ᔨᕆᒤᐊᐅᑉ ᐊᒡᓚᖏᑦ 23:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓄᓇᓕᓕᒫᖅ ᓈᖕᒪᑦ ᐊᓯᓐᓂᐊᕐᑎᓂᒃ; ᓇᕐᕈᓇᕐᓯᑎᑕᐅᓂᕐᒧᑦ ᓄᓇ ᕿᒃᓵᒃᐳᖅ, ᓇᑎᕐᓁᓪᓗ ᐃᕕᒃᓱᒐᖏᑦ ᑐᖁᓕᕗᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᐅᖏᑦᑐᓕᓂᕐᒥᒃ ᐃᓅᓯᖃᓕᕐᒪᑕ ᐱᔪᓐᓇᕐᓂᑎᒡᓗ ᐊᑐᕐᓂᕐᓗᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 23:10 ပူးပေါင်းရင်းမြစ်များ

ᐄᓱᕋᐅᑉ ᐊᒡᓚᖏᑦ 10:18

ᐅᑯᐊ ᑕᕝᕙ ᐊᖑᑏᑦ ᓄᓕᐊᖃᓚᐅᕐᑐᑦ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᑐᓂᕐᕈᓯᕐᑎᑦᓯᔩᑦ, ᑎᑎᕋᕐᑕᐅᓯᒪᔪᑦ ᐃᓚᒌᖕᓂᖏᑎᒍᑦ: ᔩᓱᐊᑉ ᐃᓚᖏᑦ ᖃᑕᓐᖑᑎᖏᓪᓗ, ᔫᔭᑕᐅᑉ ᐃᕐᓂᖏᑦ ᖃᑕᓐᖑᑎᖏᓪᓗ, ᒫᓯᐊᒃᑯᑦ, ᐃᓔᓯᕆᒃᑯᑦ, ᔭᕆᑉᑯᑦ, ᒋᑕᓔᐊᒃᑯᓪᓗ.

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 24:6

ᑍᒤᒻᒪᑦ ᒎᑎᐅᑉ ᓄᓇᕐᔪᐊᖅ ᓇᕐᕈᓇᕐᓯᑎᓚᐅᕐᐹ, ᐃᓄᖏᑦ ᑍᒤᑕᐅᔪᒃᓴᓐᖑᕋᒥᒃ ᐸᓯᔭᒃᓴᐅᓕᕐᐳᑦ ᐃᓅᔪᑦ ᖃᑦᓰᓐᓇᓐᖑᕐᐸᓪᓕᐊᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:18

ᑲᑉᐱᐊᓐᓇᒦᒃ ᐅᓂᐊᕐᑐᑦ ᐊᔪᕐᑐᓕᓂᕐᒥᒃ ᓴᒡᓗᓂᐅᑉ ᐊᒃᓱᓈᖓᒍᑦ, ᐊᔪᕐᓂᕐᒥᒃ ᐅᓂᐊᕐᑐᑦ ᐊᒃᓱᓈᓂᒃ ᐅᓂᐊᕈᑎᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 12:11

ᓄᓇᓕᒫᖅ ᐊᑐᕐᑐᒃᓴᐅᔪᓐᓃᕐᐳᖅ, ᓱᓇᑕᖃᕈᓐᓃᕐᐳᖅ, ᐅᕙᓐᓄᑦ ᕿᒃᓵᒡᓗᓂ ᕿᐊᕗᖅ. ᓄᓇᓕᒫᖅ ᐊᑐᕐᕕᒃᓮᕈᑎᕗᖅ, ᑭᓇᒧᓪᓘᓐᓃᑦ ᐃᒃᐱᒋᔭᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 14:2

“ᔫᑕᒥᐅᑦ ᕿᒃᓵᓕᕐᐳᑦ, ᓄᓇᖓᑦ ᐸᓂᓕᕐᒪᑦ, ᓄᓇ ᐱᓪᓗᒍ ᐅᒡᒍᐊᕐᐳᑦ, ᔨᕉᓴᓕᒥᐅᓪᓗ ᕿᓄᓂᖏᑦ ᑐᓴᕐᓴᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 6:13

“ᒥᑭᓐᓂᕐᐹᓂᑦ ᐊᖏᓂᕐᐹᑦ ᑎᑭᓪᓗᒋᑦ ᒥᖕᓂᑐᔪᐃᓐᓈᓘᓕᕐᒪᑕ, ᑕᒪᕐᒥᒃ ᓯᓔᕐᕆᒃᓯᓂᒃᑯᑦ ᐱᕚᓪᓕᕈᑎᖃᕋᓱᐊᕐᐳᑦ; ᐱᔪᖃᓛᕐᑐᒥᒃ ᐅᖃᕐᑎᓐᓂᑦ ᑐᓂᕐᕈᓯᕐᑎᑦᓯᔨᓄᑦ ᓴᒡᓗᑭᑦᓯᓂᕐᒥᒃ ᐱᓂᐊᕐᓂᖃᓕᕐᒪᑕ

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 9:10

ᖃᖅᑬᑦ ᕿᐅᑦᔪᑎᒋᓂᐊᕐᐸᒃᑲ ᓂᐹᓗᖓ, ᐅᒡᒍᐊᕈᑎᖃᕐᓗᖓᓗ ᓇᑎᕐᓁᑦ ᓄᓇᑦᓯᐊᕙᐅᓂᕆᕙᓚᐅᕐᑕᖏᓐᓂᒃ, ᓱᓇᑕᖃᕈᓐᓃᕐᒪᑕ ᐃᖏᕐᕋᕕᐅᔪᓐᓇᕈᓐᓃᕐᓗᑎᒡᓗ ᐆᒪᔪᐃᓪᓗ ᓂᕆᓇᓱᐊᕐᐸᓚᐅᕐᑐᑦ ᑐᓴᕐᑕᐅᑦᔮᔪᓐᓃᕐᒪᑕ, ᑎᖕᒥᐊᓕᒫᓪᓗ ᕿᒫᓗᑎᒃ ᐊᐅᓪᓚᕐᓯᒪᓕᕐᒪᑕ ᐆᒪᔪᖃᕈᓐᓃᕐᓗᓂᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 9:12

ᐃᓄᒃᑕᖃᕐᐹ ᑕᒪᑐᒥᖓ ᑐᑭᓯᔪᓐᓇᕐᑐᒥᒃ ᓯᓚᑐᓂᕐᒥᓄᑦ? ᑭᓇ ᐊᑕᓂᕐᒧᑦ ᐊᔪᕆᕐᑐᕐᑕᐅᓯᒪᓂᕐᒥᓄᑦ ᑕᒪᑐᒥᖓ ᑐᑭᓯᓇᕐᓯᑎᑦᓯᔪᓐᓇᕐᐹ? ᖃᓄᐃᒻᒪᑦ ᓄᓇ ᐊᓯᕈᕐᓯᒪᕚ ᐊᑐᕐᑐᒃᓴᐅᔪᓐᓃᕐᓗᓂᓗ ᓲᕐᓗ ᐃᓄᖃᔪᐃᑦᑐᑎᑐᑦ ᐊᑐᕐᑕᐅᔪᓐᓁᓪᓕᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 9:2

ᓄᓇᒥᓗ ᓯᐅᕅᓐᓇᕐᒥ ᓯᓂᒃᑕᕐᕕᒃᑕᖃᕐᐸᑦ ᐃᖏᕐᕋᕙᒃᑐᓄᑦ, ᐃᓅᖃᑎᒃᑲ ᕿᒪᒡᓗᒋᑦ ᐊᐅᓪᓚᕋᔭᕋᓗᐊᕐᐳᖓ, ᐊᓯᓐᓂᐊᕐᑏᓐᓇᐅᖕᒪᑕ ᐅᒃᐱᕐᓇᖏᑦᑐᐃᓐᓇᐅᓕᕐᒪᑕ.

ᕼᐆᓯᐊᑉ ᐊᒡᓚᖏᑦ 7:4

ᐊᓯᓐᓂᐊᕐᑏᓐᓇᐅᕗᑦ; ᓂᕿᓕᐅᕐᕕᒃᑐᑦ ᐆᓇᕐᑐᑐᑦ ᑍᒤᑉᐳᑦ, ᓂᐊᖂᔭᓕᐅᕐᑎᒧᑦ ᐃᑯᐊᓪᓚᒃᓴᕐᑕᐅᓚᐅᖏᑦᑐᑐᑦ, ᓂᐊᖂᔭᓕᐊᖓ ᐳᕙᓪᓚᓚᐅᖏᓐᓂᖓᓂ.

ᔪᐃᓕᐅᑉ ᐊᒡᓚᖏᑦ 1:10

ᐱᕈᕐᓰᕖᑦ ᐊᑐᕈᓐᓁᕐᐳᑦ; ᓄᓇᓗ ᕿᒃᓵᒃᐳᖅ, ᓂᐊᑰᔭᒃᓮᑦ ᐊᓯᕈᕐᑕᐅᓂᖏᓐᓄᑦ, ᐸᐅᕐᖎᓪᓗ ᐸᓂᕐᐳᑦ ᕔᓂᒃᓮᑦ, ᓇᐹᕐᑐᐃᓪᓗ ᐅᕐᓱᒃᓴᕐᑕᓖᑦ ᑐᖁᓕᕗᑦ.

ᒨᓯᓯ ᐱᖓᔪᖏᑦ 5:1

“ᐃᓄᒃ ᐊᔪᕐᑐᓕᒃᐸᑦ ᐃᖅᑲᕐᑐᐃᔪᖃᕐᑎᓪᓗᒍ ᐅᖃᐅᓯᖃᖏᑦᑐᖅ ᐅᖃᕆᐊᖃᕋᓗᐊᕐᓗᓂ ᑕᑯᓚᐅᕐᑕᒥᓂᒃ ᖃᐅᔨᓚᐅᕐᑕᒥᓂᒡᓗ ᑖᓐᓇ ᐸᓯᔭᒃᓴᐅᕗᖅ.

ᔨᐸᓁᐊᐅᑉ ᐊᒡᓚᖏᑦ 3:4

ᓇᓚᐅᑦᑍᔨᖁᑎᖏᑦ ᐅᖃᐅᓯᕐᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᕐᑎᑦᓯᔨᖏᑦ ᓇᕐᕈᓇᕐᓯᑎᑦᓯᕗᑦ ᐃᑦᔪᕐᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᓂᕐᓗᒃᐳᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᑎᒧᑎᒧᑦ ᓯᕗᓪᓖᑦ 1:10

ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?