ᔨᕆᒤᐊᐅᑉ ᐊᒡᓚᖏᑦ 23:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐃᓄᒃ ᐃᔨᕐᓯᒪᔪᓐᓇᕐᐹ ᖃᐅᔨᒪᓇᖏᑦᑐᒧᑦ ᑕᑯᔪᓐᓇᕐᓂᐊᓐᖏᑕᓐᓂᒃ? ᐊᑕᓂᖅ ᐅᖃᕐᐳᖅ. ᓇᓂᑐᐃᓐᓈᓐᖏᓚᖔ ᕿᓚᖕᒥ ᓄᓇᒥᓗ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:24 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:3

ᐊᑕᓂᖅ ᑕᐅᑐᒃᐳᖅ ᓇᓃᑦᑐᓕᒫᓂᒃ, ᑕᒪᕐᒥᒃ ᑕᐅᑐᖕᒪᒋᑦ ᐱᐅᖏᑦᑐᑦ ᐱᐅᔪᓪᓗ.

ᐃᓐᖏᕈᑎᑦ 139:7

ᓇᒧᑦ ᐂᔪᓐᓇᕐᐳᖔ ᐊᓂᕐᓂᕐᓂᑦ? ᐅᕝᕙᓗ ᓇᒧᑦ ᕿᒫᔪᓐᓇᕐᐳᖔ ᓇᔫᑎᓂᕐᓂᑦ?

ᐃᓐᖏᕈᑎᑦ 90:8

ᐊᔪᕐᑐᓕᓂᕗᑦ ᓵᖕᓄᑦ ᐱᑎᑉᐸᑎᑦ, ᐊᔪᕐᓂᕗᓪᓗ ᐃᔨᕐᓯᒪᔭᕗᑦ ᑮᓇᕐᐱᑦ ᖃᐅᒻᒪᒃᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 29:15

ᑲᑉᐱᐊᓐᓇᒦᒃ ᐃᑎᔪᒥᒃ ᐃᔨᕐᓯᒪᓇᓱᒃᑐᑦ ᐊᑕᓂᕐᒧᑦ ᐃᓱᒪᓕᐅᕈᑎᒋᔭᒥᖕᓂᒃ, ᐱᓂᐊᕐᓂᖏᑦ ᑖᕐᑐᒦᑦᑐᑦ; ᐅᖃᕐᓗᑎᒃ, “ᑭᐊ ᑕᑯᓐᓇᕐᐹᑎᒍᑦ? ᑭᐊᓗ ᖃᐅᔨᒪᕚᑎᒍᑦ?”

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᐃᓐᖏᕈᑎᑦ 10:11

ᐆᒻᒪᑎᒥᒍᑦ ᐃᒻᒥᓄᑦ ᐅᖃᕐᓯᒪᒐᒥ, “ᒎᑎ ᐳᐃᒍᕐᓯᒪᕗᖅ, ᑮᓇᓂ ᐃᔨᕐᓯᒪᕚ, ᑕᑯᓂᐊᓐᖏᓚᕐᓗ.”

ᑯᕉᓂᑲ ᐂᑉᐸᖏᑦ 6:18

“ᒎᑎᓕ ᐃᓄᖕᓂ ᐃᓂᖃᕈᓐᓇᕋᓗᐊᕐᐹ ᓄᓇᕐᔪᐊᒥ? ᑕᑯᒋᑦ, ᕿᓚᒃ ᕿᓔᓪᓗ ᖁᑦᓯᖕᓂᕐᐹᖏᑦ ᐃᓂᖃᕐᑎᑦᓯᔪᓐᓇᓐᖏᓚᑦ ᐃᓕᖕᓂᒃ; ᖃᓄᕐᓕ ᐅᓇ ᐃᒡᓗᓕᐊᕆᓚᐅᕐᑕᕋ ᐃᓂᖃᕐᑎᑦᓯᔪᓐᓇᕐᐸ!

ᐃᐱᓯᒥᐅᓄᑦ 1:23

ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.

ᑯᕉᓂᑲ ᐂᑉᐸᖏᑦ 2:6

ᑭᐊᓕ ᑐᒃᓯᐊᕐᕕᒡᔪᐊᓕᐅᕈᓐᓇᕐᐸᐅᒃ, ᕿᓚᒃ, ᕿᓔᓪᓗ ᖁᑦᓯᖕᓂᕐᐹᖏᑕ ᐱᓯᒪᔪᓐᓇᓐᖏᑎᓪᓗᓂᐅᒃ? ᖃᓄᐃᑦᑑᒐᒪᓕ ᑐᒃᓯᐊᕐᕕᒡᔪᐊᓕᐅᕐᑐᒃᓴᐅᕗᖓ ᑖᑦᓱᒧᖓ, ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᔪᓐᓇᑐᐃᓐᓇᕐᓗᖓ ᑖᑦᓱᒪ ᓵᖓᓂ?

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᐃᓯᑭᐊᓕᐅᑉ ᐊᒡᓚᖏᑦ 8:12

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᖃᐅᔨᕖᑦ? ᐃᓴᕆᐊᓕᐅᑉ ᑭᖑᕚᖏᑕ ᓯᕗᓕᕐᑎᖏᑦ ᐃᔨᕋᕐᑐᕐᓗᑎᒃ ᖃᓄᐃᓕᐅᕐᐸᖕᓂᖏᓐᓂᒃ, ᐃᒡᓗᕈᓯᕐᒥ ᐊᑐᓂᑦ ᒎᑎᓐᖑᐊᓂᒃ ᐊᑦᔨᓐᖑᐊᖁᑎᖃᐅᕐᐳᑦ; ᐅᖃᖃᑦᑕᕐᐳᑦ, ‘ᐊᑕᓂᐅᑉ ᑕᑯᓐᓇᓐᖏᓛᑎᒍᑦ, ᐊᑕᓂᐅᑉ ᓄᓇ ᕿᒪᒃᓯᒪᓕᕐᐹ.’”

ᔨᕆᒤᐊᐅᑉ ᐊᒡᓚᖏᑦ 49:10

ᐄᓴᐅᑉ ᑭᖑᕚᖏᑦ ᓱᓁᕈᑎᓂᐊᕐᐸᒃᑲ, ᐃᔨᕋᕐᑐᕐᕕᖏᓪᓗ ᓴᖅᑭᑎᓐᓂᐊᕐᐸᒃᑲ, ᐃᔨᕐᓯᒪᕖᕈᑎᑯᓪᓗᒋᑦ ᕿᑐᕐᖓᖏᑦ, ᐃᓚᖏᓪᓗ, ᐃᓅᖃᑎᖏᓪᓗ ᓄᖑᓐᓂᐊᕐᐳᑦ, ᑭᖑᕚᒃᓴᖃᒃᑲᓐᓂᕈᓐᓃᖁᓪᓗᒋᑦ.

ᐃᓐᖏᕈᑎᑦ 148:13

ᑖᒃᑯᐊ ᐊᑕᓂᐅᑉ ᐊᑎᖓ ᓂᕐᑐᕐᓕᑦᔪᒃ, ᑖᑦᓱᒪ ᐊᑎᖓ ᑕᒤᓐᓂᑦ ᐊᖏᓂᕐᐸᐅᖕᒪᑦ; ᓂᕐᑐᕐᓇᕐᓂᖓᓗ ᖁᑦᓯᖕᓂᕐᓴᐅᕗᖅ ᓄᓇᕐᔪᐊᕐᒥᑦ ᕿᓚᖕᒥᓪᓗ.

ᒨᓯᓯ ᓯᕗᓪᓖᑦ 16:13

ᐂᒡᒐᐅᓪᓗ ᐊᑕᓂᖅ ᐅᖃᕐᕕᒋᔨᓂ ᐊᑎᖃᕐᑎᑉᐹ, “ᒎᑏ ᑕᑯᓐᓇᕐᐳᑎᑦ”; ᐅᖃᓚᐅᕋᒥ, “ᒎᑎᒥᒃ ᑕᑯᓪᓚᕆᒃᐳᖓ ᑐᖁᓇᖓᓗ ᑕᑯᓚᐅᕐᓗᒍ?”

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᔫᐱᐅᑉ ᐊᒡᓚᖏᑦ 34:21

ᑖᑦᓱᒪ ᐃᓄᓕᒫᑦ ᑕᑯᓐᓇᕐᒪᒋᑦ ᐃᓕᖅᑯᓯᖏᑦ, ᖃᓄᐃᓕᐅᕐᓂᓕᒫᖏᓪᓗ ᑕᑯᓐᓇᕆᕔᑦ.

ᔫᐱᐅᑉ ᐊᒡᓚᖏᑦ 34:22

ᑖᕐᓂᕐᑕᖃᓐᖏᓚᖅ ᑐᖂᓪᓘᓐᓃᑦ ᐃᓂᖓᓂ ᐱᐅᖏᑦᑐᓕᔪᓄᑦ ᐃᔨᕐᕕᐅᔪᓐᓇᕋᔭᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 16:17

ᐱᐅᓯᕆᔭᓕᒫᖏᑦ ᖃᐅᔨᒪᑦᓯᐊᕋᒃᑭᑦ; ᐅᕙᓐᓄᑦ ᐃᔨᕐᓯᒪᖏᒻᒪᑕ, ᐊᔪᕐᑐᓕᓂᖏᓪᓗ ᑕᕐᕆᓯᒪᔪᖃᕋᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:19

ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 2:22

ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᐃᓐᖏᕈᑎᑦ 139:8

ᕿᓚᖕᒧᑦ ᖁᒻᒧᐊᒐᔭᕈᒪ, ᑕᕝᕙ ᑕᕝᕙᓃᑉᐳᑎᑦ; ᑐᖁᖓᔪᑦ ᐃᓂᖓᓄᑦ ᓇᓪᓚᕋᔭᕈᒪ, ᑕᑯᒋᑦ, ᑕᕝᕙ ᑕᕝᕙᓃᓐᓂᕗᑎᑦ.