ᔨᕆᒤᐊᐅᑉ ᐊᒡᓚᖏᑦ 25:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᖁᕕᐊᓱᒃᕙᓗᒃᑐᑦ ᑐᓴᕐᑕᐅᕙᒍᓐᓃᕈᒫᕐᐳᑦ, ᑲᑎᑎᑕᐅᕋᑖᕐᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖏᑕ ᑲᑦᔮᕐᓇᕐᓂᖏᑦ ᐊᓯᐅᓗᑎᒃ, ᓯᖃᓪᓕᑦᓯᕖᓪᓗ ᓯᖃᓪᓕᑦᓯᕙᓪᓛᓂᖏᑦ ᓇᓂᕈᐊᓪᓗ ᖃᐅᒪᓂᓕᒫᖏᑦ ᐱᑕᖃᕈᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:10 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 3:13

ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ.

ᐃᔅᑕᐅᑉ ᐊᒡᓚᖏᑦ 7:4

ᐃᓅᖃᑎᒃᑲᓗ ᐅᕙᖓᓗ ᓂᐅᕐᕈᑎᒋᔭᐅᓯᒪᒐᑦᑕ, ᐊᓯᕈᕐᑕᐅᖁᓪᓗᑕ, ᑐᖁᑕᐅᖁᓪᓗᑕ, ᓄᖑᑕᐅᑦᓯᐊᖁᓪᓗᑕᓗ. ᓂᐅᕐᕈᑎᒋᔭᐅᓂᐊᕈᑦᑕᓕ ᐊᖑᑎᓪᓗ ᐊᕐᓁᓪᓗ ᓯᐊᓛᒃᓴᐅᖁᓪᓗᑕ, ᓂᓪᓕᕋᔭᓐᖏᓚᖓ, ᑕᒪᓐᓇ ᐅᖁᒤᑦᑐᒦᑎᑕᐅᓂᕗᑦ ᐊᑦᔨᐅᑎᑕᒃᓴᐅᖏᒻᒪᑦ ᐊᖓᔪᖅᑳᕐᔪᐊᑉ ᐊᓯᐅᔨᒐᔭᕐᓂᖓᓄᑦ.”

ᐃᔅᑕᐅᑉ ᐊᒡᓚᖏᑦ 8:11

ᑖᒃᑯᑎᒎᓇᖅ ᑎᑎᖅᑲᑎᒍᑦ ᐊᖓᔪᖅᑳᕐᔪᐊᖅ ᐱᔪᓐᓇᕐᓯᑎᑦᓯᓚᐅᕐᐳᖅ ᔫᑎᑦ ᐃᒡᓗᒐᓴᓕᒫᓂ ᐊᑐᓂᑦ ᑲᑐᑦᔨᓗᑎᒃ ᐃᓅᓯᕐᒥᖕᓂᒃ ᓴᐳᓐᓂᐊᖁᓪᓗᒋᑦ, ᐊᓯᕈᐃᖁᓪᓗᒋᑦ, ᑐᖁᑦᓯᖁᓪᓗᒋᑦ, ᓄᖒᑦᓯᑦᓯᐊᖁᓪᓗᒋᓪᓗ ᐅᓇᑕᐅᑎᖃᕐᑐᓕᒫᓂᒃ ᐃᓄᖕᓂᒃ ᖃᓄᐃᑦᑑᒐᓗᐊᕐᐸᑕ ᐅᕝᕙᓗ ᓄᓇᓕᖕᓂ ᐊᕕᒃᑐᕐᓯᒪᔪᑦ ᓇᓪᓕᐊᓐᓂ ᑐᖁᑦᓯᓇᓱᒃᑐᓕᒫᓂᒃ ᔫᑎᓂᒃ, ᕿᑐᕐᖓᖏᑦ ᐊᕐᓁᓪᓗ ᐱᖃᓯᐅᑎᓗᒋᑦ, ᑐᖁᑕᖏᑕᓗ ᐱᖁᑎᖏᑦ ᐱᑖᕆᓗᒋᑦ,

ᐂᓮᐊᓯᐅᑉ ᐊᒡᓚᖏᑦ 47:2

ᓯᖃᓪᓕᓯᐅᑎ ᓂᐊᖂᔭᒃᓴᒥᒃ ᑎᒍᓕᕈᒃ, ᓂᐊᖂᔭᒃᓴᓂᒡᓗ ᓯᖁᑦᑎᕆᓕᕆᑦ, ᑮᓇᕐᐱᑦ ᒪᑐᐊᖓ ᐲᓕᕈᒃ, ᐊᓐᓄᕌᑎᑦ ᐱᐅᔪᑦ ᐲᔭᕐᓗᒋᑦ, ᓂᐅᒃᑭᒃ ᓴᖅᑭᑎᒃᑭᒃ, ᑰᖕᒥᒡᓗ ᐃᑳᓕᕆᑦ.

ᔨᕆᒤᐊᐅᑉ ᐊᒡᓚᖏᑦ 16:9

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: “ᐃᓅᑎᓪᓗᓯ ᓱᓕ ᐅᓪᓗᒥ ᐃᓅᔪᓯ, ᖁᕕᐊᓱᒡᕙᓗᒃᑐᓂᒃ ᑐᓵᔭᒃᓴᖃᕈᓐᓃᕈᒫᕐᐳᓯ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᖁᕕᐊᓱᒃᑐᑦ ᑐᓴᕐᓴᐅᕙᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 48:33

ᖁᕕᐊᓲᑎᒃᓴᖃᕈᓐᓃᕐᐳᓯ ᓯᕆᑦᔪᑎᒃᓴᖃᕈᓐᓃᕐᓗᓯᓗ, ᒧᐊᐱᒥᐅᑦ ᐱᕈᕐᑎᑦᓯᕕᖏᓐᓂᑦ ᐱᕈᕐᓰᕕᖁᑎᖏᓐᓂᓪᓗ, ᕔᓃᑦ ᐃᑦᑏᔭᕐᕕᖏᓐᓂᑦ ᐱᔪᑦ ᓄᖅᑲᕐᑎᓐᓇᒃᑭᑦ, ᖁᕕᐊᓱᖕᓂᕐᒧᑦ ᓂᐱᐊᓘᓪᓗᑎᒃ ᑐᓪᓕᕐᐸᓚᐅᕐᑐᑦ ᐱᑕᖃᕈᓐᓃᕐᒪᑕ ᓲᕐᓗ ᓂᐱᐊᓗᐃᑦ ᑐᓴᕐᓴᐅᒐᓗᐊᕐᐳᑦ, ᖁᕕᐊᓱᖕᓂᕐᒧᓪᓕ ᓂᓪᓕᐊᓂᐅᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 7:34

ᖁᕕᐊᓇᕐᑐᖃᕈᓐᓃᕈᒫᕐᐳᖅ ᖁᕕᐊᓱᒡᕙᓗᒃᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖓᑐᑦ ᑐᓴᕐᓴᐅᔪᓐᓇᕈᓐᓃᕈᒫᕐᐳᑦ ᔫᑕᒥᐅᓂ ᔨᕉᓴᓕᒥᐅᓂᓗ, ᓄᓇᖏᑦ ᑭᓱᑕᖃᕈᓐᓃᕈᒪᕐᒪᑕ ᐃᓄᖃᔪᐃᑦᑐᑎᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:15

ᐆᒻᒪᑎᑦᑕ ᖁᕕᐊᓱᖕᓂᖏᑦ ᓄᖅᑲᕐᐳᑦ, ᑖᓂᓯᕐᓂᕗᑦ ᒧᒥᒃᐳᖅ ᕿᒃᓵᖕᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 26:13

ᑐᓴᕐᓂᕋᐅᑎᓄᑦ ᐃᓐᖏᕐᓂᓯ ᓄᖅᑲᕐᑎᑦᓱᒫᕐᐸᒃᑲ, ᑯᑭᑦᑕᐸᐅᑎᐅᔧᓪᓗ ᑐᓴᕐᓴᐅᔪᖃᕈᓐᓃᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.