ᔨᕆᒤᐊᐅᑉ ᐊᒡᓚᖏᑦ 36:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑐᒃᓯᐊᕐᕕᒃᔪᐊᕐᒧᐊᕐᓗᑎᑦ ᓂᕆᑦᑍᓕᕕᒃ ᓇᓪᓕᐅᓯᒪᓕᕐᐸᑦ ᐃᓄᐃᑦ ᐅᖃᓕᒫᕐᕕᒋᓛᕐᐸᑎᑦ ᐅᖃᓪᓚᒃᐸᓪᓕᐊᑎᓪᓗᖓ ᑎᑎᕋᖅᑲᐅᔭᕐᓂᒃ ᐃᒧᑦᑕᕐᑐᒃᑯᑦ. ᐅᖃᓕᒫᕐᕕᒋᓛᕐᐸᑎᑦ ᔫᑕᒥᐅᓕᒫᑦ ᑎᑭᓯᒪᔪᑦ ᓄᓇᓕᖁᑎᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 36:6 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 18:11

ᑍᒤᒻᒪᑦ, ᔫᑕᐅᑉ ᔨᕉᓴᓕᐅᓪᓗ ᐃᓄᖏᑦ ᐅᖃᐅᑎᒃᑭᑦ, ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᑲᑉᐱᐊᓇᕐᑐᒥᒃ ᑎᑭᑦᑐᒃᓴᒥᒃ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖓ, ᖃᓄᐃᓕᒋᐊᕈᑎᒃᓴᓂᒡᓗ ᐅᐸᓗᖕᒊᔭᕐᓗᖓ, ᐱᐅᖏᑦᑐᓕᓂᑦᓯᓐᓂᑦ ᓵᒋᐊᓕᕆᑦᓯ ᐊᖅᑯᑎᑦᓯᓐᓂᑦ ᐱᓂᐊᕐᓂᓯᓗ ᐋᖅᑭᒋᐊᓕᕐᓯᐅᒃ.’

ᔨᕆᒤᐊᐅᑉ ᐊᒡᓚᖏᑦ 19:14

ᔨᕆᒤᐊ ᑐᐱᑎᒥᓐᖔᕐᓗᓂ ᐅᑎᓕᕆᕗᖅ, ᐊᑕᓂᐅᑉ ᐅᖃᖁᔭᖓᓂᒃ ᐅᖃᓪᓚᓚᐅᕐᓗᓂ, ᐊᒻᒪ ᐊᑕᓂᐅᑉ ᐃᒡᓗᖓᓂ ᐃᓄᖕᓄᑦ ᐅᖃᓪᓚᓕᕆᕗᖅ:

ᔨᕆᒤᐊᐅᑉ ᐊᒡᓚᖏᑦ 22:2

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᒃᑭᑦ, ᔫᑕᐅᑉ ᐊᖓᔪᖅᑳᕐᔪᐊᖓ ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓂ ᐊᖓᔪᖅᑳᖑᔪᑎᑦ, ᐊᖓᔪᖅᑳᖁᑎᑎᓪᓗ ᐃᓄᑯᑎᑎᓪᓗ ᑐᓴᖃᑎᒋᓗᒋᑦ ᐃᑎᖃᑦᑕᕐᑐᑦ ᐃᑎᕐᑕᕐᕕᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 26:2

“ᐊᑕᓂᖅ ᐃᒫᒃ ᐅᖃᕐᐳᖅ, ᑐᒃᓯᐊᕐᕕᒡᔪᐊᑉ ᐊᓂᕕᖓᓂ ᓇᖏᕐᓗᑎᑦ, ᔫᑕᐅᑉ ᓄᓇᓕᖁᑎᖏᑕ ᐃᓄᖏᓐᓄᑦ ᐅᖃᓪᓚᒋᑦ ᐊᑕᓂᐅᑉ ᑐᒃᓯᐊᕐᕕᒃᔪᐊᖁᑎᖓᓄᑦ ᑐᒃᓯᐊᕆᐊᕐᓯᒪᔪᓄᑦ, ᐃᓕᖕᓄᑦ ᐅᖃᐅᓯᐅᖁᔭᓕᒫᒃᑲ ᐅᖃᐅᓯᕆᒃᑭᑦ; ᐅᖃᐅᓯᐅᖁᔭᓐᓂᒃ ᐅᖃᓐᖏᑕᖃᕐᑍᓕᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 36:2

“ᑎᑎᕋᕐᕕᒃᓴᒥᒃ ᐃᒧᓯᒪᔪᒥᒃ ᐱᓗᑎᑦ ᑎᑎᕋᓕᕆᑦ ᐅᖃᐅᓯᕆᖃᑦᑕᓚᐅᕐᑕᓕᒫᓐᓂᒃ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᔫᑕᒥᐅᓪᓗ ᐊᓯᖏᓪᓗ ᐃᓅᖃᑎᒌᒡᔪᐊᑦ, ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᐅᖃᖃᑦᑕᓚᐅᕐᑕᒃᑲ ᐱᒋᐊᕐᕕᒋᓗᒋᑦ ᐅᓪᓗᒥᒧᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 36:4

ᔨᕆᒤᐊᑉ ᐸᕉᒃ ᓂᕅᐊᐅᑉ ᐃᕐᓂᖓ ᕾᖁᓚᐅᕐᐹ, ᔨᕆᒤᐊ ᐅᖃᓪᓚᒃᐸᓪᓕᐊᑎᓪᓗᒍ ᐱᐅᕋᒃ ᑎᑎᕋᕐᕕᒃᓴᒃᑯᑦ ᐃᒧᑦᑕᕐᑐᒃᑯᑦ ᑎᑎᕋᖁᓪᓗᒍ, ᐊᑕᓂᐅᑉ ᐅᖃᐅᓯᕆᓚᐅᕐᑕᓕᒫᖏᓐᓂᒃ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 7:2

ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓃᓪᓗᑎᑦ ᐅᖃᐅᓯᕆᔭᐅᖁᔭᒃᑲ ᐅᖃᒃᑭᑦ: “ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒥᐅᑕᐅᔪᓯ ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᑐᕐᐸᒃᑐᓯ ᐅᕘᓇ ᐃᑎᕐᑕᕐᕕᒃᑯᑦ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 27:9

ᐊᑯᓂ ᑕᕝᕙᓃᓕᕐᐳᒍᑦ, ᐅᒥᐊᕐᑐᒃᑲᓐᓂᕆᐊᒃᓴᖅ ᐊᒡᓛᑦ ᓇᖏᐊᕐᓇᕐᓯᖕᒪᑦ, ᓂᕆᑦᑍᓕᕕᒃ ᔫᑎᑦ ᓇᓪᓕᐅᓐᓂᕐᓯᐅᕐᕕᖓᑦ ᖄᖏᕐᓯᒪᓕᕐᒪᑦ, ᐸᐅᓗᓯᐅᑉ ᐅᖃᐅᑎᓕᕐᐰᑦ: