ᔨᕆᒤᐊᐅᑉ ᐊᒡᓚᖏᑦ 30:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 30:14 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 16:9

ᒎᑎᐅᑉ ᓂᓐᖓᐅᑎᓪᓗᓂᖓ, ᐆᒥᒋᓕᕐᐹᖓ; ᑕᑯᓴᕐᓗᓂᖓ ᐃᔨᒃᑭᐅᒥᕚᖓ, ᑮᒻᒥᕗᕐᓗ ᐆᒥᓱᖕᓂᕐᒧᑦ.

ᔫᐱᐅᑉ ᐊᒡᓚᖏᑦ 19:11

ᓂᓐᖓᐅᒪᓂᓂ ᐅᕙᓐᓄᑦ ᑐᕌᕐᑎᓯᒪᕚ, ᐊᑭᕋᕐᑐᑎᒥᑐᓪᓗ ᑍᒤᑎᓕᕐᓗᖓ.

ᔫᐱᐅᑉ ᐊᒡᓚᖏᑦ 30:21

ᐅᕙᓐᓂᒃ ᓂᑲᒍᓱᓐᖏᓗᐊᕐᓯᒪᒐᕕᑦ; ᐱᔪᓐᓇᕐᓂᕐᔪᐊᑦ ᐊᑐᕐᓗᒍ ᐅᕙᓐᓄᑦ ᓵᓐᖓᓕᕋᕕᑦ.

ᐃᓐᖏᕈᑎᑦ 107:17

ᓯᓔᑦᑐᑦ ᐅᖁᒤᑦᑐᒦᑎᑉᐳᑦ ᐊᔪᕐᑐᓕᓂᕐᒥᖕᓄᑦ, ᐱᐅᖏᑦᑐᓕᓂᕐᒥᒡᓗ ᐃᓅᓂᕐᒥᖕᓄᑦ ᐋᓐᓂᐊᓇᕐᑐᒦᑎᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 57:13

ᐃᑲᔪᕐᑎᒃᓴᕐᓯᐅᕐᓗᓯ ᓂᓪᓕᐊᒍᑦᓯ ᒎᑎᓐᖑᐊᑦᓯᓐᓄᑦ ᐱᐅᓕᔭᐅᓂᐊᓕᕐᐳᓯ, ᐊᓄᕆᒧᑦ ᑎᒃᑕᐅᕋᕈᒫᕐᐳᑦ, ᐊᓂᕐᓵᕐᓂᑐᐃᓐᓇᕐᒧᑦ ᑎᒃᑕᐅᔭᕇᕈᒫᕐᐳᑦ, ᐅᕙᓐᓂᒡᓕ ᑕᑎᖃᕐᑑᑉ ᓄᓇ ᐱᒋᔪᒫᕐᐹ, ᖃᖅᑲᖁᑎᒐᓗ ᐃᑦᔪᕐᓁᑦᑐᖅ ᓇᖕᒥᓂᕆᓕᕐᓗᓂᐅᒃ.”

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 2:36

ᓱᖕᒪᑦ ᐱᐅᓯᑦᓯᓐᓂᒃ ᐊᓯᑦᔩᓴᕅᑉᐱᓰ? ᐄᑦᔨᑉᑎᒥᐅᓄᑦ ᑲᓐᖑᓱᒃᑎᑕᐅᔪᒫᕐᐳᓯ ᓲᕐᓗᑦᑕᐅᖅ ᐊᓯᕆᐊᒥᐅᓄᑦ ᑍᒤᑎᑕᐅᓚᐅᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 22:20

“ᒪᔪᕋᕆᑦ ᓕᐸᓇᓂᒧᑦ, ᕾᒐᓛᕆᑦ ᐹᓴᓂᒥ, ᕾᒐᓛᕆᓪᓗ ᐊᐸᕅᒥ, ᐃᑲᔪᕐᑎᒋᓂᐊᕋᓱᒋᓚᐅᕐᑕᑎᑦ ᓄᖑᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 22:22

ᐰᕐᓯᔨᖁᑎᓯ ᐊᓄᕆᒧᑦ ᑎᒃᑕᐅᕋᕐᓂᐊᕐᐳᑦ, ᑕᐱᕆᕙᒃᑕᓯᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᖁᕕᐊᓇᖏᑦᑐᒥᒃ ᑲᓐᖑᓇᕐᑐᒥᒡᓗ ᑕᕝᕙ ᐊᑐᕐᓂᐊᕐᐳᑎᑦ, ᐱᐅᖏᑦᑐᓕᓂᓯ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 30:15

ᓱᖕᒪᑦ ᐃᑭᓕᕐᑕᐅᓯᒪᓂᑦᓯᓐᓂᒃ ᕿᓄᑦᔪᑎᖃᕋᓱᐊᕐᐱᓰ? ᐋᓐᓂᐊᓯ ᐋᖅᑭᒍᑎᒃᓴᖃᓐᖏᓚᖅ. ᑍᒤᓕᐅᕆᕗᖓ ᐃᓕᑦᓯᓐᓂᒃ ᐅᓄᕐᑐᓂᒃ ᐸᓯᔭᒃᓴᐅᑦᔪᑎᖃᕐᓂᓯ ᐊᔪᕐᑐᓕᓯᒪᓂᓯᓗ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 32:34

ᒎᑎᓐᖑᐊᒥᖕᓂᒃ ᓇᕐᕈᓇᕐᑐᕐᔪᐊᓂᒃ ᐃᒡᓗᖁᑎᓐᓄᐊᕐᓯᓯᒪᖕᒪᑕ ᐅᕙᓐᓂᒃ ᐊᑎᓕᖕᒧᑦ, ᓱᕈᕐᑎᑕᐅᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᔨᕆᒤᐊᐅᑉ ᐊᒡᓚᖏᑦ 38:22

ᐊᕐᓇᓕᒫᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᑦ ᐊᓂᑎᑕᐅᔪᒫᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖁᑎᖏᓐᓄᑦ, ᑖᒃᑯᐊᓗ ᐊᕐᓁᑦ ᐃᓕᖕᓂᒃ ᐅᖃᐅᓯᖃᕈᒫᕐᐳᑦ ᐃᒫᒃ: ‘ᐊᖓᔪᖅᑳᕐᔪᐊᖅ ᐃᓚᓐᓇᕆᔭᒥᓄᑦ ᑕᒻᒪᕐᑎᑕᐅᓪᓗᓂ ᓵᓚᒋᔭᐅᑎᑕᐅᕗᖅ, ᐃᑎᒐᖏᑦ ᒪᕐᕋᕐᒧᑦ ᒪᖑᖕᒪᑕ, ᐃᓚᓐᓇᕆᔭᒥᓄᑦ ᕿᒪᒃᑕᐅᕗᖅ.’

ᔨᕆᒤᐊᐅᑉ ᐊᒡᓚᖏᑦ 4:30

ᓱᓇᒥᒃ ᐱᓇᓱᐊᓕᕐᐲᑦ? ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ! ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ? ᐱᐅᓴᐅᑎᓂᒡᓗ ᐊᑎᓯᓪᓗᓰ? ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ, ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ ᑐᖁᑦᓱᒪᓕᕐᐹᓯᓕ ᐊᒡᓛᑦ.

ᔨᕆᒤᐊᐅᑉ ᐊᒡᓚᖏᑦ 44:22

ᐊᑕᓂᖅ ᕿᓄᐃᓵᕈᓐᓁᓪᓕᒐᒥ ᐱᐅᖏᑦᑐᓂᒃ ᐃᓕᖅᑯᓯᖃᕐᓂᑦᓯᓐᓄᑦ, ᓈᒻᒪᒋᓐᖏᑕᖏᓐᓂᒡᓗ ᐱᓇᓱᐊᖃᑦᑕᕐᓂᑦᓯᓐᓄᑦ ᓄᓇᒋᔭᓯ ᐅᖃᐅᓯᕐᓘᑎᒃᓴᓐᖑᓚᐅᕐᐳᖅ, ᓱᓁᕈᑎᓪᓗᓂᓗ ᐃᓄᖃᕈᓐᓃᕐᓗᓂᓗ ᒫᓐᓇ ᑍᒤᑦᑑᓕᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 5:5

ᐊᖓᔪᖅᑳᓄᑦ ᐂᓂᐊᕐᐳᖓ, ᐅᖃᓪᓚᒡᕕᒋᓗᒋᓪᓗ ᓇᓗᓇᓐᖏᓚᖅ ᖃᐅᔨᒪᒐᔭᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᐱᓂᐊᕐᑕᐅᖁᔭᖏᓐᓂᒡᓗ, ᑭᓯᐊᓂᑦᑕᐅᖅ ᓇᖕᒪᐅᑎᒥᖕᓂᒃ ᓱᕅᓯᒪᕗᑦ, ᕿᓚᕈᑎᖏᓪᓗ ᕿᒃᑐᕋᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 5:6

ᑕᒪᓐᓇ ᐱᓪᓗᒍ ᓛᔭᒧᑦ ᓇᐹᕐᑐᐃᑦ ᐊᑯᓐᓂᖓᓂ ᑐᖁᑕᐅᓂᐊᕐᐳᑦ. ᐊᒪᕈᕐᓄᓪᓗ ᓱᓇᖃᔪᐃᑦᑐᒥᑦ ᐱᔪᓄᑦ ᐹᔭᐅᓂᐊᕐᐳᑦ. ᐃᕐᓯᓇᕐᑐᒧᓪᓗ ᓕᐅᐸᕐᑦᒧᑦ ᐅᑕᖅᑭᔭᐅᓂᐊᕐᐳᑦ ᓄᓇᓕᖏᑕ ᖃᓂᒋᔭᖏᓐᓂ, ᓄᓇᓖᓪᓗ ᓯᓚᑖᓄᐊᕐᑐᑦ ᐅᒋᐊᕐᑕᓂᐊᕐᐳᑦ, ᑕᒻᒪᕐᓯᒪᓂᖓᑦ ᐊᖏᓗᐊᓕᕐᒪᑦ, ᑲᑕᒍᑎᒋᓯᒪᔭᖏᓪᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 50:42

ᐅᓇᑕᕆᐊᕐᑐᑦ ᓱᒋᐅᑦᓯᔭᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ ᓂᑲᒍᓱᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᕿᒻᒥᕐᔪᐊᖏᑕ ᕿᑭᕐᕋᖏᑦ ᐃᒪᕐᕕᐅᑉ ᒪᓕᖏᑎᑐᑦ ᐃᒃᑑᓕᔮᕐᐳᑦ, ᐅᓇᑕᕆᐊᕐᓯᒪᔪᑦ ᐋᖅᑭᒃᓯᒪᓂᕆᕙᒃᑕᖏᑎᑐᑦ ᐋᖅᑭᒃᓯᒪᓪᓗᑎᒃ ᐅᐸᒍᑎᓕᕐᐳᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 6:23

ᐅᓇᑕᐅᑎᖃᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ, ᐊᑦᑕᕆᔭᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᓂᐱᖏᑦ ᓂᐱᖃᕐᐳᑦ ᐃᒪᕕᐅᑉ ᐃᒃᑑᓕᔮᕐᓂᖓᑐᑦ, ᐃᖏᕐᕋᓕᕌᖓᒥᒃ ᕿᒻᒥᕐᔪᐊᓄᑦ, ᓮᐅᓂᒥᐅᑕᐅᔪᓯ ᐅᐸᒃᑕᐅᓕᕐᐳᓯ ᐅᓇᑕᐅᓯᔭᕐᑐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 23:22

“ᑍᒤᒻᒪᑦ ᐅᕼᐅᓕᐹ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᖓᒋᔨᑎᑦ ᒪᑭᑎᓐᓂᐊᕐᐸᒃᑲ ᐃᓕᖕᓂᒃ ᐊᑭᕋᕐᑐᓕᖁᓪᓗᒋᑦ ᓇᕐᕈᒋᓕᕐᓯᒪᔭᑎᑦ, ᐊᑭᓂᐊᕐᕕᐅᑎᑦᓱᒫᕐᐸᒋᑦ ᑖᒃᑯᓄᖓ ᐃᓗᒪᔭᐅᓕᕐᓗᑎᑦ ᐊᕙᑎᓕᒫᕐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 23:9

ᑍᒤᒻᒪᑦ ᐅᖓᒋᓕᕐᑕᖏᓐᓄᑦ ᑐᓂᑦᔪᑎᒋᓚᐅᕐᐸᕋ, ᐊᓯᕆᐊᒥᐅᑦ ᐱᔪᓐᓇᕐᓂᖏᓐᓄᑦ, ᐃᒃᓯᒎᕐᓂᕐᒥᓄᑦ ᑍᒤᑦᑐᒪᖕᒪᑦ.

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:13

ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᕼᐆᓯᐊᑉ ᐊᒡᓚᖏᑦ 2:5

ᐊᓈᓇᖓ ᐊᑭᓕᕐᑐᕐᑕᐅᓪᓗᓂ ᐊᖑᓐᓂᐊᕐᑎᐅᓚᐅᕐᒪᑦ; ᑖᒃᑯᐊᓗ ᕿᑐᕐᖓᕐᑖᕆᓚᐅᕐᒪᒋᑦ ᑲᓐᖑᓇᕐᑐᒃᑯᑦ. ᓇᖕᒥᓂᖅ ᐅᖃᓚᐅᕐᒪᑦ, ‘ᐱᖃᑎᒋᖃᑦᑕᕐᑕᓐᓄᐊᕈᒪᓕᕐᐳᖓ, ᑖᒃᑯᓄᖓ ᓂᕿᖃᕐᑎᑕᐅᕙᒃᑲᒪ ᐃᒪᖃᕐᑎᑕᐅᓪᓗᖓᓗ, ᐊᓐᓄᕌᖃᕐᑎᑕᐅᒐᒪ, ᐅᕐᓱᒃᓴᖃᕐᑎᑕᐅᓪᓗᖓᓗ ᕔᓂᖃᕐᑎᑕᐅᒐᒪ.’

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.

ᐅᐸᑍᐊᑉ ᐊᒡᓚᖏᑦ 1:7

ᐊᖏᖃᑎᒋᓚᐅᕐᑕᓕᒫᕕᑦ ᓯᓔᕐᕆᕚᑎᑦ ᓄᓇᐅᑉ ᑭᒡᓕᖓᓄᑦ ᐊᐅᓪᓚᕐᑎᓪᓗᑎᑦ; ᐃᓕᖕᓄᑦ ᐱᑦᓯᐊᓚᐅᕐᑐᑦ ᓵᓚᒋᕚᑎᑦ; ᓂᕆᖃᑎᒋᔭᑎᑦ ᒥᑭᒋᑦᔨᕐᐳᑦ ᐃᓕᖕᓄᑦ; ᓇᓪᓕᐊᓐᓂᒡᓘᓐᓃᑦ ᒪᓗᒍᓱᒃᑐᖃᓐᖏᓚᖅ.”