ᔨᕆᒤᐊᐅᑉ ᐊᒡᓚᖏᑦ 32:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ “ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 32:24 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 20:15

ᔪᐊᐱᐅᓪᓗ ᐃᓚᒋᔭᓕᒫᖏᑦ ᑐᓴᕋᒥᒃ ᓰᐸᐅᑉ ᑍᑲᓃᓐᓂᖓᓂᒃ, ᑍᑯᖓ ᐂᕗᑦ ᐃᒡᓗᒐᓮᓪᓗ ᐊᐱᐅᓪ ᐱᑦ-ᒫᑲ ᐊᕙᓗᓚᐅᕐᐹᑦ, ᐃᑯᕐᕋᓕᐅᓚᐅᕐᐳᑦ ᓄᓇᒥᒃ ᐊᑭᓐᓇᐅᑉ ᓯᓚᑖᒍᑦ ᐃᑎᕐᓴᓕᐅᕐᓗᑎᒡᓗ ᐊᑭᓐᓈᓗᒃ ᐅᕐᕈᑎᓐᓇᓱᐊᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 37:33

ᐃᒫᒡᓗ ᐊᑕᓂᖅ ᐅᖃᕐᓯᒪᒋᕗᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐱᑦᔪᑎᒋᓪᓗᒍ: ᐃᒡᓗᒐᓴᖕᓄᑦ ᑕᕝᕗᖓ ᐃᑎᕐᓂᐊᓐᖏᓚᖅ, ᖃᕐᔪᒥᒡᓘᓐᓃᑦ ᐊᑕᐅᓯᕐᒥᒃ ᐱᓯᒋᐊᕐᓂᐊᓐᖏᓚᖅ ᑖᒃᑯᓄᖓ, ᐊᒃᕖᕋᐅᓯᔭᕐᓗᓂᓘᓐᓃᑦ ᑕᕝᕗᖓ ᑎᑭᓐᓂᐊᓐᖏᓚᖅ, ᐃᒡᓗᒐᓴᒡᔪᐊᓂᒡᓗ ᐃᓗᓯᓯᒪᓗᓂ ᐱᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 20:5

ᐊᑭᕋᑦᓯᓐᓄᑦ ᐊᔪᕐᓴᖏᑦᔪᑎᓯ ᐱᑖᕆᔭᐅᔪᒫᕐᐳᑦ, ᓴᖅᑭᑎᑕᕕᓂᖏᓪᓗ ᑲᑎᕐᓱᐊᖏᓪᓗ ᐱᒃᑯᒥᓇᕐᑐᑦ ᔫᑕᒥᐅᑦ ᐊᖓᔪᖅᑳᕐᔪᐊᖏᑕ ᐱᕕᓂᖏᑦ, ᓇᒡᕚᕐᑖᕆᓗᓂᑦᔪᒃ ᐊᖏᕐᕋᐅᑎᔪᒫᕐᐰᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 24:10

ᐅᓇᑕᒐᐅᑎᑦᓱᒫᕐᐸᒃᑲ, ᑳᖕᓇᕐᑐᒦᑎᓪᓗᒋᓪᓗ, ᐋᓐᓂᐊᓇᕐᑐᖃᕐᑎᑉᐸᒡᓗᒋᓪᓗ, ᓄᖑᖏᓐᓂᓕᒫᖏᓐᓂ ᓄᓇᑖᕆᔭᐅᑎᓚᐅᕐᑕᓐᓂᒃ ᑖᒃᑯᓄᖓ ᓯᕗᓕᕕᓂᖏᓐᓄᓪᓗ.”

ᔨᕆᒤᐊᐅᑉ ᐊᒡᓚᖏᑦ 29:17

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᑯᒋᑦ, ᐅᓇᑕᕐᕕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᒦᑎᓪᓗᒋᓪᓗ, ᐋᓐᓂᐊᓇᕐᑐᖃᕐᑎᑦᓯᕕᒋᓗᒋᓪᓗ ᐱᒋᓕᒃᓴᑎᑐᑦ ᓂᕆᔭᒃᓴᐅᔪᓐᓃᕐᑐᑎᑐᑦ ᑍᒤᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 29:18

ᐅᓇᑕᕐᑕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᖃᕐᑎᑦᓯᓗᖓᓗ ᐋᓐᓂᐊᓇᕐᑐᖃᕐᑎᑦᓯᓂᐊᕐᐳᖓ ᐃᓅᖃᑎᒌᒡᔪᐊᓄᓪᓗ ᑲᑉᐱᐊᓲᑕᐅᓂᐊᕐᐳᑦ ᑕᒪᒃᑯᐊ ᑕᑯᔭᐅᓕᕈᑎᒃ ᑍᒃᑯᓄᖓ ᑎᑭᑎᒃᑯᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 32:25

ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᕋᓗᐊᕐᑎᓪᓗᒋᑦ, ᐃᒡᕕᓪᓕ ᐊᑕᓃᖅ ᒎᑎᐅᔪᑎᑦ, ᐅᕙᓐᓄᑦ ᐅᖃᕐᐳᑎᑦ, ᐱᕈᕐᓰᕕᒃ ᓂᐅᕕᐊᕆᒍᒃ ᓂᐅᕕᕈᑏᓪᓗ ᐊᑎᓕᐅᕐᑕᐅᑎᓕᒃᑭᑦ ᑕᑯᓐᓇᕐᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 32:28

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᑐᓂᓕᕐᐸᒃᑲ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᑦᓱᒪᓗ ᑎᒍᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 32:3

ᔨᑎᑬᐊᐅᑉ ᔨᕆᒤᐊ ᑎᒍᔭᐅᓯᒪᑎᓕᓚᐅᕐᒪᒍ ᐅᖃᐅᑎᓪᓗᓂᐅᒃ, “ᓱᖕᒪᑦ ᓇᓚᐅᑦᑍᓇᓱᐊᖃᑦᑕᕐᐲᑦ? ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᖁᑎᓯ ᐱᔭᐅᑎᓐᓂᐊᕐᐸᒃᑲ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑎᒍᔪᒫᕐᐹᓪᓗ.

ᔨᕆᒤᐊᐅᑉ ᐊᒡᓚᖏᑦ 32:36

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓ, “ᐃᒡᓗᒐᓴᒡᔪᐊᑦ ᑖᒃᑯᐊ ᐅᖃᐅᓯᕆᒐᕕᒋᑦ ᐅᓇᑕᕐᓂᒃᑯᑦ, ᑳᖕᓇᕐᑐᕐᔪᐊᒃᑯᑦ, ᐋᓐᓂᐊᓇᕐᑐᑎᒍᓪᓗ ᐱᔭᐅᓂᐊᕐᓂᕋᕐᓗᒋᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ,

ᔨᕆᒤᐊᐅᑉ ᐊᒡᓚᖏᑦ 32:5

ᔨᑎᑬᐊᓗ ᐹᐱᓘᓂᒧᓐᖓᐅᑎᔪᒫᕐᐹ, ᑍᑲᓃᑦᓱᒫᕐᐳᕐᓗ ᐊᑕᓂᕐᒧᑦ ᐱᓇᓱᐊᕐᕕᐅᓚᐅᖏᓐᓂᕐᒥᓂ, ᐊᑕᓂᖅ ᐅᖃᕐᐳᖅ, ᑲᐅᓪᑎᐊᒥᐅᓂᒃ ᐅᓇᑕᕋᓱᒃᑲᓗᐊᕈᕕᑦ ᓵᓚᖃᕐᓂᐊᓐᖏᓚᑎᑦ.’”

ᔨᕆᒤᐊᐅᑉ ᐊᒡᓚᖏᑦ 33:4

ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᒡᓗᒐᓴᒡᔪᐊᑦ ᔫᑕᒥᐅᓪᓗ ᐊᖓᔪᖅᑳᕐᔪᐊᖓᑕ ᐃᒡᓗᖏᑦ ᐱᓪᓗᒋᑦ ᑖᒃᑯᐊ ᓯᖁᑦᑎᕐᑕᐅᔪᒫᕐᐳᑦ ᐅᓇᑕᕐᑐᓄᑦ ᑎᑭᑕᐅᒃᐸᑕ.

ᔨᕆᒤᐊᐅᑉ ᐊᒡᓚᖏᑦ 34:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᓈᓚᓚᐅᓐᖏᓚᓯ ᐄᑉᕉᒥᐅᑕᐅᖃᑎᑦᓯᓐᓂᒃ ᐃᓱᒪᕐᓱᓕᕐᑎᑦᓯᔪᒪᖏᓐᓇᑦᓯ, ᒫᓐᓇ ᐅᖃᐅᑎᓕᕐᐸᑦᓯ ᐃᓱᒪᕐᓱᕐᑎᓐᓂᐊᓕᕐᐸᑦᓯ ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓂ ᑐᖁᑕᐅᖁᓪᓗᓯ ᐋᓐᓂᐊᓇᕐᑐᓄᓪᓗ, ᑳᖕᓇᕐᑐᕐᔪᐊᒧᓪᓗ, ᐃᓅᖃᑎᒌᒡᔪᐊᓄᓪᓗ ᑕᑯᑦᔪᑎᒃᓴᓐᖑᕐᓂᐊᕐᐳᓯ ᓯᕘᕋᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 52:4

ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖏᑦᑕ 9ᖓᓐᓂ ᑕᖅᑮᑦ 10ᖓᓐᓂ, ᐅᓪᓗᖏᑦᑕ 10ᒋᓕᕐᑕᖓᓐᓂ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓕᓚᐅᕐᐳᖅ ᔨᕉᓴᓕᒥᐅᓂᒃ, ᐅᓇᑕᕐᑎᖁᑎᓕᒫᓂ ᐃᓚᒋᓪᓗᒋᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓᑕ ᓯᓚᑖᓂ ᐊᕙᓗᓯᒪᓪᓗᒍ ᑕᖕᒫᕐᑎᓚᐅᕐᐳᑦ ᔨᕉᓴᓕᒥᐅᑦ ᐊᓂᔪᓐᓁᓪᓕᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 52:6

ᑕᖅᑮᑦ ᓯᑕᒪᒋᓕᕐᑕᖓᓐᓂ ᐅᓪᓗᖏᑦᑕ 9ᖓᓐᓂ ᑳᖕᓇᕐᑐᕐᔪᐊᖃᓕᓚᐅᕐᐳᖅ ᑕᕝᕙᓂ, ᐃᓄᐃᑦ ᓂᕿᒃᓮᕈᑎᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 6:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, “ᓇᐹᕐᑐᓂᒃ ᓇᑲᑎᕆᓗᓯ ᐃᑯᕐᕋᓕᐅᕆᑦᓯ ᔨᕉᓴᓕᐅᑉ ᐊᕙᓗᕐᔪᐊᖏᑦ ᓯᖁᑦᑎᕐᑕᐅᔪᒃᓴᐅᖕᒪᑕ, ᐃᒡᓗᒐᓴᒡᔪᐊᖏᑦ ᐱᐅᖏᑦᑐᓂᒃ ᑕᑕᒻᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 21:22

ᑕᓕᕐᐱᖕᒥᓄᓪᓗ ᖃᕐᔪᒥᒃ ᑎᒍᓯᕗᖅ ᓇᓗᓁᕐᓯᔪᒥᒃ ᔨᕉᓴᓕᒥᒃ, ᐅᓇᑕᕆᐊᕐᑐᓪᓗ ᐊᐅᓪᓚᕆᐊᕈᑎᒃᓴᖓᓂᒃ ᕾᒐᓛᕈᑕᐅᓂᐊᕐᑐᒥᒃ, ᐋᖅᑭᒃᓱᐃᕗᓪᓗ ᐅᑯᐊᕐᔪᐊᖏᓐᓄᑦ ᒪᑐᐃᕐᓯᓇᓱᐊᕈᑎᒃᓴᒥᖕᓂᒃ, ᓄᓇᒥᒡᓗ ᐳᕐᑐᓯᑎᑦᓯᑦᔪᑎᒃᓴᒥᖕᓂᒃ, ᐊᕙᓗᕐᔪᐊᖓᓄᑦ ᒪᔪᕈᓐᓇᕐᓯᑦᔪᑎᒃᓴᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 21:27

ᐊᓯᕈᕐᐳᑦ, ᐊᓯᕈᕐᐳᑦ, ᐊᓯᕈᕐᑕᐅᑎᓐᓂᐊᕐᐸᒃᑲ; ᑕᒪᓐᓇ ᓇᓪᓕᐅᑎᓂᐊᓐᖏᓚᖅ ᑍᒤᓕᐅᕈᓐᓇᕐᑐᖅ ᑎᑭᓚᐅᖏᓐᓂᖓᓂ; ᑖᑦᓱᒧᖓ ᑕᒪᓐᓇ ᑐᓂᔪᒫᕐᐸᕋ.”

ᐃᓯᑭᐊᓕᐅᑉ ᐊᒡᓚᖏᑦ 26:8

ᓄᓁᓐᓇᕐᒦᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᓄᓇ ᖃᑦᑎᒃᓯᑎᓪᓗᒍ ᓴᐴᓗᑕᕆᔪᒫᕐᐹᑦ ᐊᕙᓗᕐᔪᐊᒧᑦ ᒪᔪᕐᕕᓕᐅᕐᓗᑎᒃ, ᒥᓗᕆᐊᖃᑦᑕᐅᑎᓕᐊᕆᓯᒪᔪᒥᒃ ᐊᑐᕐᓗᑎᒃ, ᓴᐴᓗᑕᖃᕐᓗᑎᒃ ᖁᓛᓕᖕᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 4:2

ᐊᑭᕋᖏᓐᓄᑦ ᐊᕙᑕᖏᕐᑕᐅᓯᒪᓂᖓ ᓇᓗᓁᕐᓗᒍ, ᐃᑎᕐᓴᓕᐅᕐᓯᒪᔪᓂᒃ; ᓄᓇᓗ ᖃᓕᕇᒃᓯᓯᒪᓗᒍ; ᐃᑎᕐᑕᕐᕕᖕᓂᒡᓗ ᓯᖁᒥᑦᓯᓇᓲᑎᓂᒃ ᐊᕙᓗᕐᔪᐊᖓᑕ ᓯᓚᑎᓕᒫᖓ ᓈᓗᒍ.

ᕼᐊᐸᑲᐅᑉ ᐊᒡᓚᖏᑦ 1:10

ᐊᖓᔪᖅᑳᕐᔪᐊᓂᒡᓗ ᒥᑕᐅᑎᖃᖃᑦᑕᕐᓗᑎᒃ, ᐊᖓᔪᖅᑳᓂᒡᓗ ᓱᓇᐅᒃᓴᖏᓪᓗᑎᒃ. ᕿᒫᕖᓪᓗ ᐊᕙᓗᕐᔪᐊᓕᐊᕆᓯᒪᔪᑦ ᐃᔪᕿᑕᐅᑎᒋᕔᑦ, ᓄᓇ ᐳᕐᑐᓯᑎᓪᓗᒍ ᐊᕙᓗᕐᔪᐊᑦ ᓵᓚᒋᖃᑦᑕᕐᐰᑦ.

ᓴᑲᕅᐊᐅᑉ ᐊᒡᓚᖏᑦ 1:6

ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᑦ, ᐅᖃᐅᑎᕙᓚᐅᕐᐸᒃᑲ, ᒪᓕᒐᒃᓴᓂᒃ ᐃᓂᕐᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᓇᕐᑐᒧᑦ ᑎᑭᖃᑦᑕᓚᐅᕐᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᕐᐳᑦ ᐅᖃᓕᕐᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᕐᐹᑎᒍᑦ ᓱᒋᐊᕐᑕᐅᔭᕆᐊᖃᕐᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᓂᕋᕐᓗᓂ ᐅᖃᕐᓯᒪᒐᒥ.”

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.