ᔨᕆᒤᐊᐅᑉ ᐊᒡᓚᖏᑦ 3:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 3:25 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 22:21

ᐃᓂᕐᑎᕋᓱᓚᐅᕋᓗᐊᕐᐸᒋᑦ ᐊᔪᕐᓴᕐᓇᖏᑦᑐᒦᑎᓪᓗᑎᑦ, ᓈᓚᑦᔮᖏᓐᓂᕋᓚᐅᕐᐳᑎᓪᓕ ᑕᒪᓐᓇᓗ ᐃᓕᖅᑯᓯᕇᓐᓇᕋᕕᐅᒃ ᐃᓅᓱᒃᑑᓂᕐᓂᑦ ᐅᕙᓐᓂᒃ ᓈᓚᒍᓐᓇᓚᐅᖏᓐᓇᕕᑦ.

ᔨᕆᒤᐊᐅᑉ ᐊᒡᓚᖏᑦ 2:26

ᐊᑕᓂᖅ ᐅᖃᕐᐳᖅ, “ᑎᒡᓕᒐᕐᑎ ᑲᓐᖑᓇᕐᑐᒥᒃ ᐊᑐᓕᕐᐸᖕᒪᑦ ᖃᐅᔨᔭᐅᔭᕌᖓᒥ, ᑍᒫᒃᑕᐅᖅ ᐃᓴᕆᐊᓕᒥᐅᑦ ᐃᓄᖏᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᑦ, ᑐᓂᕐᕈᓯᕐᑎᑦᓯᔩᑦ, ᒎᑎᒧᓪᓗ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ.

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 36:32

ᐃᓕᑦᓯᓕ ᐱᑦᔪᑎᒋᓗᓯ ᑍᒤᓕᐅᕐᓂᐊᓐᖏᓚᖓ, ᐊᑕᓂᖅ ᒎᑎ ᐅᖃᕐᐳᖅ; ᑕᒪᓐᓇ ᖃᐅᔨᑦᓯᐊᕐᓯᐅᒃ. ᑲᓐᖑᓲᑎᒋᓗᒋᑦ ᐅᒡᒍᐊᕈᑎᒋᓗᒋᓪᓗ ᐱᓂᐊᕐᓂᕆᓯᒪᔭᓯ ᐱᖁᓪᓗᓯ, ᐃᓴᕆᐊᓕᓄᑦ ᑭᖑᕚᖑᔪᓯ.

ᐃᓯᑭᐊᓕᐅᑉ ᐊᒡᓚᖏᑦ 7:18

ᐳᑐᕐᓛᓂᒃ ᐊᓐᓄᕌᕈᒫᕐᐳᑦ, ᑲᑉᐱᐊᓱᖕᓂᕐᒧᑦ ᑕᑕᒥᓯᒪᓗᑎᒃ; ᑲᓐᖑᓱᖕᓂᖅ ᑮᓇᖏᓐᓂ ᑕᑯᒃᓴᐅᔪᒫᕐᐳᖅ, ᓂᐊᖁᑎᒡᓗ ᓴᓕᓗᒋᑦ ᓄᔧᕈᑎᔪᒫᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:16

ᓂᐊᖂᑏᑦ ᓂᐊᖁᑦᑎᓐᓂᑦ ᑲᑕᒃᓯᒪᕗᑦ, ᑲᑉᐱᐊᓐᓇᒦᒃ ᐊᔪᕐᑐᓕᓚᐅᕋᑦᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:7

ᓯᕗᓕᕗᑦ ᐊᔪᕐᑐᓕᓚᐅᕐᒪᑕ, ᐱᑕᖃᕈᓐᓃᕐᐳᑦ, ᐊᔪᕐᑐᓕᓂᖏᓪᓕ ᐊᒃᓱᕈᕐᓇᕐᑐᒦᑦᔪᑎᒋᕙᕗᑦ.

ᔨᕆᒤᐊᐅᑉ ᐊᒡᓚᖏᑦ 6:26

“ᐃᓄᖁᑎᒃᑲ, ᐆᒪᔪᑦ ᒥᖅᑯᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᕐᑐᓕᕆᑦᓯ, ᐊᕐᔭᓕᓂᒃᑯᓪᓗ ᐊᒃᓴᑳᓗᓯ, ᕿᐊᒋᑦᓯ ᕿᒃᓵᒃᑐᐊᓗᒃᑎᑐᑦ ᐃᕐᓂᑐᐊᒥᓂᒃ ᑐᖁᔨᐊᖃᕋᑖᕐᑐᑎᑐᑦ, ᐅᒡᒍᐊᕐᓗᓯᓗ ᐊᓯᕈᐃᔭᐅᕐᑐᕐᑐᑦ ᑎᑭᓐᓂᐊᕐᒪᑕ ᓂᕆᐅᒡᕕᒋᓐᖏᑕᑦᓯᒍᑦ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 2:17

ᑕᒪᓐᓇ ᓇᖕᒥᓂᖅ ᐃᓕᑦᓯᓐᓂᑦ ᓴᖅᑭᑎᑉᐸᓯ ᐊᑕᓂᖅ ᒎᑎᓯ ᕿᒪᓚᐅᕋᑦᓯᐅᒃ, ᑕᓯᐅᕐᓯᓚᐅᕐᑐᖅ ᐊᖅᑯᑎᑦᓯᓐᓂ ᐊᑐᕐᑕᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 2:2

ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 50:11

ᑕᑯᒋᑦ, ᐃᑯᒪᒥᒃ ᐃᑯᐊᓪᓔᔪᓕᒫᑦ, ᖃᕐᔪᓂᒡᓗ ᐃᑯᒪᑎᑦᓯᓪᓗᑎᒃ ᐊᕙᑖᒍᑦ ᐱᓱᒃᑐᑦ: ᐱᓱᒃᐳᓯ ᐃᑯᒪᑎᑕᑦᓯ ᖃᐅᒪᑎᑕᖓᒍᑦ, ᖃᕐᔪᓄᓪᓗ ᐃᑯᒪᑎᑕᑦᓯᓐᓄᑦ! ᑍᒤᑦᑐᒥᒃ ᐱᑎᑕᐅᔪᒫᕐᐳᓯ ᐊᒡᒐᓐᓂᑦ: ᓇᓚᔪᒫᕐᐳᓯᓗ ᐋᓐᓂᐊᑎᑕᐅᓇᕐᑐᒥ.

ᐂᓮᐊᓯᐅᑉ ᐊᒡᓚᖏᑦ 48:8

ᑐᓴᓚᐅᕐᓯᒪᖏᓐᓇᑦᓯᐅᑦ ᖃᐅᔨᓚᐅᕐᓯᒪᓇᒋᓪᓗ; ᑍᒪᓐᖔᓗᖕᓂᑦ ᐃᓕᑦᓯᓐᓄᑦ ᑐᓴᕐᑕᐅᑎᓚᐅᕐᓯᒪᓐᖏᓚᒃᑲ. ᖃᐅᔨᒪᒐᒪ ᐅᒃᐱᕆᔭᒃᓴᐅᖏᓐᓂᑦᓯᓐᓂᒃ, ᐃᓅᓕᕐᓂᑦᓯᓐᓂᑦ ᐊᑭᕋᕐᑐᕐᑎᑐᐃᓐᓇᐅᓂᕋᕐᑕᐅᒐᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:13

ᐃᓕᓮᔨᒪ ᓂᐱᖏᓐᓂᒃ ᓈᓚᖃᑦᑕᓚᐅᖏᓐᓇᒪ ᐊᔪᕆᕐᑐᕐᑎᒋᔭᒃᑲᓗ ᓈᓚᒃᐸᓚᐅᖏᓐᓇᒃᑭᑦ.

ᐃᓐᖏᕈᑎᑦ 109:29

ᐊᑭᕋᕐᑐᕐᑎᒃᑲ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᑕᐅᓚᐅᕐᓕᑦ, ᓇᓗᓕᕐᓂᕐᒧᑦ ᐅᓕᒃᑕᐅᓚᐅᕐᓕᑦ, ᑕᒪᑐᒥᖓ ᕿᐱᒃᓯᒪᔪᑎᑐᑦ.

ᐃᓐᖏᕈᑎᑦ 106:7

ᓯᕗᓕᕆᓚᐅᕐᑕᕗᑦ ᑐᑭᓯᓚᐅᓐᖏᓚᑦ ᐄᑦᔨᑉᑎᒥ ᑲᒪᓇᕐᑐᓕᓂᕆᓚᐅᕐᑕᕐᓂᒃ; ᐃᖅᑲᐅᒪᓚᐅᓐᖏᓚᑦ ᓇᒡᓕᒍᓱᖕᓂᕐᓄᑦ ᐱᓂᐊᕐᓂᕆᖃᑦᑕᓚᐅᕐᑕᕐᓂᒃ; ᐊᑭᕋᕐᑐᓚᐅᕐᐳᓪᓕ ᖁᑦᓯᖕᓂᕐᐹᖑᔪᒥᒃ ᐃᒪᕐᒥ ᐊᐅᐸᓗᒃᑕᒥ.

ᐃᓗᐊᕐᓮᔩᑦ ᐊᒡᓚᖏᑦ 2:2

ᐊᖏᖃᑎᒌᒍᑎᓕᐅᕐᑐᒃᓴᐅᓐᖏᓚᓯᓗ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᑐᓂᕐᕈᓯᕐᕕᖏᓪᓗ ᓯᖁᒥᑕᒃᓴᕆᕙᓯ.’ ᐅᖃᐅᓯᕆᓚᐅᕐᑕᓐᓂᒡᓕ ᐊᑐᖏᓐᓇᑦᓯ. ᓱᖕᒪᑦ ᑍᒤᓕᐅᕐᐱᓰ?

ᐃᓐᖏᕈᑎᑦ 106:6

ᐊᔪᕐᑐᓕᓚᐅᕐᐳᒍᑦ ᓯᕗᓕᕆᓚᐅᕐᑕᕗᑦ ᐃᓚᒋᓪᓗᒋᑦ; ᓈᒻᒪᖏᑦᑐᓕᒻᒪᕆᒃᓯᒪᕗᒍᑦ, ᐱᐅᖏᑦᑐᓕᓯᒪᓪᓗᑕᓗ.

ᔨᕆᒤᐊᐅᑉ ᐊᒡᓚᖏᑦ 3:13

ᐸᓯᔭᒃᓴᐅᓃᑦ ᓇᓗᓁᓕᕈᒃ, ᐊᑕᓂᖅ ᒎᑏᑦ ᐊᑭᕋᕐᑐᓚᐅᕋᕕᐅᒃ ᐱᓂᐊᕐᓂᕆᔭᑎᓪᓗ ᔫᑎᐅᖏᑦᑐᑦ ᒎᑎᓐᖑᐊᖏᓐᓄᑦ ᐱᓂᐊᓚᐅᕋᕕᒋᑦ. ᓇᐹᕐᑐᐃᑦ ᓇᒧᑐᐃᓐᓇᖅ ᓯᐊᒻᒪᖓᔪᑦ ᐊᑖᓐᓂ ᐅᕙᓐᓂᒃ ᓈᓚᓚᐅᖏᓐᓇᕕᑦ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:14

“ᖃᓄᐃᒻᒪᑦ ᑲᑎᒪᓪᓗᑕ ᐃᒃᓯᕚᑐᐃᓐᓇᕐᐱᑖ? ᕿᒫᓚᐅᕐᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ ᑐᖁᔭᕐᑐᕐᓗᑕ. ᐊᑕᓂᐅᑉ ᒎᑎᑦᑕ ᑐᖁᔪᒃᓴᐅᖁᓕᕐᒪᑎᒍᑦ, ᑐᖁᓐᓇᕐᑐᒥᒡᓗ ᐃᒥᖁᑎᖃᓕᕐᑎᒻᒪᑎᒍᑦ, ᐊᔪᕐᑐᓕᕕᒋᓚᐅᕋᑦᑎᒍ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᔨᕆᒤᐊᐅᑉ ᐊᒡᓚᖏᑦ 14:20

ᐊᑕᓃᖅ ᓇᓗᓁᕐᓯᓕᕐᐳᒍᑦ ᐱᐅᖏᑦᑐᓕᓯᒪᓂᑦᑎᓐᓂᒃ; ᓯᕗᓕᑦᑕᓗ ᐸᓯᔭᒃᓴᐅᓂᖏᓐᓂᒃ, ᐄᓛᒃ ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 20:18

ᓱᖕᒪᒃᑭᐊᖅ ᐃᕐᓂᐊᖑᓐᓂᕆᕗᖓ, ᖁᕕᐊᓇᖏᑦᑐᓂᒃ ᑕᑯᔭᒃᓴᑐᐊᖃᖁᓪᓗᖔ? ᐃᓅᓯᕐᒪᓗ ᐃᓱᐊᓂ ᐱᔪᒥᓇᖏᑦᑐᐃᓐᓈᓗᖕᓂᒃ ᑲᓐᖑᓇᕐᑐᒥᒡᓗ ᐃᓱᓕᓐᓂᖃᕈᒫᕐᑎᓪᓗᖔ?

ᔨᕆᒤᐊᐅᑉ ᐊᒡᓚᖏᑦ 31:19

ᑕᒻᒪᓚᐅᕋᒪ ᖃᕿᐊᓕᕐᐳᖓ; ᑐᑭᓯᓕᕋᒪᓗ ᖁᒃᑐᕋᕋ ᑎᒡᓗᓚᐅᕐᐸᕋ; ᑲᓐᖑᓱᓕᓚᐅᕐᐳᖓ ᑕᑯᖅᑯᑎᔪᓐᓃᕐᓗᖓᓗ, ᒪᒃᑯᖕᓂᕐᒪ ᑕᒻᒪᕐᑎᓚᐅᕐᒪᖓ.

ᐃᓯᑭᐊᓕᐅᑉ ᐊᒡᓚᖏᑦ 2:3

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑎᓕᕙᒋᑦ ᐃᓴᕆᐊᓕᒥᐅᓄᑦ, ᐃᓅᖃᑎᒌᒡᔪᐊᓄᑦ ᐊᑭᕋᕐᑐᕐᑎᓄᑦ, ᐅᕙᓐᓂᒃ ᐊᑭᕋᕐᑐᕐᑎᑐᖃᐅᒐᒥᒃ; ᑖᒃᑯᐊᓗ ᓯᕗᓕᕕᓂᖏᓪᓗ ᐅᕙᓐᓄᑦ ᐱᐅᖏᑦᑐᓕᓯᒪᕗᑦ ᐅᓪᓗᒥᒧᑦ ᐊᒡᓛᑦ ᑎᑭᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:18

ᐋᖅᑭᒋᐊᕐᑕᐅᑦᔪᑎᒥᓂᒃ ᑲᒪᖏᑦᑐᖅ ᐊᔪᕐᓴᕐᓇᕐᑐᒧᑦ ᐅᐱᒋᔭᐅᓐᓇᖏᑦᑐᒧᓪᓗ ᑎᑭᑎᓐᓂᐊᕐᐳᖅ, ᐃᓂᕐᑎᕐᑕᐅᑦᔪᑎᒥᓂᒡᓕ ᓈᓚᑦᓯᐊᕐᑐᖅ ᐅᐱᒋᔭᐅᓂᖃᕐᓂᐊᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 7:19

ᐅᕙᓐᓂᒃ ᓂᓐᖓᒃᓮᒐᓗᐊᕐᐹᑦ? ᐊᑕᓂᖅ ᐅᖃᕐᐳᖅ, ᑍᒤᓕᐅᕐᓂᕐᒥᖕᓄᑦ ᐃᒻᒥᖕᓂᖔᖅ ᐊᓯᕈᕈᑎᒃᓴᓕᐅᓕᓐᖏᓛᑦ ᑲᓐᖑᓇᕐᑐᒦᑎᓪᓗᑎᒡᓗ?

ᔨᕆᒤᐊᐅᑉ ᐊᒡᓚᖏᑦ 9:18

ᐃᓄᐃᑦ ᐅᖃᕐᐳᑦ, “ᑐᐊᕕᕐᓗᑎᒃ ᕿᐊᖓᔭᒋᐊᕐᑐᖁᓯᒋᑦ, ᐃᔨᕗᑦ ᖁᕝᕕᐅᓂᕐᒧᑦ ᑯᕕᑐᐃᓐᓇᓕᖁᓪᓗᒋᑦ, ᕿᒥᕆᐊᕗᓪᓗ ᖃᐅᓰᓐᓇᓕᖁᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 11:13

ᔫᑕᒥᐅᑕᐅᔪᓯ ᒎᑎᖃᓕᕐᐳᓯ ᓄᓇᖁᑎᑦᓯᑐᑦ ᐅᓄᕐᑎᒋᔪᓂᒃ; ᑐᓂᕐᕈᓯᕐᕕᖃᐅᓕᕐᓗᓯᓗ ᔨᕉᓴᓕᒥᐅᑦ ᐊᖅᑯᑎᖏᑎᑐᑦ ᐅᓄᕐᑎᒋᔪᓂᒃ ᓇᕐᕈᓇᕐᑐᓂᒃ, ᒎᑎᓐᖑᐊᒧᑦ ᐰᓕᒧᑦ ᐃᓯᕐᓗᐊᕐᓂᑎᑦᓯᕕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 12:13

ᐃᓄᖁᑎᒃᑲ ᓂᐊᖂᔭᒃᓴᓂᒃ ᑲᓐᖓᕐᓱᐃᓚᐅᕐᐳᑦ ᐅᕐᐱᖕᓂᒡᓕ ᑲᑭᓐᓇᕐᑐᓕᖕᓂᒃ ᑲᑎᕐᓱᐃᕗᑦ, ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᐸᒃᐳᑦ, ᐱᓇᓱᐊᕐᓂᖓᓪᓕ ᐱᕙᓪᓕᕐᓇᕐᑐᖃᓐᖏᓚᖅ. ᐱᕈᕐᑎᑕᕕᓂᕐᒥᓂᒃ ᑲᓐᖑᓲᑎᖃᕈᒫᕐᐳᑦ ᐊᑕᓂᐅᑉ ᓂᓐᖓᐅᓯᕐᒥᓄᑦ ᐱᓂᐊᕐᕕᒋᔪᒫᕐᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 44:13

ᐅᕙᓐᓂᒃ ᐱᔨᑦᓯᕐᑐᒃᓴᐅᔪᓐᓁᕐᐳᑦ ᑐᓂᕐᕈᓯᕐᑎᑦᓯᔨᐅᓗᑎᒃ, ᐃᑦᔪᕐᓁᑦᑐᖁᑎᓐᓄᓪᓗ ᓇᓪᓕᐊᓐᓄᓪᓘᓐᓃᑦ ᖃᒡᓕᔪᒃᓴᐅᔪᓐᓁᕐᐳᑦ ᐃᑦᔪᕐᓁᓐᓂᕐᐹᒧᓪᓗ ᐃᑎᕐᑐᒃᓴᐅᔪᓐᓁᕐᓗᑎᒃ; ᑲᓐᖑᓲᑎᒃᓴᒥᖕᓂᒡᓕ ᓇᔪᕐᑎᖃᓕᕐᐳᑦ, ᓇᕐᕈᓇᕐᑐᓂᒃ ᐱᓇᓱᐊᕐᐸᓚᐅᕐᓂᕐᒥᖕᓄᑦ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᔨᐸᓁᐊᐅᑉ ᐊᒡᓚᖏᑦ 1:17

ᐃᓄᐃᑦ ᐃᓱᒪᔮᕐᓇᕐᑐᓄᑦ ᑎᑭᑕᐅᑎᑦᓱᒫᕐᐸᒃᑲ, ᐱᓱᓕᕈᒫᕐᐳᑦ ᑕᐅᑐᖏᑦᑐᑎᑐᑦ, ᐊᔪᕐᑐᓕᓚᐅᕐᒪᑕ ᐊᑕᓂᕐᒧᑦ; ᐊᐅᖏᑦ ᑯᕕᔭᐅᔪᒫᕐᐳᑦ ᐃᒥᕐᑎᑐᑦ, ᑎᒥᖏᓪᓗ ᐊᓇᕐᑎᑐᑦ ᑍᒤᓕᕈᒫᕐᐳᑦ.