ᔨᕆᒤᐊᐅᑉ ᐊᒡᓚᖏᑦ 31:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 31:12 ပူးပေါင်းရင်းမြစ်များ

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 1:30

ᐃᓕᑦᓯ ᓇᐹᕐᑐᑎᑐᑦ ᐆᒃᒥᒃ ᑍᔭᐅᔪᑎᑐᑦ ᑍᒤᑦᓱᒫᕐᐳᓯ ᑐᖁᓕᖓᔪᓂᒃ ᐅᖃᐅᔭᓕᒃᑎᑐᑦ, ᐱᕈᕐᓰᕕᒃᑎᑐᓪᓗ ᓴᓗᐊᕐᓯᒪᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 52:8

ᐅᐊᑦᓯᔨᓯᓗ ᖁᕕᐊᓱᒡᓗᑎᒃ ᕾᒐᓛᓕᕈᒫᕐᐳᑦ, ᐃᓐᖏᕐᓯᓗᑎᒃ ᐊᑕᐅᑦᓯᒃᑯᑦ; ᓇᖕᒥᓂᖅ ᑕᑯᓕᕈᓂᑦᔪᒃ ᐊᑕᓂᖅ ᐅᑎᕐᑎᓪᓗᒍ ᓮᐅᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 60:20

ᓯᕿᓂᓯ ᓂᐱᔪᐃᑦᑑᓕᕈᒫᕐᐳᖅ, ᑕᖅᑭᕐᓗ ᑕᕐᕆᑉᐸᒍᓐᓃᕐᓗᓂ; ᐊᑕᓂᐅᑉ ᖃᐅᒪᓂᖓᑕ ᐃᓱᖃᖏᑦᑐᒧᑦ ᖃᐅᒪᑎᑦᓱᒫᕐᐹᓯ, ᐅᓪᓗᐃᑦ ᕿᒃᓵᒡᕕᒋᓚᐅᕐᑕᓯ ᐃᓱᓕᑦᓱᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 65:19

ᔨᕉᓴᓕᒻ ᖁᕕᐊᓲᑎᒋᔪᒫᕐᐸᕋ, ᐃᓄᖏᓪᓗ ᖁᕕᐊᒋᓗᒋᑦ; ᕿᐊᕙᓗᒃᑐᑦ ᑐᓴᕐᓴᐅᓚᐅᕐᓯᒪᔪᓐᓃᕈᒫᕐᐳᑦ ᑕᕝᕙᓂ, ᑲᑉᐱᐊᓱᒡᕙᓗᒡᒥᒡᓗ ᓂᓪᓕᕐᑐᖃᓚᐅᕐᓯᒪᔪᓐᓃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 3:14

ᐊᑕᓂᖅ ᐅᖃᕐᐳᖅ, ᐊᓯᓐᓂᐊᕐᑎᐅᔪᓯ ᐅᕙᓐᓄᑦ ᐅᑎᕆᑦᓯ, ᐅᐃᒋᒐᑦᓯᓐᖓ. ᓂᕈᐊᕐᓂᐊᕐᐳᖓ ᐊᑕᐅᓯᕐᒥᒃ ᓄᓇᓕᖁᑎᑦᓯᓐᓂᑦ ᑕᒤᓐᓂᑦ, ᒪᕐᕉᓈᕐᑎᕆᓗᖓᓗ ᐃᓚᒌᖕᓂᑦ ᐊᑐᓂᑦ, ᓮᐅᓂᒧᓐᖓᐅᑎᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 31:24

ᐃᓄᐃᑦ ᓄᓇᖃᖃᑎᒌᒍᒫᕐᐳᑦ ᔫᑕᐅᑉ ᓄᓇᓕᖁᑎᖏᓐᓂ, ᐱᕈᕐᓰᕕᓕᕆᔨᖃᐅᕈᒫᕐᐳᖅ ᓰᐱᓕᕆᔨᖃᐅᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 31:25

ᑕᕐᓂᖏᑦ ᑕᖃᓯᒪᔪᑦ ᑕᕾᕐᓯᕐᕕᒃᓴᖃᕐᑎᑦᓱᒫᕐᐸᒃᑲ, ᑳᒡᑐᓪᓗ ᓂᕿᒃᓴᖃᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 31:4

ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 31:6

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”

ᔨᕆᒤᐊᐅᑉ ᐊᒡᓚᖏᑦ 31:7

ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

ᔨᕆᒤᐊᐅᑉ ᐊᒡᓚᖏᑦ 32:15

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: ᐃᒡᓗᐃᓪᓗ ᐱᕈᕐᓰᕖᓪᓗ ᓄᓇᒥ ᑕᒫᓂ ᓂᐅᕐᕈᑎᒋᔭᐅᖃᑦᑕᕈᒫᕆᕗᑦ.’”

ᔨᕆᒤᐊᐅᑉ ᐊᒡᓚᖏᑦ 33:12

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᕝᕙᓂ ᓄᓇᓕᖕᓂ ᓱᓇᑕᖃᖏᑦᑐᒥ ᐃᓄᖃᖏᑦᑐᒥᓗ ᐆᒪᔪᕐᑕᖃᖏᑦᑐᒥ ᓄᓇᓕᓕᒫᖏᑦ, ᐃᓄᖃᓕᕈᒫᕐᐳᖅ ᓰᐱᓕᕆᔨᓂᒃ ᐆᒪᔪᖁᑎᖏᓪᓗ ᐃᓂᒃᓴᖃᑦᓯᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 33:13

ᖃᖅᑲᒦᑦᑐᑦ ᐃᒡᓗᒐᓮᑦ, ᓇᑎᕐᓇᓂ ᓄᓇᖃᕐᑐᑦ, ᔫᑕᒥᐅᓪᓗ ᐅᓪᓗᓪᓗᐊᖓᑕ ᓇᓛᓂᒥᐅᑦ ᓂᒋᑉᒥ, ᐱᓐᔭᒥᓂᐅᓪᓗ ᓄᓇᖓᓂ, ᓄᓇᓖᓪᓗ ᔨᕉᓴᓕᐅᑉ ᖃᓂᒋᔭᖓᓃᑦᑐᑦ, ᔫᑕᐅᓪᓗ ᐃᒡᓗᒐᓴᖏᓐᓃᑦᑐᑦ, ᓰᐱᓕᕆᔨᖏᑦ ᓈᓮᔪᓐᓇᕐᓯᔪᒫᕆᕗᑦ ᓰᐱᖁᑎᒥᖕᓂᒃ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 17:23

ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 20:40

ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 34:14

ᓂᕿᒃᓴᖃᑦᓯᐊᕐᑐᒥ ᓂᕆᑎᑦᓱᒫᕐᐸᒃᑲ, ᐃᓴᕆᐊᓕᐅᓪᓗ ᓄᓇᑦᓯᐊᕆᖕᓂᖏᓐᓂ ᖃᖅᑲᓂ ᓂᕿᒃᓴᖃᑦᓯᐊᕐᑐᒦᑦᓱᒫᕐᐳᑦ; ᐃᕕᒃᓱᒐᖃᑦᓯᐊᕐᑐᒥᓗ ᓄᓇᑦᓯᐊᕆᒃᑐᒥ ᐃᓂᓪᓚᖓᔪᒫᕐᐳᑦ, ᓂᕿᒃᓴᖃᑦᓯᐊᕐᑐᒥᓗ ᐃᓴᕆᐊᓕᐅᑉ ᖃᖅᑲᖏᓐᓂ ᓂᕆᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 36:30

ᓇᐹᕐᑐᐃᑦ ᐱᕈᕐᕕᐅᑎᑦᓱᒫᕐᐸᒃᑲ ᐱᕈᕐᓰᕖᓪᓗ ᐱᕈᕐᕕᐅᑎᑦᓯᐊᕐᓗᒋᑦ ᐊᒥᒐᕐᓯᖏᑦᓯᐊᖁᓪᓗᓯ, ᐃᓅᖃᑎᒌᒡᔪᐊᓄᑦ ᑲᓐᖑᓱᒃᑎᑕᐅᓂᕐᒥᒃ ᐊᑐᒃᑲᓐᓂᖁᓇᓯ ᑳᖕᓇᕐᑐᒦᓐᓂᑦᓯᓐᓄᑦ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᔪᐃᓕᐅᑉ ᐊᒡᓚᖏᑦ 3:18

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᕼᐊᒊᑉ ᐊᒡᓚᖏᑦ 2:19

ᐱᕈᕐᓯᐊᒃᓴᓯ ᓱᓕ ᓯᕐᓗᐊᑦᓯᓐᓃᑉᐹᑦ? ᕔᓂᒃᓮᑦ ᓇᐹᕐᑐᐃᓪᓗ ᐸᐅᕐᖓᓖᑦ ᓴᐅᓂᓕᖕᓂᒃ, ᐹᒪᒍᕌᓃᓪᓗ ᐱᕈᕐᑐᐃᑦ, ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕈᓐᓇᓚᐅᓐᖏᓛᑦ? ᐅᓪᓗᒥᒥᓪᓕ ᐱᒋᐊᕐᓗᒍ ᓮᒻᒪᕐᑎᓐᓂᐊᓕᕐᐸᑦᓯ.”

ᓴᑲᕅᐊᐅᑉ ᐊᒡᓚᖏᑦ 8:12

“ᐱᕈᕐᓯᐊᒃᓴᓂᒃ ᐱᕈᕐᓰᕕᖕᒥᖕᓄᑦ ᐃᓕᐅᖅᑬᔪᒫᕐᐳᑦ ᓯᕘᕋᖏᓪᓗᑎᒃ. ᕔᓂᒃᓴᖁᑎᖏᓪᓗ ᐱᕈᕐᕕᐅᑦᓯᐊᕈᒫᕐᐳᑦ, ᓄᓇᒥᓗ ᐱᕈᕐᓯᐊᖏᑦ ᓂᕿᒃᓮᑦ ᐱᕈᑦᓯᐊᓗᕐᑎᒃ, ᓯᓚᓗᖃᑦᑕᑦᓯᐊᕐᓗᓂᓗ, ᑕᒪᒃᑯᐊ ᑍᒫᒃ ᐱᓇᓱᐊᕈᒪᕙᒃᑲ ᐃᓄᐃᑦ ᐊᒥᐊᒃᑯᑦ ᑭᖑᕐᖑᑦᔨᖁᓪᓗᒋᑦ ᑕᒪᑐᒥᖓ.

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:4

ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”