ᔨᕆᒤᐊᐅᑉ ᐊᒡᓚᖏᑦ 7:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑍᒤᒻᒪᑦ, ᓮᓗᐊᒧᑦ ᐱᓂᐊᕐᓂᕆᓯᒪᔭᕋ ᐃᒡᓗᖁᑎᓐᓄᑦᑕᐅᖅ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᐱᓂᐊᕈᑎᒋᓂᐊᓕᕆᕙᕋ, ᑐᒃᓯᐊᕐᕕᒃᔪᐊᖅ ᐅᒃᐱᕆᔭᓯ ᑐᓂᓚᐅᕐᓯᒪᔭᕋ ᐃᓕᑦᓯᓐᓄᑦ ᓯᕗᓕᕕᓂᑦᓯᓐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 7:14 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᑯᕉᓂᑲ ᐂᑉᐸᖏᑦ 7:21

“ᑖᓐᓇᓗ ᐃᒡᓗ, ᓂᕐᑐᕐᓇᕐᓯᑎᑕᐅᓯᒪᔪᖅ, ᓴᓂᖅᑯᑦᑐᓕᒫᓄᑦ ᑲᒪᓂᐊᕈᑕᐅᖃᑦᑕᕈᒫᕐᐳᖅ, ᐅᖃᕐᓗᑎᒡᓗ, ‘ᓱᖕᒪᑦ ᐊᑕᓂᐅᑉ ᑍᒫᒃ ᑕᒪᓐᓇ ᓄᓇ ᐱᓂᐊᕐᕕᐅᑎᓯᒪᕚ ᑖᓐᓇᓗ ᐃᒡᓗ?’

ᐃᓐᖏᕈᑎᑦ 78:60

ᑐᐱᕐᔪᐊᖅ ᑐᒃᓯᐊᕐᕕᒃ ᓮᓗᐊᒦᑦᑐᖅ ᕿᒪᓚᐅᕐᐹ, ᑐᐱᓕᐊᕆᓚᐅᕐᑕᓂ ᓇᔪᒐᕆᔪᒪᓪᓗᒍ ᐃᓄᐃᑦ ᐊᑯᕐᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 64:11

ᐃᑦᔪᕐᓁᑦᑐᖅ ᐃᒡᓗᖁᑎᕗᑦ ᑕᑯᒥᓇᕐᑐᕐᔪᐊᖅ, ᓯᕗᓕᑦᑕ ᓂᕐᑐᐃᕕᒋᕙᓚᐅᕐᑕᖓ ᐃᓕᖕᓂᒃ, ᐃᑯᐊᓪᓚᒃᑕᐅᓪᓗᓂ ᓄᖑᓯᒪᕗᖅ, ᐃᓂᑦᓯᐊᕆᓚᐅᕐᑕᓕᒫᕗᓪᓗ ᐃᒡᓗᕕᓂᑐᐃᓐᓇᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 12:7

ᐃᓄᖁᑎᒃᑲ ᖁᔭᓈᕐᐸᒃᑲ, ᑭᖑᕐᖑᑎᔭᒃᓴᒃᑲᓗ ᕿᒪᒡᓗᒋᑦ; ᐃᓄᖁᑎᒃᑲ ᓇᒡᓕᒋᓚᐅᕐᑕᒃᑲ ᐊᑭᕋᖏᓐᓄᑦ ᑐᓂᑦᔪᑎᒋᓕᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 23:39

ᑍᒤᒻᒪᑦ, ᑕᑯᒋᑦ, ᖁᓚᕐᓇᖏᑦᑐᒥᒃ ᐃᒋᑦᓱᒫᕐᐸᑦᓯ ᓇᔪᕐᑕᓐᓂᑦ, ᐃᒡᓗᒐᓴᒡᔪᐊᑦ ᓯᕗᓕᑦᓯᓐᓄᑦ ᑐᓂᓚᐅᕐᑕᒃᑲ ᐱᖃᓯᐅᑎᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 26:4

ᐅᖃᐅᑎᔭᒃᓴᕆᕙᑎᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᓈᓚᖏᒃᑯᑦᓯᓐᖓ ᐱᖁᔭᒃᑲᓗ ᒪᓕᖏᒃᑯᑦᓯᐅᒃ ᐃᓕᑦᓯᓐᓄᑦ ᒪᓕᒐᒃᓴᓕᐊᕆᓚᐅᕐᑕᒃᑲ.

ᔨᕆᒤᐊᐅᑉ ᐊᒡᓚᖏᑦ 7:10

ᐊᒻᒪ ᑐᒃᓯᐊᕐᕕᖁᑎᑦᓯᓐᓄᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᐃᑎᕌᖓᑦᓯ ᐅᖃᓕᕐᐸᖕᒥᓗᓯ ‘ᐅᕙᓂ ᓴᐳᑦᔭᐅᓂᐊᕐᐳᒍᑦ.’ ᓴᐳᑎᔭᐅᓯᒪᓂᐊᕐᐱᓰ? ᑕᒪᒃᑯᓂᖓ ᓈᒻᒪᖏᑦᑐᐊᓗᖕᓂᒃ ᐱᓇᓱᐊᕐᑎᓪᓗᓯ?

ᔨᕆᒤᐊᐅᑉ ᐊᒡᓚᖏᑦ 7:12

ᐂᓕᕆᑦ ᓮᓗᐊᒦᑦᑐᒧᑦ ᑐᒃᓯᐊᕐᕕᐅᒋᐊᕐᖓᓚᐅᕐᑐᒧᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ, ᑕᑯᓗᑎᓪᓗ ᖃᓄᐃᓕᓐᓂᕐᒪᖔᒃᑯ ᐃᓄᖁᑎᒪ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:4

ᐅᖃᐅᓯᑦᓯᓐᓄᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᓕᕌᖓᑦᓯ, ‘ᐊᑕᓂᐅᑉ ᐅᓇ ᑐᒃᓯᐊᕐᕕᒃᔪᐊᖁᑎᖓ, ᐊᑕᓂᐅᑉ ᑕᕝᕙ ᑐᒃᓯᐊᕐᕕᒡᔪᐊᖁᑎᖓ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓ!’

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:1

ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ, ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 23:31

ᐊᖓᔪᕕᑦ ᐊᑐᓚᐅᕐᑕᖓ ᒪᓕᓚᐅᕋᕕᐅᒃ; ᑍᒤᒻᒪᑦ ᑍᒫᓪᓗᐊᖅ ᐊᑭᓂᐊᕈᑎᒋᓚᐅᕐᑕᓐᓂᒃ ᑖᑦᓱᒧᖓ ᐊᑭᓂᐊᕆᕙᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 28:52

ᓄᓇᓕᓕᒫᑦᓯᐊᑦ ᐊᑕᓂᐅᑉ ᒎᑎᑦᓯ ᑐᓂᓯᒪᔭᓕᒫᖏᑦ ᐅᓇᑕᕆᐊᕈᒫᕐᐰᑦ, ᐊᕙᓗᕐᔪᐊᖅ ᐳᕐᑐᔪᖅ, ᐊᑦᑕᕐᓇᖏᑦᑐᕐᓗ ᓱᕋᒃᑕᐅᔪᓐᓇᕋᓱᒋᓐᖏᑕᓯ ᐅᕐᕈᔪᒫᕐᐳᖅ.