ᔨᕆᒤᐊᐅᑉ ᐊᒡᓚᖏᑦ 33:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᕝᕙᓂ ᓄᓇᓕᖕᓂ ᓱᓇᑕᖃᖏᑦᑐᒥ ᐃᓄᖃᖏᑦᑐᒥᓗ ᐆᒪᔪᕐᑕᖃᖏᑦᑐᒥ ᓄᓇᓕᓕᒫᖏᑦ, ᐃᓄᖃᓕᕈᒫᕐᐳᖅ ᓰᐱᓕᕆᔨᓂᒃ ᐆᒪᔪᖁᑎᖏᓪᓗ ᐃᓂᒃᓴᖃᑦᓯᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 33:12 ပူးပေါင်းရင်းမြစ်များ

ᓲᓗᒨᓂᐅᑉ ᐃᓐᖏᕈᓯᖏᑦ 1:7

ᓇᒡᓕᒋᔮᒃ, ᐅᖃᐅᑎᓚᐅᓐᖓ, ᓇᓂ ᓰᐱᖁᑎᖕᓂᒃ ᒥᐊᓂᕐᓯᕙᒃᐱᑦ? ᓇᓂᓗ ᐅᓪᓗᑯᑦ ᑕᕾᕐᓯᕐᐸᒃᐸᑦ? ᓱᖕᒪᑦ ᓰᐱᓂᒃ ᐃᓚᕕᑦ ᒥᐊᓂᕐᓯᕕᖏᑕ ᖃᓂᒋᔮᓂ ᐱᓱᑲᑕᑐᐃᓐᓇᕐᑎᑉᐹᖓ?

ᐂᓮᐊᓯᐅᑉ ᐊᒡᓚᖏᑦ 65:10

ᓵᕋᓐ ᓄᓇᖓ ᓰᐱᓕᕆᕝᕕᐅᔪᒫᕐᐳᖅ, ᐂᑯᐊᓪᓗ ᓇᕐᓴᖓ ᐆᒪᔪᖁᑎᖏᓐᓄᑦ ᓄᖅᑲᖓᕕᐅᕙᒡᓗᓂ, ᐃᓄᖁᑎᓐᓄᑦ ᐅᕙᓐᓂᒃ ᕿᓂᓚᐅᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 17:26

ᐃᓄᐃᓪᓗ ᑎᑭᑉᐸᒍᒫᕐᐳᑦ, ᔫᑕᐅᑉ ᓄᓇᓕᖁᑎᖏᓐᓂᑦ, ᓄᓇᓕᖕᓂᓪᓗ ᔨᕉᓴᓕᐅᑉ ᓴᓂᐊᓃᑦᑐᓂᑦ, ᐱᓐᔭᒥᓂᐅᓪᓗ ᓄᓇᖏᓐᓂᑦ, ᖃᖅᑲᒥᐅᓪᓗ ᑭᒡᓕᖓᓂᒥᐅᓂᑦ ᓂᒋᑉᒥᓗ ᓄᓇᖃᕐᑐᓂᑦ ᑐᓂᕐᕈᓯᕆᐊᕐᑐᕐᓗᑎᒃ ᐆᑕᒃᓴᓂᒃ, ᓂᐊᖂᔭᒃᓴᓂᒃ, ᐳᔫᕐᑎᑕᒃᓴᓂᒡᓗ ᖁᔭᓕᑦᔪᑎᒃᓴᓂᒡᓗ ᐊᑕᓂᐅᑉ ᐃᒡᓗᖓᓂ.

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 31:24

ᐃᓄᐃᑦ ᓄᓇᖃᖃᑎᒌᒍᒫᕐᐳᑦ ᔫᑕᐅᑉ ᓄᓇᓕᖁᑎᖏᓐᓂ, ᐱᕈᕐᓰᕕᓕᕆᔨᖃᐅᕈᒫᕐᐳᖅ ᓰᐱᓕᕆᔨᖃᐅᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 32:15

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: ᐃᒡᓗᐃᓪᓗ ᐱᕈᕐᓰᕖᓪᓗ ᓄᓇᒥ ᑕᒫᓂ ᓂᐅᕐᕈᑎᒋᔭᐅᖃᑦᑕᕈᒫᕆᕗᑦ.’”

ᔨᕆᒤᐊᐅᑉ ᐊᒡᓚᖏᑦ 36:29

ᔨᕼᐅᐃᐊᑭᒻᓗ ᔫᑕᐅᑉ ᐊᖓᔪᖅᑳᕐᔪᐊᖓ ᐅᖃᐅᑎᓗᒍ, ᐃᒫᒃ ᐊᑕᓂᖅ ᐅᖃᕐᐳᖅ, ᐊᒡᓔᑦ ᐃᒧᑦᑕᕐᑐᑦ ᐃᑯᐊᓪᓚᓕᕋᕕᒋᑦ ᐅᖃᓚᐅᕋᕕᑦ, ‘ᖃᓄᐃᒻᒪᑦ ᑎᑎᕋᐅᓯᖃᕐᐱᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᕗᑦ ᐊᓯᕈᕐᑕᐅᔪᒫᕐᓂᕋᕐᓗᒍ ᐃᓄᐃᕈᑦᔭᐅᓗᓂ ᐆᒪᔪᖃᕈᓐᓃᕈᒫᕐᓂᕋᕐᓗᒍ?’

ᔨᕆᒤᐊᐅᑉ ᐊᒡᓚᖏᑦ 50:6

“ᐃᓄᖁᑎᒃᑲ ᓰᐱᑎᑐᑦ ᐊᓯᐅᓯᒪᓚᐅᕐᒪᑕ, ᐰᕐᓯᔨᖏᑕ ᑕᒻᒪᕐᑎᓚᐅᕐᒪᒋᑦ, ᖃᖅᑲᓂᓗ ᐃᓂᖃᓕᕐᑎᓪᓗᒋᑦ, ᐃᖏᕐᕋᖃᑦᑕᑐᐃᓐᓇᓕᕐᓗᑎᒃ ᖃᖅᑲᑎᒍᑦ ᐱᖑᕐᑎᒍᓪᓗ, ᒥᕐᖑᐃᕐᓯᕐᕕᒃᓴᒥᖕᓂᒃ ᐳᐃᒍᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 51:62

ᐅᖃᕐᓗᑎᓪᓗ, ‘ᐊᑕᓃᖅ, ᐅᖃᓚᐅᕋᕕᑦ ᑖᒃᑯᐊ ᓄᓇᓖᑦ ᐊᓯᕈᕈᒫᕐᓂᕋᕐᓗᒋᑦ ᓇᔪᒐᒃᓴᐅᔪᓐᓃᖁᓪᓗᒋᑦ ᐆᒪᔪᓄᑦ ᐃᓄᖕᓄᓪᓗ, ᓱᓇᖃᕈᓐᓁᕈᒫᕐᒪᑦ ᐃᓱᖃᖏᑦᑐᒧᑦ.’

ᐃᓯᑭᐊᓕᐅᑉ ᐊᒡᓚᖏᑦ 36:35

ᐃᓄᐃᓪᓗ ᐅᖃᕈᒫᕐᐳᑦ, ‘ᒪᓐᓇ ᓄᓇ ᓱᓇᖃᓚᐅᖏᑦᑐᖅ ᐄᑕᓂᐅᑉ ᐱᕈᕐᓰᕕᖓᑐᑦ ᑍᒤᓕᕐᐳᖅ; ᐃᒡᓗᒐᓴᒡᔪᐊᕕᓃᓪᓗ ᐃᓄᖃᓚᐅᖏᑦᑐᑦ ᓱᓇᑕᖃᓚᐅᕈᓐᓃᕐᑐᓪᓗ ᒫᓐᓇ ᐃᓄᖃᓕᕆᕗᖅ ᐊᕙᓗᕐᔪᐊᖃᓕᕐᓗᓂᓗ.’

ᕼᐊᒊᑉ ᐊᒡᓚᖏᑦ 1:4

“ᐊᑲᐅᓈᕐᓯᒪᕚ ᐃᓕᑦᓯ ᐃᒡᓗᖃᑦᓯᐊᕐᑐᐊᓘᑎᓪᓗᓯ, ᐊᑕᓂᐅᑉ ᐃᒡᓗᖓ ᓱᕋᒃᓯᒪᑎᓪᓗᒎ?