ᔨᕆᒤᐊᐅᑉ ᐊᒡᓚᖏᑦ 52:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᖅᑮᑦ ᓯᑕᒪᒋᓕᕐᑕᖓᓐᓂ ᐅᓪᓗᖏᑦᑕ 9ᖓᓐᓂ ᑳᖕᓇᕐᑐᕐᔪᐊᖃᓕᓚᐅᕐᐳᖅ ᑕᕝᕙᓂ, ᐃᓄᐃᑦ ᓂᕿᒃᓮᕈᑎᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 52:6 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 25:3

ᑕᖅᑮᑦ ᓯᑕᒪᖓᑦᑕ ᐅᓪᓗᖏᑕ 9ᒋᓕᕐᑕᖓᓂ ᐊᕐᕌᒍᒥ ᑕᕝᕙᓂᑦᓮᓐᓇᖅ, ᑳᖕᓇᕐᑐᕐᔪᐊᖃᓕᕐᐳᖅ ᐃᓄᐃᑦ ᓂᕆᔭᒃᓴᖃᕈᓐᓁᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 3:1

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 15:2

ᐊᐱᕆᔭᐅᒍᕕᑦ, ‘ᓇᒧᓐᖓᕐᓂᐊᕋᑦᑕᓖ?’ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ: “ᑍᒃᑯᐊ ᐋᓐᓂᐊᔪᑦ ᑐᖁᓂᐊᕐᐳᑦ, ᐅᓇᑕᕐᑐᓂᓗ ᑐᖁᔪᒃᓴᒃᓮᑦ ᑐᖁᓂᐊᕐᐳᑦ; ᐱᕐᓕᕐᓗᑎᒡᓗ ᑐᖁᔪᒃᓮᑦ ᐱᕐᓕᕐᓗᑎᒃ ᑐᖁᓂᐊᕐᐳᑦ, ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᓂᐊᕐᐳᑦ.”’

ᔨᕆᒤᐊᐅᑉ ᐊᒡᓚᖏᑦ 19:9

ᕿᑐᕐᖓᒥᖕᓂᒡᓗ ᓂᕿᖃᓕᕈᒫᕐᐳᑦ, ᐃᒻᒥᖕᓄᓪᓗ ᓂᕆᖃᑦᑕᐅᑎᓕᕐᑎᓪᓗᒋᑦ ᐊᑭᕋᒥᖕᓄᑦ ᐃᓗᔭᐅᓯᒪᓗᑎᒃ ᓴᐱᔭᐅᓯᒪᓂᕐᒥᖕᓄᑦ, ᐊᑭᕋᕐᒥᖕᓂᑦ ᑐᖁᑦᓯᔪᒪᔪᓂᑦ ᑍᒤᑎᑕᐅᓗᑎᒃ.’

ᔨᕆᒤᐊᐅᑉ ᐊᒡᓚᖏᑦ 21:9

ᐃᒡᓗᒐᓴᒡᔪᐊᓃᑦᑐᑦ ᑐᖁᓂᐊᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒃᑯᑦ ᐋᓐᓂᐊᓇᕐᑐᒃᑯᓪᓗ; ᓇᓪᓕᐊᓪᓕ ᑲᐅᓪᑎᐊᒥᐅᓄᑦ ᑐᓂᑦᔪᑎᒋᔭᕐᑐᕈᓂ ᐃᓗᒪᓗᓂᓯ ᐊᔪᓕᕐᑎᑦᓯᓯᒪᔪᓄᑦ, ᐃᓅᔪᓐᓇᕐᓂᐊᕐᐳᖅ, ᑐᓂᑦᔪᑎᒋᓂᓂ ᐊᓐᓇᒍᑎᒋᓂᐊᕐᒪᒍ ᐅᓇᑕᕐᓂᕐᒥᑦ.

ᔨᕆᒤᐊᐅᑉ ᐊᒡᓚᖏᑦ 25:10

ᖁᕕᐊᓱᒃᕙᓗᒃᑐᑦ ᑐᓴᕐᑕᐅᕙᒍᓐᓃᕈᒫᕐᐳᑦ, ᑲᑎᑎᑕᐅᕋᑖᕐᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖏᑕ ᑲᑦᔮᕐᓇᕐᓂᖏᑦ ᐊᓯᐅᓗᑎᒃ, ᓯᖃᓪᓕᑦᓯᕖᓪᓗ ᓯᖃᓪᓕᑦᓯᕙᓪᓛᓂᖏᑦ ᓇᓂᕈᐊᓪᓗ ᖃᐅᒪᓂᓕᒫᖏᑦ ᐱᑕᖃᕈᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 37:21

ᐊᖓᔪᖅᑳᕐᔪᐊᖅ ᔨᑎᑬᐊ ᐱᖁᔨᕗᖅ, ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᐃᓂᒋᔭᖓᓂ ᐃᓂᖃᖃᑕᐅᖁᓪᓗᒍ, ᓂᕆᑎᑕᐅᖃᑦᑕᖁᓪᓗᓂᐅᒡᓗ ᓯᓚᒥ ᓂᐅᕕᐊᒃᓴᕆᔭᐅᖃᑦᑕᕐᑐᓂᒃ ᓂᐊᖂᔭᓂᒃ ᓄᖑᕈᑎᖏᓐᓂᖏᓐᓂ, ᑕᕝᕙ ᔨᕆᒤᐊ ᐅᓇᑕᕐᑏᑦ ᖃᐅᔨᓴᕐᑎᖏᑕ ᓇᔪᕐᑕᖓᓐᓂ ᐃᓂᖃᓕᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 38:9

“ᐊᑕᓂᕋ ᐊᖓᔪᖅᑳᕐᔪᐊᕋ, ᔨᕆᒤᐊᒥᒃ ᒎᑎᐅᑉ ᐅᖃᕐᑎᖓᓂᒃ ᐴᕐᓯᔪᕕᓃᑦ ᓈᒻᒪᖏᑦᑐᐊᓗᖕᒥᒃ ᐱᓇᓱᐊᕐᓯᒪᕗᑦ, ᐃᒥᕐᑕᕐᕕᖕᒧᑦ ᐴᕐᑕᐅᓐᓂᕐᒪᑦ ᐱᕐᓕᕐᓯᐊᕆᓪᓗᒍ ᓂᐊᖂᔭᖃᕈᓐᓃᕐᒪᑦ ᐃᒡᓗᒐᓴᒡᔪᐊᓂ.”

ᔨᕆᒤᐊᐅᑉ ᐊᒡᓚᖏᑦ 39:2

ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ 11ᒋᓕᕐᑕᖓᓂ ᑕᖅᑮᑦ ᓯᑕᒪᖓᓐᓂ ᐅᓪᓗᖏᑕ 9ᒋᓕᕐᑕᖓᓐᓂ ᔨᕉᓴᓕᐅᑉ ᐊᕙᓗᕐᔪᐊᖓ ᑭᓚᒃᑕᐅᕗᖅ ᐃᓗᒻᒧᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:11

ᔨᕉᓴᓕᐅᑉ ᐃᓄᖏᑦ ᐊᒃᓱᕈᕐᓗᑎᒃ ᓂᕿᒃᓴᕐᓯᐅᕐᐳᑦ, ᐱᖁᑎᑎᒡᓗ ᑕᐅᕐᓯᐅᑎᖃᑦᑕᕐᓗᒋᑦ ᓂᕿᒧᑦ ᐆᒪᑦᔪᑎᒋᓇᓱᐊᕐᓗᒋᑦ, “ᑕᑯᒋᑦ ᐊᑕᓃᖅ ᓱᓇᐅᔪᓐᓃᕐᑐᖓ ᐃᓱᒪᒋᑦᓯᐊᓚᐅᓐᖓ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:10

ᑳᓗᐊᕐᓂᑯᒧᑦ ᐆᑎᕐᓇᕐᓯᖃᑦᑕᕐᐳᒍᑦ ᐅᕕᓂᕗᑦ ᐆᑎᕐᓇᕐᓂᑯᒧᑦ ᐃᒐᕕᒃᑎᑐᑦ ᐆᓇᕐᑎᒋᕙᒃᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 14:13

“ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 31:1

ᐊᐅᓪᓚᕐᑎᑕᐅᓯᒪᓂᑦᑕ ᐊᕐᕌᒍᐃᑦ 11ᒋᓕᕐᑕᖓᓐᓂ, ᑕᖅᑮᑦ ᐱᖓᔪᖓᓐᓂ, ᐅᓪᓗᖏᑕ ᓯᕗᓪᓕᕐᐹᖓᓐᓂ, ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 5:16

ᑳᖕᓇᕐᑐᕐᔪᐊᓪᓗ ᖃᕐᔪᖏᓐᓄᑦ ᐱᓯᒋᐊᖃᑦᑕᓕᕈᒪ, ᖃᕐᔪᓄᑦ ᐊᓯᕈᐃᔪᓄᑦ, ᐱᒋᐊᕈᒫᕐᐸᑦᓯ ᓄᖑᑕᐅᖁᓪᓗᓯ, ᑳᖕᓇᕐᑐᕐᔪᐊᓄᑦ ᑭᖑᓕᕇᓄᑦ ᑎᑭᑕᐅᑎᑦᓱᒫᕐᐸᑦᓯ, ᓂᐊᖂᔭᒃᓴᖁᑎᓯᓗ ᐊᔭᐱᕐᕕᒋᕙᒃᑕᓯ ᓄᖑᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 7:15

“ᓴᕕᒡᔪᐊᓕᔭᕐᑐᑦ ᓯᓚᑖᓃᑉᐳᑦ, ᖃᓂᒪᓇᕐᑐᖅ ᑳᖕᓇᕐᑐᕐᓗ ᐃᓗᐊᓃᑎᓪᓗᒋᑦ; ᐱᕈᕐᓰᕕᖕᒦᑦᑐᑦ ᓴᕕᒡᔪᐊᓄᑦ ᑐᖁᑕᐅᕗᑦ; ᐃᒡᓗᒐᓴᒡᔪᐊᓃᑦᑐᓪᓗ ᑐᑯᕋᕐᐳᑦ ᐱᕐᓕᕋᕐᓂᕐᒧᑦ ᐋᓐᓂᐊᓇᕐᑐᓄᓪᓗ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

ᒨᓯᓯ ᑕᓪᓕᒪᖏᑦ 32:24

ᑐᖁᕋᕈᒫᕐᐳᑦ ᐱᕐᓕᕋᕐᓗᑎᒃ ᖃᓂᒪᓐᓇᕐᒧᓪᓗ ᐆᑎᕐᓇᕐᑐᒧᑦ; ᑐᖁᕋᕈᒫᕐᐳᑦ ᖃᓂᒪᓐᓇᕐᑐᓄᑦ ᐱᐅᖏᑦᑐᐊᓗᖕᓄᑦ; ᓂᕐᔪᑎᓄᑦ ᓄᔪᐊᕐᑐᓄᑦ ᐅᐸᒃᑐᕐᑕᐅᑎᑦᓱᒫᕐᐸᒃᑲ, ᖁᒡᓗᒋᐊᓄᓪᓗ ᐹᕐᖑᕐᑐᓄᑦ ᑮᔭᐅᑎᓪᓗᒋᑦ.