ᔨᕆᒤᐊᐅᑉ ᐊᒡᓚᖏᑦ 26:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ “ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 26:18 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 19:25

“ᑐᓴᓚᐅᕐᓯᒪᖏᓐᓇᕖᑦ ᑕᒪᒃᑯᐊᓕᒫᑦ ᐅᕙᓐᓄᑦ ᐊᖅᑭᒃᓱᕐᑕᐅᓯᒪᓂᖏᓐᓂᒃ ᑍᑦᓱᒪᓂᐊᓗᒃ? ᑕᒪᓐᓇ ᐃᓱᒪᒃᓴᕐᓯᐅᕈᑎᒋᓯᒪᒐᒃᑯ ᑍᑦᓱᒪᓂᐊᓗᖕᓂᑦ ᒫᓐᓇ ᓴᖅᑭᑎᓯᒪᕙᕋ, ᓄᓇᓖᑦ ᐱᔭᐅᑦᔧᕐᓯᒪᔫᒐᓗᐊᑦ ᓯᖁᑦᑎᕐᑕᐅᓪᓗᑎᒃ ᓄᓇᓕᕕᓂᑐᐃᓐᓇᓐᖑᕐᑎᑕᐅᖁᓪᓗᒋᑦ ᐃᓕᖕᓄᑦ.

ᑯᕉᓂᑲ ᐂᑉᐸᖏᑦ 32:26

ᕼᐃᓯᑬᐊᓕ ᐃᒻᒥᓂᒃ ᒥᑭᒡᓕᑎᓕᓚᐅᕐᐳᖅ ᐆᒻᒪᑎᒥᒍᑦ ᐱᐅᔪᕆᓂᕐᒥᓂᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑖᒃᑯᓄᖓ ᑎᑭᓚᐅᓐᖏᓚᖅ ᕼᐃᓯᑬᐊ ᐃᓅᑎᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 4:2

ᐱᖃᑎᒋᔭᓂ ᓴᒥᐊᕆᐊᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᓵᖓᓂ ᐅᖃᓚᐅᕐᐳᖅ, “ᖃᓄᕐᖏᒃᑯᐊ ᔫᑎᕐᓗᐊᓗᐃᑦ ᐱᓇᓱᓕᕐᑐᑦ? ᐃᒃᑯᐊ ᓴᓇᒋᐊᓪᓚᒐᓱᒃᑐᑦ ᐃᒡᓗᒐᓴᖕᓃᒃ? ᐃᒃᑯᐊ ᑐᓂᕐᕈᓯᖃᑦᑕᕐᓂᕐᒥᒍᑦ ᐱᔭᕇᕐᓂᐊᕋᓱᒋᔫᑦ ᓴᓇᔭᒥᖕᓂᒃ ᐅᓪᓗᒥᒃ ᐊᑕᐅᓯᕐᒥᒃ? ᐅᔭᕋᖕᓂᒃ ᓴᓇᔪᓐᓇᕐᐹᑦ ᓱᕋᒃᑎᕐᓯᒪᔪᓂᒃ ᐃᑯᐊᓪᓚᒃᓯᒪᔪᓂᒡᓗ ᖃᓕᕇᕌᓗᖕᓂᒃ?”

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 17:3

ᖃᖅᑲᓂ ᓄᓇᑐᐃᓐᓇᕐᒦᑦᑐᒥ, ᐊᔪᕐᓴᖏᑦᔪᑎᓯ ᑲᑎᕐᓱᐊᓯᓗ ᓇᒡᕚᕐᑕᒐᐅᑎᑦᓱᒫᕐᐸᒃᑲ ᐊᑭᓕᐅᑕᐅᓗᑎᒃ ᐊᔪᕐᓂᑦᓯᓐᓄᑦ ᓄᓇᓕᒫᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 51:37

ᐹᐱᓘᓂᒥᐅᑦ ᖃᑦᑎᒃᓯᓯᒪᓕᕈᒫᕐᐳᑦ ᓄᓇᓕᕕᓂᑐᐃᓐᓇᐅᓕᕈᑎᒃ, ᑎᕆᒐᓂᐊᖓᔪᓄᑦ ᐃᓂᐅᓕᕐᓂᐊᕐᐳᖅ ᑕᑯᒥᓁᑦᑐᕐᔪᐊᖑᔪᒫᕐᐳᖅ, ᐃᓄᖃᖏᓪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᒤᑲᐅᑉ ᐊᒡᓚᖏᑦ 1:1

ᒎᑎᐅᑉ ᐅᖃᐅᓯᖏᑦ ᒤᑲᒧᑦ ᒧᕆᓯᑎᒥᐅᑕᕐᒧᑦ ᔫᑕᒻ, ᐊᕼᐊᔅᓗ, ᕼᐃᓯᑬᐊᓗ ᐊᖓᔪᖅᑳᕐᔪᐊᖑᑎᓪᓗᒋᑦ ᑭᖑᓕᕇᒃᓗᑎᒃ ᔫᑕᒥᐅᓄᑦ. ᑐᑭᓯᑎᑕᐅᓚᐅᕐᐳᖅ ᓴᒥᐊᕆᐊᒥᐅᑦ ᔨᕉᓴᓕᒥᐅᓪᓗ ᐱᓪᓗᒋᑦ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᒤᑲᐅᑉ ᐊᒡᓚᖏᑦ 4:1

ᐅᓪᓗᐃᑦ ᑭᖑᓪᓕᖏᓐᓂ ᓇᓪᓕᐅᑎᔪᒫᕐᐳᖅ, ᖃᖅᑲᒥ ᐊᑕᓂᐅᑉ ᐃᒡᓗᖓ ᐋᖅᑭᒃᓯᒪᓕᕈᒫᕐᐳᖅ, ᐊᖏᓂᕐᐹᖑᓕᕈᒫᕐᐳᖅ ᐳᕐᑐᓂᕐᓴᐅᓗᓂ ᖃᖅᑲᓕᒫᓂᑦ; ᐃᓅᖃᑎᒋᒡᔪᐊᓪᓗ ᑕᕝᕗᓐᖓᐅᓕᕈᒫᕐᐳᑦ ᑰᒃᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 8:3

ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.