ᔨᕆᒤᐊᐅᑉ ᐊᒡᓚᖏᑦ 33:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᑯᒋᑦ, ᑍᒤᓚᐅᕋᓗᐊᕐᑎᓪᓗᒍ ᐃᒡᓗᒐᓴᒡᔪᐊᑦ ᐃᓄᖏᓪᓗ ᐋᖅᑭᑦᓯᐊᕈᒫᕆᕙᒃᑲ, ᑕᑯᑎᑦᓱᒫᕆᕙᒃᑲᓗ ᐊᔪᕐᓴᕐᓇᖏᑦᑐᕐᔪᐊᒥᒃ ᐃᓅᖃᑎᒋᓕᕐᓗᒋᓪᓗ ᐃᓕᒪᓇᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 33:6 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 10:10

ᑎᒡᓕᒃᑎ ᕾᕙᒃᐳᖅ ᑎᒡᓕᒐᕆᐊᕐᑐᕈᒪᓪᓗᓂ ᑐᖁᕅᔪᒪᓪᓗᓂᓗ; ᐅᕙᖓᓕ ᑎᑭᑉᐳᖓ, ᐃᓅᓯᕐᒥᒡᓗ ᐊᔪᕐᓴᕐᓇᖏᑦᑐᒥᒃ ᐱᖃᓕᖁᓪᓗᖏᑦ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐃᓐᖏᕈᑎᑦ 67:2

ᐱᓂᐊᕐᓂᑎᑦ ᖃᐅᔨᔭᐅᖁᓪᓗᒋᑦ ᓄᓇᒥ, ᐱᐅᓕᒃᓯᓃᓪᓗ ᐃᓅᖃᑎᒌᒡᔪᐊᓄᑦ ᖃᐅᔨᔭᐅᓗᓂ.

ᐂᓮᐊᓯᐅᑉ ᐊᒡᓚᖏᑦ 58:8

ᑍᒤᒃᑯᑦᓯ ᑕᕝᕙ ᖃᐅᒪᓂᓯ ᖃᐅᒻᒤᓕᕐᓂᐊᕐᐳᑦ ᖃᐅᕙᓪᓕᐊᔪᑎᑐᑦ, ᐋᖅᑭᒃᑕᐅᓂᓯ ᑕᕝᕙ ᐱᕙᓪᓕᐊᓂᖏᑦ ᓱᑲᑦᑑᓕᕋᔭᕐᐳᑦ; ᓇᓛᒎᕐᑎᑕᐅᓂᓯᓗ ᓯᕗᓂᑦᓯᓐᓃᓕᕐᓗᓂ; ᐊᑕᓂᐅᓪᓗ ᓂᕐᑐᕐᓇᕐᓂᖓ ᓴᐳᑦᔨᔨᒋᓕᕐᓗᒍ ᑭᖑᓂᑦᓯᓐᓃᓪᓗᓂ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 66:12

ᐊᑕᓂᖅ ᐃᒫᒃ ᐅᖃᕐᐳᖅ: “ᑕᑯᒋᑦ, ᐊᔪᕐᓴᖏᓐᓂᖅ ᐊᖏᔪᕈᕐᑎᑦᓱᒫᕐᐸᕋ ᑰᒃᑎᑐᑦ ᑯᕕᓕᕈᒫᕐᒪᑦ, ᐃᓅᖃᑎᒌᒡᔪᐊᓪᓗ ᐊᒡᓗᐃᓂᖏᑦ ᑰᒐᓛᑎᑐᑦ ᑕᑕᓯᒪᔪᑎᑐᑦ ᑰᓕᕈᒫᕐᐳᑦ, ᐊᒫᒪᒍᒫᕐᐳᓯ ᓴᕐᓕᐊᕐᑕᐅᓗᓯ, ᐊᐅᓚᑲᑦᑖᕐᑎᑕᐅᔪᒫᕐᐳᓯᓗ ᖁᒃᑐᕋᖏᒃᑕ ᖄᖓᓂ.

ᐲᑦᑐᕉᓯ ᓯᕗᓪᓖᑦ 1:3

ᒎᑎ ᓂᕐᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᕐᑖᕐᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᕐᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᒥᒍᑦ ᔩᓱᓯ ᙭ᔅᑑᓯᒥᒃ,

ᐂᓮᐊᓯᐅᑉ ᐊᒡᓚᖏᑦ 54:13

ᐃᕐᓂᓕᒫᓯᓗ ᐊᔪᕆᕐᑐᐊᖑᔪᒫᕐᐳᑦ ᐊᑕᓂᕐᒧᑦ, ᐊᔪᕐᓴᖏᑦᑐᕐᔪᐊᖑᔪᒫᕐᓗᑎᒡᓗ ᕿᑐᕐᖓᓯ.

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 17:14

ᐊᑕᓃᖅ ᐋᖅᑭᓚᐅᓐᖓ, ᑕᕝᕙ ᐋᖅᑭᖕᓂᐊᕐᐳᖓ; ᐱᐅᓕᓚᐅᓐᖓ ᑕᕝᕙ ᐱᐅᓕᔭᐅᓂᐊᕐᐳᖓ; ᐃᕝᕕᑐᐊᖅ ᓂᕐᑐᒐᒃᓴᕆᒐᒃᑭᑦ.

ᒤᑲᐅᑉ ᐊᒡᓚᖏᑦ 4:3

ᐃᖅᑲᕐᑐᐃᔨᐅᔪᒫᕐᐳᖅ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ, ᐃᓂᕐᑎᕈᒫᕐᐰᓪᓗ ᓲᖑᔪᐃᑦ ᐃᓅᖃᑎᒌᒡᔪᐊᑦ ᐅᖓᓯᒃᑐᒦᑦᑐᑦ; ᓴᕕᒡᔪᐊᒥᖕᓂᒡᓗ ᓄᓇᒥᒃ ᒪᒃᐱᕐᑎᕆᑦᔪᑎᓕᐅᕈᒫᕐᐳᑦ, ᖃᓗᒋᐊᒥᖕᓂᒡᓗ ᓇᐹᕐᑑᑉ ᐊᕙᓚᖓᔪᖏᓐᓄᑦ ᓇᑲᑎᕆᑦᔪᑎᓕᐅᕐᓗᑎᒃ, ᐃᓅᖃᑎᒌᒡᔪᐊᓪᓗ ᓴᕕᒡᔪᐊᒧᑦ ᐅᓇᑕᐅᑎᔪᓐᓁᕈᒫᕐᐳᑦ, ᐅᓇᑕᕐᓂᕐᒧᓪᓗ ᐃᓕᓐᓂᐊᕈᓐᓁᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 2:4

ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑎᒌᒃᑐᑦ ᐊᑭᕋᕐᑐᕐᑎᒌᒍᓐᓃᕐᑎᑦᓱᒫᕐᐰᑦ, ᓴᕕᒡᔪᐊᑎᒡᓗ ᑲᐅᒐᕐᓗᒋᑦ ᓄᓇᒥᒃ ᒪᒃᐱᕐᑎᕆᑦᔪᑎᓐᖑᕐᑎᑦᓱᒫᕐᐰᑦ, ᖃᓗᒋᐊᑎᒡᓗ ᓇᐹᕐᑑᑉ ᓄᕗᖏᓐᓂᒃ ᑭᓪᓗᐃᑦᔪᑎᒃᓴᓐᖑᕐᑎᓪᓗᒋᑦ. ᐃᓅᖃᑎᒌᒡᔪᐊᓪᓗ ᐅᓇᑕᖃᑦᑕᕈᓐᓃᕈᒫᕐᐳᑦ ᐅᓇᑕᕆᐊᕐᐸᒍᓐᓃᕐᓗᑎᒡᓗ.

ᐃᓐᖏᕈᑎᑦ 37:11

ᒥᑭᓕᑎᕐᓯᒪᔪᑦ ᓄᓇ ᑭᖑᕐᖑᑎᔪᒫᕐᐹᑦ, ᖁᕕᐊᓱᒍᒫᕐᓗᑎᒡᓗ ᓮᒪᓇᕐᑐᒥᒃ ᐊᖏᔪᒥᒃ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᐃᐱᓯᒥᐅᓄᑦ 6:23

ᐅᒃᐱᕐᑑᖃᑎᒌᑦ ᑕᒪᕐᒥᒃ ᓮᓕᓂᖃᕐᓕᑦ, ᓇᓪᓕᖕᓂᕐᒧᑦ ᐅᒃᐱᕐᓂᖃᕐᓕᑦ, ᒎᑎᒥᑦ ᐊᑖᑕᒥᑦ ᐊᑕᓂᕐᒥᓪᓗ ᔩᓱᓯ ᙭ᔅᑑᓯᒥᑦ.

ᐃᓐᖏᕈᑎᑦ 72:7

ᑖᑦᓱᒪ ᐅᓪᓗᖏᓐᓂ ᐃᓱᐊᕐᑐᑦ ᐱᕈᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ, ᓮᓕᓂᖃᕐᓗᑎᒡᓗ ᐊᒥᒐᖏᑦᑐᒥᒃ, ᑕᖅᑭᐅᑉ ᐱᑕᖃᕈᓐᓃᕐᓂᖓ ᑎᑭᓪᓗᒍ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 39:8

ᑕᕝᕙ ᕼᐃᓯᑬᐊ ᐂᓮᐊᓯᒧᑦ ᐅᖃᕐᐳᖅ, “ᐊᑕᓂᐅᑉ ᐅᖃᐅᓯᖏᑦ ᐅᖃᕐᑕᑎᑦ ᐱᐅᕗᑦ.” ᐅᖃᕐᑕᖓ ᑐᑭᖃᕋᓱᒋᓚᐅᕐᐹ, “ᓮᓕᑦᓯᐊᕐᓇᕐᑐᒥᒃ ᖃᓄᐃᓐᓇᕐᑐᖃᖏᑦᑐᒥᒡᓗ ᐃᓅᕕᒋᓛᕋᓱᒋᓪᓗᒍ.”

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᐃᓐᖏᕈᑎᑦ 147:3

ᐆᒻᒪᑎᒥᒍᑦ ᓯᖁᒥᓯᒪᔪᑦ ᒪᒥᑎᑉᐰᑦ, ᒪᑦᑐᓯᕐᑐᕐᓗᒋᓪᓗ ᐃᑭᖏᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:3

ᓇᓪᓕᐅᓐᓂᖃᕐᐳᖅ ᑐᖁᑦᓯᓂᕐᒧᑦ, ᓇᓪᓕᐅᓐᓂᖃᕆᕗᖅ ᐱᔪᓐᓃᕐᑎᑦᓯᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᕐᕈᑎᑦᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓗᓕᐅᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 57:18

ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 57:19

ᓮᒪᓂᕐᑕᖃᕐᓕ, ᓮᒪᓂᕐᑕᖃᕐᓕ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐊᑕᓂᖅ ᐅᖃᕐᐳᖅ; ᑕᕝᕙ ᐋᖅᑭᒍᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 29:11

ᐃᓱᒪᒋᓯᒪᓪᓗᒋᑦ ᐋᖅᑭᒃᓱᐃᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᖃᐅᔨᒪᒐᒃᑭᑦ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᔪᓐᓇᕐᓯᑎᑦᓯᔪᒪᓯᒪᓂᕋ, ᐊᓯᕈᐃᔪᒪᓗᖓᐅᖏᑦᑐᖅ ᐋᖅᑭᒃᓱᐃᓯᒪᒐᒪ ᓂᕆᐅᒋᔭᒃᓴᖃᖁᓪᓗᓯ ᓯᕗᓂᒃᓴᖃᖁᓪᓗᓯᓗ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.