ᔨᕆᒤᐊᐅᑉ ᐊᒡᓚᖏᑦ 36:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᖓᔪᖅᑳᕐᔪᐊᖅ ᐱᖃᑎᒋᔭᖏᓪᓗ ᐅᖃᐅᓯᕐᓂᒃ ᑐᓴᕋᓗᐊᕋᒥᒃ ᖁᐊᕐᓵᖓᓚᐅᓐᖏᓚᑦ ᐊᓐᓄᕌᒥᖕᓂᒡᓗ ᐊᓕᒃᓯᓇᑎᒃ.

ᔨᕆᒤᐊᐅᑉ ᐊᒡᓚᖏᑦ 36:24 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 36:16

ᐅᖃᓕᒫᕐᑕᖏᓐᓂᒃ ᑐᓴᕇᕋᒥᒃ ᐃᒥᖕᓄᑦ ᑕᑯᓴᖃᑦᑕᐅᑎᕗᑦ ᖁᐊᕐᓵᖓᓪᓗᑎᒃ, ᐸᕉᒃᓗ ᐅᖃᐅᑎᕚᑦ, “ᐊᖓᔪᖅᑳᕐᔪᐊᖅ ᑕᒪᒃᑯᓂᖓ ᑐᓴᕐᑎᑕᒃᓴᕆᕙᕗᑦ.”

ᐃᓐᖏᕈᑎᑦ 36:1

ᖃᐅᔨᑎᑕᐅᑦᔪᑎᒐ ᐆᒻᒪᑎᓐᓂ ᐱᐅᖏᑦᑐᓕᔪᑦ ᐱᐅᖏᑦᑐᐊᓘᓂᖏᓐᓂᒃ: ᒎᑎᒥᒃ ᓯᕘᕋᓐᖏᓚᑦ ᐃᔨᖏᑕ ᓵᖓᓂ.

ᔫᓇᐅᑉ ᐊᒡᓚᖏᑦ 3:6

ᓂᓂᕕᒥᐅᓪᓕ ᐊᖓᔪᖅᑳᕐᔪᐊᖓᑕ ᑕᒪᓐᓇ ᑐᓴᕋᒥᐅᒃ, ᐃᒃᓯᕙᐅᑕᕐᔪᐊᒥᓂᑦ ᓂᑯᕕᓪᓗᓂ, ᐊᓐᓄᕌᓂ ᐊᖓᔪᖅᑳᕐᔪᐊᓯᐅᑏᑦ ᐱᕐᓗᒋᑦ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑎᓯᕗᖅ, ᐃᖏᓪᓗᓂᓗ ᐊᕐᔭᓕᓃᑦ ᖄᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 36:22

ᑕᕝᕙ ᐃᓔᐊᑭᒻ, ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨ, ᓯᑉᓇᓗ ᐊᒡᓚᒃᑎ, ᔪᐊᓗ ᐊᓴᐸᐅᑉ ᐃᕐᓂᖓ, ᐊᓐᓄᕌᒥᖕᓂᒃ ᐊᓕᒃᑐᐃᕗᑦ ᕿᒃᓵᖕᓂᕐᒧᑦ, ᕼᐃᓯᑬᐊᒧᓪᓗ ᐂᕗᑦ ᑐᓴᕐᑎᒋᐊᕐᑐᕐᓗᒍ ᐊᓯᕆᐊᒥᐅᑦ ᐊᖓᔪᖅᑳᖁᑎᖏᑦᑕ ᐅᖃᐅᓯᕆᔭᖏᓐᓂᒃ.

ᐃᓐᖏᕈᑎᑦ 64:5

ᓯᕘᕋᔪᓐᓃᕐᑎᖃᑦᑕᐅᑎᕗᑦ ᐱᐅᖏᑦᑐᒥᒃ ᐱᓇᓱᐊᕈᒪᓪᓗᑎᒃ; ᐅᖃᖃᑎᒌᒃᐳᑦ ᓄᓗᐊᓂᒃ ᐃᔨᕐᓯᒪᔪᓂᒃ ᐃᓕᓯᔪᒪᓪᓗᑎᒃ; ᐅᖃᕐᓗᑎᒃ, “ᑕᑯᓐᓇᕐᑕᐅᑦᔮᓐᖏᓚᒍᑦ.”

ᐊᑕᓃᑦ ᓯᕗᓪᓖᑦ 21:27

ᐂᕼᐊᐱᐅᓪᓗ ᐅᖃᐅᓰᑦ ᑕᒪᒃᑯᐊ ᑐᓴᕋᒥᒋᑦ, ᐊᓐᓄᕌᓂ ᐊᓕᒃᐰᑦ, ᐊᓐᓄᕌᕐᓗᓂᓗ ᐳᑐᕐᓛᓂᒃ ᖃᕿᐊᓕᕐᑐᕐᓯᐅᑎᓂᒃ, ᓂᕆᑦᑍᓕᓚᐅᕐᐳᖅ ᓯᓂᖃᑦᑕᕐᓗᓂᓗ ᐳᑐᕐᓛᓂᒃ ᐊᑐᕐᓗᓂ, ᑕᑯᑦᓱᓇᕐᓗᓂ ᕿᒃᓵᒡᓗᓂᓗ.

ᕉᒪᒥᐅᓄᑦ 3:18

ᒎᑎᒥᒡᓗ ᓯᕘᕋᓂᕐᒥᒃ ᖃᐅᔨᒪᓐᖏᓚᑦ.”

ᒫᑎᐅᓯᐅᑉ ᐊᒡᓚᖏᑦ 12:41

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓂᓂᕕᒥᐅᑦ ᐃᓄᖏᑦ ᒪᑭᑦᓱᒫᕐᐳᑦ ᒫᓐᓇ ᐃᓅᔪᓂᒃ ᐃᖅᑲᕐᑐᐃᓗᑎᒃ ᐃᒋᑕᒃᓴᕈᕐᑎᑦᓯᓗᑎᒡᓗ; ᐊᔪᕐᓂᕐᒥᖕᓂᑦ ᖃᕿᐊᓕᓚᐅᕐᒪᑕ ᔫᓇ ᓇᓚᐅᑦᑍᔪᖅ ᐅᖃᓪᓚᒃᑎᓪᓗᒍ ᑐᓴᕋᒥᒃ; ᑕᑯᒋᑦ, ᐅᖃᐅᑎᕙᑦᓯ, ᑕᕝᕙᓃᑦᑐᖃᕐᐳᖅ ᔫᓇᒥᑦ ᐊᔪᖏᓐᓂᕐᓴᐅᔪᒥᒃ!

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᔫᐱᐅᑉ ᐊᒡᓚᖏᑦ 15:4

ᒎᑎᒥᒃ ᓯᕘᕋᖏᓐᓂᕐᒥᒃ ᐱᓇᓱᐊᓕᕐᐳᑎᑦ, ᑖᑦᓱᒧᖓᓗ ᑐᒃᓯᐊᕐᓂᕐᒥᒃ ᐊᒡᕕᐊᕈᑎᒃᓴᓕᐅᕐᓗᑎᑦ.

ᒨᓯᓯ ᓯᕗᓪᓖᑦ 37:29

ᕉᐱᓂᓕ ᐅᑎᕋᒥ ᐃᑎᕐᓴᒧᓪᓗ ᑕᑯᒋᐊᕋᒥ ᔫᓯᐱ ᑕᑯᓐᖏᓛ, ᐊᓐᓄᕌᓂᓗ ᐊᓕᒃᐰᑦ.

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᓴᒧᐃᓕ ᐂᑉᐸᖏᑦ 1:11

ᑕᕝᕙ ᑍᕕᑎᐅᑉ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᐃᓅᖃᑎᓕᒫᖏᓪᓗ ᑍᒤᓚᐅᕆᕗᑦ;

ᐂᓮᐊᓯᐅᑉ ᐊᒡᓚᖏᑦ 37:1

ᐊᖓᔪᖅᑳᕐᔪᐊᖅ ᕼᐃᓯᑬᐊ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᑎᓪᓗᓂ, ᐊᑕᓂᐅᓪᓗ ᐃᒡᓗᖓᓄᑦ ᐂᕗᖅ.

ᒨᓯᓯ ᐂᑉᐸᖏᑦ 7:23

ᑍᒤᒻᒪᑦ ᐰᕉ ᑕᕝᕙᓐᖓᑦ ᕿᒪᕉᑎᓕᕋᒥ ᐊᖏᕐᕋᕐᐳᖅ, ᑕᒪᑐᒧᖓᓗ ᐊᒡᓛᑦ ᐃᓱᒪᖓ ᐊᐅᓚᑦᔭᒃᑕᐅᓚᐅᓐᖏᓚᖅ.

ᐃᓐᖏᕈᑎᑦ 36:2

ᓇᖕᒥᓂᖅ ᑕᐅᑐᒃᑕᒥᒍᑦ ᐃᒻᒥᖕᓂᒃ ᐱᐅᔪᐊᓘᑎᓐᓇᓱᐊᕐᐳᑦ ᑍᒤᓕᐅᕐᓂᕐᒧᑦ ᐊᔪᕐᓂᕐᒥᒃ ᖃᐅᔨᓐᖏᓚᑦ ᐱᑦᑍᓕᓇᑎᒡᓗ.