ᔨᕆᒤᐊᐅᑉ ᐊᒡᓚᖏᑦ 27:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓇᓚᐅᑦᑍᔫᒍᑎᒃ ᐊᑕᓂᕐᒥᓪᓗ ᐅᖃᐅᓯᒃᓴᖃᕐᑎᑕᐅᒍᑎᒃ, ᐊᑏ ᐊᑕᓂᕐᒧᑦ ᐊᔪᒐᖃᖏᑦᑐᒧᑦ ᕿᓄᑦᔪᑎᖃᓚᐅᕐᓕᑦ ᐊᑕᓂᐅᑉ ᐃᒡᓗᖓᑕ ᐱᖁᑎᖏᓐᓂᒃ ᐊᐅᓪᓚᕈᑦᔭᐅᖁᔨᖏᓪᓗᑎᒃ ᔫᑕᐅᑉ ᐊᖓᔪᖅᑳᕐᔪᐊᖃᕐᕕᖓᓂᑦ ᔨᕉᓴᓕᒥᓪᓗ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 27:18 ပူးပေါင်းရင်းမြစ်များ

ᓴᒧᐃᓕ ᓯᕗᓪᓖᑦ 7:8

ᐅᖃᕐᓗᑎᒡᓗ ᓴᒧᐃᓕᒧᑦ, “ᑐᒃᓯᐊᖏᓐᓇᕆᑦ ᐊᑕᓂᕐᒧᑦ ᒎᑎᑦᑎᓐᓄᑦ, ᐱᐅᓕᔭᐅᖁᓪᓗᑕ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”

ᔨᕆᒤᐊᐅᑉ ᐊᒡᓚᖏᑦ 18:20

ᐱᑦᓯᐊᕐᓂᖅ ᐱᐅᖏᑦᑐᒧᑦ ᐊᑭᓂᐊᕐᑕᐅᑦᔪᑎᖃᕐᑐᒃᓴᐅᕚ? ᑍᒤᑦᓴᕆᐊᖃᖏᒃᑲᓗᐊᕐᑎᓪᓗᒍ ᑕᑯᒋᑦ ᐃᑎᕐᓴᓕᐅᕆᕗᑦ ᐅᕙᓐᓂᒃ ᑐᖁᑦᓯᔪᒪᓪᓗᑎᒃ. ᐃᖅᑲᐅᒪᒋᑦ ᐅᖃᕐᕕᒋᓚᐅᕋᒃᑭᑦ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᓯᕈᕐᑕᐅᖁᓇᒋᑦ ᓂᓐᖓᐅᓯᕐᓄᑦ.

ᐊᑕᓃᑦ ᓯᕗᓪᓖᑦ 18:24

ᒎᑎᑦᓯᓗ ᐊᑎᖓᓄᑦ ᑐᒃᓯᐊᕐᓂᐊᕐᐳᓯ ᐅᕙᖓᓗ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᓂᐊᕆᕗᖓ; ᑖᓐᓇ ᒎᑎ ᑭᐅᓗᓂ ᐃᑯᒪᒥᒃ ᐃᑭᑎᑦᓯᔪᖅ, ᑖᓐᓇ ᒎᑎᐅᓂᐊᕐᐳᖅ.” ᐃᓄᓕᒫᓪᓗ ᑭᐅᕗᑦ, “ᐅᖃᑦᓯᐊᕐᐳᑎᑦ.”

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.

ᓴᒧᐃᓕ ᓯᕗᓪᓖᑦ 12:19

ᐃᓄᓕᒫᓪᓗ ᓴᒧᐃᓕᒧᑦ ᐅᖃᕐᐳᑦ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐱᑦᔪᑎᒋᓗᑕ ᑐᖁᖁᓇᑕ; ᒫᓐᓇ ᖃᐅᔨᕗᒍᑦ ᐊᔪᕐᑐᓕᓂᑦᑕ ᐊᓯᐊᒍᑦ ᐊᔪᕐᑐᓕᒃᑲᓐᓂᓚᐅᕋᑦᑕ, ᐊᖓᔪᖅᑳᕐᔪᐊᕐᑖᕈᒪᓪᓗᑕ ᑐᒃᓯᐊᓚᐅᕐᓂᑦᑎᓐᓄᑦ.”

ᒪᓚᑬᑉ ᐊᒡᓚᖏᑦ 1:9

“ᒫᓐᓇᓕ ᒎᑎᐅᑉ ᖁᕕᐊᒋᔭᖓᓂᒃ ᕿᓂᓕᕆᑦᓯ, ᐅᕙᑦᑎᓐᓄᑦ ᓈᒃᑭᒍᓱᓕᖁᓪᓗᒍ. ᑍᒤᓕᐅᓕᕈᑦᓯ, ᓈᒻᒪᒋᒐᔭᕐᐹᓰ? ᖁᕕᐊᒋᓗᓯᓗ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:30

ᑖᒃᑯᓇᓂᓗ ᐃᓄᖕᒥᒃ ᕿᓂᓚᐅᕐᐳᖓ ᐊᕙᓗᕐᔪᐊᒥᒃ ᓴᓇᔪᓐᓇᕐᑐᒥᒃ ᐱᓇᓱᐊᕈᓐᓇᕐᑐᒥᒡᓗ ᐊᕙᓗᕐᔪᐊᑉ ᓯᖁᑦᑎᕐᓯᒪᓂᖓᓂ ᓵᓐᓂ ᓇᖏᕈᓐᓇᕐᑐᒥᒃ ᓄᓇ ᓴᐳᑎᓇᓱᒡᓗᒍ, ᐊᓯᕈᐃᖁᓇᖓ; ᓇᓂᓯᓚᐅᓐᖏᓚᖓᓕ.

ᐃᓯᑭᐊᓕᐅᑉ ᐊᒡᓚᖏᑦ 14:14

ᐊᒡᓛᑦ ᐊᖑᑎᑦ ᑍᒃᑯᐊ ᐱᖓᓱᑦ, ᓄᐊ, ᑖᓂᐊᓕᓗ, ᔫᐱᓗ, ᓄᓇᖃᖃᑕᐅᒐᔭᕐᐸᑕ, ᐊᑲᐅᔪᒥᒃ ᐃᓅᓯᖃᕐᓂᕐᒥᖕᓄᑦ ᓇᖕᒥᖕᓂᑐᐊᖅ ᐱᐅᓕᒐᔭᕐᐳᑦ, ᐊᑕᓂᖅ ᒎᑎ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 7:16

“ᐃᕝᕕᓪᓕ, ᐃᓄᐃᑦ ᑖᒃᑯᐊ ᑐᒃᓯᐅᑎᑦᑍᓕᒃᑭᑦ, ᕿᓄᑦᔪᑎᒋᑦᑍᓕᒃᑭᓪᓗ, ᑐᒃᓯᐊᕐᕕᒋᑦᑍᓕᓐᖓ ᑐᒃᓯᐅᑎᒐᓗᐊᕈᕕᒋᑦ ᑐᓴᑦᔮᓐᖏᓚᒋᑦ.

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᐊᑕᓃᑦ ᓯᕗᓪᓖᑦ 18:26

ᑕᕝᕙ ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᐱᕚᑦ ᑐᓂᔭᐅᓯᒪᔪᖅ, ᐊᑐᐃᓐᓇᕈᕐᓗᒍᓗ, ᒎᑎᒥᖕᓄᓪᓗ ᐰᓕᒧᑦ ᑐᒃᓯᐊᓚᐅᕐᐳᑦ ᐊᑎᖓ ᑍᓪᓗᒍ ᐅᓪᓛᒥᑦ ᐅᓪᓘᑉ ᕿᑎᕋᓕᕐᓂᖓᓄᑦ, ᐅᖃᕐᓗᑎᒃ, “ᐰᓖ, ᑐᓴᓚᐅᕐᑎᒍᑦ!” ᑭᓯᐊᓂᓕ ᓂᐱᖃᕐᑐᖃᓚᐅᓐᖏᓚᖅ, ᑭᐅᔪᖃᓚᐅᕋᓂᓗ. ᑖᓂᓯᕐᓗᑎᒃ ᑐᓂᕐᕈᓯᕐᕕᒃ ᓴᓇᓚᐅᕐᑕᑎᒃ ᑬᕙᓪᓚᖃᑦᑕᓚᐅᕐᐹᑦ.

ᒨᓯᓯ ᓯᕗᓪᓖᑦ 20:17

ᐂᑉᕋᕼᐋᒻᓗ ᒎᑎᒧᑦ ᑐᒃᓯᐊᕐᐳᖅ; ᒎᑎᐅᓪᓗ ᐊᐱᒥᓕᑭ ᓄᓕᐊᖓᓗ ᐋᖅᑭᒃᐹᒃ, ᐱᔨᖏᓪᓗ ᐊᕐᓁᑦ ᐋᖅᑭᒃᑭᕔᑦ, ᑕᕝᕙ ᕿᑐᕐᖓᕐᑖᕈᓐᓇᕐᓯᓚᐅᕐᐳᑦ.