ᔨᕆᒤᐊᐅᑉ ᐊᒡᓚᖏᑦ 42:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᓕᕐᓗᓯᓗ, ‘ᐋᒃᑲᓕ ᐄᑦᔨᑉᑎᒥ ᓄᓇᖃᕆᐊᕐᑐᖔᕐᓂᐊᕐᐳᒍᑦ, ᐅᓇᑕᕐᑐᓂᒃ ᑕᑯᕙᖕᓂᐊᕈᓐᓃᕋᑦᑕ, ᐅᓇᑕᕆᐊᓕᕐᑐᓪᓗ ᑎᑦᑐᓚᐅᑎᖏᓐᓂᒃ ᑐᓵᕙᒍᓐᓃᕐᓗᑕ, ᑳᒃᐸᒍᓐᓃᕐᓗᑕᓗ ᑍᑲᓂ ᓄᓇᖃᕐᓂᐊᕐᐳᒍᑦ.’

ᔨᕆᒤᐊᐅᑉ ᐊᒡᓚᖏᑦ 42:14 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 16:3

ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?”

ᒨᓯᓯ ᐂᑉᐸᖏᑦ 17:3

ᐃᓄᐃᓪᓗ ᐃᒥᕈᕕᒡᔪᐊᕋᒥᒃ ᒨᓯᓯᒧᑦ ᐊᑲᐅᒃᓴᖏᑦᔪᑎᒥᖕᓂᒃ ᐅᖃᐅᓯᕾᓐᓇᕐᐳᑦ ᐅᖃᕐᓗᑎᒡᓗ, “ᖃᓄᐃᒻᒪᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᐱᑎᒎᑦ? ᕿᑐᕐᖓᕗᓪᓗ ᐆᒪᔪᖁᑎᕗᓪᓗ ᖀᓐᓂᕐᒧᑦ ᑐᖁᑦᓱᒪᓪᓗᑖ?”

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 30:2

ᐄᑦᔨᑉᑎᒥᐅᓄᑦ ᐃᑲᔪᕐᑕᐅᔪᒪᖃᑦᑕᕐᐳᑦ, ᐅᕙᓐᓂᒡᓘᓐᓃᑦ ᐃᓱᒪᓯᐅᕆᓇᓱᐊᓚᐅᕋᑎᒃ, ᐄᑦᔨᑉᑎᒥᐅᓄᑦ ᓴᐳᑎᔭᐅᓯᒪᔪᒪᒐᒥᒃ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖏᓐᓂᒃ ᑕᑎᒃᓴᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᔨᕆᒤᐊᐅᑉ ᐊᒡᓚᖏᑦ 4:19

ᐊᒃᓱᕈᕐᐳᖓ, ᐊᒃᓱᕈᕐᐳᖓ ᕿᑲᕈᓐᓁᓪᓕᕗᖓ ᐋᓐᓂᐊᓂᕐᒧᑦ ᐃᓗᒃᑯᑦ, ᐆᒻᒪᑎᒃᑯᑦ ᐋᓐᓂᐊᕋᒪ, ᐆᒻᒪᑎᒐ ᐊᖏᔪᒥᒃ ᑎᒡᓕᓕᕐᒪᑦ, ᓂᐱᖃᖏᑦᑑᔪᓐᓇᓐᖏᓚᖓ ᑎᑦᑐᓚᐅᑎᐅᑉ ᓂᐱᖓᓂᒃ ᑐᓴᕐᓯᒪᓕᕋᒪ, ᐅᓇᑕᕐᓂᐊᕐᑐᓂᒡᓗ ᑐᓵᓕᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 4:21

ᖃᓄᖅ ᐊᑯᓂᐅᑎᒋᔪᖅ ᐅᓇᑕᕐᑐᓂᒃ ᑕᑯᓐᓇᕐᓂᐊᕐᐳᖔ? ᑎᑦᑐᓚᐅᑎᓂᒡᓗ ᑐᓵᓗᖔ?

ᔨᕆᒤᐊᐅᑉ ᐊᒡᓚᖏᑦ 41:17

ᐊᐅᓪᓚᕋᒥᒃ ᐄᑦᔨᑉᑎᓕᐊᓯᕗᑦ ᒋᐅᕉᓯ ᓯᒻᕼᐋᒻ ᐊᖅᑯᓵᕐᓗᒍ ᐱᑦᓕᐊᒦᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 43:7

ᐊᑕᓂᐅᑉ ᐅᖃᐅᓯᖏᓂᒃ ᓈᓚᒍᒪᖏᓐᓇᒥᒃ ᐄᑦᔨᑉᑎᓕᐊᓕᓚᐅᕐᐳᑦ ᐊᒡᓛᑦ ᐃᒡᓗᒐᓴᒡᔪᐊᑦ ᑕᐸᓂᓯᒥᐅᑦ ᑎᑭᓪᓗᒋᑦ.

ᒨᓯᓯ ᓯᑕᒪᖏᑦ 14:3

ᓱᖕᒪᑦ ᐊᑕᓂᐅᑉ ᑕᒪᐅᖓ ᓄᓇᒧᑦ ᑎᑭᑎᑉᐹᑎᒍᑦ ᓴᕕᒡᔪᐊᒧᑦ ᑐᖁᑕᐅᖁᓪᓗᑕ, ᓄᓕᐊᕗᓪᓗ ᕿᑐᕐᖓᕗᓪᓗ ᑐᖁᖃᓯᐅᑎᓗᑎᒃ? ᐱᐅᓂᕐᓴᐅᓕᓐᖏᓛᖅ ᐅᑎᕈᑦᑕ ᐄᑦᔨᑉᑎᒧᑦ?”

ᒨᓯᓯ ᓯᑕᒪᖏᑦ 14:4

ᐃᒻᒥᖕᓄᓪᓗ ᐅᖃᓕᕐᐳᑦ, “ᐊᑏ ᓂᕈᐊᓚᐅᕐᑕ ᑕᓯᐅᕐᑎᒋᓂᐊᕐᑕᑦᑎᓐᓂᒃ ᐅᑎᕐᓂᐊᕋᑦᑕ ᐄᑦᔨᑉᑎᒧᑦ.”

ᒨᓯᓯ ᓯᑕᒪᖏᑦ 16:13

ᐃᓕᖕᓄᑦ ᒥᑭᓗᐊᕐᐹ ᓄᓇᒥᑦ ᐱᕈᕐᑐᖃᑦᓯᐊᕐᑐᒥᑦ ᐊᔪᕐᓴᕐᓇᖏᑦᑐᒥᓪᓗ ᐊᐅᓪᓚᕐᑎᓚᐅᕋᑦᑎᒍᑦ, ᐃᓄᖃᖏᑦᑐᒥ ᑐᖁᖁᓪᓗᑖ, ᐊᖓᔪᖅᑳᕐᔪᐊᓪᓗ ᐃᕐᓂᖓᑐᑦ ᑍᒤᑦᓱᒪᓪᓗᑎᑦ ᐅᕙᑦᑎᓐᓄᑦ?

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᒨᓯᓯ ᑕᓪᓕᒪᖏᑦ 29:19

ᐅᓪᓗᒥ ᐅᕙᓃᑦᑐᒥᒃ ᐱᖁᔨᑦᔪᑎᐅᓪᓚᕆᒃᑐᓂᒃ ᑐᓵᔪᒥᒃ ᐃᓱᒪᔪᖃᕐᑍᓕᓕ ᑍᒤᑦᑐᓅᓕᕋᓗᐊᕈᓂ ᖃᓄᐃᓐᓂᐊᕋᓱᒋᖏᑦᑐᒥᒃ, ᓈᓚᒍᒪᖏᓪᓗᓂ ᐊᓯᒥᓂᒃ ᐃᓱᒪᒋᔭᑐᐃᓐᓇᕐᒥᓂᒃ ᐃᓅᔪᓐᓇᕋᓱᒋᔪᒥᒃ. ᑕᒪᓐᓇ ᑍᒤᓕᖓᓂᖅ ᑕᒪᑦᓯᓐᓂᒃ ᓄᖑᑎᑦᓯᔪᒫᕐᐳᖅ, ᐱᐅᔪᓂᒃ ᐱᐅᖏᑦᑐᓂᒡᓗ.