ᔨᕆᒤᐊᐅᑉ ᐊᒡᓚᖏᑦ 8:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ “ᑲᑎᕐᓱᐃᕕᖃᕈᓐᓃᕐᑎᑦᓱᒫᕐᐸᒃᑲ ᐊᑕᓂᖅ ᐅᖃᕐᐳᖅ, ᐅᕐᐱᒐᖁᑎᖏᑦ ᕔᓂᒃᓴᓂᒃ ᐸᐅᕐᖓᑕᖃᕈᓐᓃᕐᓗᑎᒃ ᓇᐹᕐᑐᖁᑎᖏᓪᓗ ᐱᕈᕐᕕᐅᔪᓐᓇᕈᓐᓃᕐᓗᑎᒃ ᐸᐅᕐᖓᓂᒃ ᐅᖃᐅᔭᖏᓪᓗ ᑐᖁᓕᔪᒫᕐᐳᑦ ᑐᓂᑦᔪᑎᒋᓚᐅᕐᑕᓐᓂᒃ ᐊᕐᓵᕐᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 8:13 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 21:19

ᓇᐹᕐᑐᒥᒡᓗ ᐸᐅᕐᖓᓕᒃᓴᒥᒃ ᐊᖅᑯᑎᐅᑉ ᓴᓂᐊᓃᑦᑐᒥᒃ ᑕᑯᒐᒥ ᐅᐸᒃᐹ, ᓇᓂᓯᓐᖏᓚᕐᓗ ᐱᕈᕐᑐᖏᓐᓂᒃ ᐅᖃᐅᔭᖃᑐᐃᓐᓇᕐᒪᑦ. ᓇᐹᕐᑐᖅ ᐅᖃᐅᑎᕚ, “ᐱᕈᕐᕕᐅᒃᑲᓐᓂᓚᐅᕐᓯᒪᑦᔮᔪᓐᓃᕐᐳᑎᑦ!” ᑕᕝᕔᓐᓇᖅ ᓇᐹᕐᑐᖅ ᐸᐅᕐᖓᓕᒃᓴᖅ ᑐᖁᓕᕗᖅ.

ᔪᐃᓕᐅᑉ ᐊᒡᓚᖏᑦ 1:7

ᕔᓂᓕᐅᕐᕕᕗᑦ ᐊᓯᕈᕐᑕᐅᖕᒪᑕ, ᓇᐹᕐᑐᐃᓪᓗ ᐸᐅᕐᖓᓖᑦ ᐱᒋᓕᖕᓂᒃ ᓂᕆᔭᐅᖕᒪᑕ, ᓇᐹᕐᑐᐃᑉ ᐊᒥᕅᔭᑦᓯᐊᕐᓗᒋᑦ ᐃᒋᑕᐅᕗᑦ; ᐊᕙᓚᖓᔪᖏᓪᓗ ᖃᑯᕐᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 17:8

ᓇᐹᕐᑐᑎᑐᑦ ᑍᒤᑉᐳᖅ ᐃᒪᖃᑦᓯᐊᕐᑐᒥ ᐱᕈᕐᓯᒪᔪᑎᑐᑦ, ᐊᒫᖏᓪᓗ ᐃᒫᓄᑦ ᑎᑭᐅᒪᑦᓯᐊᕐᑐᑎᑐᑦ, ᓯᓚ ᐅᖅᑰᔪᐊᓘᓕᕋᓗᐊᕐᐸᑦ ᓯᕘᕋᖏᑦᑐᑎᑐᑦ, ᐅᖃᐅᔭᖃᕐᑐᑎᑐᑦ ᑐᖑᔪᐃᓐᓇᕐᑐᓂᒃ, ᐸᓂᕐᓇᕐᑐᖃᕋᓗᐊᕐᐸᑦ ᐃᓱᒫᓗᖏᑦᑐᑎᑐᑦ, ᐱᕈᕐᑐᒃᓴᖁᑎᖏᑦ ᐱᕈᐃᓐᓇᐅᔭᕐᒪᑕ.

ᔧᒥᓯᐅᑉ ᐊᒡᓚᖏᑦ 1:11

ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.

ᕼᐊᒊᑉ ᐊᒡᓚᖏᑦ 2:17

ᓱᒋᐊᓚᐅᕐᐸᑦᓯ ᐱᕈᕐᓯᐊᓯᓗ ᑕᒪᕐᒥᒃ ᑐᖁᓕᓇᕐᑐᓄᑦ ᐅᖁᖕᒧᓪᓗ ᓇᑕᖅᑯᕐᓇᓄᓪᓗ, ᐅᕙᓐᓄᓪᓕ ᓱᓕ ᐅᑎᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᕼᐊᒊᑉ ᐊᒡᓚᖏᑦ 1:11

ᓄᓇ ᐸᓂᕐᑎᓚᐅᕐᐸᕋ ᐱᕈᕐᓰᕖᑦ ᖃᖅᑬᓪᓗ, ᓂᐊᖂᔭᒃᓮᓪᓗ, ᕔᓂᒃᓮᓪᓗ, ᐱᕈᕐᑐᐃᓪᓗ ᐅᕐᓱᖏᑦ ᓱᓇᑐᐃᓐᓁᓪᓗ ᓄᓇᐅᑉ ᐱᕈᕐᑎᑕᖏᑦ, ᐃᓄᖕᓄᑦ ᐆᒪᔪᖁᑎᑦᓯᓐᓄᓪᓗ, ᐊᒡᒐᑦᓯᓗ ᓴᓇᔭᓕᒫᖏᑦ.’”

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 5:10

ᐱᕈᕐᓰᕖᑦ ᕔᓂᒃᓴᕐᑕᓖᑦ ᐊᖏᓂᖃᕐᑐᑦ ᐃᒡᓗᓕᐅᕐᕕᐅᔪᓐᓇᕐᑐᒧᑦ 40ᓂᒃ ᕔᓂᑖᕐᕕᐅᔪᒫᕐᐳᖅ ᖃᓪᓗᑎᓂᒃ ᑕᓪᓕᒪᓂᒃ, ᐱᕈᕐᓯᐊᒃᓮᓪᓗ ᑲᓐᖓᕐᓲᑎᒃᓴᖏᑦ ᖃᑦᑕᐅᔧᑦ 10 ᐱᕈᕐᑎᑦᓯᔪᒫᕐᐳᑦ ᖃᑦᑕᒧᑦ ᐊᑕᐅᓯᕐᒧᑦ ᓈᒻᒪᒃᑐᒥᒃ.”

ᒨᓯᓯ ᐱᖓᔪᖏᑦ 26:20

ᐊᒃᓱᕈᕐᓗᓯ ᓴᓇᓇᓱᐊᕐᓂᓯ ᑕᒪᐅᖓᑐᐃᓐᓈᕐᓂᐊᕐᐳᖅ, ᓄᓇᖁᑎᓯ ᐱᕈᕐᑐᒥᓂᒃ ᓴᖅᑭᑎᑦᓯᔪᓐᓁᕐᓂᐊᕐᒪᑦ, ᓇᐹᕐᑐᐃᓪᓗ ᓄᓇᖁᑎᑦᓯᓐᓃᑦᑐᑦ ᐸᐅᕐᖓᒥᖕᓂᒃ ᓴᖅᑭᑎᑦᓯᔪᓐᓁᕐᓂᐊᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᕼᐆᓯᐊᑉ ᐊᒡᓚᖏᑦ 2:12

ᒪᓂᖅᑭᑎᕐᓂᐊᕐᐸᒃᑲᓗ ᕔᓂᓕᒃᓴᓄᑦ ᐸᐅᕐᖓᓄᑦ ᐱᕈᕐᓰᕕᖏᑦ ᐱᕈᕐᑐᓖᓪᓗ ᐱᒋᓕᖕᓂᒃ ᓇᐹᕐᑐᐃᑦ, ᐅᖃᐅᓯᕆᓚᐅᕐᑕᖏᑦ, ‘ᒪᑯᐊ ᐊᑭᓕᕐᑕᐅᑦᔪᑎᒋᓯᒪᔭᒃᑲ ᐱᖃᑎᒋᕙᒃᑕᒪ ᑐᓂᓚᐅᕐᑕᖏᑦ.’ ᑕᒪᒃᑯᐊ ᓇᐹᕐᑐᓕᒡᔪᐊᓐᖑᕐᑎᑦᓱᒫᕐᐸᒃᑲ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 14:15

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᑖᒃᑯᓄᖓ ᐱᔪᒫᕐᑐᒃᓴᓂᒃ ᐅᖃᕐᑎᑕᐅᓂᕋᖃᑦᑕᕐᑐᓄᑦ ᐊᑎᕋ ᐊᑐᕐᓗᒍ ᑎᓕᓚᐅᖏᒃᑲᓗᐊᕐᑕᒃᑲ, ᐅᖃᕐᐸᒃᑐᑦ, ‘ᐅᓇᑕᕐᑐᖃᕐᓂᐊᓐᖏᓚᖅ ᑳᖕᓇᕐᑐᖃᕐᓂᐊᕋᓂᓗ ᑕᒫᓂ ᓄᓇᒥ’; ᑖᒃᑯᐊ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᐅᕙᓐᓄᑦ ᓇᖕᒥᓂᖅ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒧᓪᓗ ᓄᖑᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 22:31

ᑍᒤᒻᒪᑦ ᓂᓐᖓᒡᕕᒋᓯᒪᓕᕐᐸᒃᑲ; ᓄᖑᓯᒪᓕᕐᐸᒃᑲᓗ ᓂᓐᖓᐅᓯᕐᒪ ᐃᑯᒪᖓᓄᑦ; ᐱᓂᐊᕐᓂᕆᓯᒪᔭᖏᑦ ᐊᑭᓕᕐᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᒪᓚᑬᑉ ᐊᒡᓚᖏᑦ 3:11

ᐃᓂᕐᑎᕐᓂᐊᕐᐸᕋᓗ ᐱᒃᓴᑦᓯᓐᓂᒃ ᓂᕆᕙᒃᑐᖅ, ᐊᓯᕈᐃᖁᓇᒍ ᓄᓇᒥᑦ ᐱᕈᕐᑎᑕᑦᓯᓐᓂᒃ; ᕔᓂᒃᓮᓪᓗ ᐱᕈᑦᓯᐊᕐᓂᐊᕐᐳᑦ ᐱᕈᕐᓰᕕᑦᓯᓐᓂ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.