ᔨᕆᒤᐊᐅᑉ ᐊᒡᓚᖏᑦ 50:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐅᖓᓯᒃᑐᓂᑦ ᐅᐸᒡᓗᒍ, ᐸᐅᕐᖓᒃᓴᒃᑯᕕᖏᑦ ᒪᑐᐃᕐᓯᐅᒃ, ᓂᐊᖂᔭᒃᓴᑎᑐᓪᓗ ᐹᐱᓘᓂᒥᐅᑦ ᐱᖑᐊᕐᔪᓕᐅᕐᓯᒪᑎᓯᐅᒃ, ᐊᒥᐊᒃᑯᖃᖏᓪᓗᒋᑦ ᓄᖑᑕᐅᓕᑦ.

ᔨᕆᒤᐊᐅᑉ ᐊᒡᓚᖏᑦ 50:26 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 14:23

ᐃᒡᓗᒐᓴᖃᕐᕕᕕᓂᖓ ᐃᓂᒋᔭᐅᓕᕐᑎᑦᓱᒫᕐᐸᕋ ᐆᒪᔪᓄᑦ ᕼᐊᑦᔨᕼᐋᓄᑦ, ᐅᒃᐱᒡᔪᐊᓄᓪᓗ, ᐃᒪᕐᓱᓐᖑᕐᑎᑦᓱᒫᕐᓗᒍᓗ, ᓴᓂᐅᑎᒧᑦ ᐊᓯᕈᐃᔪᒧᑦ ᓴᓂᕈᒫᕐᐸᕋ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 50:10

ᑲᐅᓪᑎᐊᒥᐅᑦ ᓇᒡᕚᕐᑕᒐᒃᓴᓐᖑᕈᒫᕐᐳᑦ ᓵᓚᒋᔨᒥᖕᓄᑦ, ᐱᖁᑎᖏᓐᓂᒡᓗ ᓇᒡᕚᕐᑕᕐᑐᑦ ᓈᒻᒪᒃᓯᔪᒫᕐᐳᑦ ᐱᔪᒪᔭᒥᖕᓂᒃ, ᐊᑕᓂᖅ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 45:3

ᐱᒃᑯᒥᓇᕐᑐᓂᒃ ᐱᑖᕐᑎᓐᓂᐊᕐᐸᒋᑦ ᑖᕐᑐᒦᑦᑐᓂᑦ ᐊᔪᕐᓴᕈᓐᓃᕈᑎᓂᒡᓗ ᐃᔨᕐᑐᕐᓯᒪᔪᓂᒃ, ᖃᐅᔨᓕᖁᓪᓗᑎᑦ ᐅᕙᖓ ᑍᒤᑎᑦᓯᒐᒪ ᐊᑕᓂᖅ, ᐃᓕᖕᓂᒃ ᕾᖁᔨᓯᒪᔪᖅ ᐊᑏᑦ ᑍᓪᓗᒍ, ᐅᕙᖓᐅᕗᖅ ᐃᓴᕆᐊᓕᒥᐅᑦ ᒎᑎᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:19

ᐂᖏᓕᐅᓪᓗ ᓇᑲᑎᕆᑦᔪᑎᒥᓄᑦ ᓄᓇᕐᔪᐊᖅ ᑎᓔᕐᒪᒍ ᐸᐅᕐᒊᑦ ᐱᕈᕐᕕᖏᓐᓂᑦ ᑲᑎᕐᓱᕐᐰᑦ, ᐃᒋᓪᓗᒋᓪᓗ ᐸᐅᕐᖓᓄᑦ ᐃᑦᑏᔭᕐᑕᐅᕕᖕᒧᑦ ᐊᖏᔪᒧᑦ ᑕᕝᕗᖓ ᒎᑎᐅᑉ ᓂᓐᖓᐅᓯᕐᔪᐊᖓᓄᑦ;

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᔨᕆᒤᐊᐅᑉ ᐊᒡᓚᖏᑦ 51:64

ᐅᖃᕐᓗᑎᓪᓗ, ‘ᐹᐱᓘᓂᑦᑕᐅᖅ ᑍᒫᒃ ᑭᕕᑎᑦᓱᒫᕐᐸᕋ ᒪᑭᒃᑲᓐᓂᕈᓐᓁᕐᓗᓂᓗ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᑦᓱᒫᕋᒃᑯ, ᐃᓄᖏᓪᓗ ᑲᑕᒍᒫᕐᐳᑦ.’” ᑕᕝᕗᖓ ᑎᑭᓪᓗᒋᑦ ᔨᕆᒤᐊᐅᑉ ᐅᖃᐅᓯᖏᑦ ᐃᓱᓕᑉᐳᑦ.

ᔨᕆᒤᐊᐅᑉ ᐊᒡᓚᖏᑦ 51:44

ᐹᐱᓘᓂᒥᐅᑦ ᒎᑎᒋᔭᖓᑦ ᐱᐊᓪ ᓱᒋᐊᕈᒫᕐᐸᕋ, ᒥᕆᐊᕐᑎᓪᓗᒍᓗ ᐄᔭᕕᓂᖏᓐᓂᒃ, ᐃᓅᖃᑎᒌᒡᔪᐊᓄᑦ ᐅᐸᒃᑕᐅᕙᒍᓐᓃᕈᒫᕐᐳᖅ. “ᐹᐱᓘᓂᒥᐅᑦ ᐊᕙᓗᕐᔪᐊᖓ ᐅᕐᕈᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 50:41

ᑕᑯᒋᑦ ᐅᓇᑕᕐᑐᒃᓴᒐᓮᑦ ᐅᓐᓄᐊᓪᓗᐊᑉ ᓇᓛᓂᑦ ᑎᑭᓕᕐᐳᑦ, ᐃᓅᖃᑎᒌᒡᔪᐊᓂ ᐊᖓᔪᖅᑳᕐᔪᐊᕆᔭᐅᔪᑦ ᓄᓇᐅᑉ ᐅᖓᓯᖕᓂᕐᐹᖓᓃᑦᑐᑦ ᐊᐅᓚᑦᔭᒃᑕᐅᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 50:23

ᓄᓇᕐᔪᐊᕐᒥᐅᓂᒃ ᓯᖁᑦᑎᕆᓚᐅᕐᑐᑦ ᑲᐅᑕᕐᑎᑐᑦ, ᓯᖁᒥᑕᐅᓯᒪᕗᖅ, ᐹᐱᓘᓂ ᓱᓇᖃᕈᓐᓃᕐᐳᖅ ᐃᓅᖃᑎᒌᒡᔪᐊᑦ ᓴᓂᐊᓂ.

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:13

ᐊᑕᓂᕐᒧᑦ ᓂᓐᖓᒡᕕᐅᓯᒪᓂᕐᒥᖕᓄᑦ ᐃᓄᖃᕈᓐᓃᕈᒫᕐᐳᑦ ᓱᓇᖃᕈᓐᓃᕐᓗᓂᓗ, ᐹᐱᓘᓂᒥᒃ ᐊᖅᑯᓵᕐᑐᑦ ᑕᒪᕐᒥᒃ ᑲᒪᓂᐊᕈᑎᒋᔪᒫᕐᐹᑦ ᑲᑉᐱᐊᓲᑎᒋᓗᒍᓗ ᓱᕋᒃᓯᒪᓂᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 25:10

ᐊᑕᓂᐅᑉ ᐱᔪᓐᓇᕐᓂᖓ ᐃᓂᖃᕈᒫᕐᒪᑦ ᖃᖅᑲᒥ ᑕᕝᕙᓂ, ᒧᐊᐱᒥᐅᓪᓕ ᑐᓪᓕᕋᕐᑕᐅᔪᒫᕐᐳᑦ ᐃᓂᒥᖕᓂ, ᐃᕕᒃᑎᑐᑦ ᑐᓪᓕᕋᕐᑕᐅᓗᑎᒃ, ᐊᓇᕐᓂᒃ ᐊᓂᑦᑎᕕᖕᒧᑦ ᐊᓂᑕᐅᔪᑎᑐᑦ ᖃᓕᕇᓕᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 10:6

ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 5:26

ᑖᑦᓱᒪ ᓇᓗᓁᒃᑯᑕᖁᑎᓂ ᓇᑉᐸᕐᑎᓐᓂᐊᕐᐹ ᐃᓅᖃᑎᒌᒡᔪᐊᓄᑦ ᐅᖓᓯᒃᑐᒦᑦᑐᓄᑦ, ᐅᕕᓐᖏᐊᕐᕕᒋᔪᒫᕐᐰᓪᓗ ᕾᖁᓗᒋᑦ ᓄᓇᐅᑉ ᑭᒡᓕᖓᓂᑦ; ᑕᑯᒋᓪᓗ ᑐᐊᕕᒻᒪᕆᒡᓗᑎᒃ, ᕾᔪᒫᕐᐳᑦ!

ᒫᑎᐅᓯᐅᑉ ᐊᒡᓚᖏᑦ 6:26

ᑎᖕᒥᐊᑦ ᑕᑯᓯᒋᒃ ᖃᖓᑕᖃᑦᑕᕐᑐᑦ: ᐱᕈᕐᓯᐊᒡᓴᓂᒃ ᑲᓐᖓᕐᓱᐃᕙᓐᖏᓚᑦ, ᑲᑎᕐᓱᐃᕙᒐᑎᒡᓗ ᓂᕿᒃᑯᕕᖕᒥᖕᓄᑦ; ᑍᒤᒃᑲᓗᐊᕐᑎᓪᓗᒋᑦ ᐊᑖᑕᑦᓯ ᕿᓚᖕᒦᑦᑑᑉ ᓂᕆᑎᖃᑦᑕᕐᐰᑦ! ᐱᓪᓚᕆᐅᓂᕐᓴᐅᓐᖏᓚᓰ ᑎᖕᒥᐊᓂᑦ?