ᔨᕆᒤᐊᐅᑉ ᐊᒡᓚᖏᑦ 23:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐅᕙᓐᓂᒃ ᖃᐅᔨᒋᐊᕐᕕᖃᓚᐅᕈᑎᒃ, ᐅᖃᐅᓯᕆᖁᔭᓐᓂᒃ ᐅᖃᕈᓐᓇᕋᔭᓚᐅᕐᐳᑦ ᐃᓄᖁᑎᓐᓄᑦ, ᐱᐅᖏᑦᑐᓕᓂᖏᓐᓂᓪᓗ ᓴᖑᑎᑦᓯᒐᔭᓚᐅᕐᐳᑦ, ᐃᓕᖅᑯᓯᕐᒥᖕᓂᓪᓗ ᐱᐅᖏᑦᑐᓂᑦ.

ᔨᕆᒤᐊᐅᑉ ᐊᒡᓚᖏᑦ 23:22 ပူးပေါင်းရင်းမြစ်များ

ᓴᑲᕅᐊᐅᑉ ᐊᒡᓚᖏᑦ 1:4

“ᓯᕗᓕᕕᓂᑦᓯᑐᑦ ᐱᖁᓐᖏᓚᑦᓯ, ᑍᒃᑯᐊ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐅᖃᕐᕕᐅᕙᓚᐅᕐᐳᑦ ᐃᒫᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑐᕐᓂᕐᓗᒃᑕᑦᓯᓐᓂᑦ ᖃᕿᐊᓕᕆᑦᓯ ᐱᐅᖏᑦᑐᓕᓂᕆᕙᒃᑕᑦᓯᓐᓂᓪᓗ.’ ᑍᒫᒃ ᑐᓴᕋᓗᐊᕋᒥᒃ ᓈᓚᓚᐅᓐᖏᓚᑦ ᒪᓕᒍᒪᓚᐅᓐᖏᓚᓪᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 25:5

ᐅᖃᖃᑦᑕᓚᐅᕐᐳᓪᓗ, ‘ᓵᒋᐊᓕᕆᑦᓯ, ᑕᒪᑦᓯ ᐊᑐᓂᑦ, ᐱᐅᖏᑦᑐᓕᓂᑦᓯᓐᓂᑦ ᐱᓂᐊᕐᓂᕆᔭᑦᓯᓐᓂᓪᓗ ᓈᒻᒪᖏᑦᑐᓂᑦ ᓄᓇᖃᑯᑖᒍᓐᓇᕐᓂᐊᕋᑦᓯ ᐊᑕᓂᐅᑉ ᓄᓇᑖᕆᔭᐅᑎᓯᒪᔭᖓᓂᒃ ᐃᓕᑦᓯᓐᓄᑦ ᓯᕗᓕᑦᓯᓐᓄᓪᓗ ᑍᑦᓱᒪᓂᐊᓗᖕᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 23:18

ᓇᓪᓕᐊᑕᓕ ᑖᒃᑯᐊ ᐊᑕᓂᖅ ᖃᐅᔨᒋᐊᕐᕕᒋᓚᐅᕐᓯᒪᕙᑦᔫᒃ, ᐅᖃᐅᓯᖏᓐᓂᒡᓘᓐᓃᑦ ᑐᓴᕋᓱᓚᐅᕐᓯᒪᕚᑦ? ᓈᓚᒃᑐᖃᕐᓯᒪᕚ ᐅᖃᐅᓯᖏᓐᓂᒡᓗ ᑐᓴᕐᑐᖃᕈᒪᓪᓗᓃ?

ᐋᐴᓯᑕᓖᑦ ᐱᓂᐊᕐᓂᖏᑦ 20:27

ᐅᖃᕐᑍᓕᒪᓚᐅᖏᓐᓇᒪ ᐃᓕᑦᓯᓐᓄᑦ ᒎᑎᐅᑉ ᐊᑐᕐᑕᐅᖁᔭᓕᒫᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 13:22

“ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:6

ᑍᒤᒻᒪᑦ ᓯᓂᒃᑐᒃᓴᐅᓐᖏᓚᒍᑦ ᐊᓯᑦᑎᑐᑦ; ᐃᖅᑯᒪᔪᒃᓴᐅᕗᒍᓪᓕ ᐃᒃᐱᒍᓱᑦᓯᐊᕐᓗᑕᓗ.

ᐃᓯᑭᐊᓕᐅᑉ ᐊᒡᓚᖏᑦ 3:17

“ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ; ᑍᒤᒻᒪᑦ ᐅᖃᐅᓯᒃᑲ ᑐᓴᕈᕕᒋᑦ ᖃᓂᓐᓂᑦ ᐊᓂᔪᑦ, ᐃᓂᕐᑎᒃᑭᑦ ᐅᕙᓐᓂᑦ ᐱᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 2:7

ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 18:30

“ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.

ᔨᕆᒤᐊᐅᑉ ᐊᒡᓚᖏᑦ 36:3

ᐃᒻᒪᖄ ᔫᑕᒥᐅᑦ ᑖᕙᓐᖓᓂᑦ ᑲᑉᐱᐊᓇᕐᑐᓂᒃ ᑎᑭᑦᑐᖃᕈᒫᕐᓂᖓᓂᒃ ᐅᖃᖃᑦᑕᕐᓂᕆᓕᓚᐅᕐᑕᕋ ᑐᓴᓕᕈᓂᑦᔪᒃ ᓵᒋᐊᕈᓐᓇᕐᓯᒐᔭᕐᐳᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᑕᕝᕙ ᐱᐅᖏᑦᑐᓕᓯᒪᓂᖏᑦ ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕋᔭᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 9:12

ᐃᓄᒃᑕᖃᕐᐹ ᑕᒪᑐᒥᖓ ᑐᑭᓯᔪᓐᓇᕐᑐᒥᒃ ᓯᓚᑐᓂᕐᒥᓄᑦ? ᑭᓇ ᐊᑕᓂᕐᒧᑦ ᐊᔪᕆᕐᑐᕐᑕᐅᓯᒪᓂᕐᒥᓄᑦ ᑕᒪᑐᒥᖓ ᑐᑭᓯᓇᕐᓯᑎᑦᓯᔪᓐᓇᕐᐹ? ᖃᓄᐃᒻᒪᑦ ᓄᓇ ᐊᓯᕈᕐᓯᒪᕚ ᐊᑐᕐᑐᒃᓴᐅᔪᓐᓃᕐᓗᓂᓗ ᓲᕐᓗ ᐃᓄᖃᔪᐃᑦᑐᑎᑐᑦ ᐊᑐᕐᑕᐅᔪᓐᓁᓪᓕᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 13:5

ᐅᐸᒍᑎᔪᓐᓇᖏᓐᓇᑦᓯᓘᓐᓃᑦ ᓯᖁᑦᑎᕐᓯᒪᓂᖏᓐᓄᑦ, ᐊᕙᓗᕐᔪᐊᒥᒡᓘᓐᓃᑦ ᓴᓇᔪᓐᓇᖏᓐᓇᑦᓯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᓇᐸᔪᓐᓇᖁᓪᓗᒍ ᐅᓇᑕᓕᕐᐸᑕ ᐊᑕᓂᐅᑉ ᐅᓪᓗᖓᓂ.

ᐂᒨᓯᐅᑉ ᐊᒡᓚᖏᑦ 3:7

“ᓱᓕᓪᓚᕆᒃᐳᖅ ᐊᑕᓂᖅ ᐱᓂᐊᓲᖑᖏᒻᒪᑦ ᓇᓗᓇᕐᑐᒥᒃ, ᓇᓗᓁᕐᓯᓚᐅᖅᑳᕋᓂ ᐱᔨᓄᑦ ᐅᖃᕐᑎᖁᑎᒥᓄᑦ?

ᒪᓚᑬᑉ ᐊᒡᓚᖏᑦ 2:6

ᐱᖁᔧᑦ ᓱᓕᔪᑦ ᖃᓂᖓᓃᓚᐅᕐᐳᑦ, ᑕᒻᒪᕐᓂᕐᒥᒡᓗ ᖃᓂᖓᓂᑦ ᓇᓂᓯᕕᐅᓚᐅᓐᖏᓚᖅ. ᐱᓱᖃᑎᒋᓚᐅᕐᐹᖓ ᓮᒪᓇᕐᑐᒃᑯᑦ ᐃᓱᐊᕐᓂᒃᑯᓪᓗ, ᐅᓄᕐᑐᓂᒡᓗ ᐱᐅᖏᑦᑐᓕᓂᕐᒦᑦᑐᓂᒃ ᓴᖑᑎᑦᓯᓚᐅᕐᐳᖅ.