ᔨᕆᒤᐊᐅᑉ ᐊᒡᓚᖏᑦ 44:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐊᒡᓚᖏᑦ 44:17 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᐊᑕᓃᑦ ᐂᑉᐸᖏᑦ 22:17

ᐅᕙᓐᓂᒃ ᕿᒤᓯᒪᖕᒪᑕ ᐊᓯᓐᓄᑦ ᒎᑎᒥᖕᓄᑦ ᐃᓯᕐᓗᐊᕐᓂᑎᑦᓯᖃᑦᑕᕐᒪᑕ, ᓂᓐᖓᒍᑎᒋᔪᓐᓇᕐᑕᓐᓂᒃ ᐱᓇᓱᐊᖃᑦᑕᕐᓯᒪᖕᒪᑕ, ᔨᕉᓴᓕᒥᐅᓂᒃ ᓂᓐᖓᒃᓮᓯᒪᖕᒪᑕ ᐅᕙᓐᓂᒃ ᐊᒡᒐᖕᒥ ᓴᓇᔭᖏᓐᓄᑦ, ᑍᒤᒻᒪᑦ ᓂᓐᖓᐅᒪᔪᒫᓕᕐᐳᖓ ᑕᒫᓂ ᓄᓇᒥ, ᑭᓇᒧᓪᓘᓐᓃᑦ ᓄᖅᑲᕐᑎᑕᐅᓂᐊᖏᑦᑐᒥᒃ.

ᑯᕉᓂᑲ ᐂᑉᐸᖏᑦ 28:23

ᑐᓂᕐᕈᓯᖃᑦᑕᓚᐅᕐᐳᖅ ᑕᒫᓯᑰᓯᐅᑉ ᒎᑎᓐᖑᐊᖏᓐᓄᑦ ᓵᓚᒋᔨᒋᓚᐅᕐᑕᒥᓄᑦ, ᐅᖃᕐᓗᓂ, “ᓯᕆᐊᒥᐅᑦ ᐊᖓᔪᖅᑳᕐᔪᐊᖏᑦ ᐃᑲᔪᓚᐅᕐᒪᒋᑦ, ᑐᓂᕐᕈᓯᕐᕕᒋᔪᒪᕙᒃᑲ ᐃᑲᔪᕐᑕᐅᓂᐊᕐᒪᖔᕐᒪ ᑖᒃᑯᓄᖓ.” ᑖᒃᑯᐊᓕ ᓱᒃᑯᑕᐅᑦᔪᑎᒋᖔᓚᐅᕐᐰᑦ, ᐃᓴᕆᐊᓕᒥᐅᓕᒫᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 9:34

ᐊᒡᓛᑦ ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᓪᓗ, ᑐᓂᕐᕈᓯᕐᑎᑦᓯᔨᕗᑦ ᓯᕗᓕᕗᓪᓗ, ᐱᖁᔭᕐᓂᒃ ᒪᓖᓐᓇᕐᓯᒪᖏᒻᒪᑕ, ᓈᓚᓚᐅᖏᒻᒪᑕ ᐱᖁᔭᕐᓂᒃ ᐃᓂᕐᑎᕆᐅᑎᒋᔭᕐᓂᒡᓗ, ᓇᓗᓁᕐᓯᓕᓚᐅᕐᐳᑎᑦ ᓈᒻᒪᒃᓴᖏᓐᓂᕐᓂᒃ ᑖᒃᑯᓂᖓ.

ᐃᓐᖏᕈᑎᑦ 106:6

ᐊᔪᕐᑐᓕᓚᐅᕐᐳᒍᑦ ᓯᕗᓕᕆᓚᐅᕐᑕᕗᑦ ᐃᓚᒋᓪᓗᒋᑦ; ᓈᒻᒪᖏᑦᑐᓕᒻᒪᕆᒃᓯᒪᕗᒍᑦ, ᐱᐅᖏᑦᑐᓕᓯᒪᓪᓗᑕᓗ.

ᐃᓐᖏᕈᑎᑦ 12:4

ᐃᒫᒃ ᐅᖃᕐᑐᑦ, “ᐅᖃᑦᑎᓐᓄᑦ ᓵᓚᖃᕈᒫᕐᐳᒍᑦ; ᖃᓂᕐᐳᑦ ᓇᖕᒥᓂᕆᒐᑦᑎᒍ: ᑭᐊ ᐊᖓᔪᖅᑳᖑᕝᕕᒋᕚᑎᒎᑦ?”

ᒨᓯᓯ ᐂᑉᐸᖏᑦ 16:3

ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?”

ᐂᓮᐊᓯᐅᑉ ᐊᒡᓚᖏᑦ 48:5

ᑍᑦᓱᒪᓂᐊᓗᖕᓂᑦ ᐱᔪᒫᕐᑐᓂᒃ ᐅᖃᐅᑎᓯᒪᕙᑦᓯ, ᓱᓕ ᓇᓪᓕᐅᑎᓂᐅᓴᑎᓐᓇᒋᑦ ᑐᓴᕐᑕᐅᑎᖃᑦᑕᓕᓚᐅᕐᓯᒪᕙᒃᑲ ᐃᓕᑦᓯᓐᓄᑦ, ᐅᖃᖃᑦᑕᖁᓇᓯ, ‘ᒎᑎᓐᖑᐊᑦᑕ ᑍᒤᑎᑉᐰᑦ, ᒎᑎᑦᑕ ᕿᔪᖕᒥᑦ ᓴᓇᓯᒪᔫᑉ ᖁᕕᔭᐅᓪᓗᑎᒡᓗ ᐃᓄᓐᖑᐊᓕᐊᕆᔭᐅᓯᒪᔫᑉ ᓇᓪᓕᐅᑎᑎᑉᐰᑦ.’

ᔨᕆᒤᐊᐅᑉ ᐊᒡᓚᖏᑦ 1:16

ᐃᓄᖁᑎᒃᑲ ᓱᒋᐊᕐᓂᐊᕋᒃᑭᑦ ᐊᔪᕐᑐᓕᓂᕆᓚᐅᕐᑕᖏᑦ ᐱᓪᓗᒋᑦ, ᐅᕙᓐᓂᒃ ᕿᒤᓯᒪᖕᒪᑕ, ᐆᒪᔪᓂᒡᓗ ᑐᓂᕐᕈᓯᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᒎᑎᓐᖑᐊᓄᓪᓗ ᓴᓇᓯᒪᔭᒥᖕᓄᑦ ᑐᒃᓯᐊᕐᕕᖃᖃᑦᑕᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 11:12

ᔫᑕᐅᑉ ᐃᒡᓗᒐᓴᖏᑦ ᔨᕉᓴᓕᒥᐅᓪᓗ ᐃᓄᖏᑦ, ᑕᑎᖃᕋᓱᐊᕈᒫᕐᐳᑦ ᒎᑎᓐᖑᐊᓂᒃ ᑐᒃᓯᐊᕐᕕᒋᕙᒃᑕᒥᖕᓂᒃ, ᐱᐅᓕᔨᒋᔪᓐᓇᕐᓂᐊᓐᖏᓔᓪᓕ ᑲᑉᐱᐊᓇᕐᑐᒧᑦ ᑎᑭᑕᐅᒍᑎᒃ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 19:13

ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᔨᕆᒤᐊᐅᑉ ᐊᒡᓚᖏᑦ 44:21

“ᐊᑕᓂᐅᑉ ᐃᖅᑲᐅᒪᖏᒻᒪᒌᑦ? ᐃᓱᒪᒋᓇᓂᒋᓪᓗ ᐳᔫᕐᑎᑦᓯᓪᓗᑎᒃ ᑐᓂᕐᕈᑎᒋᔭᐅᖃᑦᑕᓚᐅᕐᑐᑦ ᔫᑕᒥᐅᓂᑦ ᔨᕉᓴᓕᒥᐅᓂᓪᓗ ᐃᓕᑦᓯᓐᓄᑦ ᓯᕗᓕᕕᓂᑦᓯᓐᓄᓪᓗ ᐊᖓᔪᖅᑳᕐᔪᐊᑦᓯᓐᓄᑦ ᐊᖓᔪᖅᑳᖁᑎᖏᓐᓄᓪᓗ ᐃᓄᖕᓄᓪᓗ ᓄᓇᖃᓚᐅᕐᑐᓄᑦ ᑖᕙᓂ?

ᔨᕆᒤᐊᐅᑉ ᐊᒡᓚᖏᑦ 44:25

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᒪᑦᓯ ᓄᓕᐊᓯᓗ ᐱᓂᐊᕐᓂᑦᓯᒍᑦ ᓇᓗᓇᕈᓐᓃᕐᑎᑦᓯᕗᓯ ᐊᑐᕈᒪᓚᐅᕐᑕᓯ ᐅᖃᕐᑎᓪᓗᓯ, ‘ᐊᖏᖃᑎᒌᒍᑎᓕᐅᕐᐳᒍᑦ ᐆᓯᒪᔪᓂᒃ ᑐᓂᕐᕈᓯᖃᑦᑕᕈᒪᓪᓗᑕ ᑯᕕᓯᖃᑦᑕᕈᒪᓪᓗᑕᓗ ᐃᒥᕐᑕᒃᓴᖏᓐᓂᒃ ᑐᓂᕐᕈᓯᖃᑦᑕᕐᓗᑕᓗ ᕿᓚᐅᑉ ᑯᐃᖓᓄᑦ.’ ᐊᑏ ᑍᒤᓕᐅᕈᒪᒍᑦᓯ ᑍᒤᓕᐅᕆᑦᓯ ᐊᖏᕈᑎᒋᓚᐅᕐᑕᓯ ᐊᑐᕐᓗᒍ.

ᔨᕆᒤᐊᐅᑉ ᐊᒡᓚᖏᑦ 44:9

ᐳᐃᒍᕐᐱᓰ ᐱᐅᖏᑦᑐᓂᒃ ᐱᓂᐊᕐᑕᐅᓯᒪᔪᓂᑦ ᔫᑕᒥᐅᓂᑦ ᔨᕉᓴᓕᒥᐅᓂᓪᓗ ᓯᕗᓕᕕᓂᑦᓯᓐᓄᑦ ᐱᓂᐊᕐᑕᐅᓯᒪᔪᓂᒃ? ᐊᖓᔪᖅᑳᖑᓚᐅᕐᑐᓄᑦ ᔫᑕᒥ, ᓄᓕᐊᖏᓐᓄᓪᓗ ᐃᓕᑦᓯᓐᓄᑦ ᓄᓕᐊᑦᓯᓐᓄᓪᓗ?

ᔨᕆᒤᐊᐅᑉ ᐊᒡᓚᖏᑦ 7:17

ᑕᑯᖃᑦᑕᓐᖏᓚᑏᑦ? ᖃᓄᐃᓕᐅᕐᓂᕆᔭᖏᓐᓂᒃ ᔫᑕᒥ ᔨᕉᓴᓕᒥᐅᓪᓗ ᐊᖅᑯᓯᓂᖏᓐᓃ?

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 20:32

ᐃᓱᒪᒋᕙᒃᑕᓯ ᐊᑐᓕᓚᐅᕐᓯᒪᓂᐊᓐᖏᓚᑦ ᐃᒫᒃ ᐃᓱᒪᕙᒃᑲᑦᓯ, ‘ᐃᓅᖃᑎᒌᒡᔪᐊᑦ ᐊᑦᔨᒋᓚᐅᕐᓚᕗᑦ, ᓄᓇᓕᒡᔪᐊᓂ ᐊᕕᒃᑐᕐᓯᒪᔪᓃᑦᑐᑦ ᑐᒃᓯᐊᕐᕕᖃᕐᐸᒃᑐᑦ ᓇᐹᕐᑐᓂᒃ ᐅᔭᖅᑲᓂᒡᓗ.’”

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 23:41

ᐱᐅᔪᐊᓗᖕᒥ ᐃᒃᓯᕙᕙᓚᐅᕐᐳᓯᒃ ᐃᓐᓇᖓᕕᖕᒥ, ᓵᒥᐅᑕᖃᕐᓗᓯᒃ ᓂᕿᓂᒃ ᑕᕝᕙᓂᓗ ᑎᐱᑦᓯᐊᕆᒃᑐᖁᑎᓐᓂᒃ ᐳᔫᕐᑎᑕᒐᕐᓂᒃ ᐅᕐᓱᖁᑎᓐᓂᒡᓗ ᓵᒦᑎᑦᓯᒋᓪᓗᓯᒃ.

ᐃᓯᑭᐊᓕᐅᑉ ᐊᒡᓚᖏᑦ 8:16

ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᕐᑕᕐᕕᖓᓂ, ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᒧᑦ ᑐᒃᓯᐊᕐᑐᓂᒃ.

ᕼᐊᐸᑲᐅᑉ ᐊᒡᓚᖏᑦ 1:16

ᑍᒤᒻᒪᑦ ᓄᓗᐊᒥᖕᓄᑦ ᑐᓂᕐᕈᓯᖃᑦᑕᕐᐳᑦ, ᐃᒪᒃᑯᑦ ᐅᓂᐊᖃᑦᑕᕐᑕᒥᖕᓄᑦ ᐃᓯᕐᓗᐊᕐᓂᕐᑎᑦᓯᕙᒃᐳᑦ; ᑖᒃᑯᓄᖓ ᐃᓅᑦᔪᑎᒃᓴᒥᖕᓂᒃ ᐊᒥᒐᕐᓯᑎᑕᐅᖏᓐᓇᒥᒃ, ᓂᕿᒃᓴᒥᖕᓂᒡᓗ ᐊᒥᒐᕐᓯᓇᑎᒃ.

ᒨᓯᓯ ᓯᑕᒪᖏᑦ 30:12

ᐅᐃᖓᑕᓕ ᐊᖏᖃᑎᒌᖕᓂᖓ ᑐᓴᕐᓗᓂᐅᒃ ᐅᓪᓗᒥ ᑕᕝᕙᓂ ᑐᓴᕐᕕᖕᒥᓂ ᑲᔪᓯᖁᖏᒻᒪᕆᒃᐸᒍ, ᑕᕝᕙ ᐅᖃᐅᓯᕆᓯᒪᔭᓕᒫᖏᑦ ᓯᖁᒥᓐᓂᐊᕐᐰᑦ, ᐊᓯᑦᔨᕆᐊᖃᕐᓇᒋᑦ ᐅᖃᐅᓯᕆᓯᒪᔭᕋᓗᐊᖏᑦ, ᑲᔪᓯᓂᐊᓐᖏᓚᑦ; ᐅᐃᖓᑕ ᐊᑐᕈᓐᓁᕐᑎᒻᒪᒋᑦ, ᑕᕝᕙ ᐊᑕᓂᐅᑉ ᒪᓕᒋᐊᖃᕈᓐᓁᕐᑎᓐᓂᐊᕐᐹ.

ᒨᓯᓯ ᓯᑕᒪᖏᑦ 30:2

ᐊᖑᑦ ᐊᑕᓂᕐᒧᑦ ᐊᖏᕈᑎᖃᕐᐸᑦ, ᐊᓯᑦᔨᕆᐊᖃᓐᖏᑕᒥᓂᒃ, ᐅᖃᐅᓯᕆᔭᓂ ᓯᖁᒥᑦᓴᕆᐊᖃᓐᖏᓛ; ᐅᖃᐅᓯᕆᔭᓕᒫᖏᑦ ᖃᓂᖓᓂᑦ ᐊᓂᔪᑦ ᒪᓕᒋᐊᖃᕐᐰᑦ.

ᒫᑯᓯᐅᑉ ᐊᒡᓚᖏᑦ 6:26

ᑕᒪᓐᓇ ᐊᖓᔪᖅᑳᕐᔪᐊᑉ ᖁᕕᐊᓱᑎᒋᖏᒃᑲᓗᐊᕐᓗᒍ; ᓂᕕᐊᕐᓯᐊᑉ ᐱᔪᒪᔭᖓᓂᒃ ᕿᐱᓗᒍᓐᓇᓐᖏᓚᖅ ᐅᖃᕕᒋᔭᕇᖅᑲᐅᒐᒥᐅᒃ ᓂᕆᔭᕐᑐᕐᑎᓯᒪᔭᖏᑕ ᓵᖏᓐᓂ.

ᒨᓯᓯ ᑕᓪᓕᒪᖏᑦ 23:23

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᖃᓂᒃᑯᑦ ᐊᓂᔪᒥᒃ ᑲᔪᓯᑎᑦᓯᒋᐊᖃᕋᑦᓯ, ᐃᓱᒪᕐᓱᑦᓯᐊᕐᓗᓯ ᐅᖃᕕᒍᑎᓕᐅᕐᐸᒃᑲᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ ᐊᖏᕈᑎᒋᓯᒪᔭᕐᓂᒃ ᑲᔪᓯᑎᑦᓯᔪᒃᓴᐅᕗᓯ.

ᐱᓕᐱᒥᐅᓄᑦ 3:19

ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ.

ᐲᑦᑐᕉᓯ ᓯᕗᓪᓖᑦ 1:18

ᖃᐅᔨᒪᑦᓯᐊᕋᑦᓯ ᐊᓯᕈᕐᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᕐᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᕐᑖᕆᓯᒪᔭᑦᓯᓐᓂᑦ ᕿᓚᕈᑦᔮᕐᑕᐅᓚᐅᕐᕋᓯ,

ᐃᓗᐊᕐᓮᔩᑦ ᐊᒡᓚᖏᑦ 11:36

ᐸᓂᖓᑕᓗ ᐅᖃᐅᑎᕚ, “ᐊᖏᒻᒪᕆᒍᑎᖃᓚᐅᕈᕕᑦ ᐊᑕᓂᕐᒧᑦ, ᑲᔪᓯᓕᕆᑦ ᐊᖏᒻᒪᕆᒍᑎᒋᓚᐅᕐᑕᕐᓂᒃ, ᐊᑕᓂᐅᑉ ᓵᓚᖃᕐᑎᓚᐅᕐᒪᑎᑦ ᐊᑭᕋᕐᓂᒃ, ᐊᒧᓁᑎᒥᐅᓂᒃ.”