ᔨᕆᒤᐊᐅᑉ ᐊᒡᓚᖏᑦ 51:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕕᒍᑎᒋᕗᖅ ᐃᒻᒥᓂᒃ, ᐅᓇᑕᕐᑐᒃᓴᓂᒃ ᑕᑕᑕᐅᑎᑦᓱᒫᕐᐸᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ, ᕾᒐᓛᕈᒫᕐᐳᓪᓗ ᐃᓕᑦᓯᓐᓂᒃ ᓵᓚᖃᕐᓂᑎᒃ ᐱᑦᔪᑎᒋᓗᒍ.”

ᔨᕆᒤᐊᐅᑉ ᐊᒡᓚᖏᑦ 51:14 ပူးပေါင်းရင်းမြစ်များ

ᐂᒨᓯᐅᑉ ᐊᒡᓚᖏᑦ 6:8

ᐊᑕᓂᖅ ᒎᑎᐅᓂᕐᒥᒍᑦ ᐊᖏᒻᒪᕆᒃᐳᖅ, ᕿᓚᖕᒥᐅᒐᓴᒃᔪᐊᑦ ᐊᑕᓂᖓ ᒎᑎ ᐅᖃᕐᐳᖅ, “ᔧᑰᑉ ᐱᐅᔪᕆᓂᖓ ᓇᕐᕈᒋᕙᕋ, ᕿᒫᕕᖏᓪᓗ ᐆᒥᒋᕙᒃᑲ, ᑍᒤᒻᒪᑦ ᐃᒡᓗᒐᓴᖓ ᐂᑦᑑᑎᒋᓂᐊᕐᐸᕋ ᑕᕝᕙᓃᑦᑐᓕᒫᓪᓗ.”

ᔪᐃᓕᐅᑉ ᐊᒡᓚᖏᑦ 2:25

ᐅᑎᕐᑎᑦᓯᕕᒋᓂᐊᕐᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᕐᑕᑦᓯᓐᓂᒃ ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᓂᕆᓚᐅᕐᑕᖏᓐᓂᒃ, ᐱᒡᓕᕐᑕᐅᔮᕐᑐᑦ ᐹᕐᖑᕐᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ ᑎᓕᓚᐅᕋᒃᑭᑦ ᐅᓇᑕᕐᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 49:13

ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᐳᔾᕋᒥᐅᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᑕᑯᒥᓁᑦᑐᕐᔪᐊᖑᓕᕐᓗᑎᒃ, ᐸᓯᔭᒃᓴᐅᔪᒫᕐᐳᑦ ᐅᖃᕐᓂᕐᓘᑎᒃᓴᐅᓕᕐᓗᑎᒡᓗ, ᓄᓇᓕᖁᑎᓕᒫᖏᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ.

ᐄᑉᕈᐃᓄᑦ 6:13

ᒎᑎ ᐂᑉᕋᕼᐋᒻᒧᑦ ᐊᖏᕈᑎᖃᓕᕋᒥ, ᓱᓕᑎᓐᓂᐊᕐᓂᕋᕐᑕᒥᓂᒃ ᐊᖏᕈᑎᖃᓚᐅᕐᐳᖅ, ᐊᓯᒥᓂᒡᓕ ᑍᔭᒃᓴᒥᒃ ᐊᖏᓂᕐᓴᕐᑕᖃᖏᒻᒪᑦ, ᓇᖕᒥᓂᖅ ᐊᑎᕐᒥᓂᒃ ᐊᑐᕐᓗᓂ ᐊᖏᕈᑎᖃᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:27

“ᓄᓇᓕᖕᓂ ᓇᓗᓁᒃᑯᑕᕐᒥᒃ ᓴᖅᑭᑦᑎᓕᕆᑦᓯ, ᖁᖁᐊᕈᑦ ᓂᓪᓕᕐᑎᓕᕐᓯᐅᒃ ᐃᓅᖃᑎᒌᒡᔪᐊᓪᓗ ᐊᑐᐃᓐᓇᕈᕐᑎᓕᕐᓯᐅᒃ ᐅᓇᑕᕆᐊᖁᓪᓗᒋᑦ, ᕾᖁᔨᓕᕆᑦᓯ ᐊᖓᔪᖅᑲᐅᕕᖕᓂᒃ ᐅᑯᓂᖓ; ᐊᕋᕌᑦᒥᐅᓂᒃ, ᒥᓐᓂᒥᐅᓂᒃ, ᐊᔅᑭᓇᔅᒥᐅᓂᒡᓗ, ᑖᒃᑯᐊ ᐊᐅᓚᑦᓯᔨᒋᓂᐊᕐᑕᖏᓐᓂᒃ ᓇᓗᓁᕐᓯᓗᓯ ᕿᒻᒥᕐᔪᐊᒦᑦᑐᓂᒃ ᑎᓕᓯᓕᕆᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ.

ᔨᕆᒤᐊᐅᑉ ᐊᒡᓚᖏᑦ 46:23

ᓇᐹᕐᑐᖏᓪᓗ ᓇᑲᑎᕐᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᓇᐹᕐᑐᖏᑦ ᐊᑯᓐᓂᖃᕐᑑᔮᖏᒃᑲᓗᐊᕐᐸᑕ, ᐱᒡᓕᕐᑕᐅᔮᕐᑐᓂᑦ ᐅᓄᕐᓂᕐᓴᐅᓗᑎᒃ ᑎᑭᑦᓱᒫᕐᒪᑕ, ᐅᓄᓗᐊᕐᓂᖏᓐᓄᑦ ᓈᓴᒐᒃᓴᐅᖏᓪᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 6:5

ᑎᑭᖃᑦᑕᓚᐅᕐᒪᑕ ᐅᒫᔪᖁᑎᒡᒋᕐᓗᑎᒃ, ᑐᐱᒡᒋᕐᓗᑎᒡᓗ ᐱᒡᓕᕐᑕᐅᔮᕐᑐᑎᑐᑦ ᓈᓴᒐᒃᓴᐅᖏᑦᑐᑎᑐᑦ; ᑖᒃᑯᐊᓗ ᑳᒥᓕᖁᑎᖏᓪᓗ ᐅᓄᕐᓂᖏᑦ ᓈᓴᒐᒃᓴᐅᓚᐅᓐᖏᓚᑦ; ᑎᑭᓐᓇᒥᒃ ᓄᓇᒥᒃ ᐊᑑᑎᒃᓴᖃᕈᓐᓃᕐᑎᑦᓯᕙᓚᐅᕐᐳᑦ.

ᐃᓐᖏᕈᑎᑦ 105:34

ᐅᖃᕐᒪᑦ, ᑕᕝᕙ ᐱᒡᓕᕐᑍᑦ ᑎᑭᑉᐳᑦ, ᐱᒡᓕᕐᑕᐅᔮᕐᑐᒃᓮᓪᓗ ᐱᕈᕐᐸᓪᓕᐊᔪᑦ ᓈᓴᒐᒃᓴᐅᖏᑦᑐᑦ,

ᔨᕆᒤᐊᐅᑉ ᐊᒡᓚᖏᑦ 44:26

ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ ᔫᑎᐅᔪᓯ ᐄᑦᔨᑉᑎᒥ ᓄᓇᖃᓕᕐᑐᓯ: ᑕᑯᒋᑦ, ᐊᑎᕋ ᐊᑐᕐᓗᒍ ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᔫᑕᒥᐅᑦ ᓇᓪᓕᐊᑐᐃᓐᓇᖅ ᐄᑦᔨᑉᑎᒦᓕᕐᑐᑦ ᑐᒃᓯᐊᕋᓱᐊᕐᐸᖁᔪᓐᓃᕐᐸᒃᑲ ᐅᕙᓐᓄᑦ, ᐊᑎᕋᓘᓐᓃᑦ ᐊᑐᕐᓗᒍ ᐅᖃᕐᐸᖁᔪᓐᓃᕐᐸᒃᑲ, ᐃᒫᒃ, ‘ᐊᑕᓂᖅ ᐊᑕᓂᐅᓂᕐᐹᖑᔪᖅ ᐆᒪᖕᒪᑦ.’