ᔨᕆᒤᐊᐅᑉ ᐊᒡᓚᖏᑦ 32:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᖏᖃᑎᒌᒍᑎᕗᒡᓗ ᓄᓇ ᐱᓪᓗᒍ ᐊᑎᓕᐅᕇᕋᑦᑎᒍ ᑕᑯᓐᓇᕐᑐᓪᓗ ᐊᑎᓕᐅᕐᑎᓪᓗᒋᑦ ᐊᑭᒋᓂᐊᕐᑕᖏᓪᓗ ᐅᖁᒤᓐᓂᕐᓂᐊᕈᑎᒧᑦ ᖃᐅᔨᓴᕐᐸᕗᒃ.

ᔨᕆᒤᐊᐅᑉ ᐊᒡᓚᖏᑦ 32:10 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 23:16

ᐂᑉᕋᕼᐋᒻᓗ ᐃᐸᕋᓐ ᐊᖏᖃᑎᒋᒐᒥᐅᒃ; ᐅᖁᒤᓐᓂᕐᓯᐅᑎᒃᑯᑦ ᐋᖅᑭᒃᓱᐃᓕᕐᐳᖅ ᐃᐸᕋᐅᑉ ᐊᑭᒋᖁᓪᓗᒋᑦ ᐅᖃᐅᓯᕆᖅᑲᐅᔭᖏᓐᓂᒃ ᓯᐅᓪᕕᕆᓂᒃ ᕼᐃᑍᑎᒥᐅᑦ ᑕᕝᕙᓃᑦᑐᑦ ᑐᓵᑎᓪᓗᒋᑦ, 400ᓂᒃ ᓯᐅᓪᕕᕆᓂᒃ, ᑍᑦᓱᒪᓂᐅᑎᓪᓗᒍ ᐅᖁᒤᓐᓂᕐᓯᐅᑕᐅᓪᓗᑎᒃ ᓂᐅᕕᕐᑎᑦᓯᕙᒃᑐᓂᑦ ᐊᑐᕐᑕᐅᕙᒃᑐᑦ ᐊᑐᕐᓗᒋᑦ.

ᒨᓯᓯ ᓯᕗᓪᓖᑦ 23:20

ᑕᕝᕙ ᐱᕈᕐᓰᕕᒃ ᕾᕈᓱᒡᓗ ᑕᕝᕙᓃᑦᑐᖅ ᑐᓂᔭᐅᓚᐅᕐᐳᖅ ᐂᑉᕋᕼᐋᒻᒧᑦ, ᐃᓗᕕᕐᓯᕕᒃᓴᕐᑖᕆᓪᓗᒍ ᕼᐃᑍᑎᒥᐅᓂᑦ.

ᔫᐱᐅᑉ ᐊᒡᓚᖏᑦ 14:17

ᐱᐅᖏᑦᑐᓕᓂᒃᑲ ᐃᒃᐱᐊᕐᔪᖕᒧᑦ ᐴᕐᓯᒪᔪᒃᓴᐅᕗᑦ, ᐊᔪᕐᑐᓕᓂᒃᑲᓗ ᒪᑦᑐᑎᔭᒃᓴᕆᕙᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 8:6

ᐆᒻᒪᑎᖕᓄᑦ ᓇᕿᑦᔪᑎᑐᑦ ᐅᒃᑯᐃᕐᑕᐅᑦᔧᒃᑯᑎᑐᑦ ᑍᒤᓚᐅᓐᖓ, ᑕᓕᕐᓄᓪᓗ ᐊᓯᓐᓂᒃ ᐃᕿᑦᓯᑦᑍᓕᑦᔪᑎᑐᑦ; ᓇᒡᓕᖕᓂᖅ ᑐᖁᒧᑦ ᐃᓕᖓᔫᔮᕐᒪᑦ, ᓯᖕᓇᓂᕐᑐᓪᓗ ᐃᓗᕕᐅᑉ ᑲᑉᐱᐊᓇᕐᓂᖓᑐᑦ ᑍᒤᑦᑐᑐᑦ; ᐃᑯᒪᖓ ᐃᑯᐊᓚᕗᖅ ᐃᑯᒪᕐᔪᐊᑐᑦ.

ᐂᓮᐊᓯᐅᑉ ᐊᒡᓚᖏᑦ 30:8

ᒫᓐᓇᓕ ᑎᑎᕋᓕᕆᑦ ᐊᒡᓚᖕᓂᒃ ᐅᖃᐅᓯᕆᓗᒋᑦ ᐊᒡᓚᕕᒃᓴᑎᒍᑦ, ᑎᑎᕋᕐᓯᒤᓐᓇᕐᑐᖃᖁᓪᓗᒍ ᖃᐅᔨᒪᑦᔪᑕᐅᓂᐊᕐᑐᓂᒃ ᖃᓄᐃᑦᑑᖕᒪᖔᑕ.

ᐂᓮᐊᓯᐅᑉ ᐊᒡᓚᖏᑦ 44:5

ᐃᓚᖓᑦ ᐅᖃᕈᒫᕐᐳᑦ, ‘ᐊᑕᓂᐅᑉ ᐱᒋᕚᖓ,’ ᐊᓯᐊᓗ ᔧᑰᑉ ᐊᑎᖓᓂᒃ ᐊᑎᖃᖃᑕᐅᓂᕋᕐᓗᓂ; ᐊᓯᐊᓗ ᑎᑎᕋᕈᒫᕐᐳᖅ, ‘ᐊᑕᓂᐅᑉ ᐱᖓ,’ ᐃᓴᕆᐊᓕᒥᐅᑕᐅᓂᕋᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 32:12

ᑐᓂᓪᓗᒋᓪᓗ ᑖᒃᑯᐊ ᐸᕉᑭᒧ ᓂᕅᔭᐅᑉ ᐃᕐᓂᖓᓄᑦ, ᓂᕅᐊᓗ ᐊᑖᑕᖃᕆᕗᖅ ᒪᕼᐊᓮᐊᒥᒃ. ᐊᖓᒐ ᕼᐊᓇᒥᐅᓪ ᑕᑯᓐᓇᕐᑎᓪᓗᒍ ᐊᑎᓕᐅᖃᑕᐅᔪᓪᓗ ᑕᑯᓐᓇᕐᑎᓪᓗᒋᑦ, ᔫᑎᓪᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᖃᐅᔨᓴᕐᑎᐅᔪᑦ ᐃᒃᓯᕚᖃᑕᐅᔪᑦ ᑕᑯᓐᓇᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:25

ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᕋᓗᐊᕐᑎᓪᓗᒋᑦ, ᐃᒡᕕᓪᓕ ᐊᑕᓃᖅ ᒎᑎᐅᔪᑎᑦ, ᐅᕙᓐᓄᑦ ᐅᖃᕐᐳᑎᑦ, ᐱᕈᕐᓰᕕᒃ ᓂᐅᕕᐊᕆᒍᒃ ᓂᐅᕕᕈᑏᓪᓗ ᐊᑎᓕᐅᕐᑕᐅᑎᓕᒃᑭᑦ ᑕᑯᓐᓇᕐᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 32:44

ᐱᕈᕐᓰᕕᖃᕐᕕᒃᓮᑦ ᓂᐅᕕᐊᖑᖃᑦᑕᓕᕈᒫᕐᐳᑦ ᓯᐅᓪᕕᕆᓄᑦ, ᓄᓇᖁᑎᑖᕈᑎᒡᓗ ᐊᑎᓕᐅᕐᑕᐅᕙᒡᓗᑎᒃ, ᓇᕿᑦᔪᓯᕐᑕᐅᓗᑎᒡᓗ ᐱᓐᔭᒥᓂᐅᑉ ᓄᓇᖓᓂ ᔨᕉᓴᓕᒥᓗ, ᔫᑕᒥᓗ, ᖃᖅᑲᒥᐅᓪᓗ ᓄᓇᓕᖏᓐᓂ, ᓯᐱᓚᒥᐅᓪᓗ ᐃᒡᓗᒐᓴᖏᓐᓂᑦ ᓂᒋᑉᒥᓗ ᓄᓇᖃᕐᑐᓂᒃ, ᓄᓇᑐᖃᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 8:26

ᑕᑯᑎᑕᐅᓃᑦ ᐅᓪᓗᓂᒃ ᐅᓐᓄᐊᓂᒡᓗ ᐅᖃᐅᓯᐅᔪᑦ ᐃᓕᖕᓄᑦ ᓱᓕᑦᓯᐊᕐᐳᑦ, ᑕᑯᑎᑕᐅᓂᕐᓕ ᒪᑐᒍᒃ, ᐅᖃᐅᓯᖃᕐᒪᑦ ᓯᕗᓂᕐᔪᐊᒥ ᐱᔪᒫᕐᑐᓂᒃ.”

ᒫᑎᐅᓯᐅᑉ ᐊᒡᓚᖏᑦ 27:66

ᑕᕝᕙᓐᖓᑦ ᐊᓂᒐᒥᒃ, ᐃᓗᕕᕐᒧᐊᕐᓗᑎᒃ ᐃᓗᕕᖅ ᐊᑦᑐᖏᕐᓱᕐᐹᑦ ᓇᓗᓁᒃᑯᓯᕐᓗᒍ ᓇᕿᑦᔪᑎᒥᒃ ᑖᓐᓇ ᐅᔭᕋᒃ, ᖃᐅᔨᓴᕐᑎᑦ ᖃᐅᔨᒪᓇᓱᐊᕐᓂᐊᓕᕐᑎᓪᓗᒋᑦ ᕿᒪᒃᑕᐅᕗᑦ.

ᔪᐊᓇᓯᐅᑉ ᐊᒡᓚᖏᑦ 3:33

ᓇᓪᓕᐊᑦ ᑖᑦᓱᒪ ᐅᖃᐅᓯᖏᓐᓂᒃ ᐃᓚᓕᐅᕐᓯᔪᖅ ᖁᓚᕐᓇᖏᑦᑐᒥᒃ ᖃᐅᔨᕗᖅ, ᒎᑎᐅᑉ ᓱᓕᑦᓯᐊᕐᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:22

ᓇᓗᓁᒃᑯᓯᕐᐹᑎᒍᓪᓗ ᓇᕿᑦᔪᑎᒥᓄᑦ ᐅᕙᑦᑎᓐᓂᒃ ᐱᖃᕐᓂᕐᒥᓂᒃ ᓇᓗᓁᕐᓯᔪᒥᒃ, ᐊᓂᕐᓂᕐᓗ ᐃᑦᔪᕐᓁᑦᑐᖅ ᐃᓗᑦᑎᓐᓄᑦ ᐱᑎᑉᐹ, ᓇᓗᓇᖁᓇᒍ ᐊᖏᕈᑎᒋᓯᒪᔭᖏᓐᓂᒃ ᐱᑖᓛᕐᓂᕗᑦ ᑖᑦᓱᒪᓐᖓᑦ.

ᐃᐱᓯᒥᐅᓄᑦ 1:13

ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᒨᓯᓯ ᑕᓪᓕᒪᖏᑦ 32:34

ᐊᑕᓂᐅᑉ ᐃᖅᑲᐅᒪᕔᑦ ᐊᑭᕋᕐᑐᑎᖏᑦ ᐅᑕᖅᑭᓪᓗᓂ ᐱᕕᒃᓴᒥᒃ ᓈᒻᒪᓇᕐᑐᒥᒃ ᓱᒋᐊᕐᓯᕕᒃᓴᒥᓂᒃ ᑖᒃᑯᓂᖓ.

ᔮᓱᐊᑉ ᐊᒡᓚᖏᑦ 18:9

ᑕᕝᕙ ᐊᖑᑏᑦ ᖃᐅᔨᓴᕆᐊᕐᐳᑦ ᓄᓇᓐᖑᐊᓕᐅᕐᓗᑎᒡᓗ ᐊᕕᒃᑐᕐᓗᒍ ᓄᓇ 7ᐅᓕᖅᑲᖓᓪᓗᒍ, ᓄᓇᓖᑦ ᑎᑎᕋᕐᑕᐅᕗᑦ ᐊᒡᓚᖕᓄᑦ ᑲᑎᑕᐅᓪᓗᑎᒃ, ᐅᑎᕐᐳᓪᓗ ᔮᓱᐊᒧᑦ ᑕᖕᒫᕐᓯᒪᕕᖕᒦᑦᑐᒧᑦ ᓮᓗᐊᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:2

ᐂᖏᓖᒥᒡᓗ ᑕᑯᒋᕗᖓ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ, ᒎᑎᐅᑉ ᓇᕿᑦᑎᑦᔪᑎᖓᓂᒃ ᐱᓯᒪᔪᒥᒃ, ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ ᐂᖏᓖᓄᑦ ᓯᑕᒪᓄᑦ ᒎᑎᒧᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᐊᓯᕈᐃᖁᓪᓗᒋᑦ ᓄᓇᕐᔪᐊᕐᒥᒃ ᐃᒪᕕᖕᒥᒡᓗ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:4

ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ;

ᕉᑎᐅᑉ ᐅᓂᒃᑲᐅᓯᓂᖓ 4:1

ᐳᐊᓯᓕ ᑲᑎᕕᐅᖃᑦᑕᕐᑐᒧᐊᕐᓗᓂ ᐃᒃᓯᕙᓕᕐᐳᖅ ᓄᓇᓕᑦ ᐃᑎᕐᑕᕐᕕᖓᓐᓂ; ᑕᕝᕙ ᐃᓔᒥᓕᑭᐅᑉ ᐃᓚᒋᔭᖏᑕ ᖃᓂᒋᓂᕐᐹᖓᑦ ᑕᕝᕗᓐᖓᕐᐳᖅ ᐳᐊᓯᐅᑉ ᐅᖃᐅᓯᕆᓚᐅᕐᑕᖓ ᑖᓐᓇ ᕉᑎᒧᑦ. ᐳᐊᓯᐅᑉ ᐅᖃᐅᑎᕚ, “ᕾᓚᐅᕆᑦ ᐃᖏᓪᓗᑎᑦ ᐅᖃᖃᑎᒌᓚᐅᕐᓗᒃ.” ᑕᕝᕙ ᐳᐊᓯᒧᐊᕐᐳᖅ ᐃᒃᓯᕙᖃᑎᒋᓕᕐᓗᒍᓗ.