16 ᐊᑭᕋᑦᑕ ᕿᒻᒥᕐᔪᐊᖏᑕ ᓂᓪᓕᐊᓂᖏᑦ ᑐᓴᕐᓴᐅᓕᕐᐳᑦ ᓄᓇᒥᑦ ᑖᓐᒥᐅᓂᑦ ᐱᔪᑦ, ᕿᒻᒥᕐᔪᐊᖏᑕ ᐊᖑᑕᐅᓂᖏᑕ ᓂᑦᔮᓂᖏᓐᓄᑦ ᓄᓇᓕᒫᖅ ᓴᔪᒃᐱᓗᓕᕐᐳᖅ. ᕾᓕᕐᐳᑦ ᓱᓁᕈᑦᔨᔭᕐᑐᕐᓗᑎᒃ ᓄᓇᒥᒃ, ᐃᒡᓗᒐᓴᒡᔪᐊᖏᓐᓂᒡᓗ ᐃᓄᐃᕈᑦᔨᔭᕐᑐᕐᓗᑎᒃ.
ᒥᓯᒃᑎᑦᓱᓐᓇᕐᐱᐅᒃ ᐱᒡᓕᕐᑕᐅᔮᕐᑐᑎᑐᑦ? ᐃᓄᖕᓂᒃ ᑲᑉᐱᐊᓱᒃᑎᑦᓯᑎᓪᓗᒋᑦ ᓱᐳᐊᕐᕙᓗᖕᓂᖓᓄᑦ?
ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓄᓇᕐᔪᐊᕐᒦᑦᑐᓕᒫᓪᓗ, ᓯᓚᕐᔪᐊᕐᓗ, ᑕᕝᕙᓂᓗ ᐃᓂᖃᕐᑐᑦ.
ᓂᓐᖓᐅᑦᔨᓃᑦ ᑲᔪᓯᑎᓕᕈᒃ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ, ᐊᑎᕐᓄᓪᓗ ᑐᒃᓯᐊᕐᐸᖏᑦᑐᓄᑦ, ᔧᑰᑉ ᑭᖑᕚᖏᓐᓂᒃ ᐊᓯᕈᐃᓯᒪᖕᒪᑕ; ᓄᖑᕈᑎᑦᓯᐊᕐᓗᒍ ᓄᓇᖓᓐᓂᒡᓗ ᓄᓇᒋᔭᒃᓴᐅᔪᓐᓃᕐᑎᑦᓯᓪᓗᑎᒃ.
ᒎᑎᓐᖑᐊᓅᕐᓂᑦᑕ ᑲᓐᖑᓇᕐᓂᖓ ᐊᓯᐰᑐᐃᓐᓇᕐᓯᒪᕗᖅ ᓯᕗᓕᕕᓂᑦᑕ ᐱᓇᓱᐊᕐᓂᕕᓂᖏᓐᓂᒃ, ᐃᓅᓱᒃᑐᖁᑎᖏᓐᓂᒃ, ᐆᒪᔪᖁᑎᖏᓐᓂᒡᓗ.
ᐃᓕᑦᓯᓐᓂᒃ ᓄᖑᑎᑦᓯᔪᓕᒫᑦ ᓄᖑᑕᔪᒫᕐᐳᑦ; ᐊᑭᕋᕐᑐᕐᑎᓕᒫᓯ ᐊᐅᓪᓚᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒃ ᐱᖁᑍᕈᑦᔨᔪᑦ ᐱᖁᑍᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒡᓗ ᓱᓇᐅᔪᓐᓃᕐᑎᑦᓯᔪᑦ ᓱᓇᐅᔪᓐᓃᕐᑎᑦᓱᒫᕐᐸᒃᑲ.
“ᑲᑉᐱᐊᓱᐊᔪᑦ ᓂᐱᖏᓐᓂᒃ ᑐᓴᕐᓴᐅᔪᖃᕐᐳᖅ, ᑲᑉᐱᐊᓱᒃᑐᑦ ᓂᐱᖏᓐᓂᒃ ᓮᒪᔪᓂᐅᖏᑦᑐᖅ.
ᖃᖅᑬᓪᓗ ᑕᑯᓴᕋᒃᑭᑦ, ᓴᔪᒃᐱᓗᒃᑐᑦ ᑕᑯᕙᒃᑲ, ᐱᖑᐃᓪᓗ ᐊᐅᓚᓪᓗᑎᒃ.
ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.
ᕿᒻᒥᕐᔪᐊᑦ ᐸᖓᓕᒃᑐᑦ ᕿᑭᕐᕋᖏᑦ ᑐᓴᕐᓴᐅᓕᕐᐸᑕ, ᐊᑭᕋᖏᑕ ᕿᒧᒃᓯᐅᑎᕐᕙᓗᖏᑦ ᕿᑭᕐᕌᓕᕐᐸᑕ, ᐊᑖᑕᐅᔪᑦ ᓄᑕᖅᑲᒥᖕᓂᒃ ᐃᑲᔪᕐᓯᕈᓐᓇᕐᓂᐊᓐᖏᓚᑦ, ᑕᓕᖏᑦ ᓄᑮᕈᑎᔪᒫᕐᒪᑕ.
ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”
ᐅᓇᑕᕆᐊᕐᑐᑦ ᓱᒋᐅᑦᓯᔭᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ ᓂᑲᒍᓱᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᕿᒻᒥᕐᔪᐊᖏᑕ ᕿᑭᕐᕋᖏᑦ ᐃᒪᕐᕕᐅᑉ ᒪᓕᖏᑎᑐᑦ ᐃᒃᑑᓕᔮᕐᐳᑦ, ᐅᓇᑕᕆᐊᕐᓯᒪᔪᑦ ᐋᖅᑭᒃᓯᒪᓂᕆᕙᒃᑕᖏᑎᑐᑦ ᐋᖅᑭᒃᓯᒪᓪᓗᑎᒃ ᐅᐸᒍᑎᓕᕐᐳᑦ ᐹᐱᓘᓂᒧᑦ.
ᓄᓇ ᓴᔪᒃᐱᓗᒃᐳᖅ ᐋᓐᓂᕇᓯᕐᑐᑎᑐᑦ, ᐊᑕᓂᐅᑉ ᐹᐱᓘᓂᒥᐅᓄᑦ ᐊᑭᓂᐊᕐᓂᕆᔪᒪᔭᖓ ᓇᓪᓕᐅᑎᖕᒪᑦ, ᐹᐱᓘᓂᒥᐅᑦ ᓄᓇᖓᑦ ᓱᓁᕈᑦᔭᐅᖕᒪᑦ ᓄᓇᖃᕐᕕᐅᔪᓐᓇᕈᓐᓃᕐᐳᖅ ᑭᓇᒃᑯᑐᐃᓐᓇᕐᓄᑦ.
ᐅᓇᑕᐅᑎᖃᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ, ᐊᑦᑕᕆᔭᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᓂᐱᖏᑦ ᓂᐱᖃᕐᐳᑦ ᐃᒪᕕᐅᑉ ᐃᒃᑑᓕᔮᕐᓂᖓᑐᑦ, ᐃᖏᕐᕋᓕᕌᖓᒥᒃ ᕿᒻᒥᕐᔪᐊᓄᑦ, ᓮᐅᓂᒥᐅᑕᐅᔪᓯ ᐅᐸᒃᑕᐅᓕᕐᐳᓯ ᐅᓇᑕᐅᓯᔭᕐᑐᓄᑦ.
ᐃᐸᕋᐅᑕᐅᑉ ᓯᖅᑯᕐᑕᕐᕙᓗᖓ, ᐊᒃᓴᓗᐊᓪᓗ ᐊᒃᓴᑳᕙᓗᖕᓂᖏᑦ, ᕿᒻᒥᕐᔪᐊᑦ ᐸᖓᓕᒡᕙᓗᖏᑦ ᕿᒧᒃᓯᐅᑎᓪᓗ ᐊᒃᓴᓗᐊᓖᑦ ᐊᑦᓴᕐᑕᕐᕙᓗᖏᑦ!
ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ; ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ. ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ, ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.
ᐊᒡᓔᑦ ᐅᖃᕐᒪᑕ, “ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓱᓇᓕᒫᓪᓗ ᑕᕝᕙᓃᑦᑐᑦ.”
ᐅᖃᐅᑎᔭᐅᒍᕕᓪᓕ, “ᐅᓇ ᓂᕿ ᒎᑎᓐᖑᐊᓄᑦ ᑐᓂᕐᕈᑎᕕᓂᖅ,” ᑖᓐᓇ ᓂᕆᓂᐊᕐᓇᒍ, ᐅᖃᐅᑦᔨᔪᖅ ᑖᓐᓇ ᐱᑦᔪᑎᒋᓪᓗᒍ ᐃᓱᒫᓗᖁᓇᑎᓪᓗ.
ᐊᑎᕐᑖᕐᑎᓪᓗᒍᓗ ᐃᒡᓗᒐᓴᒡᔪᐊᑦ ᑖᓐᒥᒃ, ᓯᕗᓕᕕᓂᖓᑦᑕ ᐊᑎᖓᓂᒃ, ᐃᓴᕆᐊᓕᐅᑉ ᐃᕐᓂᕆᓚᐅᕐᑕᖓᓂᒃ; ᓯᕗᓪᓕᕐᒥᒃ ᐃᒡᓗᒐᓮᑦ ᐊᑎᖃᓚᐅᕐᐳᑦ ᓔᓯᒥᒃ.
ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.
ᕿᒻᒥᕐᔪᐊᑦ ᕾᕗᑦ ᐸᖓᓕᖕᓂᖏᑦ ᓂᐱᖅᑯᕐᑐᓪᓗᑎᒃ ᐸᖓᓕᒡᓗᑎᒃ, ᕿᒻᒥᕐᔪᐊᑦ ᐊᖑᓴᓪᓗᐃᑦ ᐸᖓᓕᒃᐳᑦ.