3 “ᓴᐴᓗᑕᓯ ᐊᖏᔪᑦ ᒥᑭᑦᑐᓪᓗ ᐅᐸᓗᖕᒊᕐᓯᒪᓕᕐᓯᒋᒃ ᐅᓇᑕᕆᐊᓕᕆᑦᓯ!
ᓵᒥᒃ ᐋᖅᑭᒃᓱᐃᕗᑦ ᓂᕆᕝᕕᖕᒥᒃ, ᓂᕈᒻᒫᒃᑯᑏᓪᓗ ᐃᒃᓯᕙᐅᑕᕆᔭᐅᓂᐊᕐᑐᑦ ᓂᕆᔭᕐᑐᕐᓯᒪᔪᓄᑦ ᐊᑐᐃᓐᓇᕈᕐᓯᒪᓕᕐᐳᑦ; ᐃᒥᕐᐳᑦ ᓂᕆᓪᓗᑎᒡᓗ, ᓂᓪᓕᕐᑐᖃᓕᕐᐳᕐᓗ, “ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᓯ ᓴᐴᓗᑕᓯ ᑎᒍᓕᕐᓯᐅᒃ.”
“ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!
ᐃᓅᖃᑎᒌᒡᔪᐊᑦ ᐅᖃᐅᑎᓯᒋᑦ: ‘ᐸᕐᓁᓕᕆᑦᓯ ᐅᓇᑕᕐᓂᕐᒧᑦ! ᐊᖑᑏᑦ ᐅᓇᑕᕈᓐᓇᕐᑐᑦ ᐸᕐᓇᖁᓯᒋᒃ, ᐊᖑᑎᓕᒫᑦ ᐅᓇᑕᕐᑐᒃᓮᑦ ᕾᖁᓯᒋᒃ ᐅᓇᑕᕆᐊᓕᕐᓗᑎᒡᓗ.
ᓯᖁᑦᑎᕆᔨ ᐃᓕᑦᓯᓐᓄᑦ ᒪᔪᕋᓕᕐᐳᖅ. ᐊᕙᓗᕐᔪᐊᓯ ᖃᐅᔨᓴᕐᑎᖃᓕᕐᓕᑦ; ᐊᖅᑯᑏᑦ ᐅᑦᔨᕐᑐᓕᕐᓯᒋᒃ; ᐅᓇᑕᕐᓂᕐᒧᑦ ᐊᑐᐃᓐᓇᕈᓕᕆᑦᓯ; ᓴᓐᖏᒃᑎᓴᓕᕆᑦᓯ ᓄᑭᖃᑦᓯᐊᖁᓪᓗᓯ.
ᐃᒥᕐᑕᕐᓯᒪᓕᕆᑦᓯ ᐊᕙᓗᔭᐅᖅᑳᕐᑎᓐᓇᓯ, ᐊᕙᓗᕐᔪᐊᓯᓗ ᐊᑦᑕᕐᓁᔭᑦᓯᐊᕐᓗᒋᑦ; ᒪᕐᕋᕐᓂᒡᓗ ᑐᓪᓕᓕᕆᑦᓯ ᓂᐱᐅᑎᒃᓴᖓᓂᒡᓗ, ᓯᒃᑭᑕᓕᐅᕈᑎᓗ ᑎᒍᓗᒍ.
