ᔨᕆᒤᐊᐅᑉ ᐊᒡᓚᖏᑦ 30:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑖᒃᑯᓇᓐᖓᑦ ᓂᕐᑐᐃᔪᓂᒃ ᐃᓐᖏᕐᑐᖃᕈᒫᕐᐳᖅ; ᖁᕕᐊᓱᒡᕙᓗᒃᑐᓪᓗ ᓂᐱᖃᓕᕈᒫᕆᕗᑦ, ᐅᓄᕐᓯᕙᓪᓕᐊᔪᒫᕐᐳᑦ ᓄᖑᑉᐸᓪᓕᐊᖏᓪᓗᑎᒃ ᐅᐱᒋᔭᐅᑎᑦᓱᒫᕐᐸᒃᑲ ᐊᖏᔪᕈᕐᑎᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 30:19 ပူးပေါင်းရင်းမြစ်များ

ᐄᓱᕋᐅᑉ ᐊᒡᓚᖏᑦ 6:22

ᓇᓪᓕᐅᓐᓂᕐᓯᐅᓚᐅᕐᐳᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᑰᔭᓂᒃ ᓇᓪᓕᐅᓐᓂᕐᓯᐅᕈᑎᒥᒃ ᐅᓪᓗᓂᒃ 7ᓂᒃ ᖁᕕᐊᓱᒡᓗᑎᒃ; ᐊᖓᔪᖅᑳᕐᔪᐊᖅ ᐊᓯᕆᐊᒥᐅᑕᖅ ᐊᑕᓂᐅᑉ ᐱᐅᒃᓴᕐᑎᓚᐅᕐᒪᒍ ᑖᒃᑯᓂᖓ, ᑖᑦᓱᒪ ᐃᑲᔪᕐᑐᓚᐅᕐᒪᒋᑦ ᐱᓇᓱᐊᕐᑎᓪᓗᒋᑦ ᐃᓴᕆᐊᓕᒥᐅᑦ ᒎᑎᖓᑕ ᑐᒃᓯᐊᕐᕕᒡᔪᐊᖓᓂᒃ ᓴᓇᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 8:12

ᐃᓄᐃᓪᓗ ᐃᓘᓐᓇᑎᒃ ᐊᖏᕐᕋᓕᕐᐳᑦ ᓂᕆᔭᕐᑐᕐᓗᑎᒃ ᐃᒥᕆᐊᕐᑐᕐᓗᑎᒡᓗ ᑲᑐᑦᔨᖃᑎᒌᒡᓗᑎᒡᓗ ᐊᖏᔪᒥᒃ ᖁᕕᐊᓱᓕᕐᐳᑦ, ᑐᑭᓯᑦᓯᐊᓚᐅᕋᒥᒃ ᐅᖃᐅᓯᕐᓂᒃ ᐅᖃᓕᒫᕐᑕᐅᓚᐅᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:17

ᐃᓄᓕᒫᑦ ᑎᒍᔭᐅᓯᒪᕕᖕᒥᑦ ᐅᑎᓚᐅᕐᑐᑦ ᓴᓇᓚᐅᕐᐳᑦ ᖁᓕᓯᒪᔪᓂᒃ ᓯᓂᒃᑕᕐᕕᒃᓴᓂᒃ ᐊᖏᕐᕋᕆᓕᕐᓗᒍᓗ. ᑕᒪᓐᓇ ᐊᑐᕐᑕᐅᓕᑍᓐᓇᓚᐅᕐᐳᖅ ᓯᕗᓪᓕᕐᐹᒥᒃ ᑍᑦᓱᒪᓂ ᐊᑐᕐᑕᐅᕙᓚᐅᕐᓯᒪᖕᒪᑦ ᔩᓱᐊᑉ ᓈᓂᐅᑉ ᐃᕐᓂᖓᑕ ᐅᓪᓗᖏᓐᓂ. ᐊᖏᔪᒥᒃ ᖁᕕᐊᓱᒡᓗᑎᒃ ᐊᓕᐊᓁᒍᓱᒃᑐᐊᓘᓚᐅᕐᐳᑦ.

ᐃᓐᖏᕈᑎᑦ 53:6

ᐃᓴᕆᐊᓕᒧᑦᑐᖅ ᐃᑲᔪᕐᑎᒃᓴᒥᒃ ᑎᑭᑦᑐᖃᓚᐅᕐᓕ ᓮᐅᓂᒥᑦ! ᒎᑎᐅᑉ ᐃᓄᖁᑎᓂ ᐅᑎᕐᑎᓕᕐᐸᒋᑦ ᐊᐅᓪᓚᕐᑎᑕᐅᓯᒪᕕᖕᒥᑦ, ᔧᑯ ᖁᕕᐊᓱᒍᒫᕐᐳᖅ ᐃᓴᕆᐊᓕᓗ ᐊᓕᐊᓁᒍᓱᒡᓗᓂ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 26:15

ᐊᑕᓃᖅ, ᐃᓅᖃᑎᒌᒡᔪᐊᖑᓂᕗᑦ ᐱᕈᕐᑎᓯᒪᕙᑦ, ᐃᓅᖃᑎᒌᒡᔪᐊᑦ ᐅᓄᕐᓯᑎᑉᐸᑎᑦ, ᑕᒪᓐᓇ ᐅᐱᒋᔭᐅᑦᔪᑎᒋᕙᑦ; ᓄᓇᖁᑎᕗᓪᓗ ᐃᓚᕙᓪᓕᐊᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 27:6

ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 52:9

ᐊᑕᐅᑦᓯᒃᑯᑦ ᐃᓐᖏᓕᕆᑦᓯ ᖁᕕᐊᓱᖕᓂᕐᒧᑦ, ᓯᖁᒥᓯᒪᔪᓯ ᔨᕉᓴᓕᒻ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᓴᕐᒪᒋᑦ, ᔨᕉᓴᓕᒻᓗ ᓂᐅᕕᐊᕆᓪᓗᒍ ᐅᑎᕐᑎᒻᒪᒍ.

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 60:19

ᓯᕿᓂᖅ ᐅᓪᓘᒐᓗᐊᒃᑯᑦ ᖃᐅᒪᑦᔪᑎᒋᔭᕆᐊᖃᕈᒫᓐᖏᓚᓯ, ᑕᖅᑭᐅᓪᓗ ᖃᐅᒪᓂᖓ ᐅᓐᓄᐊᒥ ᖃᐅᒪᑦᔪᑎᒋᔭᕆᐊᖃᕈᒫᓐᖏᓐᓂᕙᓯ; ᐊᑕᓂᐅᑉ ᖃᐅᒪᓂᖓᓄᑦ ᖃᐅᒪᑎᑕᐅᓕᕈᒫᕋᑦᓯ ᑍᒫᓐᖓᓕᒫᖅ, ᒎᑎᓯᓗ ᐱᓐᓇᕐᓇᕐᓂᕆᔪᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 60:22

ᐅᓄᖏᓐᓂᕐᐹᑦ ᐃᓅᖃᑎᒌᒡᔪᐊᓐᖑᕈᒫᕐᐳᑦ, ᐃᓄᑭᓐᓂᕐᐹᓪᓗ ᐅᓄᕐᓂᕐᐹᓐᖑᕈᒫᕐᐳᑦ ᐱᔪᓐᓇᕐᑐᕐᔪᐊᓐᖑᕐᓗᑎᒃ, ᐅᕙᖓ ᐊᑕᓂᐅᒐᒪ; ᑕᒪᑐᒪ ᓇᓪᓕᐅᑎᓂᒃᓴᖓ ᐊᑯᓂᐅᑎᓐᓂᐊᕈᓐᓃᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᔨᕆᒤᐊᐅᑉ ᐊᒡᓚᖏᑦ 17:26

ᐃᓄᐃᓪᓗ ᑎᑭᑉᐸᒍᒫᕐᐳᑦ, ᔫᑕᐅᑉ ᓄᓇᓕᖁᑎᖏᓐᓂᑦ, ᓄᓇᓕᖕᓂᓪᓗ ᔨᕉᓴᓕᐅᑉ ᓴᓂᐊᓃᑦᑐᓂᑦ, ᐱᓐᔭᒥᓂᐅᓪᓗ ᓄᓇᖏᓐᓂᑦ, ᖃᖅᑲᒥᐅᓪᓗ ᑭᒡᓕᖓᓂᒥᐅᓂᑦ ᓂᒋᑉᒥᓗ ᓄᓇᖃᕐᑐᓂᑦ ᑐᓂᕐᕈᓯᕆᐊᕐᑐᕐᓗᑎᒃ ᐆᑕᒃᓴᓂᒃ, ᓂᐊᖂᔭᒃᓴᓂᒃ, ᐳᔫᕐᑎᑕᒃᓴᓂᒡᓗ ᖁᔭᓕᑦᔪᑎᒃᓴᓂᒡᓗ ᐊᑕᓂᐅᑉ ᐃᒡᓗᖓᓂ.

ᔨᕆᒤᐊᐅᑉ ᐊᒡᓚᖏᑦ 3:16

ᐅᓪᓗᓂ ᑍᒃᑯᓇᓂ ᐅᓄᕐᓯᕙᓪᓕᐊᓕᕈᑦᓯ ᓄᓇᒋᔭᑦᓯᓐᓂ, ᐊᑕᓂᖅ ᐅᖃᕐᐳᖅ, ᐅᖃᕐᑐᖃᕈᓐᓁᓕᔪᒫᕐᐳᖅ, ‘ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ.’ ᐃᓱᒪᒋᔪᒫᓐᖏᓛᑦ, ᐃᖅᑲᐅᒪᓇᒍᓗ, ᑭᖑᓂᖃᓈᕐᓇᒍᓗ, ᐊᑦᔨᐊᓂᒡᓗ ᓴᓇᔪᖃᕐᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 31:27

“ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ ᐃᓴᕆᐊᓕᐅᑉ ᔫᑕᐅᓪᓗ ᓄᓇᖓ ᑲᓐᖓᕐᓱᐃᕕᒋᔪᒫᕋᒃᑯ ᐃᓄᖕᓂᒃ ᐆᒪᔪᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 31:4

ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 33:22

ᕿᓚᖕᒥᐅᒐᓴᒡᔪᐃᑦ ᓈᓴᒐᒃᓴᐅᖏᒻᒪᑕ ᓯᐅᕅᓪᓗ ᓯᒡᔭᒦᑦᑐᑦ ᓈᓴᕐᑕᐅᔪᓐᓇᕋᑎᒃ, ᑍᒫᒃᑕᐅᖅ ᑍᕕᑎᐅᑉ ᐱᔨᒪ, ᓕᕔᑎᓪᓗ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᐅᕙᓐᓄᑦ ᐅᓄᕐᓯᑎᑦᓱᒫᕐᐸᒃᑲ.”

ᐃᓯᑭᐊᓕᐅᑉ ᐊᒡᓚᖏᑦ 36:37

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᐃᑲᔪᕐᑕᐅᔪᒪᓗᑎᒃ ᐅᕙᓐᓄᑦ ᐅᖃᕈᓐᓇᕐᑎᑦᓱᒫᕆᕙᒃᑲ: ᐅᓄᕐᓯᕙᓪᓕᐊᑎᓪᓗᒋᓪᓗ ᓰᐲᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 37:10

ᐱᖁᔭᐅᓂᕋᓗ ᒪᓕᒡᓗᒍ ᐅᖃᕐᑕᐅᖁᔭᖓᓂᒃ ᐅᖃᕐᕕᒋᓚᐅᕐᐸᒃᑲ, ᐊᓂᕐᓂᐅᓪᓗ ᑎᑭᕝᕕᒋᕔᑦ, ᑖᒃᑯᐊᓗ ᐆᒻᒪᕐᐳᑦ, ᓂᑯᕕᑉᐳᓪᓗ, ᐅᓄᕐᑐᕐᔪᐊᖑᓪᓗᑎᒃ ᐅᓇᑕᕐᑐᒃᓴᓐᖑᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 37:26

ᐊᖏᖃᑎᒌᒍᑎᓕᐅᕈᒫᕐᐳᖓᓗ ᑖᒃᑯᓄᖓ ᐃᓂᓪᓚᖓᑦᓯᐊᕐᓇᕐᑐᒥᒃ; ᑕᒪᓐᓇᓗ ᐊᖏᖃᑎᒌᒍᑎᓕᐅᕐᓂᕋ ᑖᒃᑯᓄᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ; ᓮᒻᒪᕐᑎᑦᓱᒫᕐᐸᒃᑲ ᐅᓄᕐᓯᕙᓪᓕᐊᑎᓪᓗᒋᓪᓗ, ᐃᑦᔪᕐᓁᑦᑐᕕᖁᑎᖓᓗ ᐊᑯᕐᖓᓐᓂ ᐃᓂᖃᕐᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᓴᑲᕅᐊᐅᑉ ᐊᒡᓚᖏᑦ 10:8

ᐅᕕᓐᖏᐊᕐᕕᒋᔪᒫᕐᐸᒃᑲ, ᑲᑎᑎᓪᓗᒋᓪᓗ ᐱᐅᓕᔪᒫᕋᒃᑭᑦ: ᐅᓄᕐᓯᕙᓪᓕᐊᔪᒫᕐᐳᑦ ᑍᒫᒃ ᐅᓄᕐᑎᒋᕙᓚᐅᕐᓂᖏᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

ᔪᐊᓇᓯᐅᑉ ᐊᒡᓚᖏᑦ 17:22

ᓂᕐᑐᕐᓇᕐᓂᖅ ᐅᕙᓐᓄᑦ ᑐᓂᓚᐅᕐᑍᑦ ᑐᓂᓚᐅᕐᐸᕋ ᑖᒃᑯᓄᖓ, ᑖᒃᑯᐊ ᐊᑕᐅᓯᐅᖁᓪᓗᒋᑦ ᐅᕙᑦᑎᑐᑦ,

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.