ᔨᕆᒤᐊᐅᑉ ᐊᒡᓚᖏᑦ 25:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᓂᐱᕐᔪᐊᕐᓗ ᑐᓴᕐᑕᐅᔪᒪᕐᐳᖅ ᓄᓇᐅᑉ ᑭᒡᓕᖓᓃᑦᑐᑦ ᑎᑭᓪᓗᒋᑦ ᐊᑕᓂᐅᑉ ᓈᒻᒪᒃᓴᖏᓐᓂᕐᒥᓂᒃ ᐃᓅᖃᑎᒌᒡᔪᐊᓕᒫᓄᑦ ᓴᖅᑭᑎᓐᓂᐊᕐᐹ ᐃᖅᑲᕐᑐᐃᓂᖓᓗ ᐃᓅᖃᑎᒌᓄᑦ ᓄᓇᕐᔪᐊᒥ ᑎᑭᐅᒪᓂᐊᕐᒪᑦ, ᐱᐅᖏᑦᑐᓕᔪᓪᓗ ᑐᖁᑕᐅᑎᓐᓂᐊᕐᒪᒋᑦ, ᐊᑕᓂᖅ ᐅᖃᕐᐳᖅ.’”

ᔨᕆᒤᐊᐅᑉ ᐊᒡᓚᖏᑦ 25:31 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 33:3

ᐃᒃᑐᓚᐅᕐᓂᖅ ᑐᓴᕐᓴᕈᑐᐊᕐᒪᑦ ᐃᓄᐃᑦ ᕿᒫᕙᒃᐳᑦ; ᒪᑭᓕᑐᐊᕋᕕᓪᓗ, ᐃᓅᖃᑎᒌᒡᔪᐊᑦ ᐊᕙᒻᒧᑦ ᓯᐊᒻᒪᒃᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 34:2

ᐊᑕᓂᐅᑉ ᓂᓐᖓᒡᕕᒋᖕᒪᒋᑦ ᐃᓅᖃᑎᒌᒡᔪᐊᑦ, ᐅᓇᑕᕐᑐᒃᓴᖁᑎᖏᓪᓗ ᑕᒪᕐᒥᒃ ᓂᓐᖓᐅᑎᓯᒪᕔᑦ; ᐊᓯᕈᕐᑕᐅᔪᒃᓴᕈᕐᑎᑉᐰᑦ, ᑐᖁᕋᕐᑕᐅᔪᒃᓴᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 34:8

ᐊᑕᓂᐅᑉ ᐊᑭᓂᐊᕐᕕᖓᑕ ᐅᓪᓗᖓ ᓇᓪᓕᐅᑎᖕᒪᑦ, ᐊᕐᕌᒍ ᐊᑭᓂᐊᕈᑦᔨᓂᒃᓴᖓ ᓮᐅᓂᒥᒃ.

ᐂᓮᐊᓯᐅᑉ ᐊᒡᓚᖏᑦ 66:16

ᐃᑯᒪᒧᑦ ᐱᓂᐊᕐᓂᖃᕈᒫᕐᐳᖅ ᐃᖅᑲᕐᑐᐃᓂᕐᒥᒃ, ᓴᕕᒡᔪᐊᒥᓄᓪᓗ ᐃᓅᔪᓕᒫᓂᒃ ᐱᓇᓱᐊᕐᕕᖃᕈᒫᕐᐳᖅ; ᑐᖁᑕᐅᔪᓪᓗ ᐊᑕᓂᕐᒧᑦ ᐅᓄᕐᑐᐊᓘᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:35

ᐅᖃᕐᐳᓯ ᐸᓯᔭᒃᓴᐅᖏᓐᓂᕋᕐᓗᓯ, ᓂᓐᖓᐅᑦᔭᐅᔪᒃᓴᐅᖏᓐᓂᕋᕐᓗᓯᓗ ᐅᕙᓐᓄᑦ. ᑕᑯᒋᑦ ᐃᖅᑲᕐᑐᐃᓂᐊᕐᐳᖓ ᐃᓕᑦᓯᓐᓂᒃ, ᐅᖃᓚᐅᕋᑦᓯ ᐊᔪᕐᑐᓕᓚᐅᖏᓐᓂᕋᕐᓗᓯ.

ᔨᕆᒤᐊᐅᑉ ᐊᒡᓚᖏᑦ 23:19

ᑕᑯᒋᑦ, ᐊᑕᓂᐅᑉ ᓂᓐᖓᐅᒻᒪᓯᖓ ᐊᓄᕆᕐᔪᐊᑐᑦ ᑎᑭᑦᓱᒫᓕᕐᐳᖅ, ᐊᓄᕆᑎᑐᑦ ᕾᕙᒡᓗᓂ ᓄᓇᒧᑦ ᑎᑭᑦᑐᑎᑐᑦ; ᐱᐅᖏᑦᑐᓕᔪᑦ ᓂᐊᖁᖏᓐᓄᑦ ᑎᑭᑦᓱᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 45:5

ᐱᔪᓐᓇᕐᑐᕐᔪᐊᖑᓕᕈᑎᒃᓴᓂᒃ ᕿᓂᕈᕕᑦ, ᕿᓂᕈᓐᓃᕆᑦ ᐊᓯᕈᕐᑕᐅᓇᕐᑐᒥᒃ ᐃᓄᓕᒫᓄᑦ ᑎᑭᑎᑦᓯᓂᐊᕋᒪ, ᐊᑕᓂᖅ ᐅᖃᕐᐳᖅ, ᐃᕝᕕᓪᓕ ᐃᓅᓯᕐᒥᒃ ᑐᓂᓂᐊᕐᐸᒋᑦ ᓇᒧᑐᐃᓐᓇᖅ ᐂᓂᐊᕈᕕᑦ ᐃᓅᑎᑦᓱᒫᕐᐸᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 30:3

ᐅᓪᓗᖅ ᖃᒡᓕᓕᕐᐳᖅ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᐳᖅ; ᐅᓪᓗᖅ ᓄᕗᔭᔪᑎᑐᑦ ᑍᒤᑉᐳᖅ, ᐃᓅᖃᑎᒌᒡᔪᐊᑦ ᓱᒋᐊᕐᑕᐅᕕᒃᓴᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 38:22

ᓱᒋᐊᕈᒫᕐᐸᒃᑲ ᖃᓂᒪᓇᕐᑐᓄᑦ ᑐᖁᕋᐅᑎᓂᕐᓄᓪᓗ; ᓯᓚᓗᒡᕕᐅᑎᑦᓱᒫᕐᐸᒃᑲ ᐅᓇᑕᕐᑎᖁᑎᖏᓪᓗ ᐃᓅᖃᑎᒌᒡᔪᐊᓂᓪᓗ ᑕᐱᕐᑖᕆᓯᒪᔭᖏᑦ ᐃᓚᒋᔭᖏᑦ, ᓯᓚᓗᒡᔪᐊᒧᑦ ᓇᑕᖅᑯᕐᓇᓄᓪᓗ, ᐃᑯᒪᓄᑦ ᐊᐅᒪᓄᓪᓗ.

ᕼᐆᓯᐊᑉ ᐊᒡᓚᖏᑦ 12:2

ᐊᑕᓂᖅ ᔫᑕᒧᑦ ᐃᖅᑲᕐᑐᐃᑦᔪᑎᒃᓴᖃᕐᐳᖅ, ᔧᑯᓗ ᓱᒋᐊᕐᓂᐊᕐᐹ ᐊᑐᕐᑕᖏᑦ ᒪᓕᒡᓗᒋᑦ, ᐊᑭᓕᕐᓂᐊᕐᐹᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᔪᐃᓕᐅᑉ ᐊᒡᓚᖏᑦ 3:2

ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᕐᐸᒃᑲ, ᔨᕼᐆᓴᐸᐅᓪᓗ ᓇᕐᓴᖓᓄᐊᕈᑎᔪᒫᕐᐸᒃᑲ, ᑍᑲᓂᓗ ᐃᖅᑲᕐᑐᕈᒫᕐᐸᒃᑲ, ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ, ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᕐᑎᑦᓯᓚᐅᕐᑐᑦ ᐃᓅᖃᑎᒌᒡᔪᐊᓄᑦ; ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᒪᑕ.

ᒤᑲᐅᑉ ᐊᒡᓚᖏᑦ 6:2

“ᑐᓴᕆᑦᓯ, ᐃᓕᑦᓯ ᖃᖅᑬᑦ, ᐊᑕᓂᐅᑉ ᓈᒻᒪᒃᓴᖏᑦᔪᑎᖓᓂᒃ, ᐃᓕᑦᓯᓗ ᓄᓇᕐᔪᐊᑉ ᑐᓐᖓᕕᖏᑦ ᓴᓐᖏᔪᑦ. ᐊᑕᓂᖅ ᓈᒻᒪᒃᓴᖏᑦᔪᑎᖃᕐᒪᑦ ᐃᓄᖁᑎᒥᓄᑦ, ᐊᑭᕋᕐᑐᕐᓂᐊᕐᓗᓂᓗ ᐃᓴᕆᐊᓕᒥᐅᓂᒃ.