ᔨᕆᒤᐊᐅᑉ ᐊᒡᓚᖏᑦ 46:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!

ᔨᕆᒤᐊᐅᑉ ᐊᒡᓚᖏᑦ 46:14 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᔨᕆᒤᐊᐅᑉ ᐊᒡᓚᖏᑦ 44:1

ᐊᑕᓂᐅᑉ ᔨᕆᒤᐊ ᐅᖃᕐᕕᒋᕚ ᔫᑎᑦ ᐄᑦᔨᑉᑎᒦᑦᑐᑦ ᐱᑦᔪᑎᒋᓗᒋᑦ ᓄᓇᓕᖕᓂ ᐅᑯᓇᓃᑦᑐᑦ; ᒥᒡᑐᓕᒥ, ᑕᐸᓂᓯᒥ ᒥᒻᐱᓯᒥᓗ, ᓄᓇᒥᓗ ᐹᑐᕉᓯᒥ.

ᓇᕼᐅᒥᐅᑉ ᐊᒡᓚᖏᑦ 2:13

ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, “ᐊᑭᕋᕐᑐᕐᓗᑎᑦ ᓵᓕᕐᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᕐᐸᒃᑲ ᐳᔫᓕᕐᓗᑎᒃ, ᐅᓇᑕᕐᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᕐᑕᓕᒫᑎᑦ ᓄᖅᑲᕐᑎᑦᓱᒫᕐᐸᒃᑲ, ᐅᖃᕆᐊᕐᑐᕐᑎᑕᓯᓗ ᑐᓴᕐᓴᐅᖃᑦᑕᕐᓂᐊᕈᓐᓃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 1:20

ᓈᓚᖏᓪᓗᓯᓕ ᐊᑭᕋᕐᑐᕈᑦᓯ, ᑐᖁᑕᐅᔪᒫᕐᐳᓯ ᓴᕕᒡᔪᐊᒧᑦ; ᐊᑕᓂᖅ ᓇᖕᒥᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 12:12

ᐱᖑᓕᒫᑦ ᓇᐹᕐᑐᖃᖏᓐᓂᕐᒦᑦᑐᑦ ᓱᓇᖃᔪᐃᑦᑐᒥ ᓈᓯᒪᓕᕐᐳᑦ ᐊᓯᕈᐃᔭᕐᑐᕐᑐᓂᒃ; ᐊᑕᓂᐅᑉ ᐅᓇᑕᕆᐊᕐᑎᑕᖏᑦ ᓈᓯᓯᒪᔪᒫᕐᐳᑦ ᓄᓇᐅᑉ ᑭᒡᓕᖓᓂᑦ ᑭᒡᓕᖓᓄᑦ; ᓮᓕᔪᖃᕈᒫᓐᖏᓚᕐᓗ ᑎᒥᖃᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 34:6

ᐊᑕᓂᐅᑉ ᓴᕕᒡᔪᐊᖓ ᐊᐅᒥᑎᕐᓯᒪᕗᖅ; ᑐᓐᓄᕈᔫᓪᓗᓂᓗ, ᓰᐱᐅᑉ ᓄᕐᕋᖏᑕ ᒎᑦᓰᓪᓗ ᐊᐅᖏᓐᓂᑦ, ᓰᐲᓪᓗ ᐊᖑᓴᓪᓗᖏᑕ ᑕᕐᑐᕈᑎᖏᑕ ᑐᓐᓄᖏᓐᓂᑦ, ᐊᑕᓂᖅ ᑐᓂᕐᕈᓯᕐᓯᒪᖕᒪᑦ ᐳᔾᕋᒥ, ᐅᓄᕐᑐᕐᔪᐊᓂᒡᓗ ᑐᖁᕅᓪᓗᓂ ᐄᑐᒥᐅᑉ ᓄᓇᖓᓂ.

ᐂᓮᐊᓯᐅᑉ ᐊᒡᓚᖏᑦ 31:8

ᐊᓯᕆᐊᒥᐅᑦ ᐊᓯᕈᕐᑕᐅᔪᒫᕐᐳᑦ ᐅᓇᑕᕐᓂᕐᔪᐊᕐᒧᑦ, ᐃᓄᒃᑎᒍᑦ ᐱᖏᑦᑐᒧᑦ; ᓴᕕᒡᔪᐊᒧᑦ ᐃᓄᖕᒥᑦ ᐱᖏᑦᑐᒧᑦ, ᓄᖑᑕᐅᔪᒫᕐᐳᑦ; ᓴᕕᒡᔪᐊᒥᑦ ᕿᒫᔪᒫᕐᐳᑦ, ᐅᕕᒐᕐᑐᖁᑎᖏᓪᓗ ᐊᒃᓱᕈᕐᑎᑕᐅᓗᑎᒃ ᐱᓇᓱᐊᕐᑎᒋᔭᐅᓕᕈᒫᕐᐳᑦ.

ᓴᒧᐃᓕ ᐂᑉᐸᖏᑦ 2:26

ᑕᕝᕙ ᐋᑉᓄ ᔪᐊᐱᒧᑦ ᐅᖃᕐᐳᖅ, “ᐅᓇᑍᓐᓇᕆᐊᖃᕐᐱᑖ ᐃᓱᖃᖏᑦᑐᒧᑦ? ᖃᐅᔨᒪᓐᖏᓚᑏᑦ ᑕᒪᑐᒪ ᑭᖑᕐᖓᓂ ᑕᒪᓐᓇ ᖃᓯᓕᓇᕐᑑᓂᐊᕐᒪᑦ? ᐃᓚᒌᒃᐳᒍᑦ ᓄᓇᖃᑎᒌᓪᓗᑕ ᖃᖓᓖ ᓄᖅᑲᕐᑎᑦᓯᓂᐊᕐᐱᑦ ᐃᓄᖁᑎᖕᓂᒃ ᐅᕙᑦᑎᓐᓂᒃ ᒪᓕᒃᑐᓂᒃ?”

ᒨᓯᓯ ᐂᑉᐸᖏᑦ 14:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ ᐅᑎᕐᓗᑎᒃ ᓯᓂᒃᑕᖁᓗᒋᑦ ᐰ-ᕼᐊᕼᐃᕋᑎᒥ, ᓄᓇᐅᑉ ᒥᒡᑐᓕᐅᑉ ᐃᒪᐅᓪᓗ ᐊᐅᐸᓗᒃᑕᒥᒃ ᐊᑎᓕᐅᑉ ᐊᑯᓐᓂᖓᓃᑦᑐᒥ, ᐰᓕ-ᔨᐸᓂᐅᑉ ᖃᓂᒋᔭᖓᓃᑦᑐᒧᑦ.

ᒨᓯᓯ ᑕᓪᓕᒪᖏᑦ 32:42

ᖃᕐᔪᒃᑲ ᐊᐅᖏᓐᓂᒃ ᑯᑐᖕᓂᐊᕐᐳᑦ, ᓴᕕᒡᔪᐊᕋᓗ ᐅᕕᓂᖏᓐᓂᒃ ᑲᐳᕅᓂᐊᕐᐳᖅ. ᑐᖁᔪᑦ ᐊᐅᖏᓐᓂᒃ ᑎᒍᔭᐅᔪᓪᓗ; ᓄᔭᖅᑯᕐᑐᔪᑦ ᓂᐊᖁᖏᓐᓂᑦ ᐊᑭᕋᓐᓂᑦ.’

ᐂᓮᐊᓯᐅᑉ ᐊᒡᓚᖏᑦ 19:13

ᔪᐊᓐᒥᐅᑦ ᓯᕗᓕᕐᑎᖏᑦ ᓯᓔᑉᐳᑦ, ᒥᒻᐱᓯᒥᐅᓪᓗ ᓯᕗᓕᕐᑎᖏᑦ ᓇᓗᓪᓗᑎᒃ; ᐃᓅᖃᑎᒌᒡᔪᐊᓂᑦ ᐱᓪᓚᕆᖁᑎᒋᔭᐅᓪᓗᑎᒃ ᐄᑦᔨᑉᑎᒥᐅᓂᒃ ᑕᒻᒪᕐᑎᑦᓯᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 46:2

ᐄᑦᔨᑉᑎᒥᐅᑦ ᐱᓪᓗᒋᑦ ᐅᖃᕐᐳᖅ, ᐅᖃᐅᓯᒃᓴᖃᕐᐳᖓ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᓪᓗᒍ, ᓵᓚᒋᔭᐅᓚᐅᕐᑑᑉ ᑳᕐᓯᒥᔅᒥ ᑰᖕᒥ ᐃᕗᕅᑎᒥ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᔫᓮᐊᐅᑉ ᐃᕐᓂᖓᑕ ᐊᐅᓚᑦᓯᓂᖏᑕ ᓯᑕᒪᒋᓕᕐᑕᖓᓂ:

ᔨᕆᒤᐊᐅᑉ ᐊᒡᓚᖏᑦ 46:19

ᐄᑦᔨᑉᑎᒥᐅᑕᐅᔪᓯ ᓇᒃᓴᕐᓂᐊᕐᑕᑦᓯᓐᓂᒃ ᐴᖅᑬᓕᕆᑦᓯ ᐊᐅᓪᓚᕈᑦᔭᐅᔪᒫᕋᑦᓯ, ᒥᒻᐱᓯᒥ ᓄᓇᖃᕐᑐᑦ ᓱᓁᕈᑎᔪᒫᕐᐳᑦ ᓄᓇᖃᕐᕕᕕᓂᑐᐃᓐᓇᐅᓕᕐᓗᑎᒃ ᐃᓄᖃᕈᓐᓃᕈᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 21:28

“ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᐅᓯᖃᓕᕆᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐊᒧᓁᑎᒥᐅᓄᑦ, ᐃᓴᕆᐊᓕᒥᐅᓂᒃ ᐊᑭᕋᕐᑐᕐᓂᖏᓐᓄᑦ; ᑖᒃᑯᐊ ᐅᖃᐅᑎᒃᑭᑦ ᓴᕕᒡᔪᐊᖅ, ᓴᕕᒡᔪᐊᖅ ᐊᒧᔭᐅᕗᖅ ᑐᖁᕅᑦᔪᑕᐅᓂᐊᕐᑐᖅ, ᕿᓪᓕᕐᓴᕐᑕᐅᕗᖅ ᑐᖁᕅᑦᔪᑕᐅᖁᓪᓗᒍ ᕿᓪᓛᒡᒋᕐᑕᕐᐳᕐᓗ ᖃᐅᒻᒫᓪᓚᖃᑦᑕᕐᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 30:13

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒎᑎᓐᖑᐊᖏᑦ ᐊᓯᕈᕈᒫᕐᐸᒃᑲ, ᒥᒻᐱᓯᒥᐅᓪᓗ ᐃᓄᓐᖑᐊᖁᑎᖏᑦ ᓯᖁᑦᑎᕈᒫᕐᐸᒃᑲ; ᐄᑦᔨᑉᑎᒥᐅᑦ ᐊᖓᔪᖅᑳᖃᕈᓐᓃᕈᒫᕐᐳᑦ; ᑕᕝᕙᓃᑦᑐᓪᓗ ᓯᕘᕋᓕᕐᑎᑦᓱᒫᕐᐸᒃᑲ.

ᕼᐆᓯᐊᑉ ᐊᒡᓚᖏᑦ 9:6

ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:16

ᒥᒻᐱᓯᒥᐅᑦ ᑕᐸᓂᓯᒥᐅᓪᓗ ᐊᖑᑎᖏᓐᓄᑦ ᓂᐊᖁᓯ ᓱᕋᒃᑕᐅᕗᑦ.