ᔨᕆᒤᐊᐅᑉ ᐊᒡᓚᖏᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᖑᑦ ᓄᓕᐊᒥᓂᒃ ᐊᕕᑦᑎᒃᐸᑦ ᐊᕐᓇᐅᓪᓗ ᐅᐃᒋᓚᐅᕐᑕᓂ ᕿᒪᒡᓗᒍ ᐊᓯᐊᓂᒡᓗ ᐅᐃᓂᒡᓗᓂ, ᐅᐃᒋᓚᐅᕐᑕᖓᑕ ᐅᑎᕐᕕᒋᔭᕆᐊᖃᕐᐸᐅᒃ? ᐃᓕᑦᓯᓕ ᐊᖑᓐᓂᐊᕐᑎᑎᑐᑦ ᐃᓅᓕᕐᐳᓯ ᐅᓄᕐᑐᓂᒃ ᐅᖓᒋᔭᖃᓕᕐᑐᑎᑐᑦ, ᑕᕝᕙ ᒫᓐᓇ ᐅᕙᓐᓄᑦ ᐅᑎᕈᓐᓇᕐᐱᓰ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:1 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 16:26

ᐄᑦᔨᑉᑎᒥᐅᓂᒃ ᐊᓯᓐᓂᐊᖃᑎᖃᖃᑦᑕᓚᐅᕆᕗᑎᑦ, ᐃᒃᓯᒍᓗᐊᕐᒥᔪᓂᒃ ᖃᓂᒋᔭᑦᓯᓐᓃᑦᑐᓂᒃ, ᐊᖑᓐᓂᐊᕐᓂᕕᑦ ᓯᐊᒻᒪᒃᐸᓪᓕᐊᓂᖓᓄᑦ ᓂᓐᖓᒃᑎᑉᐸᓪᓕᐊᕙᕐᒪ.

ᔨᕆᒤᐊᐅᑉ ᐊᒡᓚᖏᑦ 4:1

ᐃᓴᕆᐊᓕᒥᐅᖑᔪᓯ, ᐅᑎᕈᒪᒍᑦᓯ ᐅᕙᓐᓄᑦ ᐅᑎᓚᐅᕆᑦᓯ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓯ ᐲᔭᕐᓗᒋᑦ, ᑕᒻᒪᕐᑍᓕᓕᕐᓗᓯᓗ ᑭᖑᓂᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 1:3

ᑕᒪᓐᓇ ᐱᓪᓗᒍ ᐃᓄᐃᑦ ᐅᖃᐅᑎᒃᑭᑦ ᐃᒫᒃ: “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᐅᕙᓐᓄᑦ ᐅᑎᓕᕆᑦᓯ, ᑕᕝᕙ ᐃᓕᑦᓯᓐᓄᑦ ᐅᑎᕐᓂᐊᕆᕗᖓ.” ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ,

ᕼᐆᓯᐊᑉ ᐊᒡᓚᖏᑦ 1:2

ᐊᑕᓂᖅ ᓯᕗᓪᓕᕐᐹᒥᒃ ᐅᖃᕐᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᕐᐳᖅ ᕼᐆᓯᐊᒧᑦ, “ᓄᓕᐊᓂᒋᐊᕐᑐᓕᕆᑦ ᐊᖑᓐᓂᐊᕐᑎᒥᒃ ᕿᑐᕐᖏᐅᕐᓗᑎᓪᓗ ᐊᖑᓐᓂᐊᕐᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᕐᓯᒪᔪᕐᔪᐊᖑᖕᒪᑦ ᐊᑕᓂᕐᒥᒃ ᕿᒤᓯᒪᓂᕐᒥᒍᑦ.”

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 3:9

ᐃᓴᕆᐊᓕᒥᐅᑉ ᓈᒻᒪᖏᑦᑐᓕᓂᖓ ᔫᑕᐅᑉ ᓱᕙᓪᓕᕈᑎᒋᓚᐅᖏᒻᒪᒍ. ᓄᓇ ᓇᕐᕈᓇᕐᓯᑎᓚᐅᕐᐹ ᐊᓯᓐᓂᐊᕈᑎᖃᕐᓗᓂᓗ ᐅᔭᕋᖕᒥᒃ ᕿᔪᖕᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 2:23

ᖃᓄᕐᓕ ᐅᖃᕈᓐᓇᕐᐲᑦ, ᓴᓗᒤᓐᓂᖃᖏᓐᓂᕋᕐᓗᑎᑦ, ᒎᑎᓐᖑᐊᒧᓪᓗ ᐰᓕᒧᑦ ᒪᓕᓚᐅᖏᓐᓂᕋᕐᓗᑎᑦ, ᑕᑯᓕᕆᑦ ᓇᕐᓴᐅᑉ ᐃᓗᐊᓂ ᐃᓕᖅᑯᓯᕆᓚᐅᕐᑕᕐᓂᒃ, ᐱᓇᓱᐊᓚᐅᕐᑕᑎᓪᓗ ᑭᓲᖕᒪᖔᑕ, ᑳᒧᓕᒃᑎᑐᑦ ᓄᓕᐅᔪᑎᑐᑦ ᐃᓕᖅᑯᓯᖃᓚᐅᕋᕕᑦ ᓇᒧᑐᐃᓐᓇᖅ ᐂᖃᑦᑕᕐᑐᑎᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 19:2

ᐊᕐᓇᐅᓪᓕ ᓂᓐᖓᐅᑎᓚᐅᕐᐹ ᐊᓯᐊᓃᓕᕐᓗᓂ, ᐅᑎᓚᐅᕐᐳᕐᓗ ᐊᑖᑕᒃᑯᒥᑕ ᐃᒡᓗᖓᓄᑦ ᐱᑦᓕᐊᒧᑦ ᔫᑕᒦᑦᑐᒧᑦ, ᑕᕝᕙᓃᓚᐅᕐᐳᕐᓗ ᑕᖅᑭᓂᒃ ᓯᑕᒪᓂᒃ.

ᒤᑲᐅᑉ ᐊᒡᓚᖏᑦ 2:10

ᒪᑭᓪᓗᑎᑦ ᐊᐅᓪᓚᓕᕆᑦ, ᑖᓐᓇ ᑕᕾᕐᓯᕐᕕᒋᖏᓐᓇᕕᐅᒃ; ᓱᕈᕐᑎᕐᑕᐅᓯᒪᓕᕐᒪᑦ ᐊᓯᕈᕐᑕᐅᓪᓗᓂᓗ, ᓯᖁᒥᑕᐅᓪᓚᕆᖕᓂᐊᕐᐳᖅ ᐋᖅᑭᒍᓐᓁᓪᓕᓗᓂ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 24:5

ᐃᓄᐃᑦ ᓄᓇᕐᔪᐊᕐᒥᒃ ᐱᐅᔪᓐᓃᕐᑎᑦᓯᓯᒪᖕᒪᑕ ᒎᑎᐅᑉ ᐱᖁᔭᖏᓐᓂᒃ ᓯᖁᒥᑦᓯᖃᑦᑕᕐᓂᕐᒧᑦ, ᐊᖏᖃᑎᒌᖕᓂᐅᓪᓗ ᒪᓕᒐᖏᓐᓂᒃ ᓯᖁᒥᑦᓯᖃᑦᑕᕐᓂᕐᒥᖕᓄᑦ ᐃᓱᖃᖏᑦᑐᒧᑦ ᑐᕌᖓᓚᐅᕐᑐᓂᒃ.

ᒨᓯᓯ ᑕᓪᓕᒪᖏᑦ 22:21

ᑕᕝᕙ ᑖᒃᑯᓇᓐᖓᑦ ᑕᕝᕙᓐᖓᑦ ᐊᓐᓂᓯᔭᐅᓗᓂ ᐊᑖᑕᖓᑕ ᐃᒡᓗᖓᑕ ᐃᑎᕐᑕᕐᕕᖓᓄᐊᕈᑦᔭᐅᔪᒃᓴᐅᕗᖅ, ᑖᑦᓱᒪᓗ ᐊᕐᓇᐅᑉ ᓄᓇᖓᑕ ᐃᒡᓗᒐᓴᒡᔪᐊᕐᒥᐅᑦ ᐊᖑᑎᖏᑕ ᒥᓪᓗᕐᓗᒍ ᑐᖁᑕᒃᓴᕆᕚᑦ, ᑖᓐᓇ ᐊᕐᓇᖅ ᑲᓐᖑᓇᕐᑐᒥᒃ ᐃᓴᕆᐊᓕᒥᐅᓄᑦ ᑎᑭᑎᑦᓯᖕᒪᑦ ᐃᓐᓇᖓᖃᑎᖃᕐᓯᒪᓂᕐᒥᓄᑦ ᐅᐃᓂᓚᐅᖅᑳᕋᓂ, ᓱᓕ ᐊᑖᑕᖓᑕ ᐃᒡᓗᖓᓂ ᐊᖏᕐᕋᖃᕐᑎᓪᓗᒍ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒫᑎᐅᓯᐅᑉ ᐊᒡᓚᖏᑦ 5:31

“ᐅᖃᕐᑐᖃᕐᐸᓚᐅᕆᕗᖅ, ‘ᓇᓪᓕᐊᑦ ᓄᓕᐊᒥᓂᒃ ᐊᕕᑦᓯᓪᓚᕆᒃᑐᖅ, ᐊᕕᑦᓯᓪᓚᕆᖕᓂᖓᓂᒃ ᓇᓗᓁᕐᓯᓯᒪᔪᓂᒃ ᑎᑎᖅᑲᓂᒃ ᑐᓂᓯᕕᒋᔭᒃᓴᕆᕚ,’

ᐃᓐᖏᕈᑎᑦ 106:38

ᐸᓯᔭᒃᓴᐅᖏᑦᑐᒥᒃ ᐊᐅᖕᒥᒃ ᑯᕕᓯᓚᐅᕐᐳᑦ, ᐊᒡᓛᑦ ᐃᕐᓂᖏᑦᑕ ᐸᓂᖏᑦᑕᓗ ᐊᐅᖏᓐᓂᒃ, ᑐᓂᕐᕈᓯᖃᑦᑕᓕᓚᐅᕐᒪᑕ ᑬᓇᓂᒥᐅᑦ ᒎᑎᓐᖑᐊᖏᓐᓄᑦ: ᓄᓇᓗ ᓇᕐᕈᓇᕐᓯᑎᑕᐅᓚᐅᕐᐳᖅ ᐊᐅᖕᒧᑦ.

ᔨᕆᒤᐊᐅᑉ ᐊᒡᓚᖏᑦ 22:20

“ᒪᔪᕋᕆᑦ ᓕᐸᓇᓂᒧᑦ, ᕾᒐᓛᕆᑦ ᐹᓴᓂᒥ, ᕾᒐᓛᕆᓪᓗ ᐊᐸᕅᒥ, ᐃᑲᔪᕐᑎᒋᓂᐊᕋᓱᒋᓚᐅᕐᑕᑎᑦ ᓄᖑᑕᐅᖕᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᕼᐆᓯᐊᑉ ᐊᒡᓚᖏᑦ 2:2

“ᐊᓈᓇᓯ ᐊᔪᐃᓐᓈᕆᓯᐅᒃ ᐅᑎᖅᑯᓪᓗᒍ, ᓄᓕᐊᕆᔪᓐᓁᕋᒃᑯ ᑖᑦᓱᒪᓗ ᐅᐃᒋᔪᓐᓁᕐᒪᖓ, ᐊᔪᐃᓐᓈᕆᓯᐅᒃ ᐊᑐᒐᐅᔪᓐᓁᖁᓪᓗᒍ ᐊᑭᓕᕐᑕᐅᓂᕐᒧᑦ, ᐊᓯᓐᓂᐊᕐᑎᐅᔪᓐᓁᖁᓪᓗᒍᓗ.

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᐃᓯᑭᐊᓕᐅᑉ ᐊᒡᓚᖏᑦ 16:30

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, “ᐆᒻᒪᑎᓯᒍᑦ ᐃᒃᓯᒎᕐᓂᕐᔪᐊᖃᕐᐳᓯ, ᑕᒪᒃᑯᓂᖓ ᐱᓇᓱᐊᖃᑦᑕᕐᓯᒪᒐᑦᓯ, ᓄᓕᐊᕐᓂᕐᒧᑦ ᑮᓇᐅᔭᓕᐅᕋᓱᐊᕐᑎᒻᒪᕆᒃᑎᑐᑦ;

ᐃᓯᑭᐊᓕᐅᑉ ᐊᒡᓚᖏᑦ 16:35

“ᑍᒤᒻᒪᑦ ᐊᖑᓐᓂᐊᕐᑎᐅᔪᑎᑦ, ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦ.