ᔨᕆᒤᐊᐅᑉ ᐊᒡᓚᖏᑦ 34:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒫᓐᓇᒃᑯᓪᓕ ᓵᒋᐊᓚᐅᕋᑦᓯ ᐊᑲᐅᒋᔭᓐᓂᒃ ᐊᑐᕐᐳᓯ, ᐃᓅᖃᑎᑦᓯᓐᓂᒡᓗ ᐃᓱᒪᕐᓱᓕᕐᑎᑦᓯᔪᓐᓇᕈᒪᓪᓗᓯ ᓇᓗᓁᕐᓯᓚᐅᕐᐳᓯ ᐊᖏᖃᑎᒌᒍᑎᓕᐅᓚᐅᕐᐳᓯᓗ ᓵᓐᓂ ᐃᒡᓗᖁᑎᓐᓃᑦᓗᓯ ᐊᑎᓐᓂᒃ ᑍᔭᐅᔪᒥ.

ᔨᕆᒤᐊᐅᑉ ᐊᒡᓚᖏᑦ 34:15 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 34:8

ᐊᑕᓂᐅᑉ ᔨᕆᒤᐊ ᐅᖃᐅᑎᕚ, ᔨᑎᑬᐊ ᐊᖓᔪᖅᑳᕐᔪᐊᖅ ᐊᖏᖃᑎᒌᒍᑎᓕᐅᕐᓯᒪᓕᕐᑎᓪᓗᒍ ᔨᕉᓴᓕᒥᐅᓄᑦ ᑎᒍᔭᐅᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ,

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 10:29

ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.

ᒫᑎᐅᓯᐅᑉ ᐊᒡᓚᖏᑦ 15:8

‘ᐅᑯᐊ ᐃᓄᐃᑦ ᐅᖃᐅᓯᕐᒥᒍᑦ ᐃᓱᒪᒋᑦᓯᐊᕐᐹᖓ, ᐆᒻᒪᑎᖏᑕᓕ ᐅᖓᓯᒋᕚᖓ.

ᔨᕆᒤᐊᐅᑉ ᐊᒡᓚᖏᑦ 32:34

ᒎᑎᓐᖑᐊᒥᖕᓂᒃ ᓇᕐᕈᓇᕐᑐᕐᔪᐊᓂᒃ ᐃᒡᓗᖁᑎᓐᓄᐊᕐᓯᓯᒪᖕᒪᑕ ᐅᕙᓐᓂᒃ ᐊᑎᓕᖕᒧᑦ, ᓱᕈᕐᑎᑕᐅᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᐃᓐᖏᕈᑎᑦ 119:106

ᐊᖏᒻᒪᕆᒃᓗᖓ ᐅᖃᕐᓯᒪᕗᖓ ᐊᑐᕈᒪᓪᓗᖓ, ᓈᓚᒍᒪᓂᕋᕐᓗᖓ ᐊᑐᕐᑕᐅᖁᔭᕐᓂᒃ ᓇᓛᒎᕐᑐᓂᒃ.

ᐃᓐᖏᕈᑎᑦ 76:11

ᐊᖏᒻᒪᕆᒋᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑲᔪᓯᑎᑦᓯᐊᕐᓗᒋᓪᓗ; ᑲᓂᒋᔭᖓᓃᑦᑐᓕᒫᑦ ᑐᓂᕐᕈᓯᓕᕐᓕᑦ ᑖᑦᓱᒧᖓ ᓯᕘᕋᒋᔭᐅᔭᕆᐊᖃᕐᑐᒧᑦ.

ᐊᑕᓃᑦ ᐂᑉᐸᖏᑦ 14:3

ᐊᑕᓂᐅᑉ ᓈᒻᒪᒋᔭᖓᓂᒃ ᐱᓂᐊᕐᓂᖃᓚᐅᕋᓗᐊᕐᐳᖅ ᓯᕗᓕᕕᓂᕐᒥᑐᑦ ᑍᕕᑎᑐᑦ ᑍᒤᓚᐅᓐᖏᓚᖅ. ᐊᑖᑕᒥᓕ ᔪᐊᓯᐅᑉ ᐱᐅᓯᕆᓚᐅᕐᑕᖏᓐᓂᒃ ᒪᓕᑐᐃᓐᓇᓚᐅᕆᕗᖅ.

ᐊᑕᓃᑦ ᐂᑉᐸᖏᑦ 12:2

ᔨᕼᐅᐊᓯ ᐱᓂᐊᕐᓂᖃᓚᐅᕐᐳᖅ ᒎᑎᐅᑉ ᓵᖓᓂ ᓈᒻᒪᒋᔭᐅᔪᒥᒃ ᐊᔪᕆᕐᑐᐊᖑᓚᐅᕋᒥ ᔨᕼᐅᐃᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ.

ᒨᓯᓯ ᐱᖓᔪᖏᑦ 25:10

ᐊᕐᕌᒍᑦ 50ᖓᑦ ᓴᓂᕐᕙᒋᐊᖃᕐᐸᓯ ᓄᓇᒥᓗ ᑕᒫᓂ ᓱᓇᑐᐃᓐᓁᑦ ᑭᒃᑯᑐᐃᓐᓁᓪᓗ ᕿᓚᕐᕈᑦᔮᕐᑕᐅᕕᖓ ᓇᓪᓕᐅᑎᕗᖅ. ᐃᓕᑦᓯᓐᓄᑦ ᖁᕕᐊᓇᕐᑐᕐᔪᐊᖑᔭᕆᐊᖃᕐᐳᖅ; ᓄᓁᑦ ᐱᖁᑎᓪᓘᓐᓃᑦ ᐅᑎᕐᑎᑕᐅᔭᕆᐊᖃᓕᕐᐳᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᐃᓄᑐᖃᖏᓐᓄᑦ ᑭᖑᕚᖏᓐᓄᓪᓘᓐᓃᑦ, ᐃᓄᐃᓪᓗ ᓯᐊᓛᖑᓂᕐᒧᑦ ᓂᐅᕕᐊᖑᓯᒪᔪᑦ ᑭᖑᕚᖑᖃᑎᒥᓄᑦ ᐅᑎᕐᑎᑕᐅᔭᕆᐊᖃᕐᓗᑎᒃ.