ᔨᕆᒤᐊᐅᑉ ᐊᒡᓚᖏᑦ 2:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 2:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᐃᓐᖏᕈᑎᑦ 105:6

ᐃᓕᑦᓯ ᐱᔨᖓᑕ ᐂᑉᕋᕼᐋᒻ ᑭᖑᕚᖏᑦ, ᔧᑰᓪᓗ ᕿᑐᕐᖓᖏᑦ, ᑖᑦᓱᒧᖓ ᓂᕈᐊᕐᑕᐅᓯᒪᔪᑦ!

ᐃᓐᖏᕈᑎᑦ 44:2

ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

ᐃᓐᖏᕈᑎᑦ 80:8

ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ; ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ ᓄᓇᖏᓐᓄᑦ ᐃᓕᖔᓚᐅᕐᐸᑦ.

ᐃᓐᖏᕈᑎᑦ 80:9

ᐃᓂᒃᓴᖓᓂᒃ ᐋᖅᑭᒃᓱᐃᓯᒪᓚᐅᕋᕕᑦ; ᓄᓇᐅᑉ ᐃᓗᐊᓄᑦ ᐊᒫᖏᑦ ᐳᓚᒪᑦᓯᐊᕐᑎᑉᐸᑎᑦ ᓄᓇᓕᒫᒥᓗ ᓈᔨᓯᒪᑎᓪᓗᒋᑦ.

ᒨᓯᓯ ᐂᑉᐸᖏᑦ 15:17

ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 1:21

ᐃᒡᓗᒐᓮᑦ ᑲᔪᓯᑦᓯᐊᕐᑐᒥᒃ ᐱᓇᓱᐊᕐᑐᑦ ᐊᖑᓐᓂᐊᕐᑎᐅᓕᕐᐳᑦ! ᐸᓯᔭᒃᓴᐅᖏᑦᑐᒥᒃ ᐱᓇᓱᐊᓚᐅᕐᑐᑦ ᓇᓛᒎᕐᓂᕐᒥᓪᓗ ᐃᓂᒋᔭᐅᓚᐅᕐᑐᑦ, ᒫᓐᓇᓕ ᐃᓄᐊᕐᑎᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 27:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐅᖃᕈᒫᕐᐳᖅ, “ᐱᕈᕐᓰᕕᖁᑎᒐ ᐊᐅᐸᕐᑐᒥᒃ ᕔᓂᓕᒃᓴᖅ!

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 5:4

ᓱᓇᒥᒃ ᐱᔭᕆᐊᖃᒃᑲᓐᓂᕋᓗᐊᕐᓗᖓ ᐱᓐᓂᖏᓐᓇᒫ? ᐸᐅᕐᖓᑦᓯᐊᕙᖕᓂᒃ ᓂᕆᐅᒃᑲᓗᐊᕋᒪ, ᓱᖕᒪᑦ ᐸᐅᕐᖓᓂᒃ ᐱᐅᖏᑦᑐᓂᒃ ᐱᕈᕐᑐᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 11:16

ᐊᑕᓂᐅᑉ ᑍᕙᓚᐅᕐᐹᓯ, ‘ᐆᒪᑦᓯᐊᕐᑐᖁᑎᒋᓂᕋᕐᓗᓂᓯ ᓇᐹᕐᑐᑎᑐᑦ ᐅᕐᓱᒃᓴᕐᑕᓕᒃᑎᑐᑦ ᐱᕈᕐᕕᐅᓯᒪᑦᓯᐊᕐᓂᕐᒥᖕᓄᑦ ᑕᑯᒥᓇᕐᑐᑎᑐᑦ’; ᑲᓪᓕᕐᒧᓪᓕ ᐃᑯᐊᓪᓚᒃᑕᐅᔪᒫᕐᐳᑦ, ᓇᐹᕐᑑᓪᓗ ᐊᕙᓚᖓᔪᖏᑎᑐᑦ ᐊᓯᕈᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 11:17

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 5:10

ᐸᐅᕐᖓᓕᒃᓴᓂᒃ ᐱᕈᕐᓰᕕᖁᑎᖏᑦ ᐊᓯᕈᓕᕐᓯᐅᒃ, ᑭᓯᐊᓂ ᓄᖑᑎᒻᒪᕆᒃᑍᓕᓗᒋᑦ, ᐊᕙᓚᖓᔪᖏᑦ ᐱᕈᕐᕕᐅᔪᒃᓴᑦ ᓇᑲᑎᕐᓗᒋᑦ, ᑖᒃᑯᐊ ᐊᑕᓂᐅᑉ ᐱᒋᖏᒻᒪᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:1

ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ, ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 15:2

“ᐃᓅᑉ ᐃᕐᓂᖓ, ᕔᓂᓕᐅᕐᕖᑦ ᖃᓄᖅ ᐊᑦᔨᖃᕐᐸᑦ ᓇᐹᕐᑐᓂᒃ? ᕔᓂᓕᐅᕐᕖᑦ ᐊᕙᓚᖓᔪᖏᑦ ᖃᓄᖅ ᕿᔪᑦᑎᐊᕙᐅᓂᕐᓴᐅᕚᑦ ᓇᐹᕐᑐᐃᑦ ᐊᑯᕐᖓᓐᓂ?

ᒫᑎᐅᓯᐅᑉ ᐊᒡᓚᖏᑦ 21:33

ᔩᓱᓯ ᐅᖃᕐᐳᖅ, “ᑐᓴᒃᑲᓐᓂᓚᐅᕆᑦᓯ ᐊᑦᔨᐅᔫᑉ ᐊᓯᐊᓂᒃ; ᑍᑦᓱᒪᓂ ᓄᓇᖁᑎᓕᒃ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᒥᓂ ᑲᓐᖓᕐᓱᐃᓚᐅᕐᐳᖅ, ᑖᓐᓇ ᐱᕈᕐᓰᕕᖁᑎᓂ ᐊᕙᓗᓕᐅᕐᐹ, ᐃᑎᕐᓴᓕᐅᕐᓗᒋᓪᓗ ᐅᐂᓂᖃᐅᑎᒃᓴᓂᒃ ᐋᖅᑭᒃᓱᐃᓚᐅᕐᐳᖅ, ᐳᕐᑐᔪᒥᒃ ᖃᐅᔨᓴᕐᕕᒃᓴᒥ ᓴᓇᓪᓗᓂ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᐱᕈᕐᓰᕕᖕᒥᒃ ᑲᒪᔨᓄᑦ, ᓄᓇᐅᓪᓗ ᐊᓯᐊᓄᑦ ᐊᐅᓪᓚᕐᖢᓂ.

ᒫᑯᓯᐅᑉ ᐊᒡᓚᖏᑦ 12:1

ᔩᓱᓯᐅᑉ ᐊᔪᕆᕐᑐᕐᐰᑦ ᐊᑦᔨᐅᔪᑎᒍᑦ, ᐅᖃᕐᓗᓂ: “ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᐱᕈᕐᓰᕕᖕᒥᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ, ᐃᑎᕐᓴᓕᐅᕐᓗᓂ ᐅᐂᓂᑦ ᐃᑦᓯᔭᕐᑕᐅᕕᒃᓴᖓᓂᒃ, ᑕᕝᕙᓂ ᐃᒡᓗᓕᐅᕐᐳᖅ ᐳᕐᑐᔪᒥᒃ ᖃᐅᔨᓴᕐᕕᒃᓴᒥᒃ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᑲᒪᔨᐅᓂᐊᕐᑐᓄᑦ, ᐱᔭᕇᕋᒥ ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ.

ᓘᑲᓯᐅᑉ ᐊᒡᓚᖏᑦ 20:9

ᐃᓄᐃᑦ ᐊᑦᔨᐅᔪᒥᒃ ᐃᒤᑦᑐᒥᒃ ᐅᖃᕐᕕᒋᕔᑦ: “ᐊᖑᑎᑕᖃᓚᐅᕐᐳᖅ ᐸᐅᕐᖓᓕᒃᓴᓂᒃ ᑲᓐᖓᕐᓱᐃᔪᒥᒃ ᐱᕈᕐᓰᕕᖕᒥ, ᑮᓇᐅᔭᓕᐅᕈᑎᒋᔪᒪᓪᓗᒍ ᐊᑐᕐᑕᐅᑎᑉᐹ ᑲᒪᔨᓄᑦ, ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ ᐊᑯᓂ ᐊᐅᓚᕐᓯᒪᔭᕐᑐᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 15:1

“ᐅᕙᖓ ᓱᓕᔪᒥᒃ ᓇᐹᕐᑑᕗᖓ ᐅᐂᓂᒃᓴᓕᒃ, ᐊᑖᑕᒐᓗ ᐸᐅᕐᖓᓕᒃᓴᓂᒃ ᐱᕈᕐᓰᕕᓕᕆᔨᐅᕗᖅ.

ᒨᓯᓯ ᑕᓪᓕᒪᖏᑦ 32:32

ᐊᑭᕋᕐᑐᕐᑎᖏᑦ, ᐱᐅᖏᑦᑐᐊᓘᕗᑦ ᓱᑑᒪᒥᐅᑎᑐᑦ ᒍᒨᕋᒥᐅᓪᓗ ᐱᕈᕐᓰᕕᖏᑎᑐᑦ; ᐸᐅᕐᖓᖏᑦ ᕔᓂᒃᓮᑦ ᑐᖁᓐᓇᕐᐳᑦ, ᐸᐅᕐᖎᓪᓗ ᕔᓂᒃᓮᑦ ᑲᑎᓐᖓᔪᑦ ᖃᓯᓕᓇᕐᐳᑦ,

ᒨᓯᓯ ᑕᓪᓕᒪᖏᑦ 4:37

ᓯᕗᓕᕕᓂᕐᓯ ᓇᒡᓕᒋᒐᒥᒋᑦ, ᑕᕝᕙ ᓂᕈᐊᓚᐅᕐᐹᓯ, ᐱᔪᓐᓇᕐᓂᕐᔪᐊᕐᒥᓄᑦ ᓇᖕᒥᓂᖅ ᐊᓂᑎᓚᐅᕐᐹᓯ ᐄᑦᔨᑉᑎᒥᑦ.

ᔮᓱᐊᑉ ᐊᒡᓚᖏᑦ 24:31

ᔮᓱᐊᓪᓗ ᐃᓅᓂᓕᒫᖓᓂ ᐃᓴᕆᐊᓕᒥᐅᑉ ᐃᓄᖏᑦ ᐊᑕᓂᕐᒥᒃ ᐱᔨᑦᓯᓚᐅᕐᐳᑦ, ᑐᖁᓂᖓᑕᓗ ᑭᖑᓂᖓᓂ ᐊᖓᔪᖅᑳᖑᔪᑦ ᔮᓱᐊᒥᑦ ᐃᓅᑯᑖᖕᓂᕐᓴᐅᓚᐅᕐᑐᑦ ᑲᔪᓯᑦᓯᐊᓚᐅᕐᐳᑦ, ᓇᖕᒥᓂᕐᓗ ᑕᑯᓚᐅᕐᐳᑦ ᐊᑕᓂᐅᑉ ᐱᓂᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ.