ᔨᕆᒤᐊᐅᑉ ᐊᒡᓚᖏᑦ 18:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: “ᐃᓅᖃᑎᒌᒡᔪᐊᓄᑦ ᖃᐅᔨᓇᓱᐊᓕᕆᑦ ᑍᒫᒃ ᐅᖃᕐᑐᖃᓚᐅᕐᓯᒪᖕᒪᖔᑕᓕ ᑍᒤᓚᐅᕐᓯᒪᖏᑦᓯᐊᕐᓗᑎᒃ ᐃᓴᕆᐊᓕᒥᐅᑦ ᐱᔭᒃᓴᐅᖏᑦᑐᐊᓗᖕᒥᒃ ᐊᑐᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 18:13 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 5:30

ᑲᑉᐱᐊᓇᕐᑐᒥᒃ ᖁᐊᕐᓵᖓᓇᕐᑐᒥᒡᓗ ᓄᓇᒧᑦ ᓇᓪᓕᐅᑎᓯᒪᔪᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 6:10

ᑕᑯᓯᒪᕗᖓ ᐱᐅᖏᑦᑐᐊᓗᖕᓂᒃ ᐃᓴᕆᐊᓕᐅᑉ ᑭᖑᕚᖏᓐᓂ; ᐃᓄᖁᑎᒃᑲ ᐃᕗᕅᒥᐅᑦ ᑕᕝᕙᓂ ᐊᓯᓐᓂᐊᖃᑦᑕᕐᐳᑦ ᐊᑐᒐᕐᓂᒃ ᐱᖃᑎᑲᕐᑐᑎᑐᑦ, ᐃᓴᕆᐊᓕᒥᐅᑦ ᓇᕐᕈᓇᕐᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 66:8

ᑭᓇ ᑍᒤᑦᑐᒥᒃ ᑐᓴᓚᐅᕐᓯᒪᕚ? ᑭᓇᓗ ᑍᒤᑦᑐᒥᒃ ᑕᑯᓚᐅᕐᓯᒪᕙ? ᓄᓇ ᐃᕐᓂᐊᖑᔪᓐᓇᕐᐹ ᐅᓪᓗᐃᓐᓇᖅ? ᐃᓅᖃᑎᒌᒡᔪᐊᕐᑕᖃᓕᕈᓐᓇᕐᐸᓗ ᑕᕝᕙᑦᓴᐅᑎᒋ? ᓮᐅᓂ ᐃᕐᓂᓱᓕᕐᓗᓂᓗ ᐃᕐᓂᕐᑖᕐᑐᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:4

ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15

ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 36:22

ᑕᕝᕙ ᐃᓔᐊᑭᒻ, ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨ, ᓯᑉᓇᓗ ᐊᒡᓚᒃᑎ, ᔪᐊᓗ ᐊᓴᐸᐅᑉ ᐃᕐᓂᖓ, ᐊᓐᓄᕌᒥᖕᓂᒃ ᐊᓕᒃᑐᐃᕗᑦ ᕿᒃᓵᖕᓂᕐᒧᑦ, ᕼᐃᓯᑬᐊᒧᓪᓗ ᐂᕗᑦ ᑐᓴᕐᑎᒋᐊᕐᑐᕐᓗᒍ ᐊᓯᕆᐊᒥᐅᑦ ᐊᖓᔪᖅᑳᖁᑎᖏᑦᑕ ᐅᖃᐅᓯᕆᔭᖏᓐᓂᒃ.

ᓴᒧᐃᓕ ᓯᕗᓪᓖᑦ 4:7

ᐱᓕᔅᑍᓂᒥᐅᑦ ᑲᑉᐱᐊᓱᓕᕐᐳᑦ; ᐅᖃᕐᓗᑎᒡᓗ, “ᒎᑎ ᑕᖕᒫᕐᓯᒪᕕᖓᓐᓄᐊᕐᑕᐅᕗᖅ! ᓵᓚᐅᓂᐊᓕᕐᐳᒍᑦ! ᑍᒫᒃ ᑕᒪᑐᒪ ᓯᕗᓂᖓᒍᑦ ᐱᓂᐊᕐᕕᐅᓚᐅᕐᓯᒪᓐᖏᓚᒍᑦ!

ᔨᕆᒤᐊᐅᑉ ᐊᒡᓚᖏᑦ 18:14

ᓕᐸᓇᓂᐅᑉ ᖃᖅᑲᖏᑕ ᐊᐳᑎᖓ ᐊᓯᐅᑐᐃᓐᓇᓚᐅᕐᓯᒪᕚ? ᑰᖏᓪᓘᓐᓃᑦ ᐅᖓᓯᒃᑐᒥᑦ ᑰᒃᑐᑦ ᐃᒤᕈᑎᑐᐃᓐᓇᓚᐅᕐᓯᒪᕚᑦ?

ᐂᒨᓯᐅᑉ ᐊᒡᓚᖏᑦ 5:1

“ᐅᖃᐅᓯᖅ ᐅᓇ ᓈᓚᒃᓯᐅᒃ ᐃᓕᑦᓯᓐᓄᑦ ᓵᓐᖓᓯᑦᔪᑎᒐ, ᐅᒡᒍᐊᓕᕆᑦᓯ, ᐃᓴᕆᐊᓕᒥᐅᑦ ᐃᓄᖏᑦ:

ᐂᒨᓯᐅᑉ ᐊᒡᓚᖏᑦ 5:2

ᐊᕐᓇᖅ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᐃᓴᕆᐊᓕᒥᐅᖅ ᐅᕐᕈᕗᖅ; ᒪᑭᒃᑲᓐᓂᕐᓂᐊᕈᓐᓁᕐᓗᓂ! ᓇᓚᕗᖅ ᕿᒪᒃᑕᐅᓪᓗᓂ ᓄᓇᒥᓂ; ᑭᓇᒥᒡᓘᓐᓃᑦ ᒪᑭᑎᑦᓯᔨᒃᓴᖃᓐᖏᓚᖅ.”