ᔨᕆᒤᐊᐅᑉ ᐊᒡᓚᖏᑦ 48:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᒧᐊᐱ ᑲᓐᖑᓲᑎᖃᓕᕈᒫᕐᐳᖅ ᒎᑎᒥᓂᒃ ᑭᒨᓯᒥᒃ, ᓲᕐᓗᑦᑕᐅᖅ ᐃᓴᕆᐊᓕᒥᐅᑦ ᑲᓐᖑᓲᑎᖃᓕᓚᐅᕐᒪᑕ ᒎᑎᓐᖑᐊᒥᒃ ᐱᑎᓕᒥᒃ ᑕᑎᖃᓗᐊᓚᐅᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 48:13 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 11:7

ᓲᓗᒨᓂ ᓴᓇᓚᐅᕆᕗᖅ ᑐᒃᓯᐊᕐᕕᖕᒥᒃ ᑭᒨᓯᒧᑦ ᒧᐊᐱᒥᐅᑦ ᒎᑎᓐᖑᐊᖓᓐᓄᑦ ᒎᑎᐅᑉ ᓇᕐᕈᒋᔭᖓᓄᑦ, ᑐᒃᓯᐊᕐᕕᖕᒥᒡᓗ ᒧᓕᑭᒧᑦ ᐊᒧᓁᑎᒥᐅᑦ ᒎᑎᓐᖑᐊᖓᓂᒃ ᒎᑎᐅᑉ ᓇᕐᕈᒋᔭᖓᓂᒃ ᔨᕉᓴᓕᐅᑉ ᑕᓕᕐᐱᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ.

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 25:15

ᑍᒤᒻᒪ ᐊᑕᓂᐅᑉ ᓂᓐᖓᒡᕕᒋᕚ ᐊᒪᔧᐊ ᐅᖃᕐᑎᓂᓗ ᑎᓕᕚ ᑖᑦᓱᒧᖓ ᐅᖃᕐᓗᓂᓗ, “ᓱᖕᒪᑦ ᐋᖅᑭᒃᓯᓚᐅᕐᐲᑦ ᐃᓄᐃᑦ ᒎᑎᖏᓐᓂᒃ, ᐃᓄᖁᑎᒥᓂᒃ ᐱᐅᓕᒃᓯᔪᓐᓇᓚᐅᖏᑦᑐᓂᒃ ᐃᓕᖕᓂᑦ?”

ᐂᓮᐊᓯᐅᑉ ᐊᒡᓚᖏᑦ 16:12

ᒧᐊᐱᒥᐅᑦ ᐅᐸᒍᑎᒃᐸᑕ ᒎᑎᒥᖕᓄᑦ, ᑕᖃᑐᐃᓐᓇᕐᓂᐊᓕᕐᐳᑦ ᒎᑎᓐᖑᐊᖃᕐᕕᖕᓂ ᖃᖅᑲᐅᑉ ᖃᖓᓃᑦᑐᒥ, ᑐᒃᓯᐊᕐᕕᖕᒥᖕᓄᑦ ᑐᒃᓯᐊᕆᐊᕐᑐᕐᐸᑕ ᐃᑲᔪᕐᑕᐅᕚᓪᓕᕐᓂᐊᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 2:20

ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 45:16

ᒎᑎᓐᖑᐊᓕᐅᕐᐸᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᐅᐱᓐᓇᕈᓐᓃᕐᑎᑕᐅᓗᑎᒡᓗ ᐊᑕᖏᕐᓗᑎᒃ; ᐊᐅᓪᓚᕈᒫᕐᐳᑦ ᐊᑕᐅᑦᓯᒃᑯᑦ ᓇᓗᓕᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 48:12

“ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᑎᓕᓯᔪᒫᕋᒪ ᑯᕕᓯᔭᕐᑐᕐᑐᓂᒃ ᐴᖏᑕ ᐊᓯᖏᓐᓄᑦ, ᐃᒤᔧᓂᐊᕐᐳᑦ ᕔᓂᖃᐅᑎᕕᓃᓪᓗ ᐃᒪᖃᕈᓐᓃᕐᓂᐊᕐᐳᑦ ᐴᕕᓂᖏᓪᓗ ᓯᖁᒥᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 48:39

ᓱᕋᒃᓯᒪᕗᖅ ᓯᖁᒥᑦᓯᐊᕐᓗᓂ, ᓂᐹᔪᐊᓘᓪᓗᑎᒡᓗ, ᒧᐊᐱᒥᐅᑦ ᑐᓄᑦᓯᓕᕐᐳᑦ ᑲᓐᖑᓱᖕᓂᕐᒧᑦ, ᒧᐊᐱᒥᐅᑦ ᒥᑕᐅᑎᒋᔭᒃᓴᓐᖑᕐᒪᑕ, ᑲᑉᐱᐊᓲᑎᒃᓴᓐᖑᕐᓗᑎᒡᓗ ᓄᓇᓕᐅᖃᑎᓕᒫᖏᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 48:46

ᑲᑉᐱᐊᓐᓇᒦᒃ ᒧᐊᐱᒥᐅᑕᐅᔪᓯ, ᑭᒨᓯᒥᐅᑦ ᐃᓄᖏᑦ ᓄᖑᑕᐅᖕᒪᑕ, ᐃᕐᓂᓯᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᖕᒪᑕ ᐸᓂᓯᓗ ᑎᒍᔭᐅᓪᓗᑎᒃ ᓯᐊᓛᕐᑖᖑᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 48:7

ᑕᑎᖃᓚᐅᕋᑦᓯ ᐱᔪᓐᓇᕐᓂᑦᓯᓐᓂᒃ ᐊᔪᕐᓴᖏᓐᓂᑦᓯᓐᓂᒡᓗ, ᑎᒍᔭᐅᓗᓯ ᐊᐅᓪᓚᕈᑦᔭᐅᔪᒫᕆᕗᓯ; ᒎᑎᒋᔭᓯ ᑭᒨᓯ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᔪᒫᕆᕗᖅ, ᑐᓂᕐᕈᓯᕐᑎᑦᓯᔨᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 11:24

ᓄᓇᖁᑎᑖᕆᔪᒪᓐᖏᓚᓯᐅᒃ ᑭᒨᓯᐅᑉ ᒎᑎᓐᖑᐊᑦᓯ ᓄᓇ ᑐᓃᓚᐅᕐᑕᖓ ᐃᓕᑦᓯᓐᓄᑦ? ᐅᕙᒍᓪᓕ ᐱᓯᒤᓐᓇᕐᓂᐊᕆᕙᕗᑦ ᐊᑕᓂᐅᑉ, ᒎᑎᑦᑕ ᐊᕐᓵᕐᓯᑦᔪᑎᒋᓚᐅᕐᑕᖓ ᐅᕙᑦᑎᓐᓄᑦ ᑐᓂᓪᓗᒍ.