ᔨᕆᒤᐊᐅᑉ ᐊᒡᓚᖏᑦ 29:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᒎᑎᒧᑦ ᐅᖃᕐᑎᒋᔭᐅᔪᓄᑦ ᓯᓔᕐᕆᔭᐅᑦᑍᓕᒋᑦᓯ, ᐅᕝᕙᓘᓐᓃᑦ ᓯᕗᓂᒃᓴᒥᒃ ᖃᐅᔨᒪᓇᓱᐊᕐᑎᓄᑦ, ᓯᓐᓇᒃᑐᖏᓪᓗ ᐅᒃᐱᕆᑦᑍᓕᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 29:8 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 14:14

ᐊᑕᓂᐅᓪᓗ ᐅᖃᐅᑎᕚᖓ, “ᓇᓚᐅᑦᑍᔩᓂᒃᑯᐊ ᐅᖃᕐᑎᑕᐅᓂᕋᖃᑦᑕᕐᑐᑦ ᐊᑎᓐᓂ ᓴᒡᓗᓪᓗᑎᒃ; ᐅᖃᖁᓗᒋᑦ ᑎᓕᓚᐅᓐᖏᓚᒃᑲ, ᐅᖃᕐᕕᒋᓚᐅᕐᓇᒋᓪᓗ. ᐅᖃᐅᓯᖏᑦ ᓱᓕᓐᖏᓚᑦ ᑕᑯᑎᑕᐅᓂᕋᕐᓂᖏᑦ, ᓯᕗᓂᒃᓴᒥᒃ ᐱᔪᒫᕐᓂᕅᓂᖏᑦ ᐊᑑᑎᖃᓐᖏᓚᑦ, ᐃᓱᒪᒋᔭᑐᐃᓐᓇᕐᒥᖕᓂᒃ ᓯᓔᕐᕆᒃᓯᕐᓗᑎᒃ ᐅᖃᐅᓯᖃᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:16

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᓇᓚᐅᑦᑍᓂᕐᓗᒃᑐᑦ ᐅᖃᐅᓯᕆᔭᖏᑦ ᓈᓚᒃᑍᓕᓯᒋᒃ; ᓱᓕᖏᑦᑐᓂᒃ ᓂᕆᐅᒋᔭᒃᓴᕐᑖᕐᑎᖃᑦᑕᕐᒪᓯ ᐃᓱᒪᒋᔭᑐᐃᓐᓇᕐᒥᖕᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ ᐊᑕᓂᕐᒥᑦ ᐱᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 23:21

“ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᑖᒃᑯᐊ ᑎᓕᓯᒪᓐᖏᓚᒃᑲ, ᐱᔪᒪᓂᕐᒥᓄᓪᓕ ᐅᖃᖃᑦᑕᕐᐳᑦ; ᐅᖃᕐᕕᒋᓚᐅᓐᖏᓚᒃᑲ, ᓱᓕᓕ ᐅᖃᓪᓚᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:25

ᑐᓵᖃᑦᑕᕐᐳᖓ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᓂᒃ ᐅᕙᓐᓂᑦ ᓱᓕᓇᑎᒃ ᐅᖃᕐᑎᑕᐅᓂᕋᕐᑐᓂᒃ, ᐅᖃᕐᓗᑎᒃ, ‘ᓯᓐᓇᒃᑐᖅᑲᐅᒐᒪ, ᓯᓐᓇᒃᑐᖅᑲᐅᒐᒪ!’

ᔨᕆᒤᐊᐅᑉ ᐊᒡᓚᖏᑦ 23:27

ᐃᓱᒪᖃᑦᑕᕐᒪᑕ ᓯᓐᓇᒃᑐᕆᔭᒥᖕᓂᒃ ᐅᓂᒃᑳᖃᑦᑕᕐᓂᕐᒥᖕᓄᑦ ᐃᓄᖁᑎᓐᓂᒃ ᐳᐃᒍᕐᑎᑦᓯᔪᓐᓇᕋᓱᒋᓪᓗᑎᒃ ᐅᕙᓐᓂᒃ, ᓯᕗᓕᕆᔭᓯᑦᑕᐅᖅ ᐅᕙᓐᓂᒃ ᐳᐃᒍᕐᑎᑕᐅᓚᐅᕐᒪᑕ ᐰᓕᒧᑦ ᑐᒃᓯᐊᖃᑦᑕᓕᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 27:9

ᓈᓚᒃᑕᕐᓴᕆᓐᖏᓚᓯ ᓇᓚᐅᑦᑍᔪᖁᑎᓯ, ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᓯ, ᓯᓐᓇᒃᑐᓂᒡᓗ ᑐᑭᓯᐅᒪᓇᓱᐊᕐᑎᖁᑎᓯ, ᐊᓂᕐᓂᓕᕆᔨᖁᑎᓯ, ᐊᖓᒃᑯᖁᑎᓯᓗ ᐅᖃᕐᐸᒃᑐᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᔨᑦᓯᕈᒪᖏᓐᓂᕅᓪᓗᑎᒃ ᐃᓕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 28:15

ᔨᕆᒤᐊᐅᑉ ᕼᐊᓇᓁᐊ ᐅᖃᐅᑎᕚ, “ᕼᐊᓇᓁᐊ, ᐊᑕᓂᕐᒧᑦ ᑎᓕᔭᐅᓯᒪᓇᑎᑦ ᐃᓅᖃᑎᒌᒡᔪᐊᓂᒃ ᓱᓕᖏᑦᑐᒥᒃ ᐅᒃᐱᕆᔭᐅᓕᕐᑎᑦᓯᒐᕕᑦ.”

ᔨᕆᒤᐊᐅᑉ ᐊᒡᓚᖏᑦ 29:1

ᐅᑯᐊ ᑕᕝᕙ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᑎᑎᕋᖏᑦ ᔨᕉᓴᓕᒥᑦ ᐊᐅᓪᓚᕐᑎᑕᐅᓯᒪᔪᑦ ᐊᖓᔪᖅᑳᖏᑕ ᐊᒥᐊᒃᑯᖏᓐᓄᑦ, ᑐᓂᕐᕈᓯᕐᑎᑦᓯᔨᓄᓪᓗ, ᒎᑎᒧᓪᓗ ᐅᖃᕐᑎᒋᔭᐅᔪᓄᑦ, ᐃᓄᖕᓄᓪᓗ ᓂᐱᑯᓁᓴᒧᑦ ᐊᐅᓪᓚᕈᑦᔭᐅᓯᒪᔪᓄᑦ ᔨᕉᓴᓕᒥᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 29:15

ᐅᖃᕋᓗᐊᕈᑦᓯ, ᐊᑕᓂᐅᑉ ᐅᖃᕐᑎᒥᓂᒃ ᑎᓕᓯᕕᒋᓯᒪᓕᕐᐹᑎᒍᑦ ᐹᐱᓘᓂᒥᑦ.

ᔨᕆᒤᐊᐅᑉ ᐊᒡᓚᖏᑦ 29:21

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐂᕼᐊᑉ ᐱᓪᓗᒍ ᑯᓔᐊᐅᑉ ᐃᕐᓂᖓ, ᔨᑎᑬᐊᓗ ᐱᓪᓗᒍ ᒫᓯᐊᐅᑉ ᐃᕐᓂᖓ, ᑖᒃᑯᐊᒃ ᓱᓕᖏᑦᑐᓂᒃ ᐊᑎᓐᓂ ᐅᖃᐅᑦᔪᐃᑲᑦᑕᕐᒪᑎᒃ ᐃᓕᑦᓯᓐᓂᒃ, ᑖᒃᑯᐊᒃ ᑎᒍᔭᐅᑎᓐᓂᐊᕐᐹᒃᑲᒃ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᑦᓱᒪᓗ ᑐᖁᑕᐅᑎᑦᓱᒫᕐᐹᒃ ᑕᑯᓐᓇᕐᑎᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 29:23

ᐃᓴᕆᐊᓕᒥ ᓈᒻᒪᖏᑦᑐᓂᒃ ᐱᓇᓱᐊᕐᓯᒪᖕᒪᑎᒃ, ᓯᓚᖅᑲᑎᒥ ᓄᓕᐊᖏᓐᓂᒃ ᐊᓯᓐᓂᐊᖃᑦᑕᕐᓯᒪᖕᒪᑎᒃ, ᐊᑎᕋᓗ ᐊᑐᕐᓗᒍ ᓴᒡᓗᓪᓗᑎᒃ ᐅᖃᖃᑦᑕᕐᓯᒪᓪᓗᑎᒃ, ᐅᖃᖁᓗᒋᑦ ᐅᖃᓚᐅᕐᓯᒪᑎᓐᓇᖓ. ᐅᕙᖓ ᖃᐅᔨᒪᒐᒪ, ᖃᐅᔨᓯᒪᔫᓂᐊᕐᐳᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 37:9

ᐃᒫᒃ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐅᐃᕕᕐᕆᑦᑍᓕᒋᑦᓯ ᐃᓱᒪᓗᓯ ᑲᐅᓪᑎᐊᒥᐅᑦ ᐊᐅᓪᓚᕈᑎᒃ ᐅᑎᕐᓂᐊᖏᓐᓇᓱᒋᓕᕐᓗᒋᑦ, ᑖᒃᑯᐊᓕ ᐅᑎᕐᓂᐊᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:14

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᑕᑯᑎᑕᐅᓂᖏᑦ ᓱᓕᓐᓂᖏᒻᒪᑕ ᐊᑑᑎᖃᕋᑎᒡᓗ, ᐊᔪᕐᑐᓕᓯᒪᓂᑦᓯᓐᓂᒃ ᑕᑯᑎᑦᓯᓚᐅᖏᒻᒪᑕ ᑎᒍᔭᐅᖁᓇᓯ, ᐊᔪᕆᕐᑐᐃᑦᔪᑎᒋᔭᖏᑦ ᓱᓕᖏᒻᒪᑕ ᑕᒻᒪᕐᑎᑦᓯᓪᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 13:6

ᓱᓕᖏᑦᑐᒥᒃ ᐅᖃᖃᑦᑕᕐᒪᑕ ᓴᒡᓗᓪᓚᕆᒃᓗᑎᒃ; ᐅᖃᖃᑦᑕᕐᐳᑦ, ‘ᐊᑕᓂᖅ ᐅᖃᕐᐳᖅ,’ ᐊᑕᓂᕐᒧᑦ ᑎᓕᔭᐅᓯᒪᓇᑎᒃ, ᐅᖃᐅᓯᕆᔭᒥᖕᓂᒃ ᓂᕆᐅᒋᔭᖃᕋᓱᖃᑦᑕᕐᐳᑦ ᓇᓚᐅᑦᓯᑎᑕᐅᓂᐊᕋᓱᒋᓪᓗᒋᑦ.

ᒤᑲᐅᑉ ᐊᒡᓚᖏᑦ 2:11

ᐃᓄᒃ ᓴᒡᓗᑐᔪᖅ ᓴᒡᓗᓗᓂ ᐅᖃᕐᐸᑦ ᐃᒫᒃ, “ᓇᓚᐅᑦᑍᓂᐊᕐᐳᖓ ᐃᓕᑦᓯᓐᓄᑦ ᕔᓂᖃᑦᓯᐊᕐᓂᐊᕐᐳᓯ ᐃᒥᐊᓗᖃᕐᓗᓯᓗ ᓴᓐᖏᔪᒥᒃ,” ᑍᒤᑦᑐᒥᒃ ᐊᔪᕆᕐᑐᐃᔨᖃᕈᒪᕗᓯ ᐃᓄᖕᓄᑦ.

ᓴᑲᕅᐊᐅᑉ ᐊᒡᓚᖏᑦ 13:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᓇᓚᐅᑦᑍᔨᓕᒫᑦ ᑲᓐᖑᓲᑎᖃᓕᕈᒫᕐᐳᑦ ᓇᓚᐅᑦᑍᓂᒃᑯᑦ ᑕᑯᓯᒪᔭᒥᖕᓂᒃ. ᓇᓚᐅᑦᑍᔩᓪᓗ ᐊᓐᓄᕌᖏᓐᓂᒃ ᐆᒪᔪᐃᑦ ᒥᖁᖏᓐᓂᒃ ᓂᕈᒥᖏᑦᑐᓂᒃ ᐊᑐᕈᒪᔪᓐᓁᕈᒫᕐᐳᑦ, ᐅᐃᕕᕆᒃᓯᑦᔪᑎᒥᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᓘᑲᓯᐅᑉ ᐊᒡᓚᖏᑦ 6:26

“ᑲᑉᐱᐊᓇᕐᑐᒦᑉᐳᓯ ᐃᓄᖕᓂᑦ ᐱᐅᒋᔭᐅᓪᓗᓯ ᐅᖃᐅᓯᐅᑦᓯᐊᖃᑦᑕᕐᑐᓯ, ᓯᕗᓪᓕᖏᑦᑕᐅᖅ ᑍᒤᓕᐅᓚᐅᕐᒥᖕᒪᑕ ᓇᓚᐅᑦᑍᔪᓂᕋᕐᑐᓂᒃ ᓱᓕᖏᑦᑐᓂᒃ.”

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:3

ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:14

ᑲᒪᓇᕐᑐᓕᔪᓐᓇᕐᓂᕐᒥᓄᑦ ᓄᓇᕐᔪᐊᕐᒦᑦᑐᑦ ᐅᐃᕕᕐᕆᕔᑦ ᑲᒪᓇᕐᑐᓕᓂᕐᓂᒃ ᐱᓂᐊᕈᓐᓇᕐᑎᑕᐅᒐᒥ ᐆᒪᔪᐊᓘᑉ ᓯᕗᓪᓕᐅᑉ ᐱᔪᓐᓇᕐᓂᖓᒍᑦ, ᐆᒪᔪᐊᓗᒡᓗ ᓴᓇᖁᔨᕗᖅ ᐆᒪᔪᐊᓘᑉ ᐊᑦᔨᖓᓂᒃ ᐅᐱᒍᓲᑎᒋᔭᐅᔪᒃᓴᒥᒃ ᑖᑦᓱᒥᖓ ᐃᑭᓕᕐᑕᐅᓚᐅᕋᓗᐊᕐᓗᓂ ᑐᖁᓚᐅᖏᒻᒪᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.