ᔨᕆᒤᐊᐅᑉ ᐊᒡᓚᖏᑦ 5:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᓄᖁᑎᒃᑲ ᐃᓚᖃᐅᓕᕐᐳᑦ, ᐱᐅᖏᑦᑐᓕᔪᓂᒃ, ᐅᑕᖅᑭᔪᑎᑐᑦ ᑎᖕᒥᐊᓂᒃ ᓂᒐᕐᑎᓐᓂᐊᕐᑕᒥᖕᓂᒃ, ᐃᓄᖕᓄᓪᓗ ᐊᔪᓕᕐᕕᐅᒐᔭᕐᑐᓂᒃ ᐋᖅᑭᒃᓯᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 5:26 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:11

ᐅᖃᕐᐸᑕ, “ᕾᓗᑎᑦ, ᑐᖁᑕᒃᓴᑦᑎᓐᓂᒃ ᐅᑕᖅᑭᓚᐅᕐᑕ, ᐃᓄᖕᒥᒃ ᐸᓯᔭᒃᓴᐅᖏᑦᑐᒥᒃ ᐱᕋᔭᒡᓗᑕ ᐅᐸᓗᐃᓯᓚᐅᕐᑕ.

ᔨᕆᒤᐊᐅᑉ ᐊᒡᓚᖏᑦ 18:22

ᐃᒡᓗᖏᓐᓂ ᕿᐊᕙᓗᒃᑐᑦ ᑐᓴᕐᓴᐅᓕᕐᓕᑦ, ᑎᑭᑕᐅᑲᓪᓚᒃᑎᓪᓗᒋᑦ ᓵᓚᖃᕆᐊᕐᑐᕐᑐᓂᑦ, ᐃᔪᒃᑲᕐᕕᒃᓴᓐᓂᒃ ᐃᑎᕐᓴᓕᐅᕆᓚᐅᕐᒪᑕ, ᓂᒐᕐᕕᒃᓴᓕᐅᕐᓗᓂᖓᓗ ᐃᑎᒐᒃᑯᑦ.

ᐃᓐᖏᕈᑎᑦ 64:5

ᓯᕘᕋᔪᓐᓃᕐᑎᖃᑦᑕᐅᑎᕗᑦ ᐱᐅᖏᑦᑐᒥᒃ ᐱᓇᓱᐊᕈᒪᓪᓗᑎᒃ; ᐅᖃᖃᑎᒌᒃᐳᑦ ᓄᓗᐊᓂᒃ ᐃᔨᕐᓯᒪᔪᓂᒃ ᐃᓕᓯᔪᒪᓪᓗᑎᒃ; ᐅᖃᕐᓗᑎᒃ, “ᑕᑯᓐᓇᕐᑕᐅᑦᔮᓐᖏᓚᒍᑦ.”

ᓘᑲᓯᐅᑉ ᐊᒡᓚᖏᑦ 5:10

ᑍᒤᓚᐅᕆᕗᑦ ᐃᓚᒋᔭᖏᑦ ᔧᒥᓯ ᔪᐊᓇᓯᓗ, ᓯᐱᑎᐅᑉ ᐃᕐᓂᖏᒃ, ᔩᓱᓯᐅᑉ ᓮᒨᓂ ᐅᖃᐅᑎᕚ, “ᑲᑉᐱᐊᓱᖕᓇᒃ; ᒫᓐᓇᒥᑦ ᐱᒋᐊᕐᓗᑎᑦ ᐃᓄᖕᓂᒃ ᐃᖃᓗᒃᓯᐅᕐᑎᐅᓂᐊᓕᕐᐳᑎᑦ.”

ᔨᕆᒤᐊᐅᑉ ᐊᒡᓚᖏᑦ 4:22

“ᐃᓄᖁᑎᒃᑲ ᓯᓔᑦᑑᕗᑦ, ᐅᕙᓐᓂᒃ ᖃᐅᔨᒪᔭᖃᖏᒻᒪᑕ. ᓄᑕᖅᑲᑎᑐᑦ ᐃᓱᒪᖃᖏᑦᑐᑎᑐᑦ ᑍᒤᒻᒪᑕ, ᐃᓕᓯᒪᓂᖃᖏᑦᓯᐊᕐᑐᑦ, ᓯᓚᑐᔪᒥᒃ ᐱᐅᖏᑦᑐᓕᐅᕐᓂᖃᕈᓐᓇᕐᐳᑦ, ᐱᐅᔪᒥᒡᓕ ᐱᓇᓱᐊᕆᐊᒃᓴᖅ ᓇᓗᕗᑦ.”

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:8

ᐅᖃᖏᑦ ᖃᕐᔪᑎᑐᑦ ᑐᖁᓐᓇᕐᑎᒋᓕᕐᐳᑦ, ᓴᒡᓗᕿᑦᓯᓃᓐᓇᕐᒥᒃ ᐅᖃᐅᓯᖃᓕᕐᒪᑕ, ᐃᓅᖃᑎᒥᖕᓂᒃ ᐅᖃᖃᑎᖃᓕᕌᖓᒥᒃ ᓯᓔᕐᕆᓇᓱᐊᕐᓗᒍ ᑭᓯᐊᓂ ᐱᕙᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 18:20

ᐱᑦᓯᐊᕐᓂᖅ ᐱᐅᖏᑦᑐᒧᑦ ᐊᑭᓂᐊᕐᑕᐅᑦᔪᑎᖃᕐᑐᒃᓴᐅᕚ? ᑍᒤᑦᓴᕆᐊᖃᖏᒃᑲᓗᐊᕐᑎᓪᓗᒍ ᑕᑯᒋᑦ ᐃᑎᕐᓴᓕᐅᕆᕗᑦ ᐅᕙᓐᓂᒃ ᑐᖁᑦᓯᔪᒪᓪᓗᑎᒃ. ᐃᖅᑲᐅᒪᒋᑦ ᐅᖃᕐᕕᒋᓚᐅᕋᒃᑭᑦ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᓯᕈᕐᑕᐅᖁᓇᒋᑦ ᓂᓐᖓᐅᓯᕐᓄᑦ.

ᒤᑲᐅᑉ ᐊᒡᓚᖏᑦ 6:10

ᐳᐃᒍᕆᐊᖃᕐᐳᖔ? ᑭᖑᕚᖑᖃᑎᒌᑦ ᐊᔪᕐᑐᓕᔪᑦ, ᓱᓕᖏᑦᑐᒃᑯᑦ ᐱᖁᑎᑖᕆᓯᒪᔭᖏᓐᓂᒃ ᐅᖁᒤᓐᓂᕐᓯᐅᕈᑎᖏᓪᓗ ᓱᓕᖏᑦᑐᑦ ᐱᓪᓗᒌᑦ?

ᒤᑲᐅᑉ ᐊᒡᓚᖏᑦ 7:2

ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.