ᔨᕆᒤᐊᐅᑉ ᐊᒡᓚᖏᑦ 33:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᓴᖅᑭᑎᑦᓯᔪᒫᕐᐳᖓ ᐊᑲᐅᔪᒥᒃ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑖᓐᓇ ᐊᑲᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᕈᒫᕐᐳᖅ ᓄᓇᒥ.

ᔨᕆᒤᐊᐅᑉ ᐊᒡᓚᖏᑦ 33:15 ပူးပေါင်းရင်းမြစ်များ

ᐃᓐᖏᕈᑎᑦ 45:4

ᐃᑭᒪᓗᑎᑦ ᐃᖏᕐᕋᓕᕆᑦ ᐊᖓᔪᖅᑳᕐᔪᐊᖑᓂᕐᐱᑦ ᐅᐱᓐᓇᕐᓂᖓᓄᑦ ᓵᓚᖃᕐᓂᕐᓄᑦ ᓱᓕᓂᕐᒧᓪᓗ, ᒥᑭᒡᓕᑎᕐᓯᒪᓂᕐᓗ, ᐃᓱᐊᕐᑐᓕᓂᕐᓗ ᐱᑦᔪᑎᒋᓗᒋᑦ; ᐊᒡᒐᑎᓪᓗ ᑕᓕᕐᐲᑦ ᑲᒪᓇᕐᑐᕐᔪᐊᓂᒃ ᐱᓇᓱᐊᓕᕐᓕᑦ.

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 42:21

ᐊᑕᓂᐅᑉ ᖁᕕᐊᓲᑎᒋᕚ ᓇᓛᒎᕐᓂᓂ ᐱᓪᓗᒍ; ᐱᖁᔧᑦ ᐊᖏᔪᕈᕐᑎᓐᓂᐊᕐᐰᑦ ᓂᕐᑐᕐᓇᕐᑐᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 53:2

ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 17:25

ᑕᕝᕙ ᐊᖓᔪᖅᑳᕐᔪᐊᕆᔭᓯ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐊᖓᔪᖅᑳᖁᑎᖏᓪᓗ ᐃᑎᕐᐸᖕᓂᐊᕐᐳᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᐃᓚᖃᕐᓗᑎᒃ ᕿᒧᒃᓯᐅᑎᖁᑎᒥᒃᑎᒍᑦ, ᐃᒡᓗᒐᓴᒡᔪᐊᓪᓗ ᑖᒃᑯᐊ ᐃᓄᕾᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 30:9

ᑖᒃᑯᐊᓕ ᐱᔨᑦᓯᖁᓪᓗᒋᑦ ᐊᑕᓂᕐᒥᒃ ᒎᑎᒥᖕᓂᒃ, ᐊᖓᔪᖅᑳᕐᔪᐊᕕᓂᐅᓪᓗ ᑍᕕᑎᐅᑉ ᑭᖑᕚᖓᓂᒃ, ᒪᑭᑎᑦᓱᒫᕐᑕᓐᓂᒃ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 50:7

ᑖᒃᑯᓂᖓᓗ ᓇᓂᓯᔪᑦ ᓄᖑᕅᓚᐅᕐᐳᑦ, ᐊᑭᕋᕐᑐᕐᑎᖏᓪᓗ ᐅᖃᕐᐳᑦ, ‘ᐸᓯᔭᒃᓴᐅᓐᖏᓚᒍᑦ, ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ ᐃᓂᒃᓴᑐᐊᕆᔭᒥᖕᓄᑦ ᓯᕗᓕᖏᑕ ᐊᑕᓂᕆᔭᖓᓐᓄᑦ.’

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.