5 ᐅᓐᓄᐊᖔᒃᑯᑦ ᐅᓇᑕᕆᐊᕐᕕᒋᓂᐊᕐᐸᕗᑦ, ᐊᕙᓗᕐᔪᐊᖏᓪᓗ ᓱᕋᒃᑎᕐᓗᒋᑦ.
ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.
ᒎᑎ ᐊᖓᔪᖅᑳᕐᔪᐊᑉ ᐃᒡᓗᖏᓐᓃᑉᐳᖅ ᑖᒃᑯᓇᓂ; ᓇᖕᒥᓂᖅ ᓇᓗᓁᕐᐳᖅ ᑖᒃᑯᓄᖓ ᕿᒫᕕᒃᓴᐅᓂᕐᒥᓂᒃ.
ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᕿᒪᒃᑎᕐᑕᐅᔪᒫᕐᐳᖅ, ᐃᒡᓗᒐᓴᒡᔪᐊᓪᓗ ᐃᓄᒋᐊᒃᑑᐊᓘᓚᐅᕐᑐᑦ ᐃᓄᐃᕈᑎᔪᒫᕐᐳᑦ, ᓇᐸᔪᑦ ᐅᓇᑕᕐᑏᓪᓗ ᖃᐅᔨᓴᕐᕕᖏᑦ ᐳᕐᑐᔪᑦ ᓯᑎᖃᕐᕕᑐᐃᓐᓇᐅᓕᕈᒫᕐᒪᑕ ᐃᓱᖃᖏᑦᑐᒧᑦ, ᓯᐅᑎᖅᑯᕐᑐᔪᓄᑦ ᓄᔪᐊᕐᑐᓄᑦ ᖁᕕᐊᓱᒡᕕᐅᓕᕐᓗᑎᒃ, ᓰᐱᓄᓪᓗ ᓂᕆᓇᓱᒃᕕᑐᐃᓐᓇᐅᓕᕐᓗᑎᒃ.
ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”
ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.
ᔨᕉᓴᓕᐅᑉ ᐊᕙᓗᕐᔪᐊᖓ ᐊᖕᒪᕐᑕᐅᖕᒪᑦ, ᐅᓇᑕᕐᑎᖁᑎᖏᑦ ᕿᒫᓚᐅᕐᐳᑦ, ᐅᓐᓄᐊᒃᑯᑦ ᐊᓂᐅᕋᕐᓗᑎᒃ ᐃᑎᕐᑕᕐᕕᒃᑯᑦ ᐊᕙᓗᕐᔪᐊᒃ ᒪᕐᕉᒃ ᐅᖓᓕᕇᒃ ᐊᑯᓐᓂᖓᓃᑦᑐᒃᑯᑦ, ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᖃᓂᒋᔮᒍᑦ, ᑲᐅᓪᑎᐊᒥᐅᑦ ᐊᕙᑕᖏᕐᓯᓯᒪᒐᓗᐊᕐᑎᓪᓗᒋᑦ, ᕿᒫᕗᑦ ᓄᓇᐅᑉ ᐊᕋᐹᒥᒃ ᐊᑎᖃᕐᑑᑉ ᓇᓛᓄᑦ.
ᐃᒐᓛᑎᒍᑦ ᑐᖁ ᑎᑭᐅᑎᓯᒪᖕᒪᑦ, ᐱᔭᐅᑦᔧᕐᓯᒪᕕᑦᑎᓐᓄᓪᓗ ᓴᖅᑭᓯᒪᖕᒪᑦ, ᐊᖅᑯᑎᑦᑎᓐᓂᓗ ᓄᑕᕅᕈᑎᑎᑦᓯᓪᓗᓂ, ᐃᓄᒋᐊᒃᑐᒃᑯᕕᖕᓂᒡᓗ ᐃᓅᓱᒃᑐᐃᕈᑎᑎᑦᓯᓪᓗᓂ.
“ᐃᓴᕆᐊᓕᓕ ᐳᐃᒍᕐᓯᒪᖕᒪᑦ ᐱᓐᖑᕐᑎᑦᓯᔨᒥᓂᒃ, ᐃᒡᓗᕐᔪᐊᓕᐅᕐᓯᒪᓪᓗᓂᓗ ᐊᖓᔪᖅᑳᒃᑯᕕᖕᓂᒃ; ᔫᑕᓗ ᐅᓄᕐᑐᓂᒃ ᓴᐴᓗᑕᓕᖕᓂᒃ ᐃᒡᓗᒐᓴᓕᐅᕐᓯᒪᓕᕐᐳᖅ; ᐃᒡᓗᒐᓴᖏᓪᓕ ᐃᑯᐊᓪᓚᒃᑕᐅᑎᑦᓱᒫᕐᐸᒃᑲ, ᑐᓐᖓᕕᒋᔭᖏᓪᓗ ᓄᖑᑕᐅᔪᒫᕐᐳᑦ.”
ᔫᑕ ᐃᑯᐊᓪᓚᒃᑎᓐᓂᐊᕐᐸᕋ, ᔨᕉᓴᓕᐅᓪᓗ ᕿᒫᕕᖏᑦ ᓄᖑᑎᓐᓂᐊᕐᐸᒃᑲ.”
ᐅᑯᐊ ᑕᕝᕙ ᐅᐸᑍᐊᐅᑉ ᑕᑯᑎᑕᐅᑦᔪᑎᖏᑦ. ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ ᐄᑐᒥ ᐱᓪᓗᒍ. ᑐᓴᕐᓯᒪᕗᒍᑦ ᐅᖃᐅᓯᕐᒥᒃ ᐊᑕᓂᕐᒥᑦ ᐱᔪᒥᒃ, ᐅᖃᕆᐊᕐᑐᕐᑐᒃᓴᖅ ᑎᓕᔭᐅᕗᖅ ᐃᓅᖃᑎᒌᒡᔪᐊᑦ ᐊᑯᕐᖓᓐᓄᑦ ᐅᖃᐅᑦᔭᐅᓪᓗᓂᓗ: “ᒪᑭᓕᕆᑦᓯ! ᐅᓇᑕᕆᐊᕐᓚᕗᑦ ᐄᑐᒥ!”
ᐅᒃᑯᐊᑎᑦ ᒪᑐᐃᒃᑭᑦ ᓕᐸᓇᓃ, ᓇᐹᕐᑐᖁᑎᑎᑦ ᑐᑭᓕᐊᕐᑐᑦ ᓰᑕᕇᑦ ᐃᑯᒪᒧᑦ ᓄᖑᑕᐅᖁᓪᓗᒋᑦ!
