ᔨᕆᒤᐊᐅᑉ ᐊᒡᓚᖏᑦ 46:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐆᒻᒪᕆᖕᓂᕐᐹᖑᒐᓗᐊᑦ ᕿᒫᔪᓐᓇᕐᓂᐊᓐᖏᓚᑦ, ᐱᔪᓐᓇᕐᓂᖃᕐᓂᕐᐹᖑᔪᓪᓗ ᐊᓐᓇᒡᕕᖃᕐᓂᐊᖏᓐᓂᕗᑦ, ᑰᑉ ᐃᕗᕅᑎᐅᑉ ᓴᓂᐊᓂ ᐹᓪᓚᒃᐳᑦ ᒪᑭᑦᑐᓐᓇᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 46:6 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 23:29

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐰᕉ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑰᖕᒧᑦ ᐃᕗᕅᑎᒧᑦ ᐅᐸᒍᑎᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᑲᔪᕆᐊᕐᓗᓂ. ᔫᓮᐊᐅᑉ ᐅᓇᑕᕐᑎᖁᑎᖏᑕᓗ ᐅᓇᑕᕆᐊᕐᕕᒋᓪᓗᒍ ᐹᕆᐊᕐᑐᕐᐹᑦ, ᐄᑦᔨᑉᑎᒥᐅᓪᓕ ᐊᖓᔪᖅᑳᕐᔪᐊᖓᑦᑕ ᓂᑰᑉ ᐅᓇᑕᕐᓗᑎᒃ ᓵᓚᒋᓪᓗᒍ ᔫᓮᐊ ᑐᖁᑉᐹ ᓄᓇᒥ ᒥᒌᑐᒥ.

ᐊᑕᓃᑦ ᐂᑉᐸᖏᑦ 24:7

ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᕐᑎᑦᓯᓚᐅᕐᓯᒪᔪᓐᓃᓚᐅᕐᐳᖅ ᐅᓇᑕᕐᑎᖁᑎᒥᓂᒃ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᖁᑎᕕᓂᕋᓗᐊᖏᓐᓂᒃ ᐊᕐᓵᕐᑕᐅᓯᒪᓕᓚᐅᕋᒥ, ᑰᖕᒥᒃ ᐃᕗᕅᑎᒥᑦ ᐱᒋᐊᕐᓗᒍ ᐄᑦᔨᑉᑎᐅᑉ ᑕᕐᕌᓄᑦ ᑎᑭᓪᓗᒍ ᓄᓁᕐᑕᐅᓯᒪᓕᓚᐅᕐᒪᑦ.

ᐃᓐᖏᕈᑎᑦ 27:2

ᐱᐅᖏᑦᑐᓕᔪᑦ ᕾᓕᕐᐸᑕ ᐅᕙᓐᓂᒃ ᐊᑭᕋᕐᑐᕈᒪᓗᑎᒃ ᐅᕕᓂᒐ ᓂᕆᔪᒪᓗᒍ, ᐊᑭᕋᕐᑐᕐᑎᒃᑲ ᐅᓇᖕᒥᔨᒃᑲᓗ ᐅᐸᒃᑐᕐᐸᑕ, ᑕᕝᕙ ᐹᓪᓚᒃᐳᑦ ᐅᕐᕈᓪᓗᑎᒡᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 8:15

ᐅᓄᕐᑐᓪᓗ ᑖᒃᑯᓇᓃᑦᑐᑦ ᐹᓪᓚᒍᒫᕐᐳᑦ; ᐅᕐᕈᓗᑎᒃ ᓯᖁᒥᓪᓗᑎᒡᓗ, ᓂᒐᕐᑎᑕᐅᓗᑎᒃ ᐊᐅᓪᓚᕈᑦᔭᐅᓗᑎᒡᓗ.”

ᔨᕆᒤᐊᐅᑉ ᐊᒡᓚᖏᑦ 1:14

ᐊᑕᓂᐅᑉ ᐅᖃᐅᑎᕚᖓ, “ᐅᓐᓄᐊᓪᓗᐊᑉ ᓇᓛᓂᑦ ᐊᓯᕈᕐᑕᐅᓐᓇᕐᑐᖅ ᑎᑭᑦᓱᒫᕐᐳᖅ ᓄᓇᒧᑦ ᑕᒪᑐᒧᖓ,

ᔨᕆᒤᐊᐅᑉ ᐊᒡᓚᖏᑦ 20:11

ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 4:6

ᓮᐅᓂᒧᓐᖓᐅᔭᕆᐊᖃᕐᓂᓯ ᓇᓗᓁᕐᑕᐅᓕᕐᓕ! ᕿᒪᒃᓯᓕᕆᑦᓯ ᐃᓅᔪᒪᒍᑦᓯ ᐅᑕᖅᑭᖏᓪᓗᓯ; ᑎᑭᑎᑦᓯᓂᐊᕋᒪ ᐅᓐᓄᐊᓪᓗᐊᑉ ᓇᓛᓂᑦ ᑲᑉᐱᐊᓇᕐᑐᒥᒃ, ᑲᑉᐱᐊᓇᕐᑐᒥᒃ ᐊᓯᕈᐃᔪᓐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᔨᕆᒤᐊᐅᑉ ᐊᒡᓚᖏᑦ 46:12

ᐃᓅᖃᑎᒌᒡᔪᐊᓄᑦ ᑲᓐᖑᓇᕐᑐᒦᓐᓂᓯ ᑐᓴᐅᒪᔭᐅᓕᕐᐳᖅ, ᕿᐊᓂᓯᓗ ᓄᓇᕐᔪᐊᓕᒫᒥ ᑐᓵᔭᐅᓕᕐᐳᖅ, ᐅᓇᑕᕐᑎ ᐹᓪᓚᒃᐳᖅ ᐅᓇᑕᕐᑎᐅᖃᑎᒥᓄᑦ; ᑕᕝᕙ ᑕᒪᖏᒃ ᐅᕐᕈᖃᑎᒌᒃᐴᒃ.

ᔨᕆᒤᐊᐅᑉ ᐊᒡᓚᖏᑦ 46:16

ᒪᑭᑕᔪᓐᓇᕐᓂᐊᓐᖏᓚᑦ ᐅᕐᕈᔭᕌᖓᒥᒃ ᖃᓕᕇᓕᕐᐸᓪᓕᐊᓂᐊᕐᐳᑦ, ᐅᖃᕐᓗᑎᒡᓗ, ‘ᒪᑭᓪᓗᑕ ᐅᑎᓚᐅᕐᑕ ᐃᓅᖃᑎᑦᑎᓐᓄᑦ, ᓄᓇᒧᓪᓗ ᐃᓅᕕᒋᓚᐅᕐᑕᑦᑎᓐᓄᑦ, ᕿᒫᓗᑕ ᓴᕕᒡᔪᐊᒥᑦ.’

ᔨᕆᒤᐊᐅᑉ ᐊᒡᓚᖏᑦ 50:32

ᐱᔪᓐᓇᕋᓱᒋᓗᐊᓚᐅᕐᑐᖅ ᐅᕐᕈᔪᒫᕐᐳᖅ ᒪᑭᑎᑦᓯᔨᒃᓴᖃᕐᓂᐊᓐᖏᓚᕐᓗ ᓄᓇᓕᖁᑎᖏᓐᓂ ᐃᑯᐊᓪᓔᔪᒫᕐᐳᖓ, ᐃᑯᐊᓚᔪᒧᓪᓗ ᖃᓂᒋᔭᖓᓃᑦᑐᓕᒫᑦ ᓄᖑᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 6:1

ᐃᓕᑦᓯ ᐱᓐᔭᒥᓂᒧᑦ ᑭᖑᕚᕆᔭᐅᔪᓯ, ᔨᕉᓴᓕᒥᑦ ᕿᒫᓕᕆᑦᓯ, ᑎᑦᑐᓚᐅᓪᓗ ᓂᓪᓕᕐᑎᓯᐅᒃ ᓄᓇᒥ ᑎᑯᐊᒥ! ᖃᐅᔨᑦᔪᑎᒃᓴᒥᒡᓗ ᑕᑯᒃᓴᐅᑎᑦᓯᓕᕆᑦᓯ ᐱᑦ-ᕼᐊᑭᕆᒻᑯᓐᓄᑦ; ᐅᓐᓄᐊᓪᓗᐊᑉ ᓇᓛᓂᑦ ᑲᑉᐱᐊᓇᕐᑐᒥᒃ ᓴᖅᑭᑦᑐᖃᓕᕐᒪᑦ ᐊᓯᕈᕐᑕᐅᓇᕐᑐᒥᒃ.

ᑖᓂᐊᓕᐅᑉ ᐊᒡᓚᖏᑦ 11:19

ᑕᒪᑐᒪ ᑭᖑᓂᖓᒍᑦ, ᓄᓇᒥᓄᑦ ᐃᒡᓗᒐᓴᒡᔪᐊᖁᑎᒥᓄᑦ ᐅᑎᓕᕈᒫᕐᐳᖅ, ᐊᖅᑯᑎᒥᓂᓕ ᐅᕐᕈᔪᒫᕐᐳᖅ, ᑕᑯᔭᐅᒃᑲᓐᓂᕈᓐᓁᕐᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 11:22

ᐅᓇᑕᕐᑐᒃᓴᒐᓴᒡᔪᐊᑦ ᓴᓂᕐᑕᐅᔪᑎᑐᑦ ᓵᓚᒋᔪᒫᕐᐰᑦ; ᐊᖓᔪᖅᑳᕐᔪᐊᒃᓴᕐᓗ ᐊᖏᖃᑎᒌᒍᑕᐅᓯᒪᔪᖅ ᑐᖁᓪᓗᒍ.