ᔨᕆᒤᐊᐅᑉ ᐊᒡᓚᖏᑦ 46:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᔨᕆᒤᐊᐅᑉ ᐊᒡᓚᖏᑦ 46:10 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 24:7

ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᕐᑎᑦᓯᓚᐅᕐᓯᒪᔪᓐᓃᓚᐅᕐᐳᖅ ᐅᓇᑕᕐᑎᖁᑎᒥᓂᒃ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᖁᑎᕕᓂᕋᓗᐊᖏᓐᓂᒃ ᐊᕐᓵᕐᑕᐅᓯᒪᓕᓚᐅᕋᒥ, ᑰᖕᒥᒃ ᐃᕗᕅᑎᒥᑦ ᐱᒋᐊᕐᓗᒍ ᐄᑦᔨᑉᑎᐅᑉ ᑕᕐᕌᓄᑦ ᑎᑭᓪᓗᒍ ᓄᓁᕐᑕᐅᓯᒪᓕᓚᐅᕐᒪᑦ.

ᔫᐱᐅᑉ ᐊᒡᓚᖏᑦ 24:1

“ᓱᖕᒪᑦ ᐊᔪᒐᖃᖏᑦᑐᖅ ᐃᖅᑲᕐᑐᐃᕕᒃᓴᒥᒃ ᐋᖅᑭᒃᓯᓯᒪᓐᖏᓚᖅ, ᑖᑦᓱᒥᖓᓗ ᖃᐅᔨᒪᔪᑦ ᓱᖕᒪᑦ ᐅᓪᓗᖏᓐᓂᒃ ᑕᑯᓚᐅᕐᓯᒪᓐᖏᓚᑦ?

ᐂᓮᐊᓯᐅᑉ ᐊᒡᓚᖏᑦ 13:6

“ᓂᐱᖅᑯᕐᑐᓗᓯ ᕿᐊᒋᑦᓯ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᒪᑦ; ᐊᔪᒐᖃᖏᑦᑐᕐᔪᐊᑉ ᐊᓯᕈᐃᕕᒃᓴᖓ ᑎᑭᓕᕐᒪᑦ!

ᐂᓮᐊᓯᐅᑉ ᐊᒡᓚᖏᑦ 2:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᓪᓗᒃᓴᖃᕐᒪᑦ ᐊᑭᕋᕐᑐᕐᓗᓂ ᐱᐅᔪᕆᔪᓂᒃ ᑕᒤᓐᓂᒃ ᐱᔪᓐᓇᕋᓱᒋᔪᓂᒡᓗ, ᐊᑭᕋᕐᑐᕐᓗᓂᓗ ᐅᐱᓐᓇᕐᓂᕋᕐᑕᐅᔪᓂᒃ ᖁᕝᕙᓯᒐᓱᐊᕐᑐᓂᒡᓗ, ᑕᒤᓐᓂᒃ;

ᐂᓮᐊᓯᐅᑉ ᐊᒡᓚᖏᑦ 31:8

ᐊᓯᕆᐊᒥᐅᑦ ᐊᓯᕈᕐᑕᐅᔪᒫᕐᐳᑦ ᐅᓇᑕᕐᓂᕐᔪᐊᕐᒧᑦ, ᐃᓄᒃᑎᒍᑦ ᐱᖏᑦᑐᒧᑦ; ᓴᕕᒡᔪᐊᒧᑦ ᐃᓄᖕᒥᑦ ᐱᖏᑦᑐᒧᑦ, ᓄᖑᑕᐅᔪᒫᕐᐳᑦ; ᓴᕕᒡᔪᐊᒥᑦ ᕿᒫᔪᒫᕐᐳᑦ, ᐅᕕᒐᕐᑐᖁᑎᖏᓪᓗ ᐊᒃᓱᕈᕐᑎᑕᐅᓗᑎᒃ ᐱᓇᓱᐊᕐᑎᒋᔭᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 63:4

ᐅᓪᓗᖅ ᐊᑭᓂᐊᕐᕕᒃᓴᕋ ᐆᒻᒪᒻᒥᐅᑕᕆᓕᕋᒃᑯ, ᐊᕐᕌᒍᓗ ᐱᐅᓕᒃᓯᕕᒃᓴᕋ ᑎᑭᓯᒪᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 12:12

ᐱᖑᓕᒫᑦ ᓇᐹᕐᑐᖃᖏᓐᓂᕐᒦᑦᑐᑦ ᓱᓇᖃᔪᐃᑦᑐᒥ ᓈᓯᒪᓕᕐᐳᑦ ᐊᓯᕈᐃᔭᕐᑐᕐᑐᓂᒃ; ᐊᑕᓂᐅᑉ ᐅᓇᑕᕆᐊᕐᑎᑕᖏᑦ ᓈᓯᓯᒪᔪᒫᕐᐳᑦ ᓄᓇᐅᑉ ᑭᒡᓕᖓᓂᑦ ᑭᒡᓕᖓᓄᑦ; ᓮᓕᔪᖃᕈᒫᓐᖏᓚᕐᓗ ᑎᒥᖃᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 46:14

“ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!

ᔨᕆᒤᐊᐅᑉ ᐊᒡᓚᖏᑦ 46:2

ᐄᑦᔨᑉᑎᒥᐅᑦ ᐱᓪᓗᒋᑦ ᐅᖃᕐᐳᖅ, ᐅᖃᐅᓯᒃᓴᖃᕐᐳᖓ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᓪᓗᒍ, ᓵᓚᒋᔭᐅᓚᐅᕐᑑᑉ ᑳᕐᓯᒥᔅᒥ ᑰᖕᒥ ᐃᕗᕅᑎᒥ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᔫᓮᐊᐅᑉ ᐃᕐᓂᖓᑕ ᐊᐅᓚᑦᓯᓂᖏᑕ ᓯᑕᒪᒋᓕᕐᑕᖓᓂ:

ᔨᕆᒤᐊᐅᑉ ᐊᒡᓚᖏᑦ 46:6

ᐆᒻᒪᕆᖕᓂᕐᐹᖑᒐᓗᐊᑦ ᕿᒫᔪᓐᓇᕐᓂᐊᓐᖏᓚᑦ, ᐱᔪᓐᓇᕐᓂᖃᕐᓂᕐᐹᖑᔪᓪᓗ ᐊᓐᓇᒡᕕᖃᕐᓂᐊᖏᓐᓂᕗᑦ, ᑰᑉ ᐃᕗᕅᑎᐅᑉ ᓴᓂᐊᓂ ᐹᓪᓚᒃᐳᑦ ᒪᑭᑦᑐᓐᓇᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:18

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: ᑕᑯᒋᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓ ᓱᒋᐊᕐᓂᐊᕐᐸᕋ ᓄᓇᖁᑎᖓᓗ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 21:28

“ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᐅᓯᖃᓕᕆᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐊᒧᓁᑎᒥᐅᓄᑦ, ᐃᓴᕆᐊᓕᒥᐅᓂᒃ ᐊᑭᕋᕐᑐᕐᓂᖏᓐᓄᑦ; ᑖᒃᑯᐊ ᐅᖃᐅᑎᒃᑭᑦ ᓴᕕᒡᔪᐊᖅ, ᓴᕕᒡᔪᐊᖅ ᐊᒧᔭᐅᕗᖅ ᑐᖁᕅᑦᔪᑕᐅᓂᐊᕐᑐᖅ, ᕿᓪᓕᕐᓴᕐᑕᐅᕗᖅ ᑐᖁᕅᑦᔪᑕᐅᖁᓪᓗᒍ ᕿᓪᓛᒡᒋᕐᑕᕐᐳᕐᓗ ᖃᐅᒻᒫᓪᓚᖃᑦᑕᕐᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 1:15

ᐊᑕᓂᐅᑉ ᐅᓪᓗᖓ ᖃᒡᓕᕗᖅ; ᑎᑭᓐᓂᐊᕐᐳᖅ ᐊᓯᕈᐃᔭᕐᑐᕐᑐᑐᑦ ᐊᔪᒐᖃᖏᑦᑐᕐᔪᐊᕐᒥᓐᖔᕐᓗᓂ.

ᔪᐃᓕᐅᑉ ᐊᒡᓚᖏᑦ 2:1

ᑎᑦᑐᓚᐅᑏᑦ ᓂᓪᓕᕐᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᓁᑦᑐᒥ, ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ, ᖃᓂᑦᑑᓕᕐᓗᓂ.

ᓴᑲᕅᐊᐅᑉ ᐊᒡᓚᖏᑦ 6:6

“ᐊᒃᓴᓗᐊᓕᖕᓂᒃ ᕿᕐᓂᕐᑕᓂᒃ ᕿᒻᒥᕐᔪᐊᖃᕐᑐᑦ ᐅᓐᓄᐊᑉ ᓇᓛᓄᑦ ᐊᐅᓪᓚᕐᐳᑦ, ᖃᑯᕐᑕᓂᒃᓗ ᕿᒻᒥᕐᔪᐊᖃᕐᑐᑦ ᓯᕿᓂᐅᑉ ᓂᐱᕕᐊᑕ ᓇᓛᓄᑦ ᐊᐅᓪᓚᕐᐳᑦ, ᐅᑭᓕᕆᐊᓂᒡᓗ ᕿᒻᒥᕐᔪᐊᖃᕐᑐᑦ ᐅᓪᓘᑉ ᓇᓛᓄᑦ ᐊᐅᓪᓚᕐᐳᑦ.”

ᓘᑲᓯᐅᑉ ᐊᒡᓚᖏᑦ 21:22

ᑖᒃᑯᐊ ᐅᓪᓗᐃᑦ ᓱᒋᐊᕐᑕᐅᕕᐅᖕᒪᑕ, ᐊᒡᓚᖕᓂ ᐅᖃᐅᓯᐅᓯᒪᔪᓕᒫᑦ ᓇᓚᐅᓯᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 32:42

ᖃᕐᔪᒃᑲ ᐊᐅᖏᓐᓂᒃ ᑯᑐᖕᓂᐊᕐᐳᑦ, ᓴᕕᒡᔪᐊᕋᓗ ᐅᕕᓂᖏᓐᓂᒃ ᑲᐳᕅᓂᐊᕐᐳᖅ. ᑐᖁᔪᑦ ᐊᐅᖏᓐᓂᒃ ᑎᒍᔭᐅᔪᓪᓗ; ᓄᔭᖅᑯᕐᑐᔪᑦ ᓂᐊᖁᖏᓐᓂᑦ ᐊᑭᕋᓐᓂᑦ.’