ᔨᕆᒤᐊᐅᑉ ᐊᒡᓚᖏᑦ 22:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᔨᕼᐅᐃᐊᑭᒻ ᐱᑦᔪᑎᒋᓪᓗᒍ ᔫᑕᒧᑦ ᐊᖓᔪᖅᑳᕐᔪᐊᖑᔪᖅ ᔫᓮᐊᐅᑉ ᐃᕐᓂᖓ, “ᑐᖁᒃᐸᑦ ᕿᒃᓵᒍᑕᐅᔪᒫᓐᖏᓚᖅ ᖃᑕᓐᖑᑎᖏᓐᓄᑦ ᓇᔭᖏᓐᓄᓪᓗ ᐅᒡᒍᐊᕐᓇᕋᔭᕋᓗᐊᕐᐳᖅ, ᕿᐊᑦᔪᑕᐅᓐᖏᓚᕐᓕ, ᐊᖓᔪᖅᑳᕐᔪᐊᖃᕐᑐᓄᑦ ᐅᒡᒍᐊᕐᓇᕋᓗᐊᕐᐳᖅ, ᐊᖓᔪᖅᑳᕐᔪᐊᖑᓂᖓ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 22:18 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 16:6

ᑕᒪᕐᒥᒃ ᐊᔪᖏᑦᑐᑦ ᐊᔪᕐᑐᓪᓗ ᑐᖁᔪᒫᕐᐳᑦ ᓄᓇᒥ ᑕᒫᓂ; ᐃᓗᕕᕐᑕᐅᔪᒫᓐᖏᓚᑦ, ᕿᒃᓵᒍᑕᐅᔪᒫᓐᖏᓚᓪᓘᓐᓃᑦ ᐅᒡᒍᐊᕐᓂᕐᒧᑦ ᑭᓪᓕᐊᑦᔪᑕᐅᔪᒫᓐᖏᓚᑦ ᓄᔧᔭᕈᑕᐅᔪᒫᕋᑎᒡᓗ.

ᐊᑕᓃᑦ ᓯᕗᓪᓖᑦ 13:30

ᐃᓕᕚᓗ ᓇᖕᒥᓂᖅ ᐃᓚᖏᑕ ᐃᓗᕕᕐᕕᖏᓐᓄᑦ; ᐃᕐᓂᖏᑦᑕᐅᖅ ᕿᐊᑦᔪᑎᖃᕆᕗᑦ ᑖᑦᓱᒥᖓ, ᐅᖃᕐᓗᑎᒃ, “ᖃᑕᓐᖑᑏᒃ ᖃᑕᓐᖑᑏᒃ!”

ᔨᕆᒤᐊᐅᑉ ᐊᒡᓚᖏᑦ 22:10

ᕿᐊᑦᔪᑎᒋᑦᑍᓕᓯᐅᒃ ᑐᖁᖓᔪᖅ, ᕿᒃᓴᐅᑎᒋᓇᒍᓗ, ᕿᐊᑦᔪᑎᖃᖔᕐᑐᒃᓴᐅᕗᓯᓕ ᐊᐅᓪᓚᕈᑦᔭᐅᓯᒪᔪᓂᒃ, ᐅᑎᕐᓂᐊᕈᓐᓁᕐᒪᑕ ᓄᓇᑐᖃᕐᒥᖕᓂᒃ ᑕᑯᓂᐊᕈᓐᓁᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 34:5

ᖃᓄᐃᖏᑦᓯᐊᕐᓗᑎᑦ ᑐᖁᔪᒫᕐᐳᑎᑦ. ᓯᕗᓕᓯ ᐃᑯᐊᓚᑦᓯᕙᓚᐅᕐᒪᑕ ᐃᓯᕐᓗᐊᕐᓂᑎᑦᓯᓪᓗᑎᒃ ᐃᓅᔪᓐᓃᕐᑐᖃᕌᖓᑦ ᐊᖓᔪᖅᑳᕐᔪᐊᖏᓐᓂᒃ, ᐅᐱᒍᓲᑎᖃᕐᓂᕐᒥᖕᓂᒃ ᓇᓗᓁᕐᓯᑦᔪᑎᒋᓗᒍ, ᑍᒪᒃᑕᐅᖅ ᐃᓕᖕᓂᒃ ᐅᐱᒍᓲᑎᖃᕐᓂᕐᒧᑦ ᐅᒡᒍᐊᕈᑎᖃᕐᓂᕐᒧᓪᓗ ᐃᑯᐊᓚᑦᓯᑦᔪᑕᐅᔪᒫᕆᕗᑎᑦ ᑎᐱᑦᓯᐊᕆᒃᑐᓂᒃ; ᐅᖃᕐᓗᑎᒃ, “ᐊᖓᔪᖅᑳᕆᔭᕗᑦ ᑐᖁᕗᖅ!”’ ᐅᕙᖓ ᑕᒪᑐᒥᖓ ᐅᖃᕐᐳᖓ, ᐊᑕᓂᖅ ᐅᖃᕐᐳᖅ.”

ᑯᕉᓂᑲ ᐂᑉᐸᖏᑦ 35:25

ᔨᕆᒤᐊᓗ ᐅᒡᒍᐊᕐᓗᓂ ᕿᒃᓵᒃᐳᖅ ᔫᓮᐊ ᐱᓪᓗᒍ; ᐊᖑᑎᑦ ᐊᕐᓁᓪᓗ ᐃᓐᖏᕐᑏᑦ ᔫᓮᐊᒥᒃ ᐅᖃᐅᓯᖃᕐᐳᑦ ᐅᒡᒍᐊᕈᑎᒋᓪᓗᒍ ᕿᒃᓵᓂᒃᑯᑦ ᐅᓪᓗᒥᒧᑦ ᑎᑭᓪᓗᒍ. ᐃᓴᕆᐊᓕᒥᐅᓂᑦ ᑕᒪᓐᓇ ᐱᐅᓯᕐᑖᕆᔭᐅᑎᑕᐅᓚᐅᕐᐳᖅ; ᑕᑯᒋᑦ, ᑕᒪᒃᑯᐊ ᐊᒡᓚᒃᓯᒪᕗᖅ ᐅᒡᒍᐊᕈᑎᐅᓪᓗᑎᒃ.

ᓴᒧᐃᓕ ᐂᑉᐸᖏᑦ 1:26

ᕿᒃᓴᐅᑎᒋᕙᒋᑦ ᖃᑕᓐᖑᑎᒐ ᔫᓇᑕᓃ; ᐅᕙᓐᓄᑦ ᐅᖓᓇᕐᑑᓚᐅᕐᐳᑎᑦ; ᐅᕙᓐᓂᒃ ᓇᒡᓕᒍᓱᖕᓃᑦ ᐱᐅᔪᕐᔪᐊᖑᓚᐅᕐᐳᖅ, ᐊᕐᓁᑦ ᐊᒡᓛᑦ ᓇᒡᓕᒍᓱᖕᓂᖓᓂᑦ ᐱᐅᓂᕐᓴᐅᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 23:6

ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᐊᑕᓃᑦ ᐂᑉᐸᖏᑦ 23:36

ᔨᕼᐅᐃᐊᑭᒻ 25ᓂᒃ ᐊᕐᕌᒍᖃᓚᐅᕐᐳᖅ ᐊᖓᔪᖅᑳᕐᔪᐊᓐᖑᕋᒥ ᔫᑕᒥᐅᓄᑦ, ᔨᕉᓴᓕᒥ ᐊᐅᓚᑦᓯᔨᐅᓚᐅᕐᐳᖅ ᐊᕐᕌᒍᓂᒃ 11ᓂᒃ, ᐊᓈᓇᖓ ᐊᑎᖃᕐᐳᖅ ᔨᐳᑕ ᐱᑍᐊᐅᑉ ᐸᓂᖓ, ᓄᓇᒥᑦ ᕉᒪᒥᑦ ᐱᓯᒪᓪᓗᓂ.

ᐊᑕᓃᑦ ᐂᑉᐸᖏᑦ 24:6

ᔨᕼᐅᐃᐊᑭᒻ ᐃᓅᔪᓐᓃᕐᒪᑦ, ᐃᕐᓂᖓᑕ ᔨᕼᐅᐃᐊᑭᓐ ᑭᖑᕝᕕᓕᓚᐅᕆᕚ ᐊᖓᔪᖅᑳᕐᔪᐊᓐᖑᕐᓗᓂ ᐃᓂᖓᓂ.

ᑯᕉᓂᑲ ᐂᑉᐸᖏᑦ 36:5

ᔨᕼᐅᐃᐊᑭᒻ ᐊᕐᕌᒍᖃᓚᐅᕐᐳᖅ 25ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 11ᓂᒃ ᔨᕉᓴᓕᒥ. ᐱᓂᐊᕐᓂᖃᓚᐅᕐᐳᕐᓗ ᐱᐅᖏᑦᑐᓂᒃ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 22:12

ᑐᖁᔪᒫᕐᒪᑦ ᑎᒍᔭᐅᓯᒪᕕᒋᔭᒥᓃᓪᓗᓂ, ᓄᓇᒥᒡᓗ ᑕᒪᑐᒥᖓ ᑕᑯᒃᑲᓐᓂᕈᓐᓇᕐᓯᔪᒫᓐᖏᓚᖅ.”

ᑯᕉᓂᑲ ᓯᕗᓪᓖᑦ 3:15

ᔫᓮᐊᐅᑉ ᐃᕐᓂᖏᑦ ᐅᑯᐊᖑᕗᑦ ᔪᕼᐋᓇᓐ ᐊᖓᔪᒃᓯᕐᐹᖅ, ᑐᖓᓕᖓ ᔨᕼᐅᐃᐊᑭᒻ, ᐱᖓᔪᐊᑦ ᔨᑎᑬᐊ, ᓯᑕᒪᖓᑦ ᓴᓗᒻ.

ᔨᕆᒤᐊᐅᑉ ᐊᒡᓚᖏᑦ 21:11

“ᐅᖃᕐᑐᒃᓴᐅᒋᕗᑎᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖓᓄᑦ, ‘ᐊᑕᓂᐅᑉ ᐅᖃᐅᓯᖓ ᑐᓴᕐᓯᐅᒃ,

ᔨᕆᒤᐊᐅᑉ ᐊᒡᓚᖏᑦ 36:30

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᐅᓯᒃᓴᖃᕐᐳᖅ ᔨᕼᐅᐃᐊᑭᒧᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ: ᑍᕕᑎᐅᑉ ᐊᖓᔪᖅᑲᐅᕕᖓᓂ ᐊᖓᔪᖅᑳᖑᔪᒃᓴᖁᑎᖃᕐᓂᐊᓐᖏᓚᑎᑦ, ᑎᒦᑦ ᐃᒋᑕᐅᔪᒫᕐᐳᖅ ᒪᓂᖅᑲᒧᑦ ᐅᓪᓗᒃᑯᑦ ᓯᕿᓂᕐᒧᑦ ᐆᑕᐅᖁᓪᓗᑎᑦ, ᐅᓐᓄᐊᒃᑯᓪᓗ ᖁᐊᕐᓇᕐᑐᒧᑦ ᐱᔭᐅᖁᓪᓗᑎᑦ.