ᔨᕆᒤᐊᐅᑉ ᐊᒡᓚᖏᑦ 7:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ “ᐃᕝᕕᓪᓕ, ᐃᓄᐃᑦ ᑖᒃᑯᐊ ᑐᒃᓯᐅᑎᑦᑍᓕᒃᑭᑦ, ᕿᓄᑦᔪᑎᒋᑦᑍᓕᒃᑭᓪᓗ, ᑐᒃᓯᐊᕐᕕᒋᑦᑍᓕᓐᖓ ᑐᒃᓯᐅᑎᒐᓗᐊᕈᕕᒋᑦ ᑐᓴᑦᔮᓐᖏᓚᒋᑦ.

ᔨᕆᒤᐊᐅᑉ ᐊᒡᓚᖏᑦ 7:16 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:18

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᑲᒪᔨᐅᓚᐅᕐᐳᖅ ᓴᐳᓐᓂᐊᕐᑎᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᓚᐅᕐᐳᑦ.

ᒨᓯᓯ ᐂᑉᐸᖏᑦ 32:10

ᒫᓐᓇ ᐅᕙᓐᓂᒃ ᓄᖅᑲᕐᑎᑦᓯᓇᓱᐊᕐᓂᐊᕐᓇᒃ, ᐃᓄᐃᑦ ᑖᒃᑯᐊ ᓂᓐᖓᐅᑎᒻᒪᕆᒐᒃᑭ, ᐊᓯᕈᕐᓂᐊᓕᕐᐸᒃᑲ. ᐃᕝᕕᓪᓕ ᑭᖑᕚᒃᓴᑎᓪᓗ ᐃᓅᖃᑎᒌᒡᔪᐊᓐᖑᕐᑎᓐᓂᐊᕐᐸᒃᑲ.”

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 11:14

ᑍᒤᒻᒪᑦ ᐃᓄᐃᑦ ᑖᒃᑯᐊ ᑐᒃᓯᐅᑎᑦᑍᓕᒃᑭᑦ, ᕿᓄᑦᔪᑎᒋᑦᑍᓕᒃᑭᑦ ᑐᒃᓯᐅᑎᑦᑍᓕᓗᒋᓪᓗ, ᐅᖁᒤᒃᓴᓕᕈᑎᒃ ᑐᒃᓯᐊᕋᓗᐊᕐᐸᑕ ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 15:6

ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ; ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 18:20

ᐱᑦᓯᐊᕐᓂᖅ ᐱᐅᖏᑦᑐᒧᑦ ᐊᑭᓂᐊᕐᑕᐅᑦᔪᑎᖃᕐᑐᒃᓴᐅᕚ? ᑍᒤᑦᓴᕆᐊᖃᖏᒃᑲᓗᐊᕐᑎᓪᓗᒍ ᑕᑯᒋᑦ ᐃᑎᕐᓴᓕᐅᕆᕗᑦ ᐅᕙᓐᓂᒃ ᑐᖁᑦᓯᔪᒪᓪᓗᑎᒃ. ᐃᖅᑲᐅᒪᒋᑦ ᐅᖃᕐᕕᒋᓚᐅᕋᒃᑭᑦ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᓯᕈᕐᑕᐅᖁᓇᒋᑦ ᓂᓐᖓᐅᓯᕐᓄᑦ.

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᔨᕆᒤᐊᐅᑉ ᐊᒡᓚᖏᑦ 7:17

ᑕᑯᖃᑦᑕᓐᖏᓚᑏᑦ? ᖃᓄᐃᓕᐅᕐᓂᕆᔭᖏᓐᓂᒃ ᔫᑕᒥ ᔨᕉᓴᓕᒥᐅᓪᓗ ᐊᖅᑯᓯᓂᖏᓐᓃ?

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 9:14

ᓄᖅᑲᕐᑎᓐᓇᓱᐊᕐᓂᐊᕐᓇᖓ, ᓄᖑᑦᓱᒪᓕᕋᒃᑭᑦ ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓃᖁᓪᓗᒋᑦ. ᑕᕝᕙ ᐃᓅᖃᑎᒌᒡᔪᐊᓄᑦ ᐱᒋᐊᕐᕕᐅᓕᕐᑎᓐᓂᐊᕐᐸᒋᑦ ᑖᒃᑯᓇᓐᖓᑦ ᐅᓄᕐᓂᕐᓴᐅᔪᓂᒃ ᐱᔪᓐᓇᕐᓂᖃᕐᓂᕐᓴᐅᔪᓂᒡᓗ.’

ᔪᐊᓇᓯ ᓯᕗᓪᓖᑦ 5:16

ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐊᔪᕐᑐᓕᑎᓪᓗᒍ ᑕᑯᔪᖅ ᐊᔪᕐᑐᓕᖏᑉᐸᑦ ᑐᖁᓐᓇᕐᑐᒥᒃ, ᑍᒤᑐᖅ ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᒎᑎᐅᓪᓗ ᐃᓅᓯᕐᒥᒃ ᑐᓂᓯᕕᒋᓂᐊᕐᐹ ᑐᖁᓐᓇᕐᑐᒥᒃ ᐊᔪᕐᑐᓕᖏᑉᐸᑦ. ᐊᔪᕐᑐᓕᓂᕐᑕᖃᕐᐳᖅ ᑐᕌᕐᑐᒥ ᑐᖁᒧᑦ; ᑍᒤᑦᑐᒥᒡᓕ ᑐᒃᓯᐅᑦᔭᐅᖁᔨᓗᖓ ᐅᖃᓐᖏᓚᖓ.