ᐊᒡᓚᖏᑦ 1:18

ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᓂᑐᐊᓪᓕ ᐊᑖᑕᐅᑉ ᓴᕐᓕᐊᕐᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.

ᔪᐊᓇᓯᐅᑉ ᐊᒡᓚᖏᑦ 1:49

ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”

ᔪᐊᓇᓯᐅᑉ ᐊᒡᓚᖏᑦ 10:30

ᐅᕙᖓᓗ ᐊᑖᑕᓗ ᐊᑕᐅᓯᐅᕗᒍᒃ.”

ᔪᐊᓇᓯᐅᑉ ᐊᒡᓚᖏᑦ 10:36

ᒎᑎᐅᑉ ᐃᑦᔪᕐᓁᑎᓚᐅᕐᑕᖓᓄᑦ ᑎᓕᓚᐅᕐᑕᖓᓄᓪᓗ ᓄᓇᕐᔪᐊᕐᒧᑦ ᐅᖃᕈᓐᓇᕐᐱᓰ ‘ᒎᑎᒥᒃ ᐅᖃᕐᓂᕐᓘᑎᖃᕐᐳᑎᑦ,’ ᐅᖃᓚᐅᕐᓂᕋ ᐱᓪᓗᒍ, ‘ᒎᑎᐅᑉ ᐃᕐᓂᕆᕚᖓ’?

ᔪᐊᓇᓯᐅᑉ ᐊᒡᓚᖏᑦ 11:27

ᑖᑦᓱᒪ ᐅᖃᐅᑎᕚ, “ᐊᑕᓃᖅ, ᐃᓛᒃ ᐅᒃᐱᕐᐳᖓ ᙭ᔅᑑᓯᐅᒐᕕᑦ, ᒎᑎᐅᑉ ᐃᕐᓂᖓ, ᓯᓚᕐᔪᐊᕐᒧᑦ ᑎᑭᓯᒪᔪᖅ.”

ᔪᐊᓇᓯᐅᑉ ᐊᒡᓚᖏᑦ 19:7

ᑕᕝᕙ ᔫᑎᑦ ᑭᐅᕚᑦ, “ᐱᖁᔭᖃᕐᐳᒍᑦ, ᐱᖁᔧᑦ ᒪᓕᒡᓗᒋᑦ ᑖᓐᓇ ᑐᖁᑕᐅᔪᒃᓴᐅᕗᖅ, ᐃᒻᒥᓂᒃ ᐃᕐᓂᐅᑎᒻᒪᑦ ᒎᑎᒧᑦ.”

ᔪᐊᓇᓯᐅᑉ ᐊᒡᓚᖏᑦ 20:28

ᑑᒪᓯᐅᑉ ᑭᐅᕚ, “ᐊᑕᓂᕋ, ᒎᑎᒐᓗ!”

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 6:69

ᐅᒃᐱᓕᕐᓗᑕᓗ ᖃᐅᔨᕗᒍᑦ ᒎᑎᐅᑉ ᐃᑦᔪᕐᓁᑦᑐᖁᑎᒋᖕᒪᑎᑦ.”

ᕉᒪᒥᐅᓄᑦ 1:4

ᐃᑦᔪᕐᓁᑦᑐᒥᒃ ᐃᓅᓯᖃᕐᓂᕐᒥᒍᑦ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᑕᐅᓚᐅᕐᐳᖅ ᐱᔪᓐᓇᕐᓂᕐᔪᐊᒃᑯᑦ ᒪᑭᓚᐅᕐᓂᕐᒥᒍᑦ ᑐᖁᒥᑦ, ᑖᓐᓇᐅᕗᖅ ᔩᓱᓯ ᙭ᔅᑑᓯ ᐊᑕᓂᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:19

ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.

ᐄᑉᕈᐃᓄᑦ 7:3

ᒥᓪᑭᓯᑎᓕ ᐊᑖᑕᖃᓐᖏᓚᖅ ᐊᓈᓇᖃᕋᓂᓗ, ᓯᕗᓕᕕᓂᖃᖏᓐᓂᕗᖅ, ᐃᓅᓕᕐᓂᕕᓂᖓᓗ ᐅᓂᒃᑲᐅᓯᐅᓯᒪᓐᖏᓚᖅ ᑐᖁᓂᖓᓗ ᐅᓂᒃᑲᐅᓯᐅᓯᒪᓇᓂ, ᒎᑎᐅᑉ ᐃᕐᓂᖓᑐᑦ ᑍᒤᑉᐳᖅ ᑐᓂᕐᕈᓯᕐᑎᑦᓯᔨᐅᕗᖅ ᐃᓱᖃᖏᑦᑐᒧᑦ.

ᔪᐊᓇᓯ ᓯᕗᓪᓖᑦ 2:23

ᓇᓪᓕᐊᑦ ᐃᕐᓂᕐᒥᒃ ᖃᐅᔨᒪᖏᓐᓂᕋᕐᑐᖅ ᐊᑖᑕᒥᒃ ᐱᖃᓐᖏᓚᖅ; ᓇᓪᓕᐊᓪᓕ ᐃᕐᓂᕐᒥᒃ ᐃᓚᓕᐅᕐᓯᔪᖅ ᐊᑖᑕᒥᒃ ᐱᖃᕆᕗᖅ.

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

ᔪᐊᓇᓯ ᓯᕗᓪᓖᑦ 4:9

ᒎᑎᐅᑉ ᓇᒡᓕᖕᓂᓂ ᐊᑯᓐᓇᑦᑎᓐᓄᑦ ᓴᖅᑭᑎᓚᐅᕐᐹ, ᒎᑎᐅᑉ ᐃᕐᓂᑐᐊᓂ ᑎᓕᓚᐅᕐᒪᒍ ᓯᓚᕐᔪᐊᕐᒧᑦ, ᐅᕙᒍᑦ ᑖᑦᓱᒨᓇ ᐃᓅᖁᓪᓗᑕ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᔪᐊᓇᓯᐅᑉ ᐂᑉᐸᖏᑦ 1:9

ᓇᓪᓕᐊᑦ ᙭ᔅᑑᓯᐅᑉ ᐊᔪᕆᕐᑐᐃᓂᖓᓃᑦᓮᓐᓇᖏᑦᑐᖅ ᑖᓐᓇ ᒎᑎᖃᓐᖏᓚᖅ; ᓇᓪᓕᐊᓪᓕ ᙭ᔅᑑᓯᐅᑉ ᐊᔪᕆᕐᑑᓯᖓᓃᑦᓯᐊᕐᑐᖅ ᑕᒤᓐᓂᒃ ᐱᖃᕐᐳᖅ ᐊᑖᑕᒥᒃ ᐃᕐᓂᕐᒥᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:18

“ᑍᐊᑍᕋᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᒎᑎᐅᑉ ᐃᕐᓂᖓᓂᑦ, ᐃᔨᖅᑲᕐᑑᑉ ᐃᑯᒪᔪᑎᑐᑦ ᑍᒤᑦᑑᖕᓂᒃ, ᐃᑎᒐᖃᕐᑑᓪᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᑕᐅᓯᒪᔪᑎᑐᑦ ᑍᒤᑦᑑᖕᓂᒃ.