ᔨᕆᒤᐊᐅᑉ ᐊᒡᓚᖏᑦ 17:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᒡᓗᑦᓯᓐᓂᑦ ᐊᒡᔭᕐᓯᓗᓯ ᐊᓂᔪᒃᓴᐅᓐᖏᓚᓯ ᐱᓇᓱᐊᕐᑐᒃᓴᐅᓇᓯᓗ ᓴᐸᑎᒥ, ᓴᐸᑎᓕ ᐃᑦᔪᕐᓁᑎᑕᒃᓴᕆᕙᓯ, ᓯᕗᓕᓯ ᑍᒫᒃ ᐱᖁᓚᐅᕋᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 17:22 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 13:15

ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 58:13

“ᓴᐸᑎ ᑲᒪᒋᑦᓯᐊᕐᓂᐊᕈᑦᓯᐅᒃ, ᐱᔪᒪᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ ᐅᓪᓗᖅ ᐃᑦᔪᕐᓁᑎᑕᕋ, ᓴᐸᑎᓗ ᑍᓪᓗᒍ ᖁᕕᐊᓇᕐᑐᒥᒃ, ᐊᑕᓂᐅᑉ ᐅᓪᓗᖓ ᐃᑦᔪᕐᓁᑦᑐᖅ ᐅᐱᓐᓇᕐᑑᑎᒃᑯᑦᓯᐅᒃ; ᐅᐱᒋᒍᑦᓯᐅᒡᓗ, ᐊᑐᕈᒪᔭᑐᐃᓐᓇᕐᓂᒃ ᐱᓇᓱᐊᕐᕕᒋᖏᓪᓗᒍ, ᖁᕕᐊᒋᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ, ᐅᖃᕈᓘᔭᑐᐃᓐᓇᕐᕕᒋᖏᓪᓗᒍᓗ ᐊᑐᖏᑦᑐᓂᒃ;

ᔨᕆᒤᐊᐅᑉ ᐊᒡᓚᖏᑦ 17:24

“‘ᓈᓚᑦᓯᐊᕈᑦᓯᓐᖓᓕ, ᐊᑕᓂᖅ ᐅᖃᕐᐳᖅ, ᓴᐸᑎᐅᑎᓪᓗᒍ ᐊᒡᔭᕐᓯᓗᓯ ᐊᕙᒻᒧᒐᕐᑍᓕᓗᓯ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ, ᐃᑦᔪᕐᓁᑎᒃᑯᑦᓯᐅᒡᓗ ᓴᐸᑎ ᓴᓇᕕᒋᑦᑍᓕᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 20:12

ᓴᐸᑎᖁᑎᓐᓂᒡᓗ ᑐᓂᓚᐅᕐᐸᒃᑲ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᒃᓯᒪᓂᑦᑎᓐᓂᒃ, ᖃᐅᔨᖁᓪᓗᒋᑦ ᐅᕙᖓ ᐊᑕᓂᖅ ᐃᑦᔪᕐᓁᑎᑦᓯᓯᒪᓂᓐᓂᒃ ᑖᒃᑯᓂᖓ.

ᐃᓯᑭᐊᓕᐅᑉ ᐊᒡᓚᖏᑦ 22:8

ᐃᑦᔪᕐᓁᑦᑐᖁᑎᒃᑲ ᓇᕐᕈᒋᕙᓯ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ.

ᒨᓯᓯ ᐱᖓᔪᖏᑦ 19:3

ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 23:3

ᐅᓪᓗᓂᒃ 6ᓂᒃ ᐱᓇᓱᐊᕐᕕᒃᓴᖃᕐᐳᓯ, ᐅᓪᓗᐃᓪᓕ 7ᖓᑦ ᓴᐸᑎᐅᕗᖅ ᑕᕾᕐᓯᕐᕕᒃ, ᐅᓪᓗᖅ ᑖᓐᓇ ᑐᒃᓯᐊᕐᓂᕐᒧᑦ ᑲᑎᒪᕕᒃᓴᐅᕗᖅ. ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᑎᑦ; ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᐊᑕᓂᐅᑉ ᓴᐸᑎᒋᖕᒪᒍ.

ᓴᑲᕅᐊᐅᑉ ᐊᒡᓚᖏᑦ 1:4

“ᓯᕗᓕᕕᓂᑦᓯᑐᑦ ᐱᖁᓐᖏᓚᑦᓯ, ᑍᒃᑯᐊ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐅᖃᕐᕕᐅᕙᓚᐅᕐᐳᑦ ᐃᒫᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑐᕐᓂᕐᓗᒃᑕᑦᓯᓐᓂᑦ ᖃᕿᐊᓕᕆᑦᓯ ᐱᐅᖏᑦᑐᓕᓂᕆᕙᒃᑕᑦᓯᓐᓂᓪᓗ.’ ᑍᒫᒃ ᑐᓴᕋᓗᐊᕋᒥᒃ ᓈᓚᓚᐅᓐᖏᓚᑦ ᒪᓕᒍᒪᓚᐅᓐᖏᓚᓪᓘᓐᓃᑦ.

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᓘᑲᓯᐅᑉ ᐊᒡᓚᖏᑦ 6:5

ᔩᓱᓯᐅᑉ ᐅᖃᐅᑎᕔᑦ, “ᐃᓅᑉ ᐃᕐᓂᖓ ᐊᑕᓂᐅᖕᒪᑦ ᓴᐸᑎᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.