ᔨᕆᒤᐊᐅᑉ ᐊᒡᓚᖏᑦ 27:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑖᒃᑯᐊ ᑎᓕᓯᒪᓐᖏᓚᒃᑲ ᐃᓕᑦᓯᓐᓄᑦ, ᐊᑕᓂᖅ ᐅᖃᕐᐳᖅ, ᓱᓕᖏᑦᑐᒥᒃ ᐊᑎᕋ ᐊᑐᕐᓗᒍ ᐅᖃᖃᑦᑕᕐᐳᑦ, ᑍᒤᒻᒪᑦ ᖁᔭᓈᕈᑦᓯ ᐊᓯᕈᕐᑕᐅᔪᒫᕐᐳᓯ, ᓇᓚᐅᑦᑍᔪᖁᑎᓯᓗ ᐃᓕᑦᓯᓐᓂᒃ ᐅᖃᐅᑦᔪᐃᖃᑦᑕᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 27:15 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 25:16

ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”

ᔨᕆᒤᐊᐅᑉ ᐊᒡᓚᖏᑦ 14:14

ᐊᑕᓂᐅᓪᓗ ᐅᖃᐅᑎᕚᖓ, “ᓇᓚᐅᑦᑍᔩᓂᒃᑯᐊ ᐅᖃᕐᑎᑕᐅᓂᕋᖃᑦᑕᕐᑐᑦ ᐊᑎᓐᓂ ᓴᒡᓗᓪᓗᑎᒃ; ᐅᖃᖁᓗᒋᑦ ᑎᓕᓚᐅᓐᖏᓚᒃᑲ, ᐅᖃᕐᕕᒋᓚᐅᕐᓇᒋᓪᓗ. ᐅᖃᐅᓯᖏᑦ ᓱᓕᓐᖏᓚᑦ ᑕᑯᑎᑕᐅᓂᕋᕐᓂᖏᑦ, ᓯᕗᓂᒃᓴᒥᒃ ᐱᔪᒫᕐᓂᕅᓂᖏᑦ ᐊᑑᑎᖃᓐᖏᓚᑦ, ᐃᓱᒪᒋᔭᑐᐃᓐᓇᕐᒥᖕᓂᒃ ᓯᓔᕐᕆᒃᓯᕐᓗᑎᒃ ᐅᖃᐅᓯᖃᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 20:6

ᐃᕝᕕᓪᓕ ᐸᓱᕼᐅᕆ ᐃᒡᓗᒥᐅᖃᑎᓕᒫᑎᓪᓗ, ᐊᐅᓪᓚᕈᑦᔭᐅᔪᐃᓐᓇᐅᔪᒫᕐᐳᓯ ᐹᐱᓘᓂᒧᑦ; ᑍᑲᓂᓗ ᑐᖁᔪᒫᕐᐳᑎᑦ ᐃᓗᕕᕐᑕᐅᓗᑎᓪᓗ, ᐃᓚᓐᓇᕆᔭᓕᒫᑎᓪᓗ ᐃᓚᒋᓗᒋᑦ, ᓱᓕᖏᑦᑐᓂᒃ ᐅᖃᕐᕕᒋᕙᓚᐅᕐᑕᑎᑦ.”

ᔨᕆᒤᐊᐅᑉ ᐊᒡᓚᖏᑦ 23:15

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕉᓴᓕᒦᑦᑐᑦ ᐱᓪᓗᒋᑦ: “ᑕᑯᒋᑦ, ᓂᕆᑎᑦᓱᒫᕐᐸᒃᑲ ᓂᕿᒥᒃ ᖃᒃᑭᓐᓇᕐᑐᒥᒃ, ᐃᒥᕐᑎᓪᓗᒋᓪᓗ ᐃᒪᕐᒥᒃ ᑐᖁᓐᓇᕐᑐᒥᒃ, ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ ᔨᕉᓴᓕᒥ ᐱᒋᐊᕐᕕᐅᓪᓗᑎᒃ ᐅᒃᐱᖏᓐᓂᖅ ᓯᐊᒻᒪᕐᐸᓪᓕᐊᓕᕐᒪᑦ ᓄᓇᓕᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 23:21

“ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᑖᒃᑯᐊ ᑎᓕᓯᒪᓐᖏᓚᒃᑲ, ᐱᔪᒪᓂᕐᒥᓄᓪᓕ ᐅᖃᖃᑦᑕᕐᐳᑦ; ᐅᖃᕐᕕᒋᓚᐅᓐᖏᓚᒃᑲ, ᓱᓕᓕ ᐅᖃᓪᓚᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:25

ᑐᓵᖃᑦᑕᕐᐳᖓ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᓂᒃ ᐅᕙᓐᓂᑦ ᓱᓕᓇᑎᒃ ᐅᖃᕐᑎᑕᐅᓂᕋᕐᑐᓂᒃ, ᐅᖃᕐᓗᑎᒃ, ‘ᓯᓐᓇᒃᑐᖅᑲᐅᒐᒪ, ᓯᓐᓇᒃᑐᖅᑲᐅᒐᒪ!’

ᔨᕆᒤᐊᐅᑉ ᐊᒡᓚᖏᑦ 27:10

ᓇᓚᐅᑦᑍᓂᖏᑦ ᓱᓕᖏᒻᒪᑕ ᓄᓇᒋᔭᑦᓯᓐᓂ ᐊᐅᓪᓚᕈᑦᔭᐅᑦᔪᑎᒋᔪᒫᕐᐸᓯ ᐅᖓᓯᒃᑐᒧᑦ, ᖁᔭᓈᕐᓯᔪᒫᕋᒪ ᐃᓕᑦᓯᓐᓂᒃ ᐊᓯᕈᕈᑎᒋᔪᒫᕐᐸᓯᓗ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 29:8

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᒎᑎᒧᑦ ᐅᖃᕐᑎᒋᔭᐅᔪᓄᑦ ᓯᓔᕐᕆᔭᐅᑦᑍᓕᒋᑦᓯ, ᐅᕝᕙᓘᓐᓃᑦ ᓯᕗᓂᒃᓴᒥᒃ ᖃᐅᔨᒪᓇᓱᐊᕐᑎᓄᑦ, ᓯᓐᓇᒃᑐᖏᓪᓗ ᐅᒃᐱᕆᑦᑍᓕᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 29:9

ᓇᓚᐅᑦᑍᓂᖏᑦ ᐊᑎᓐᓂ ᓱᓕᖏᒻᒪᑕ, ᑖᒃᑯᐊ ᑎᓕᓯᒪᖏᓐᓇᒃᑭᑦ ᑍᒤᓕᐅᖁᓪᓗᒋᑦ. ᐊᑕᓂᖅ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 38:22

ᐊᕐᓇᓕᒫᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᑦ ᐊᓂᑎᑕᐅᔪᒫᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖁᑎᖏᓐᓄᑦ, ᑖᒃᑯᐊᓗ ᐊᕐᓁᑦ ᐃᓕᖕᓂᒃ ᐅᖃᐅᓯᖃᕈᒫᕐᐳᑦ ᐃᒫᒃ: ‘ᐊᖓᔪᖅᑳᕐᔪᐊᖅ ᐃᓚᓐᓇᕆᔭᒥᓄᑦ ᑕᒻᒪᕐᑎᑕᐅᓪᓗᓂ ᓵᓚᒋᔭᐅᑎᑕᐅᕗᖅ, ᐃᑎᒐᖏᑦ ᒪᕐᕋᕐᒧᑦ ᒪᖑᖕᒪᑕ, ᐃᓚᓐᓇᕆᔭᒥᓄᑦ ᕿᒪᒃᑕᐅᕗᖅ.’

ᒫᑎᐅᓯᐅᑉ ᐊᒡᓚᖏᑦ 15:14

ᐃᓕᑦᓯ ᐃᓱᒫᓗᑎᒋᔭᕆᐊᖃᓐᖏᑕᓯ! ᑕᓯᐅᕐᑎᐅᖕᒪᑕ ᑕᐅᑐᖏᑑᓪᓗᑎᒃ, ᑕᐅᑐᓐᖏᑑᖃᑎᒥᖕᓂᒃ ᑕᓯᐅᕐᓯᓇᓱᐊᕐᑐᑦ ᑕᐅᑐᖏᑦᑐᐃᓐᓇᐅᒍᑎᒃᓗ ᐃᑎᕐᓴᒧᑦ ᑲᑕᒃᑲᔭᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.